اسال اللى بعدك سؤال

هههههههههههههههههههههههههههههههههههههههههههههههه

حلوه جااااااااامده يا بروف
والله زى العسل يا مصطفى


بس انا فهمتك يا ندى

بصى ممكن تقوليلهم انا اسفه لو كنت قليله الزوق معاكوا بس انا عملت كده عشان كزااا..........
وعشان لازم اعمل كده

وحاولى تخلى العلاقه كويسه وفيها مرح وهزار عشان مضايقوش

أسأل أنا

هل أنت راضي عن نفسك ؟؟؟

لا مش راضيه .. بس ان شاء الله لانى افتكرت هغيرها و هرضى عنها

اما السؤال اللى كنت كاتباه ل انا موصلتش انى كنت قليلة الذوق معاهم بس كل الموضوع انى كنت بتكلم عن شىء هو بتاعي على انه بتاعى ( عادي يعنى ) و هما طلعوا فاكرين انه بتاع حد تانى و انه مش بتاعى

يلا ما علينا

و اللى بعدي سؤال معلش غبى بس هموت و افتكره يا رب يكون منكم حد ذاكرته قوية عشان الحاجة دى مهمه اوى عندي

بصوا احنا فى تانيه الترم الاول كان عندنا يوم السبت فى مدرج د مش كدة ؟؟
و الاحد فى العيوطى هو و التلات
و الاتنين فى مدرج ه

ازاى بقى انا متصورة يوم 18 ديسمبر اللى كان يوم اثنين فى الاسبوع جوة مدرج د

هى كانت اخر محاضرة محاسبه لدكتورحلمى البشبيشي فاكرينها الى كانت زحمه اوى كدة و هو دخل خمس دقايق و مشي

هو ساعتها الجدول اتغير و لا انا اللى نسايه

بس انا فاكرة كويس ان السبت كان بيبقى فى د عشان اول يوم فى سنة تانيه كان عندنا فى د و فاكرة كويس لما دخلناه و لقيته منور اوووى و اعدنا على اول طلبه نقول اوجد 5 اختلافات بين مدرج د بعد التجديد و قبل التجديد


المهم حد فيكوا لازم يفتكر بقى و يقولى

انتوا كلكوا محدش فاكر و لا ايه

طب متفتكروش محاضرة النظام المحاسبى الموحد لما اعدنا ناخد ترتيب الحاجات من 1 :40 كانت يوم ايه

يلا مش مشكله

طب اللى بعدي

تنصحنا بايه قبل رمضان ؟؟

نفس نصايح عمرو خالد ومصطفى حسني


نحاول ندرب نفسناعلى الصلاة في جماعة ونقرا قرآن كتيير

ولو فيه اي سلوك غلط نحاول نعدله


ونحاول نعمل خطة كدة قبل رمضان عشان نعرف نستفيد بيه كويس


فيه شريط لعمرو خالد حلو قوي اسمه كيف نستقبل رمضان جميييل جدااا



نفسه

طب انت متفتكرش السؤال اللى فات احنا فى سنه تانيه كان بناخد امتى فى مدرج ه ..مش يوم الاتنين برضه

و السؤال دة
هو متهيالى سمعت الشريط دة بس مش متاكدة و تقريبا هو مصدر نصايحى على شوية من عندي

- خد بالللك كويس اوى الفترة دى من الشيطان هيحاول يوقعك فى ذنب تفضل ماشى بيه طول رمضان ..ذى مثلا يخليك تتخانق مع احد صاحبك او يوسوسلكوا بالحاجة اللى هتبدا مشكله .اعوذ بالله منه و برض اسمع انه يشغل تفكيرنا بهتنابع ايه و ايه و ايه فى التلفزيون و نضيع وقت رمضان اللى غااالى اوى كل لحظة فيه

- دى من عندي .. لو كنت بتقرا قران حاول تختمه دلوقتى عشان تبدا مع رمضان ختمة جديدة و متتلخبطش ذى ما انا ما بعمل كل سنة

و طبعا اللى يقدر يختم فى رمضان اكتر من مرة ما شاء الله و ربنا يوفقه
بس نفتكر دايما نتدبر الايات و ننوى اننا بنتعلم عشان نعمل اللى فيها باذن الله

- جهزوا كام دعوة مهمين اوى اوى عندكوا للاخرة و الدنيا و كل سجدة و كل فطار قولوهم و ان شاء الله ينتهى رمضان يكونوا استجابوا
و محدش يبقى بخيل فى الدعاء .. ربنا كريم اوى اوى

- لو حاسين ان حد زعلان منكم الحقوا صالحوه بسرعه

- خدوا نيه انكوا باذنن الله هتخرجوا من رمضان اشخاص تانيين احسن بكتيير من الاول و انكوا مش هتضيعوا وقت و جهزوا و انووا هتعملوا ايه ذى ما انت قلت خطة كدة

- حاول تبقى فاضى و موراكش اى حاجة مش مهمه اوى او ممكن تخلصهها من دلوقتى عشان تبقى متفرغ لرمضان ان شاء الله

طب اللى بعدى

ايه اللى حققته مفيد فى الاجازة و ايه اللى كان نفسك تحققه و معرفتش ..لسه قدامنا شهر

كان الجدول بتاع سنة تانية كان غريب جدا

عشان كان مخلي الكمبيوتر والمحاسبة مع بعض في يومين غالبا السبت والاتنين

وكلللل النظري في يومين تانيين نقود وبنوك وادارة وتسويق يوم الحد والتلات

يبقى كدة الدنيا ماشية صح زي ماقولتي


بالنسبة للاجازة

روحت اسكندرية

جالي فكرة لكام موضوع كدة ناوي اكتبهم ان شاء الله

اتعلمت شوية حاجات من الاجازة من نتايج حاجات حصلت لي


المشكلة بقى ان التدريب اللي كنت هروحه ضاع للاسف وهو ده اكتر حاجة ضايقتني



نفسه

ممكن تشوف حاجة تانيه تدرب نفسك عليها الشهر الجاى حتى لو مختلفة .. بس مش عارفه تبقى ايه اصل انا قلت انا مش هتتدرب فى شركة مثلا طل هتدرب على حاجة تانيه و قلت اتدرب يبقى طبخي احسن معرفش فى حالتكوا ممكن تتدربوا على ايه

بس شوف اى حاجة ممكن تستفاد بيها اكتر فى الشهر الجاى ..كورسات مثلا

و انا بقى اللى حققته الحمد لله العمرة
و شوية معلومات من النت و التلفزيون و الناس اللى بشوفهها
و مراجعه على حفظ القران .. بس فى تقصير كتيير عن الخطة
و فرحانه اوى بشوية الموارد البشريه اللى حاولت اطبقهم على المنتدى بس لسه فى ساحة المراقبين
و ساعدت ماما شوية

اللى محققتوش و اكت حاجة مضايقانى الانجليزى اللى اعدت اقولهم هتولى السيديهات و اخلص الانجليزى كله فى الاجازة مش طايقه اذاكره خالص

و برضه مضايقنى انى كنت عايزة اخلص حفظ 3 اجزاء قران لانى تقريبا حافظ الجزئين التانيين


ربنا يسهل و اقدر اعمل حاجة الفترة الجاية

طب اللى بعدي

ايه اكتر حاجات مفرحاك فى الاجازة عموماو اكتر حاجات مزعلاك

اقتباس :

كان الجدول بتاع سنة تانية كان غريب جدا

عشان كان مخلي الكمبيوتر والمحاسبة مع بعض في يومين غالبا السبت والاتنين

وكلللل النظري في يومين تانيين نقود وبنوك وادارة وتسويق يوم الحد والتلات

يبقى كدة الدنيا ماشية صح زي ماقولتي

انا اللى مجنني انى لقيت صورة كنت متصوراها اخر محاضرة محاسبه فى مدرج د و كانت يوم اتنين فاتلخبطت و مش عارفه جت ازاى
ما علينا مش مهم دة من هواياتى الغبية حفظ التواريخ

بس الجدول دة كان حلو اوى عشان حاجة واحدة حكاية الايام اللى عندنا الساعه خمسة دى كانت تبقى حلوة فى المذاكرة مبحبش الجدول يبقى الصبح مع انى بحب اوى اخر الصبحح بس مش بعرف اذاكر كويس لما ارجع

دة سنة تانيه دى كانت احلى سنة

يا رب جدول ادارة يبقى كله بليل و يبقى قريب من جدول 4د
و الدكاترة يا رب يبقوا كويسين عندنا كلنا

ااكتر حاجة مفرحانى انى استفدت كتير اوى فى الاجازة ديه

استفادة من كل الجوانب

واللى مزعلنى هو مش مزعلنى اوى بس المشاكل بتعملى ضيق فى التفكير

من ناس معينة ومن اهلى ومن صحابى بس ديه حاجات عادية مش تزعل اوى يعنى

انا سهل انسى لاى حد اى حاجة هو عملها فيا مهما كانت

نفسه؟

اكتر حاجة مفرحانى الحمد لله انى عملت العمرة بجد دى جنبها اى حاجة تانيه مش مهم
الحمد لله كما ينبغي لجلال وجهه و عظيم سلطانه
و مبسوطة انى اتصاحبت على فداء و الاء
و مبسوطة من شوية الحجات البسيطة اللى انجزتها فى الاجازة دى و الحاجات اللى اتعلمتها

اما بقى اللى مزعلنى افتقادي لناس كتيير اوى بحبهم و انى مش فى حبيبة قلبى مصر و انى محققتش حاجات كتير كنت عايزة انجزها

طب اللى بعدي

ايه الوظايف اللى تحب تكون فى واحدة فيهم فى المستقبل ان شاء الله؟؟؟؟

صاحب شركة مقاولات او مدير بنك او صاحب شركة محاسبة

نفسه؟

ما شاء الله انت قلت طموحاتك العاليه مرة واحدة

انا بالنسبالى نفسي اشتغل فى الكلية او فى الاتش ار لشركة كويسة بتهتم فعلا بمواردها البشرية مش عامله الادارة منظر

دة اول ما اتخرج .. اما اللى بعد كدة هيكون حسب ظروف العمل لما هشوفهها هقرر هتكون ايه بقيت مسارى الوظيفي اللى نفسي امشى فيه بس هو هدفى اكون فى مكان افيد بيه المجتمع و ده حدده بناء على ما اشوف امكانياتى ايه و ايه اللى اقدر اقدمه بكفاءة

لانى حتى الان معنديش صورة فعليه عن الواقع العملي

طب اللي بعدي

تعمل ايه لو حد وجهلك كلمة غريبة و منغير ما يقول سببها

ههههههههههههههههه

اساله عنها علشان افهم معناها

ولا ايه !!!!

نفسه؟

نفس الاجابة

طب اللى بعدي

هل لما بتقرا مشاركة رد عليك بتعتقد ان اللى قدامك بيتخانق معاك و لا بيكلمك كويس

بيكلمنى كويس

بس فيه ناس ساعات مش بتحس بالكلام اللى هى بتكتبه

اكيد انا برده بعمل كده

بس انا كلامى بيبقى مفهوم للناس اللى تعرفنى

نفسه؟

حسب الشخصية و ممكن بقراها كذا مرة عشان افهم كويس

اللى بعدي

شايف سنة رابعه هتكون ازاى ان شاء الله

هتكون اخر سنة ليا في الجامعة هحاول اعمل كل الحاجات اللي نفسي اعملها فيها واللي ناقصاني قبل ماسيبها

احاول اتفق مع صحابي على ازاي هيكون بينا اتصال بعد الجامعة

هحاول اسيب احلى ذكريات ليا مع الجامعة يعني اقعد االف حاجات جديدة اعملها حلوة

وهحاول برده اجيب تقدير كويس عشان يبقى مع الذكريات الحلوة



نفسه

ربنا يوفقك و يكرمك

و انا بقى .. مش عارفة شعور صعب عليا اوى انى اسيب المكان دة
و امبارح قعدت اقول لماما بصي انا هخلص اخد كورسات جيل المستقبل عشان بتبقى 3 شهور فى الجامعه بعدين ان شاء الله ابقى اعمل ماجيستير بعدين دكتوراه و مفيش مانع دكاتوراه تانى و تاللت .. المهم مسيبهاش
ان شاء الله

بس المشكله انى اللى بحبه فيها اكتر حاجة الناس

المهم متهيالى هتكون سنه حلوة و دفعه ادارة هتكون جامدة باذن الله و هعدي على اصحاب فى محاسبة على قد ما اقدر
و ان شاء الله هيكونوا الدكاترة مهتميين بالقسم اكتر و هستفيد و اتعلم حاجات كتير
و برضه هحاول اسيب ذكريات حلوة لسنوات الجامعه الجمييلة و جمع اصحاب دايما عشان نتفق اننا هنفضل نتواصل طول العمر باذن الله

طب اللى بعدي

اتمنى عشر حاجات دلوقتى

نفسى ربنا يهدينى ويوفقنى انا وكل اللى اعرفهم
نفسى الدرسه تبدأ مع انى متضايق اوى لان اصحبى مش معايا
نفسى اشوف ناس معينه
نفسى اعمل عمره فى رمضان
نفسى اختى ربنا يوفقها فىالثانويه لعامه
نفسى احقق احلامى
نفسى مصر احوالها تتصلح وحال العرب كلهم
نفسى مودعش الناس للى بحبهم زى العاده عشان ده بجد بيزعلنى اوى
نفسى اموووت شهيد
نفسى فى حاجات كتير مش فاكرها


نفسه

نفسي ربنا يرضى عني و ادخل الجنه و انجح بجد و احقق كل امنياتي بقى

ما الاشياء التي تجعلك سعيدا ؟؟

احساسى بأنى انسان كويس و انى ان شاء الله يكون ربنا راضى عنى و تكون والدتى و والدى راضيين عنى

نفسة؟

حاجات كتيير الحمد لله

انى احس ان ربنا راضى عنى دي اهم حاجة
انى احس بحب الناس ليا
انى انجح فى عمل اى شىء و لو بسيط
الابتسامه البريئة فى عيون الاطفال او ابتسامة اى واحدة ليا بحب
اى كلمة حلوة من القلب
انى اشوف الناس اللى بحبهم و اكون معاهم و اكلمهم


طب اللى بعدي نفسه

حب الله ليا
وحب الناس
وان حد يسأل عليا ويطمن عليا

لحظات حلوة الواحد بحبها جدا


ايه عيوب ومميزات انتيمك ؟؟؟

ممممم
مزاياها طيبتها و ادبها و حنيتها و اهتمامها بيا و سماعهها ليا و خفة دمها و نشاطها و طموحهها
عيوبها تنفيضها للمحاضرات و العند بس مع غيرى الحمد لله احنا سوا متفاهمين و تنفيض لشويه حاجات مهمة

بس المهم انها كلها على بعضها بمووووت فييها ربنا يخليهالى و نتجمع بقى

بس انا قلت اكتر انتيمه ليا تانيين كتيير انتيم و اخوات بجد

و نفسه