إن شاء الله

طبعا يا جماعة كلكم ملاحظين اني توقفت فجأة عن كتابت المواضيع

وده مش لأن حد كتمني زي مقال محمد 14 قبل كده في لعب بس مش فاكر في أنهي موضوع

المهم أني محتار ومش عارف أكتب أيه مع أن قدامي مواضيع كتير أكتب فيها سواء من كتب اومن دماغي

والمشكلة برده أني عايز أعمل موضوع مختلف وجميل والناس تتشدله جامد

وخايف اعمل اي موضوع لان ممكن مش يعجب ناس كتير وممكن يطلع تافه

وفي حاجات انا كتبتها وحشة زي حبيب زي الزبيب و ناس هيصة وناس ليصة ومدارس وكوارث ومواصلات بالوصلات وبجد انا لما قريتها كاني مش صاحب الموضوع لقتها مواضيع هبلة

وفي مواضيع حلوة وهي من المسلم 1-2 وما احلى طعم الموت و مصائف وطرائف وكل المواضيع اللي في احاديث وسنه

وتعبت في المواضيع دي اوي

المهم يريت ياجماعة تساعدوني ازاي اوصل لفكرة تكون مفيدة وغير الرتم بتاع مواضيعي

ممكن؟؟

جميييييل اوى تقييمك لنفسك دة و بجد انت من احسن الاعضاء ما شاء الله عليك

هو انت موضوعاتك كلها اتجهت بيها غالبا لجانب الدين ودة شىء جميل جدا جدااااااا و فعلا ارتقى باسلوبك

بس برضه المسلم لازم يكون متنوع و يعرف فى كل المجالات

شوف مثلا ايه رايك تكتب فى حاجة انت تتميز فيها عن غيرك

شوف مثلا احنا كلنا دلوقتى بعدنا شويه عن حياة ثانوى و تصرفات الناس فيها

اكتب عن قضايا سنك و المشاكل اللى بتواجهكوا و اذاى نصلحهها و نساعدك و نتناقش معاك

اكتب عن المناهج و ايه اللى شايفه غلط فى اسلوب التعليم فى المدارس و فى ادارتها

مثلا دى شويه مجالات انت بتتميز فيها عننا

و ممكن تكتب عن مصر \ عن التلفزيون و تنتقد اللى فيه من مزايا و عيوب \ عن الانترنت كذلك و مزاياه و عيوبه \ يعنى عموما قول وجهة نظرك فى اى ظاهرة قدامك

اكتب عن العلاقات العائليه و اهميتها عشان فى ناس كتير مبقتش تهتم باقرابها و علاقاها بيهم سيئه

اكتب عن اى حاجة امهم تحس الموضوع بيلمس شىء فيك و تقول كلام من قلبك و باسلوبك الجميل اللى شفناه فى مواضيعك الحلوة

و ربنا يكرمك و يوفقك دايما

و اهم شىء خليك مركز ااوى فى مذاكرتك دايمااا

ربنا معاك

انا هانصحك نصيحة

خليك فى مذاكرتك دلوقتى وان شاء الله الاجازة طويلة

وتنزل مواضيع جميلة تعبر عن ذاتك فيها

وكمان فترة الامتحانات تكون فترة رخاء ليك

ماشي هحاول أشوف المواضيع اللي قولتيها ياندى

وأما بالنسبة للأمتحانات وكده

ممكن اكتب في الجازة زي مابتقولوا

وإن شاء الله أكتب موضوع جميل

وشكرا ليكم

وفي موضوع ليه بتاع مسابقة الفوازير

ممكن أعمل زيه بس في حاجة تانيه؟ صح؟