صفحة المنتدى مش بتتفتح معايا

سلام عليكم و رحمة اله و بركاته

يا جماعة الصفحه بتاعت المنتدى اللى فيها الفهرس دى مش راضيه تتفتح معايا خالص بقالها اكتر من ا سبوع

مش عارفه ايه السبب
كل ما افتحهها يروح يطلعى رساله و فيها خطا فى النظام و حاجات كدة و يتقفلى الانترنت اكسبلورر

هى دى الصفحة الوحيدة اللى مش شغاله فى الانترنت كله معايا

و احيانا كل يومين كدة تتفتح مرة و بس

انا عايزه افتحهها بقى

كنت بحب اقرا شريط الاهداءات مش عارفه اشوفه خالص

و بحب اشوف المنتدى على بعضه و مش عارفه

و بحب اتفرج على اللى دخلوا المنتدى خلال 24 ساعه مش عارفه اشوفهم

و بحب ااشوف اعياد الميلاد اللى قربت


انا عايزة الصفحه الرئيسيه ترجع بقى

ايه السبب يا ترى فى انها مش بتتفتح معايا

و هل فى حد عنده نفس المشكله

سلاااااااااااام علييييكم و رحمة الله و بركاته

طيب معلش واحده جاهله شويتين تلاته اربعه

اذاى امسحههم و يعنى ايه كوكيز بالعربى (بسكوت )

لأ

كوكيز معناها كعك

الأول بتفتحي كنترول بانل وتدوسي انترنت اوبشنز

هتلاقي كلمة ديليت فايل دوسي عليها واعملي اوك

وبعدها في كلمه جنبيها اسمها دليت كوكيز دوسي عليها واعملي اوك

ربنا يكرمكم ميرسى اوى

بس بجد مش هزار

كوكيز يعنى ايه بالعربى انا الويندوز عندى عربى

ميرسى اوى و خلاص استغليت ان اخويا كان بيكلم بابا من عندى و خليته مسحهالى

بس الصفحه برضه متفتحتش لكن دلوقتى الحمد لله ربنا هداها و اتفتحت يا رب تكون اتصلحت و مش تكون دى مرة من المرات النادرة اللى بتتفتح فيها

انا اخويا قالى المشكله ان الصفحه يبقى فيها جافا حاجة ذى كدة و الانترنت اكسبلورر مش دايما بيفتحهها و ممكن تحملى فاير فوكس بداله

كلام من اللى انا مليش فيه خاالص دة

و ميرسى اوى ليكوا تعبتكوا معايا

اها هو تقريبا حاجة ذى كدة يعنى هو الى فهمته منه حاجة ذى كدة

انا كمبيوترى حالته صعبه خالص اسالوا ياسمين

بس الحمد لله اهه شغال

اصل دة المفروض كان اخويا هيبيعه بعشرين جنيه كدة و لا حاجة

و يجيب كمبيوتر جديد فاحنا اقترحنا اننا نحتفظ بيه نلعب فيه انا و اخويا الصغير

بس اهه يعنى شغال الحمد لله و انا فاضللى 40 مشاركة و ابقى 5000

و اغلبهم من خلاله الحمد لله

ربنا يحفظه من الفيروسات و اى حاجة وحشه

طيب ما تسطبى برنامج انتى فيروس وتريحى دماغك من الفيروسات
لان اكيد فى فيروسات

هو فى حل تانى بدل ما تنزلى ويندوز نزلى برنامج internet explorer 7 و اعملى تحديث لبرنامج الجافا و البرنامج ده بيمسح الهستورى و كل حاجه و الكوكيز دى ملفات بتتحمل من كل موقع بتدخلى عليه و بتاخد مساحه كبيره اووووى يعنى بالميت البرنامج بيمسح من الكمبيوتر عندى 300 ميجا بيت شوفى انت بقالك اد ايه و المساحه هتكون كام البرنامج اسمه ccleaner
و الموقع ده هتلاقى عليه كل البرامج اللى ممكن تحتاجيها فى الدنيا
http://www.filehippo.com/download/8df12f83ade22f96ae7abc5a72af046d/download/
دى صفحه البرنامج علشان التحميل و اعملى بحث عن اى برنامج تانى هتلاقيه

ربنا يكرمكوا ميرسى جدااااااااااااا جداااااااااااا
ربنا يجازيكم كل خير

و شكرا اوى على البرنامج هنزله ان شاء الله


سلااااااااام عليييكم ورحمة الله و بركاته