بسم الله الرحمن الرحيم
فى ناس كتير بتصادف مشاكل بصرف النظر عن ماهيتها بعضنا بيقدر يتغلب على مشاكله والبعض الاخر ممكن ينهار ويحس بالفشل
فى حاجه مهمه لازم نخلى بالنا منها ان عمر مالفشل كان عائق ممكن يوقف حياتك ولو مش مصدقنى اقرأ قصه الراجل ده
الراجل ده اسمه سوشيرو هوندا
فى عام 1938 كان سوشيرو شاب فقير.. وكان كل ما يتمناه فى حياته هو انه يبيع احدى قطع الغيار الى قامبتصميمها الى شلركه تيوتا..وده طبعا حلم كبير جدا على شاب فى مقتبل العمر
راح يبذل الكثير من المجهود فى تصميم هذه القطعه وتصنيعها..وبمجلرد ما قدر يعمل ده توجه لمصنع تويوتا ليحقق حلمه وليبيعها للمصنع..لكن مصنع تويوتا رفض!
هل شعر بالفشل؟لا...حاول من جديد وسهر اليالى وهوبيحاول تعديل القطعه دى ويحسنها..فنجح واشترتها منه تويوتا اخيرا..توفر المال طبعا مع عمنا هوندا فقرر انه يبنى مصنع ينتج قطع غيار السيارات..وكانت الحكومه اليابانيه فى الوقت ده بتستعد للحرب ولم تكن المواد الخرسانيه متوافره..فلم يستطع بناء المصنع
هل شعر بالفشل؟لا...عرفين عمل ايه؟ قرر انه يخترع هو واصدقائه خلطه خرصانيه من صنعهم هم..عشان يبنى المصنع الى بيحلم بيه(تخيل؟) وبالفعل قدر يبنى المصنع من الخلطه دى وبدأ المصنع فعلا الانتاجويدر عليه فلوس كتيير..لكن..اثناء الحرب قذفت الطائرات الامريكيه مصنع الراجل ودمرت معظمه
هل شعر بالفشل؟
(انا لو مكانه كان حرالى حاجه)
لا برده...خرج من المصنع فورا..وامر موظفيه بان يحاولوا معرفه المكان الذى تهبط فيه هذه الطائرات لتغير وقودها..وامرهم باخذ هذا الوقود لانه سيفيدهم فى عمليه التصنيع..فهم لايجدون المواد الخام الازمه..واستطاع سوشيرو هوندا اعاده بناء المصنع وبدا فى الانتاج من جديد..لكن..ضرب اليابان زلزال جامد اوى خلى مصنعه يتهد..قام باع صجبنا ماتبقى من المصنع وباع حق التصنيع لشركه تانيه وده لان حقق خسائر عاليه اوى مخلتهوش يقدر يستمر فى اداره المصنع..
هل شعر بالفشل؟مممم..لا برده..كانت اليابان فى الوقت ده بتعانى من اوزمه وقود رهيبه..لدرجه انها كانت بتوزع الوقود على المواطنين بنظام الحصص ..وكانت حصه كل مواطن متكفيش انه حتى يروح بعربيته يشترى احتياجاته الاساسيه..فقرر صحبنا انه يعمل فكره ظريغه اوى..كانت عنده مكينه لقص الحشائش ..فك موتورها وركبه فى دراجه هوائيه عاديه كانت عنده ودى كانت اول دراجه بخاريه فى العالم..الناس عجبتها الفكره جدا لان استهلاكها للوقود مثالى واستطاع سوشيرو انه يبيع كميات كتير منها للناس وتوقع انه هيجنى الملايين من هذه الفكره..لكن هذا لم يحدث فى بادئ الامر لوجود عيوب فى هاذا الاختراع زى كبر حجمه وضخمته..فبعد فتره رفض الناس المشروع..
هل شعر بالفشل؟
برده لا...قرر انه يطور الاختراع بحيث انه يتفادى العيوب..وفعلا قدر انه ينجح فى النهايه..وجنى الملايين والملايين من هذا الختراع واستطاع انه يحصل على جائزه الامبراطور فى اليابان لمساهماته فى المجتمع وانجازاته وبعد طده انشأ مصنعه الذى يعد من اكبر المصانع حول العالم..
مصنع هوندا للسيارات.
يعنى بجد قصه الراجل ده فيها الكثير من العبر والدروس التى تستحق التفكير زى مثلا لو اى حد بيواجه معوقات او مشاكل بتمنعه عن تحقيق هدفه اوعى تحس بالفشل وحاول مره و2 و3 وان شاء الله هتوصل وتحقق حلمك زى معمل عمنا هوندا وكتير غيره.
(ملحوظه : القصه موجوده فى سلسله برمج عقلك لاستاذ عمرو عرفه)