لا تكن لطيفا أكثر من اللازم

الكتاب شكله جامد جدا

ربنا يكرمك

ربنا يكرمك على الموضو الجميل دة

و احسن حاجة الانسان فعلا يبقى فى النص يكون لطيف لكن منغير ما ييجى على حسااب نفسه عشان ذى ما الناسليها حق عليه نفسه ليها حق عليه و لازم ذى الرسول صلى الله عليه و سلم قال يعطى كل ذى حق حقه

و فعلا المبالغه فى اى شىء وحشه و الشىء اللى بيزيد عن حده ممككن يتقلب لضده

ربنا يكرمنا كلنا و يرزقنا الوسطيه فى كل شىء

يارب أرزقني بالوسطيه

شكرا على المجهود

شكرا على مجهودك يا حوده وتسلم إيدك

اي خدمة

لو عايزين الباقي من الكتاب انا ممكن اجيبوه كمان

إيه رأيكوا ؟؟؟؟

الكتاب ده يجيلى ياجوهرى

Janna Lover كتب:

اي خدمة

لو عايزين الباقي من الكتاب انا ممكن اجيبوه كمان

إيه رأيكوا ؟؟؟؟

يا ريت لو مفهاش تعب

Janna Lover كتب:

اي خدمة

لو عايزين الباقي من الكتاب انا ممكن اجيبوه كمان

إيه رأيكوا ؟؟؟؟

موافق

اوك ماشي

صفة اللطافة:
ربانا آباؤنا بنوايا حسنة على أن ننسجم مع إخواننا و أخواتنا, و أن نتخذ الكثير من الأصدقاء, و أن ننمي شخصياتنا لنكون أسوياء, مقبولين اجتماعيا, وفي الأغلب, هم لم يهيئونا لكي نكون شخصيات عديمة الطعم, أو لطيفة بشكل مبالغ فيه, ولكن لكي نكون شخصيات دمثة مراعية لمشاعر الآخرين, وأن نكون دائما في عون المحتاجين.
يجب علينا الاعتراف أولا بأن ليس كل شيء سيئ في كوننا لطفاء, فمن جانب, فهذا يعني أننا حساسون لاحتياجات الأسرة و الأصدقاء, و علماء النفس يؤكدون أن الذين يراعون مشاعر الغير يكونون بصحة جيدة و سعادة اكبر من الأنانيين. و من جانب آخر, تحمينا اللطافة من النقد , والإحراج, والرفض. بالإضافة لذلك, فإن مراعاة شعور الآخرين و مجاملتهم تمهد الطريق لابتكار مجتمع أكبر إنسانية, وتساعد في جعل العالم أكثر تحضرا و حيوية.

مشكلة اللطافة أن لها نتائج سلبية و تكلفنا أكثر مما ننتظر. فالخطآن الأول و الثاني مرتبطان ببعضهما, محاولة أن نكون كاملين, ونتحمل ما لا نطيق, ويؤديان إلى الإنهاك, بالإضافة إلى أنهما الأصعب بين باقي الأخطاء, و الحاجة الداخلية لفعلهما تؤدي بنا إلى حد ارتكاب الأخطاء السبعة الأخرى, وإذا توقفنا عن فعل هذين الخطأين سيكون لدينا طاقة أكبر للتعامل مع الأخطاء الأخرى.
أما الأخطاء الأربعة التالية تكلفنا الكثير من سلامة أنفسنا حيث نفقد الاتصال مع جوانبنا العاطفية وهي الهامة في تفاعلنا مع الآخرين. ولكن عندما تتعارض مشاعرنا مع صفة اللطافة لدينا نقوم بكبت هذه المشاعر. ونحن فعليا هنا نعّلم أنفسنا ألا نشعر. فندفع مشاعرنا نحو أعماق أنفسنا, في مكان غير صحيح. هذه المشاعر ممكن أن تتفجر.
أما الأخطاء الثلاثة الأخيرة تعمل على إفساد مصالح من نهتم بمساعدتهم. غالبا ما نجعل مشاكلهم أسوأ مما هي عليه, حيث لا تخلو سلوكياتنا من محاولات لاشعورية للتحكم في الآخرين بينما نبدو في الشكل طيبين.

نحن في الأصل تبنينا هذه السلوكيات التسعة لنكون مقبولين اجتماعيا و لتجنب الألم الوجداني, ولنساعد المحتاجين. إن الانهماك في هذه السلوكيات يشعرنا بالبهجة من أنفسنا, لكننا لا ندرك عواقبها في بعض الأحيان. التغييرات التي يتحدث عنها الكتاب لا تتطلب أن نتوقف عن التصرف بلطافة. لكنها بالعكس تتطلب منا تأكيد قيمة نوايانا الحسنة و مقاييس المجتمع. تدعونا للموازنة بين صفة اللطف و بين المصداقية. فلكي نقوم بهذه التغييرات علينا أن نتعلم أن ننظر لأنفسنا بوجهة نظر جديدة, وان نتعامل مع مشاعرنا بطريقة مباشرة و حساسة. وأن معاونة الآخرين تكون بطريقة تحترم حريتهم بتقديم الحاجة الحقيقية التي يتطلبونها.



بعد قراءة هذا الكتاب سيكون كل منا قادرا على:
• أن نحرر أنفسنا من الالتزام بما يتوقعه الآخرون منا.
• أن تقول لا عند الضرورة, وأن نقي أنفسنا من تحمل مالا نطيق.
• أن نخبر الآخرين بما نريده منهم, و أن نتلقاه فعلا.
• أن نعبر عن غضبنا بطريقة تداوي, ونصون علاقاتنا.
• أن نستجيب بصورة فعالة حين يهاجمنا الناس أو ينتقدوننا بلا تعقل.
• أن نخبر أصدقائنا بالحقيقة عندما يخذلوننا.
• أن نهتم بالآخرين دون تحمل عبء محاولة إدارة حياتهم.
• أن نساعد أصدقاءنا و أحباءنا الذين يميلون لتدمير أنفسهم على أن يستعيدوا صحتهم النفسية.
• أن نشعر بأهليتنا, و نفعنا عند مواجهة الألم, والحزن.



أنت تستطيع أن تتغير..
لن تصبح كاملا..
لن تكون محصنا ضد المفاجآت غير المرغوبة..
لكنك ستدهش من العادات التي ستحرر منها..
وعندها ستشعر بتقدير لذاتك بوصفك شخص ذي كفاءة..
و ستشعر أكثر بالقرب ممن تهتم بهم..
و ستجد أن معونتك للآخرين فعالة حقا..
و ستظل شخصا لطيفا..

اقتباس :

مشكلة اللطافة أن لها نتائج سلبية و تكلفنا أكثر مما ننتظر. فالخطآن الأول و الثاني مرتبطان ببعضهما, محاولة أن نكون كاملين, ونتحمل ما لا نطيق, ويؤديان إلى الإنهاك, بالإضافة إلى أنهما الأصعب بين باقي الأخطاء, و الحاجة الداخلية لفعلهما تؤدي بنا إلى حد ارتكاب الأخطاء السبعة الأخرى, وإذا توقفنا عن فعل هذين الخطأين سيكون لدينا طاقة أكبر للتعامل مع الأخطاء الأخرى.

مش عارف بس // هل جزاء الاحسان الا الاحسان؟

مش فاهم ..... قصدك ايه ؟؟

انا نزلتلكم الكتاب كله على فولدر التنمية البشرية في جروب تصاويصي

ربنا يكرمك ..ميرسى اوىى

ان شاء الله ابقى اقرا بقيته فى الاجازة

و بالنسبه لكلام ترافيلر

انا برضه اول ما قريت قلت كدة بس بعدين خدت بالى ان الموضوع بيتكلم عن ان الواحد يكون مزودها اوى اكتر من اللازم
لان فعلا الواحد لو كلف نفسه فوق طاقتها مش هيقدر يستحمل

يعنى لو قررت انك هتنفذ كل طلبات اصحابك و قلتلهم يلا يا جماعه انا النهاردةة هعملكوا كل اللى عايزينه و هما استغلوا دة و طلبوا منك حاجات فوق طاقتك انت كدة مش هتقدر و هتنهار و ممكن تتحول للعكس
ذى اللى بيبقى طيب و فجأة من كتر ما زودها تلاقيه بيقول مفيش حد يستاهل و يتقلب للعكس

فلازم تبقى وسطى و مش معنى انك مش هتلبيلهم حاجتهم انك تعاملهم وحش
يعنى تحاول تكون لطيف مع الناس و تساعدهم و اللى متقدرش تساعده تقوله كلمه حلوة و تتاسفله باسلوب كويس

بحيث متحملش نفسك اكتر من اللازم

بس هو الكلام دة بس ليه عليه ملحوظه واحده
انه تكتبوا ممنوع القراءة للناس اللى مش لطفاء بقى
لان لو كدة هيفرح بنفسه اوى و هيفهم الكلام على انه فى صالحه

لكن الموضوع دة محتاج حد فعلا جرب انه كان مزودها و حس انه غلطان انه زودها
بس الحل انه مش يخليها منعدمه لكن يوازن ذى ما مكتوب بين اللطافه و المصداقيه

فعلا اهم حاجة ان الواحد يكون وسطي

وعموما الكلام اللي في الكتب او الموضوعات ماينفعش ناخده ونصدقه كله مية في المية

انما ناخده عن ثقة ونفكر فيه

اعتقد كدة والله اعلم


بالنسبة للاقتراح : طب اللي هيقرا يعرف ازاي انه لطيف ولا مش لطيف ؟؟

هو لو قرا الكتاب هيعرف معلومات اكتر تفيده بعد كدة ان شاء الله

مش عارفه

و فعلا اى معلومة قبل ما ندخلها دماغنا لازم نفكر فيها كويس و نشوف ايه المقصود بيها بالظبط و كمان نتاكد اذا كانت صح و لا غلط منطقيا

و شكرا اوى ربنا يكرمك

عندكوا حق وانا مع الوسطيه مع ملاحظه حاجتين :
1.من يقرض الله قرض حسنا يضاعفه لها اضعافا مضاعفه
2.كان الله فى عون العبد مادام العبد فى عون اخيه

يعنى فى مساعده الاخرين طالما انك قادر خلاص ادى وساعد على قد متقدر كله هيترد فى الاخر اما لو كان هيئثر عليك فلا يكلف الله نفسا الا وسعها

بالظبط كدة
حضرتك جبت الخلاصة

و مساعدة الناس بجد ذى شعار رساله .. متعة العطاء بجد متعه و شىء جميل و ربنا بيكون فى عونك و ييسرلك كل شىء

(( و أما من أعطى و اتقى و صدق بالحسنى فسنيسره لليسرى ))

و ربنا يكرمنا كلنا و نكون دايما بنعمل خير و نساعد الناس

شكرااااااااااااااااااااااااااااااااااااا ليك جدااااااااااا

طب والله يا جماعة احنا طلعنا كويسين طالما بنفكر كدة

مصر فيها امل الحمد لله


واي خدمة يا كوتوماية

اه طبعا اكيد مصر دايما هيكون فيها امل

دة مصر دى احلى بلد و شعبها احلى شعب و مليان خير كتيييييييير بس عايز بس شوية نشاط و يشيلوا اليأس اللى بيسيطر على كتير اوى دلوقتى

و هيرجعوا تانى من اعظم الحضارات

ان شاء الله