النظرة السلبية للذات كيف تتكون؟؟ ولماذا؟

هناك الكثير من الاشخاص ينظر الى ذاته نظرة سلبية ويحتقرها ويذمها رغم انه يمتلك قدرات هائلة وفعالة ....
وعندما يواجه بلماذا لاتفعل كذا ولماذا لاتعمل هذا
تجد الاجابة المعروفة
انا ؟
انا افعل هذا ؟
لالالالالالالا مستحيل ؟
انا لااملك من المقومات والقدرات ما يجعلني اقدم على ذلك ؟
انا فاشل او اخاف من الفشل
انا غير مؤهل
انا وانا وانا ......وهلم جرا

ويظل هكذا ينظر لذاته بنظرة سلبية مؤلمة ويحطم نفسه وينزلها ادنى منزلة ويسترجع شريط ذكريات مؤلم حدث له في حياته اوذلك الذي كان في الطفولة عندما يحاول الاقدام على أي عمل
وهناك العديد من النقاط السلبية التي تضعف من ذات الشخص وتجعله يشعر بالنقص وبالتالي ينظر لذاته بشيء من السلبية والكره والاحتقار فيقل احترام الذات وتتقلص النظرة الايجابية ويشعر الشخص ببعض الضيق والألم وربما الاكتئاب نتيجة تلك المشاعر المؤلمة ..
وهذا يقلل بطبيعة الحال من ثقة الانسان بنفسه وقد يقوده لاضطرابات نفسية
ومن تلك النقاط السلبية :
1- كثرة النظر للسلبيات والنقد للتصرفات والافعال والاعمال المختلفة التي تحدث في الحياة اليومية فالبعض ماان يعمل عملا ما الا ويدقق في تصرفاته وافعاله ويسترجع ماذا قال وهل كان تصرفه صحيحا ثم تأتي مشاعر الالم والندم وعتاب النفس وتقريعها على شيء مضى وانتهى وتكون مأساة لدى بعض الاشخاص حتى ان البعض لايستطيع ان ينام من كثرة الشعور بالذنب والتفكير بما حصل .
2- شعور الشخص بأنه منبوذ مكروه من الجميع وان الناس لاتحبه وخاصة عندما يكون شكله غير مقبول .
3- المقارنة بالاخرين من الناحية الاقتصادية او الاجتماعية او الخَلقية والنظر لمن هم اعلى واوفر حظا

4- النظرة التشاؤمية للحياة وتوقع اسوأ الاحتمالات وندب الحظ وعدم الرضى بالقضاء والقدر .
5- الخوف من المستقبل ومن الفشل .
6- عدم تقبل مدح الاخرين ورفضه وانهم يبالغون في ذلك حتى ولو كان ثناءا بسيطا .
7- كثرة الاعتذارحتى من دون سبب حتى وان كان لم يخطئ .
8- التركيز على السلبيات والنظر اليها بعدسة مكبرة جدا.
ولاشك ان للتربية دورها في ذلك فعندما يسخر الوالدين من الطفل او يحملانة مالايطيق من اعمال تكون فوق قدراته او عندما يقارن بالاخرين تتولد لديه مشاعر الفشل والنظرة السلبية لذاته وينمو وهو يعتقد انه سيفشل في كل وقت وانه غير قادرعلى ان يفعل مايفعله الاخرين ويظل شعور النقص يلازمه فشريط الذكريات المؤلم يلازمه ولايستطيع ان ينساه لحظة ما
ان مثل من يعاني من هذا الشعور لابد ان يغير من تلك النظرة لذاته بأن ينظر للجانب المشرق في حياته للجانب الايجابي في ذاته للنجاحات التي حققها للعلاقات التي كونها في المجتمع للأشياء الايجابية في ذاته وعدم التركيز على السلبيات فقط ونسيان الماضي وعدم التفكيربه وتحدي النفس بأحراز الانتصارفمشوار الالف ميل يبدأ بخطوة فعندما يخطو اول خطوة وينجح فيها فهذا سيدفعه للاستمرار والتقدم والنظرة المشرقة للمستقبل ، كما ان التوكل على الله وكثرة الدعاء سلاح فعال في التقدم نحو المعالي .

كلام جميل اوى
بس برضه الانسان لازم يؤنب نفسه على اخطائها
بس مش باسلوب مرضى
لكن بالاسلوب اللى يخليه ميكررهاش تانى و يندم عليها و يستغفر ربنا
و يبقى عنده يقين ان الله يغفر الذنوب جمييييييييييعا

ميرسى يا ياسمين

مرسي يا ياسمين علي الموضوع الجامد دة وعندك حق ياندي فعلا الانسان يؤنب نفسة علي اخطائها
وانا بحس اني الانسان الي بيبقي عندة تانيب او انة بيانب نفسة علي اخطائها دي بتكون نعمة من اعند ربنا سبحانة وتعالي

مرسى لمرورك يابنانيت

فعلا لانسان لازم يحاسب نفسوا باستمرار

ويكافا نفسوا لما يعمل حاجه كويسه

ويانب نفسوا لما يعمل حاجه مكنش المفروض انوا يعملها او قصر فعمل حاجه

لكن فنفس الموقت يبقا واثق فقدراته

ولو وقع مره او اتنين او حتى 10

يقوم تانى ويكمل ويكون عندوا اصرار انوا يحقق هدفوا

وميستسلمش مهما كانت الظروف

ميعدش يقول انا فاشل انا خلاص جربت نصيبى فالدنيا وخلاص كدا

مش هقدر اعمل حاجه تانى

لاه كلنا نقدر لكن المشكله ازاى ؟

ازاى دى مع الخبره والايام هنعرفها الدنيا هتعلمنا ازى

نجرب مره واتنين و3 لازم نلاقى الطريقه الصح الى نقدر نحقق بيها هدفنا

كلامكوا حلو اوى

و كمان عايزة اضيف حاجة

سمعت مرة ان من حكمة ربنا انه خلانا ممكن نتوب و ان اللى يتوب تغفر له كل ذنوبه
و ربنا عمل ككدة عشان يخلينا دايما عندنا امل و قادرين على التجديد و العمل الكويس من جديد

لان لو واحد كدب مرة مثلا و مكنش ينفع انه يتوب و خلاص لازم يروح النار
كان زمانه هيفضل يستمر على طول فى الكدب و يقول ما انا كدة كدة رايح النار
لكن لعفو ربنا و كرمه ولان ربنا بيحبنا و عايزنا نكون كويسين
ربنا خلانا اللى يتوب و يستغفر خلاص اكنه اتولد من جديد و معملش الحاجة دى

الحمد لله

اللهم انك عفو كريم تحب العفو فعفوا عننا

كلام جميل جدا و فعلا احنا بقينا دلوقتي نركز علي سلبياتنا و ننسي الايجابيات و نحاول ننميها و كل حاجه نصعبها علي نفسنا و ما نتحملش المسئوليه
بس فعلا لازم يكون الواحد عنده ايمان و اصرار لان من غير الحاجات دي مش هايقدر علي حاجه مكلف بيها

كلام جامد جد ا.... وأحب أضيف إن فيه حديث عن النبي (صلى الله عليه وسلم ) يقول : (( لا يحقرن أحدكم من نفسه )) وده معناه إن الواحد لازم يحاول دايماً يكلم نفسه بصورة إيجابية عشان يطلع أحين حاجة عنده لأنه أما بيحقر نفسه أو يكلمها بصورة سلبية هيحس بضعف وإكتآب وإنه ماينفعش يعمل حاجة فسبحان الله إن النبي ص نصحنا النصيحة ديه من 1400 سنة وكأنه صلى الله عليه وسلم كان عارف تأثيرها الخطير ده ..

بس أعتقد في نفس الوقت الواحد مايمدحش نفسه على كل كل حاجة في حياته لازم يحسس نفسه بالتقصير عشان مايتغرش وعشان فيه قانون في التنمية البشرية بيقول (( لو مافيش طاقة بترفعك لفوق .. فيه طاقة بتشدك لتحت )) وأعتقد إنك أما تحسس نفسك بالتقصير هتاخد طاقة ترفعك لفوق وتعمل أحسن

فيه نصيحة من د ابراهيم الفقي عشان ماتكلمش نفسك بصورة سلبية وهي انك تجيب استيك وتحطه في ايدك وكل ما تكلم نفسك بصورة سلبية .. إلسع نفسك .. ومع الوقت هتحرم تكلم نفسك كدة

ود ابراهيم بيقول انه دايما لابس الاستيك ده في إيده

» أيهما تفضل ولماذا ؟؟؟؟
» القناعة السلبية"موضوع مفيد"