مشاركتى رقم 5000 ( ارجوكم ممكن كلكوا تردوا عليا )

Nada كتب:

Hudhud كتب:

يا حبيبتى يا نودى بصى انا مش هاجاوب الاسئلة بتاعتك دى علشان فى ناس سبقونى خلاص

بس لازم تعرفى ان المنتدى من غيرك مالوش طعم ده

وانتى بجد انسانة رقيقه وطيوبة وعسوله فمش ممكن حد يزعل منك

وكوتامايا قال ان الاسم اللى لايق عليكى ورد

وانا شايفة الاسم اللى لايق عليكى وردة

علشان انتى ارق وردة بتلمسها قطرات الندى

ميرسىىىىىىىىىىىىىىىىىىىىى يا حبيبة قلبى

بس انا عايزاكى تقولى العيوب و تشتمى و تبهدلى كدة هههه

سلااااااااام علييكم و رحمة الله و بركاته

انتى غريبة اوى يعنى انتى غاوية اذى انا ياستى مش شايفة عيوب انا شايفاكى كدة حلوة

على العموم لو عايزة عيوب فالعيب ياستى حتة ال5000 مشاركة دى

اهى دى اكبر عيب ايه الرغى ده كله

داانا عمالة اجمع 500 بالعافية مش عارفة اجمعهم

ههههههههههههههههه

انا ياستى مش باقر ماشاء الله ربنا يزيد ويبارك

بس بجد انا عايزاكى تعرفى انى لو كنت شايفة فى عيب او حاجة مضيقانى ماكنتش هاستنى لما تسألينى

كنتى هاتلقينى كدة جاية اقولك انتى غلطانة فى كذا وكذا

وربنا يوفقك وعقبال ال 50000000 ان شاء الله يا حبى

ميرسى يا حبيبتى

بس عارفه يا هدى

انا كان نفسى الناس تقولى عيوبى

لكن الناس بتجاملنى

و ترجع تقول عيوبى من ورايا

طب ما يقولوهالى اصلحها و ياخدوا ثواب بدل ما تتقال من ورايا و يبقى ذنب

ههههههههههه مفيش فايدة فيكى

والله انتى عسل ياندى

ربنا يكرمك يا حبيبتى

على العموم انا لو سمعت حد بيقول عليكى عيب من وراكى هاجيبوا من قفاه علشان يجى يقولهولك هنا

قفاه مرة واحدة

ماتخفيش يا هدى مش هاقول انك اللى بتقولى عيوبها

هههههههههههههه

بجد الناس بتقدرك يا ندى

ههههههههههههه

دا احنا جايين نولع النفوس بقى طب تحب اقول انت بتقول ايه عليها ههههههههههههه

اوعى تصدقى ياندى احنا بنهزر

وفعلا الحمد لله الناس بتحبك وبتحترمك ومن حبه ربه حبب فيه خلقه

ليه يا هدى هاتقوليلها

ههههههههههههههههههه

ربنا يكرمك يا ندى

سيبك من اللى اخنا بنقوله ده

لا انا وحشه جدااا

انا باذى الناس و ازعلهم و اجرحهم و اخليهم يتعبوا

عشان انا غبيه و مبعرفش اتكلم

ههههههههههههههههههههههههههه

استهدى بالله يا ندى

واستعيذى من الشيطان الرجيم

اعوذ بالله من الشيطان الرجيم

Nada كتب:

لا انا وحشه جدااا

انا باذى الناس و ازعلهم و اجرحهم و اخليهم يتعبوا

عشان انا غبيه و مبعرفش اتكلم

ليه يا حبيبتى بتقولى كده

انتى فى حاجه مضيقاكى

ولا فى حد مزعلك فى المنتدى

بجد ماتقوليش كده وانا مش عارفه انتى بتقولى الكلام ده على اى اساس

قوليلها حاجة يا هدى

ندى يا حبيبتى لو كان في حد زعلان منك مكناش دخلنا وردينا فى الموضوع اصلا

واحنا ايه اللى يجبرنا نرد عليكى فى موضوع ذى ده لو كنا فعلا زعلانين منك ذى ما بتقولى كده

كلام سليم

سبحان الله

اول ما قلت اعوذ بالله من الشيطان الرجيم

قلتها الدنيا اتحلت

هييييييييييييه

يا رب كل المشاكل التانيه تتحل

الحمد لله

الحمد لله

الحمد لله

شوفتى بقى

الحمد لله

دا انا اتخضيت خضه

الحمد لله ويارب كل المشاكل تتحل ان شاء الله

خير الحمد لله

بالنسبه للسؤال ده انا مقدرش اجاوب عليه لانى مليش غير 24 ساعه بس على المنتدى يعنى تقدرى تقولى ابن امبارح ومن حظك انى محضرتش الموضوع من اوله لانى مش سهل
بس ارجع واقول متقلقيش لانى تقريبا مش هعرف امسك عليكى غلطه
لان من الواضح كفكرة مبدئيه من الردود اللى قرتها انك والمنتدى قايم على كتافك وكل الناس هنا بتحبك ودى حاجه مش سهل تحصل
على العموم مبروك ليكى على تفوقك على نفسك واجتيازك للعقبات ودخولك قلوب زملائك
على فكرة دى مجرد فكرة مبدئيه قابله للتغيير اما للأفضل أو .........
واخيرا ربنا يوفقك
ومبدئيا لكل اللى يقرأ انا دايما فى ردى لازم يكون اسلوب هزار وخايف افتح على الرابع حد يزعل منى انا مستنى لما اقدم شويه
ادينا مستنيين

انا قربتت على ال9000

و شكرا لرد حضرتكك و يا رب الصورة تتحسن

و حكاية الهزار بقى ممكن تهزر طبعا مع الولاد براحتك خالص ما دام فى حدود الادب و الدين و دة اكيد انت بتعمله
اما البنات فممنوع الهزار الجامد طبقا لقوانين المنتدى و ديننا طبعا

و اهلا بيك معانا تانى

9000 ده أنا على كده رديت على موضوع قديم اوى
على العموم ربنا يزيد ويبارك
وموضوع الهزار ده قديم ومحدش اشتكى منه خالص قبل كده بس انا خوفت لحد يفهم كلامى سخريه لانى مش معقوله كل مااجى اهزر اقول انا بهزر
وحدود الهزار انا عارفها وعارف امتى اهزر وازاى وهيتقبل ولا لأ
وعموما شكرا على ارشادك