لماذا يلجأ البعض منا لكتمان همومه وأحزانه ....؟؟؟

متهيالى الخجل يا ياسمين هو اللى مممكن يؤدى لكتمان الاسرار

او برضه احيانا ان حد يكون شايف ان الفضفضه و التعبير عن اللى جواه دة شىء يقلل من كرامته
فى ناس بتحب تبين انها علطول كويسه

يعنى متهيالى دى ممكن تكون بعض الاسباب

و اهم حاجة نشكى همومنا الى الله و نساله ان يفرجهها عننا
و بعدين نستعين باصدقاء الخير اللى ممكن يدلونا على حلول و ربنا يخليهم يفرجوا عننا

السلام عليكم
انا اعتقد ان السبب هو :
ان ممكن ميكونش في حد جانك يفهمك او حس بيك
او ممكن يخاف يحكي ميفهمش الناس هو قصده ايه؟

اذيك يا نيرمين وحشانى عامله ايه

و انا برضه مع رايك

اهم حاجة الواحد يلاقى حد يسمعه لانه لو ملقاش دة مش هيقدر يتكلم

ساعات الواحد بيلجأ انه يكتم همومه علشان بيبقى عارف ان اللى حواليه مش هايقدروا يحلو حاجه وان الكلام مش هايفيد
وساعات تانيه بيبقى مش عايز يضايق اللى حواليه
وساعات بيبقى خايف لحسن مايقدروش يفهموه كويس وحتى لو فهموه مش هايقدروا يحسوا بيه اوى
يعنى انا كانت اكتر واحده بتحس بيا من غير ما اتكلم هيه امى وكانت طيبه معايا اوى لكن من ساعة ما سابتنى لوحدى وانا بقيت القى صعوبه فى انى الاقى حد يحس بيا ذيها وانا متأكدة انى عمرى ما هالاقى ذيها ابدا .
لكن الحمد لله ربنا ادانى ناس تانيه فى حياتى بيحبونى وبيحسوا بيا وانا بحبهم اوى اللى هما اصحابى دلوقتى .

انا مع راى ندى و نرمين وهدى بس فى حاجه كمان فى ناس مبتحبش تشيل الناس همومهم لانهم عرفين ان كل واحد عنده مشكله وكمان بيصعب عليهم نفسهم لما بيشوفوا نظره عطف او شفقه منهم فبيفضاوا ان يخفو مشاكلهم

السلام عليكم

موضوع جميل جدااااااااااااااا

وليه مشاركة ان شاء الله

موضوع حلو اوى وكمان مهم جدا
وكل الاسباب اللى قولتوها دى واردة وبتختلف طبعا من شخص لاخر
اما انا بقى بحب اسمع الناس جدا وبكون مبسوطة اوى لما احل مشكلة حد وبالتالى لما بكون متضايقة بشوف ان من حقى على اصحابى القريبين منى انى احكيلهم ويكونوا معايا فى فى الحاجات دى لكن مش عارفة كدة صح والا غلط
فهل كدة انا بشيل الناس همومى مثلا والا دى حق من حقوق الصداقة ؟؟؟

المشكلة دلوقتى ان الصداقة بقت خروج وكلام فى اى حاجة

بعيد عن حل المشاكل

وغير كده ان المفروض والواجب من الصديق تجاه صديقه

انه يسمعله ويحاول يحل معاه اى مشكلة

كلامك صح يا فوفا الى انتى بتعمليه

الكبت وحش جدااااااااااا

وانا من الناس الى مابيحبوش يحكوا لحد همومهم

علشان كده الواحد حاسس انه اكبر من سنه

وده اكبر غلط الكتمان والكبت يودى الى الانفجار فى حاجة لاقدر الله سيئة

وساعات بيكون مفيد لصاحبه يخليه ينفجر فى خير

بالنسبه لكلام فوفه

لا طبعا دة من اهم حقوقك على اصحابك

لان الصديق لو بقى بس مرد هزار شويه و خروج والكلام دة ميبقاش صديق بجد

و انا عن نفسى ربنا يكون فى عون اصحابى مزهقاهم علطول
ربنا يخليهوملى

سلاااااااام عليييييييييكم و رحمة الله و بركاته

يمكن محدش بيحكى لاى سبب من الاسباب السابقة وكلها صح بس اهم سبب من راى ان مفيش صاحب بجد اناوالحمد لله لي صاحب بنفهم بعض من غير كلام واى مشكله حد منا بيقع فيها التانى بيبقى معاه وربنا يباركلى فيه بصراحة احنا من غير بعض يمكن كانت حاجات كتيرة وحشه حصلت

ربنا يخليهولك يا حيحا وتفضلوا مع بعض على طول

أعتقد قلة الثقة بالأخرين وقلة الأصدقاء اللي بجد من أهم الأسباب التي قد تجعل الشخص يلجأ للكتمان ..

بس ممكن نحل الموضوع ده عن طريق :

صلاة الحاجة لو فيه حاجة نفسك قوي تحصل صلي صلاة حاجة وألح على الله في طلبك وإن شاء الله ينولهولك فالله يحب العبد اللحوح وكن صبورا وواثقا فالله تعالى يقول ( إدعوني أٍتجب لكم)

أو الشكوى إلى الله والفضفضة إليه بكل همومك فهو بيده كل شئ و قادر على كل شئ وهو الذي يجيب المضطر إذا دعاه

السلام عليكم
موضوع مهم جدا يا ياسمن

وكلام اللي فوق برضه صح

انا عن نفسي مش بحب احكي لحد برضه
نادرا ما بتكلم بجد علي ايه مزعلني ومضايقني
لان بحس ان مفيش حد هيحس بالكلام ده
فبسكت واحاول اضحك واهزر
بمعني اصح بلهي نفسي في الضحك
عشان مش اكتئب

والاصحاب برضه ساعات مش بيفهموني
لال كام واحده كده ربنا يخليهم ليا

بس برضه بفضل الكتمان


ويارب يكرمنا كلنا ويبعد عناا الهموم

انا كده برده

مش عارف اغير الحكاية ديه

هيا تقريبا مش بتتغير
يعني بيبقي طبع

ولو عرفت تغيرها ابقي قول ازاي غيرتها

عشان نعرف

انا زمان كنت غامضه اوى اوى و بيقولولى انتى سوسه عشان حتى مش ببين انى متضايقه اصلا

بس بعد كدة بقيت احب افضفض لاصحابى المقربين اوى

و لقيت ان ده بيريحنى كتير

بس برضه مش فى كل حاجة

حاوللى هتلااقى اريح و انا كلى اذن صاغيه و قلب كمان يا مولاتى

انا بقي طول عمرى بيتقال عليا رغاى

بس مع صحابي والناس اللى حواليا وبحبهم بس

لكن مع حد غريب عنى او حد مش مستريحله ، نادرا لما بتكلم


وحتى في البيت ، مش بتكلم اصلا خالص

علشان كده لما ببقي مع صحابي او حد عزيز عليا ، بخرج كل اللى جوايا


المشكلة ان كتير اتريق عليا ، وبعدين بدأوا يقولولى انهم متضايقين وبعدين حسيت انهم متضايقين فعلا ، لأنهم بدأوا يعاملونى وحش

فقررت انى اسكت

ولما اسكت او كلامى يبقي عالقد بالظبط

صحابي بيتضايقوا وبيقولولى مالك؟؟ وانت زعلان مننا ولا ايه؟؟

اقولهم مش انتم اللى طلبتم كده ، يقولولي لا ارجع اتكلم كتير زى ما كنت

احنا بنحبك كده

اكيد حاجة تجنن

ولما دخلت الجامعة بدأت ابعد عن صحابي ، وبدأت اعرف ناس جديدة

بس بعدى عن صحابي ده كان في انى افضفض لهم يعنى

لكن اديني اتعرفت على ناس كتير جديدة وقربت لناس منهم كتير


النتيجة في الاخر ، انى شوفت اللى شوفته من صحابي


ولقيت اللى ما كنتش اتوقعه من ناس عزيزة عليا

ناس بتبعد عنى من غير ما تبين سبب وبتبعد مرة واحدة

وحاجات غريبة


اكيد اتأكدت انه كده انا بالنسبة للناس العيب منى

بس بيني وبين نفسي


شايف ان ما فيش انسان يستحق افضفض معاه الا انا

وطبعا من كتر ما بفضفض مع نفسي ، بتبقي حلقة مغلقة ، بس محتواياتها بتزيد


وسبحان من مخليني ماسك نفسي على نفسي والناس بتقول عليا بارد وابرد واحد في الناس اللى يعرفوهم دلوقتى


الحمد لله

الفضفضه شىء جميل و بيروح عن نفسك و مبيخليش عندك كبت

بس المهم تختار الانسان اللى تتكلم معاه و تفضفضله كويس

اختيار الصديق و الدقه فى الاختيار شىء مهم جداااا

الحمد لله على اصدقائى و ربنا يرزقنا جميعا باصدقاء الخير و ناخد بعض للجنه

طيب وان كنت بختارهم كويس ، واختارت من كل الاشكال


والكل طلع عجينة واحدة تقريبا


الا اقرب اتنين ليا هما اللى برتاحلهم دايما

بس للأسف مش بلاقيهم خالص


من الاخر انا لما بحكي لحد بالتفصيل ، معنى كده انه بقي قريب منى

بس للأسف ما بلاقيش اللى بيصون الحكاية دى

واكيد انا حكيت لناس كتير ، بس نسبة للناس اللى اعرفهم في حياتى ، هما نسبة قليلة جدا


علاوة علي انى بحب كل واحد برتاحله انه يبقي قريب منى واحب كل اللى برتاحلهم يبقوا صحاب


يللا ما علينا

الحمد لله علي كل شئ

هو فعلا ، الانسان الناجح اللى يشيل جواه

لأنى بقيت مصمم على موقفى

ان مافيش حد يستاهل انى احكيله تقريبا

وده اكيد رأيي برضه ، وحاجة خاصة بيا

وبرضه اكيد العيب فيا

لا الناس مش حاجة واحدة

لو فى حد بيفشى اسرا مثلا ففى كتير عندهم امانه

لو فى حد مش فاهمك هتلاقى تانيين يفهموك و مش شرط يكون الانسان فاهمك فى كل حاجة ممكن تبقى مصاحب كذا واحد كل واحد فاهمك فى حته معينه و هو دة اللى بتحكيله عن مشاكل الجزئيه دى

و لو فى ناس مش بتلاقيهم لازم تعذرهم و اكيد هتلاقيهم بعد كدة

دة رايي

و انا كان عندى مشكككله انى مش لاقيه اصحاب دى و كانت اكبر مشكله ليه فى الجامعه لانى اصحاب ثانوى بعدوا عنى و اتغيروا امد فى الجامعه

لكن الحمد لله فى سنه تانيه اول ما لقيت ناس تفهمنى مسكت فيهم و مرضتش اسيبهم

و انا ليه 3 اصحاب ممكن يكون كلامى مع كل واحدة مختلف عن التانيه لان كل واحدة منهم بتفهمنى باسلوب معين و فى حاجات معينه

و بيكملوا بعض عندى و انا مبسوطه بيهم اوى

ربنا يخليهوملى و يصلح بيننا دايما

ممكن تعمل كدة برضه مش شرط صديق واحد ممكن 2 او 3 او 4 و اكيد بكدة لما مش هتلاقى واحد هتلاقى التانى



سلااااااااااااام عليييييكم و رحمة الله و بركاته

اظن انى جربت كتير


ما فيش غير بنتين بس اللى استريحتلهم ، وهأفضل مستريحلهم وهما اللى مش بلاقيهم


وساعات من كتر ما بصدعهم ، بتكسف اتكلم معاهم


وناس كلمتهم وحسيت منهم كتير انى بايخ وضايقونى بافعالهم اللى بيبينولى بيها كده ، او فيه ناس قالتهالى وش كده


اما الاتنين دول ، مهما شافوا منى ، بيكونو اطيب ناس



ربنا يخليهم

للأسف هفتقد واحدة منهم لفترة طويلة


وبرضه انا عند رايي


لحد لما الاقي رد يقنعنى


انا نفسي اعرف

هو فيها ايه لو الناس كلها سمعت لبعض

فيها ايه لو انت ريحت اللى قدامك؟؟


فيها ايه لو انت بادلت اللى قدامك بنفس الثقة اللى ائتمنك عليها \؟؟


فيها ايه لو .............


حد يجاوبنى

[

اقتباس :

size=21]انا نفسي اعرف

هو فيها ايه لو الناس كلها سمعت لبعض

فيها ايه لو انت ريحت اللى قدامك؟؟


فيها ايه لو انت بادلت اللى قدامك بنفس الثقة اللى ائتمنك عليها ؟؟


فيها ايه لو .............


حد يجاوبنى[/size]

الاجابه : مفيهاش حاجة

الناس هتبقى احلى بكتير

بس الانسان مش هيننفع يبقى كل الشعب المصرى اصحابه الاناتيم

لازم يبقى عددهم محدود برضه

بس عموما بالنسبه للكلام اللى فوق انا مش مقتنعه ان يبقى الولد ليه صديقه او البنت ليها صديق

ومتهيالى صعب يقدروا يتفاهموا او يحلوا مشاكل بعض صح حتى

ما علينا

سورى


انا عن نفسي شايفها نجحت معايا في البنتين دول عن حتى اصحابي الولاد


بس انا عن نفسي ما خليتش كل اصحابي انتيم زى ما اتفهم


بس انا زي ما ناس كتير قالتلى ، عيبك انك بتحب اوى وبتتخدع اوى ، وده فعلا اللى بيحصل معايا


والمشكلة ان الجملة دى كتير بسمعها من الناس اللى بتضايقنى


حاجة غريبة فعلا


وانا قولت اكيد العيب فيا فعلا زي ما بيقولوا

وبرضه اللى يقدر يقنعنى بكلامه يقول


وبرضه اتأكدت ان الانسان يبقي ناجح ، لازم يخلي الامه جواه ، لأنها لما بتخرج ، بتجرح الانسان اوى ، لدرجة انه بينزف ، ونزيفه بيبقي صعب انه يقف


وبرضه ده رأيي

شكرا

كلام صعب يا هشام

الدنيا احسن من كده

انا شايف ان نطاق الموضوع ضيق

طيب ليه احنا بنبص من ناحية واحد

ان كل واحد ليه حياته

وكل واحد ليه دماغه

وكل واحد اتربى بطريقة

صح ؟؟؟؟؟؟؟؟؟؟؟؟؟

يبقى احنا نتعامل مع الناس قريب او بعيد من مفهوم واقعى

وهو الانسانية

مش لازم انك تكون تعرفنى وبرتاح معاك تكون انت ليا لا طبعا

او ابادلك نفس الثقة

النفس أماره بالسوء