هل انت طموح؟

السلام عليكوا انا ان شاء الله هنزل اختبارات شخصية جامدة موت ويارب تعجبكوا وياريت كل واحد يحاول يجاوب علي الاسئلة عشان يعرف اية هي ملامح شخصيتة او صفاتة لاني انا من وجهة نظري اني الانسان مايقدرش يحدد صفاتة او يحدد شخصيتة من نفسة كدة .
اولا انا هقولكوا علي طريقة الحل المفروض مثلا اني هنزلكوا اختبار عن انك انسان واثق من نفسك ولا لاوهيكون فية مجموعة من الاسئلة المفروض انك تجاوب عليها بنعم او لا وهتلاقي عندك بعد الاسئلة درجات الاجابة يعني مثلا نعم=1 ،لا=0 وانت هتعطي نفسك الدرجة علي اساس اجابتك طبعا وبعد كدة هتجمع الدرجات الي انت حصلت عليها وعلي اساس مجموع الدرجات هيتحددلك انت واثق من نفسك ولا وهكذا وهكذا
ويارب طبعا تتعجبكوا وياريت تقولولي رايكوا اية في الاختبارات وياجماعة ياريت كل واحد يكتب هو حصل علي كام درجة واية هي الصفات الي بتقابل الدرجة دي طبعا دة مش فضول لكن عشان كلنا نكون متواصلين مع بعض وطبعا ياريت الموضوع دة يتم بمنتهي الامانة فاهمني طبعا لاني دة في الاول وفي الاخر ليك ولنفسك تعرف علي شخصيتك ودة اول اختبار يارب يعجبكوا

هل انت طموح؟

1-هل تريد ان تصبح غنيا وشهيرا في يوم ما؟
2-هل تفكر انك ستصبح غنيا ومشهورا في يوم ما؟
3-هل تحب السيارة الكبيرة غالية الثمن؟
4-هل تعرف بشكل محدد نوع ومديل السيارة التي ترغب في شرائها؟
5-هل تحب ان تسكن في شقة كبيرة في العاصمة؟
6-هل تحب ان يكون لديك خدما يتولون شئون حياتك؟
7-عندما تلعب مباراة هل تحب دائما الفوز؟
8-هل اقترضت يوما نقودا من اجل الاشتراك في مغامرة في ميدان العمل؟
9-عندما تتاح لك فرصة سانحة لاكتساب المزيد من الاموال هل تقدم علي التنفيذ حتي لو كانت العملية لاتتفق مع مباديء الشرف؟
10-هل تقبل الهجرة الي مكان بعيد عندما تعتقد ان ظروف العمل هناك افضل؟
11-هل تحب ادارة اعمالك الخاصة؟
12-هل تعتقد ان الاغنياء واصحاب الشهرة يتكلمون بصفة عامة افضل من افراد الشعب؟
13-هل تقبل علي العمل بهمة ونشاط عندما تعتقد ان ذلك يساعد علي تحويلك الي شخص غني؟
14-هل تحب ان تكون وجها مالوفا عند عامة الناس؟
15-هل تعتقد انك شخص مختلف عن الاخرين؟

نعم=1 ،لا=0

*الدرجة من 9-15:

تتوافر لديك نزعة قوية للطموح، تسيطر علي خطواتك قوي خفية وارادة قوية للترقي وتمتلك بلا شك موهبة طبيعية وبقليل من الارادة والحظ الطيب والظروف المناسبة يمكنك الوصول الي مرتبة الشهرة.

*الدرجة من5-8:

يتوافر لديك درجة مقبولة من الطموح ولكنك في حاجة الي مزيد من اليقظة والتنبة والفطنة والاحساس الفطري بالفرص السانحة واكتساب سرعة ردود الافعال تجاة الفرص واغتنام المكاسب بمجرد ظهور اول بادرة حقيقية للكسب والترقي. عليك اذن تجنب التردد والتفكير البطيء والتخوف بلا سبب جوهري والحرص الزائد ،اغتنم الفرصة بمجرد ظهورها ولا تضيع الوقت في التفكير وحساب الخطوة بتان قبل الاقدام علي العمل.

*الدرجة 4 او اقل:

طموحك الشخصي ضعيف. انت سعيد بواقع حياتك علي صورتها الحالية وترغب في الاستمتاع بوقتك الحالي ولا تريد المخاطرة والكفاح من اجل الحصول علي مزيد من النجاح.

انا ياجماعة جاوبت علي الاسئلة وجمعت 10 درجات...................
يعني تتوافر لدي نزعة قوية للطموح وتسيطر علي خطواتي قوي خفية وارادة قوية للترقي...........................وهكذا

يالا بقي اعملوا الاختبار وشوفوا مين فيكوا طموح ومين مش طموح وياريت تقولولي رايكوا في الاختبار

وانتظروا المزيد من الاختبارات

مرسي ياماري علي مشاركتك وانا مبسوطة انة عجبك واكيد هنزلوكوا كتيييييييييييييييييييييييييييييييييييييييير

ديدى ممكن اطلب منك طلبين
معلش انا عرفه رخمه شويه
الطلب الاول وده مهم ممكن تقوليلى اما مارى مور او ميرو بس والنبى بلاش مارى لوحدها
الطلب الثانى
ممكن لما ان شاء الله لما تنزلى مواضيع لاختبار الشخصيه تكن زى اللى فوق نعم او لا
او تكون الاختيارات تكون واضحه ومتلخبطش

انا اسفه لو اسلوبى ازعجك بس فعلا فى اختبارات زى ديه الواحد بيبقى محتار يختار ايه

وجزاكى الله كل خير

انتي ولا رخمة ولا حاجة اسمحيلي اني اقولك ميرو وسوري لو ازعجتك لما قولتلك ماري بس
وياسيتي بالنسبة للاختبارات كلها الي هنزلها هتكون اجابتها بنعم او لا وهتكون مرتبة وواضحة غير الموجود تماما مع احترامي للي عامل الاختبارات التانية بس هي كانت عايزة شيوية تنظيم المهم ماعلينا انتي هتشوفي الاختبارات الجديدة وانتي هتحكمي عليها وياريت لو عندك ملاحظة علي اي اختبار هنزلة ياريت تقولية ومرسي علي اهتمامك يا ميرو

ميرسى ي ديدي و فى انتظار المزيد

بس انا مش عارفه الاختبار للاسف منفعش معايا

او مكنتتش قادرة انى اجاو بنعم فى اغلب الحالات

يمكن لان انا معنديش طموح انى اكون غنيه

لكن عندى طمووووحااااااااااااات تانيه كتيرة جدا


و الناس اللى عارفنى عارفين انى طموحه جدا

بس انا طموحى لحاجات تانيه غير الفلوس و العربيه و كدة

طموحى جمع الناس و حبهم و تاالفهم و نهضة بلادنا و و التفوق

انا عايزة ممكن البلد كلها تبقى غنيه لكن الغنى الشخصى بلاموال انا مش بحبه اوى

مش عارفه

هل متفقين معايا

مرسي يا ندي علي مشاركتك وعلي فكرة الاختبار دة شامل الطموح بشكل عام يعني مش عشان تبقي غنية او غير كدة ركزي شوية في الاسئلة وهتلاقي عندي حق لاني في الاسئلة مش مركز بس علي الفلوس او كدة

وانتي بردك مش قولتلنا انتي جبتي درجات قد اية ..................
وكلنا اكيد طموحتنا ذيك لاننا كلنا مصريين ومرسي ليكي

اه فعلا عندك حق ما انا خدت بالى من كدة

بس اقصد الغالبيه عن حاجات ماديه

بس طبعا ميرسى ليكى يا حبيبتى و ربنا يكرمك

انا جيبت 12


ويمكن اكتر


بس كفاية 12


علشان الطموح الزايد عن حده ، بيتقلب لضده


وده بيحصل كتير



شكرا


طبعا موضوع جامد

فى انتظار المزيد

مرررررررررررررررررررررسي يا ياسو
وان شاء الله انتظروا المزيد

شكرااااااااااااا على الموضوع يا ديدى ، وأنا جاوبت على الأسئلة وجبت 9

يعنى الحمدلله كويسة

الحمد لله يالوليتا بس اية موضوع رقم 9 معاكي

هههههههههههههههههههههههه

2

أنا 11 نعم

يبقى أنا

تتوافر لديك نزعة قوية للطموح، تسيطر علي خطواتك قوي خفية وارادة قوية للترقي وتمتلك بلا شك موهبة طبيعية وبقليل من الارادة والحظ الطيب والظروف المناسبة يمكنك الوصول الي مرتبة الشهرة.