اسال اللى بعدك سؤال

انى الحمد لله بدات الدراسه بانى بذاكر لوحدى

ومش سيبه كل حاجه لليله الامتحان زى السنه اللى فاتت

واهم حاجه انى فرحانه جدااااا انى خلصت قرايه اول مسرحيه عندنا

وكده اكون ماشيه مع الدكتور فى ترتيب شرحه للمسرحيات .

يارب افضل كده لاخر السنه واشد حيلى اكتر كمان

علشان اجيب تقدير يفرح ماما وبابا ..

اللهم آمين ..

مواظب على القراءه يعنى كل فتره بتخلص كتاب ؟

لا للاسف مع انى نويت اعمل كدة (عشان لو تفتكرى ال28 حاجة تقريبا اللى عمرو خالد قال لازم تعملوا على الاقل 10 منهم وانه على ضمانته هيبقى انسان ناجح اللى هيعمل 10 و كان اجبارى منهم قراءة كتاب كل اسبوع او اسبوعين )

بس بعدكدة نسيييييييييت مع الدراسة .. بس انا غلطانه انا برضه ممكن يكون عندى وقت شوية بس بضيعه

اللى بعدى

نفسك تشتغل ايه و شايف فى نفسك ايه يؤهلك انك فعلا تشتغلها ؟؟

عادى ما انا كمان كنت دايما بقرا كتير بقالى فتره مقصره بس ان شاء الله ارجع اواظب تانى لانى

كنت بحس بفرحه كده وانا بقرا ومش عايزاها تضيع منى ..

بالنسبه للشغل فانا قولت كذا حاجه زى مذيعه ومعيده فى الكليه ومترجمه ومدرسه

بس انا حاسه انى لو اشتغلت فى اى حاجه ليها علاقه بالناس والتعامل معاهم هتفوق فيها ان شاء الله

حتى لو مكنش ليها علاقه بدراستى

نفسه ؟

كان نفسى ابقى دكتور نفسانى

بس يالا بقى اهو مصيب

تفتكر الفترة اللى جاية فى مصر هتبقى عاملة ازاى ؟

ان شاء الله خير ..بس لو كل واحد اشتغل و عمل اللى عليه بضمير

طب اللى بعدى

سؤال مهم جدااااااا ..حاسس انك عامل اللى عليك بنسبة قد ايه ؟؟ و ايه اللى يثبت ان كلامك دة صح و انك فعلا عامل اللى عليك بالنسبة دى ؟؟

لسه مش عامل كل اللي عليا
ويمكن أخر كلام قالهولنا دكتور عمرو عثمان في الكورس:
لما تمشي في الشارع تنور يبقى تعرف ساعتها إنك إستغليت كامل الطاقه التي بداخلك
وانا لسه منورتش وأكيد كلنا كده يبقى لسه فيه كتييييييييييير نعمله

مش عارف الأجابه دي صح على سؤالك ولا أنا فهمت حاجه تانيه
على العموم
نفسه

نفس اجابة محمد برده

لسة ماعملتش كل الي اقدر اعمله

ربنا يعنا كلنا


تعرف حاجة من ال28 حاجة اللي قال عليهم عمرو خالد للشخسية الناجحة ؟؟

لا هما 18 بس تقريبا او 19

بس انا ملحقتش انقلهم كلهم وراه

هى اول حاجة و قال دى اجبااااارى ..
1- اقرا كتاب كل اسبوع او اسبوعين على الاقل
2- اقرا جريدة هادفة كل يوم
3 -اشترك فى مجلة ثقافية
4- سافر لبلدان العالم ( ممكن نعملها دى عن طريق النت ..دة اقتراح من عندى )
5-اتعلم حرفة من صنايعي
6- زور اثار و معالم بلدك .. بمرافقة خبير (هى المشكلة فى الخبير دة )
7- رافق عالم او اى شخص لديه علم كثير ... حتى لو هتشيله الشنطة
8- شاهد قناة ديسكافرى (مش عارفاها دى )
9- ابحث عن تاريخ عيلتك
10- اكتب مذكراتك او شعر او ..( اى حاجة من جواك يعنى )
11- اسال فى الفصل ( المدرج بالنسبه لينا )
12- العب شطرنج
13- ادخل على النت لزيارة مواقع ثقافية
14- اشترك فى مكتبة عامة (و طبعا تروحهها )
15- اشتغل فى الصيف



و مش فاكرة ايه الباقى بس هما على موقعه بس باين منهم 16- العب رياضه

هما عموما كانوا فى الحلقة اللى بتتكلم عن اهمية العلم اللى بيحكى فيها قصة سيدنا موسى و الخضر .. الجزء الاول منها

و قال ان على ضمانته اللى يعمل 10 منهم هيصنع حياة غير عادية لامته و لنفسه




اللى بعدى نفسه لو حد فاكر الباقيين
و لو مش فاكر او فاكر برضه يبقى السؤال ايه من الحاجات دى انت بتعمله و ايه منهم ناوى تعمله و ايه منهم مش ناوى

مع ذكر الاسباب

بما ان محدش جاوب اغير السؤال شوية بس هبقى اسئلةه تانى ان شاء الله


و دلوقتى سؤال علشان غاظنى شوية

كنت بعمل اختبار كدة على الفيس بوك و طلعتلى النتيجة كدة

اقتباس :

بص هما بياخدوا عنك أنطباع أنك تنك وطالع فيها بس لما بيقربوا منك بيعرفوا أنك حبوب خالص وايزي جدا بس هي المشكله بتكون خجل مثلا

فالسؤال للى بعدى هو انا فعلا الناس بتاخد عنىانطباع فى الاول انى طالعه فيها !!!

ايوة

نفسة ؟

ايه دة بجد و الله ؟؟؟؟؟!!!!!!!!!!!!!!!!!




طب ليه ؟؟؟؟؟؟

متهيالى الحمد لله معمريش عاملت حد بطريقه فيها تكبر مثلا و اى حد بيطلب منى حاجة بحاول اعملهاله

ليه بقى بجد ؟؟؟؟؟؟؟؟؟؟؟؟

يعني انا عملت مواقف ايه بتحسسكوا بكدةعلشان معملهاش تانى ؟؟؟

يا بنتى عادى

ما انا زيك كده واحده برضه قالتلى انا كنت فكراكى متكبره جداااااااا ورخمه

ولما عرفتك لاقيتك طيبه اوى لدرجه ان اى حد ممكن يضحك عليكى.



بسممكن يكون بيبان عليكى انك ايزى مع كل الناس مثلا او انك ترفضى تعملى حاجه هما شايفنها عادى وانتى لا او اى اختلاف معين ممكن يشوفوه تكبر او تناكه,

المهم ان حقيقتك مش كده وانتى وانتى بتتعاملى مع الناس ما بيكونش جواكى اى كبر واعتزاز بالنفس زياده عن اللزوم ,

وانك دايما تكونى مبتسمه فى وش الناس كلها وما تحاوليش تتلخبطى لما الناس تكلمك لانهم ممكن

يفهموها انك مش عايزه تكلميهم وانك بصالهم على انهم اقل من مستواكى وبتعملى اى حاجه علشان تهربى منهم ..


بس انا ما اتعاملتش معاكى فى الحقيقه وعرفش اذا كان فعلا بيبان عليكى كدا ولالا ؟؟

بس انتى اللى بداتى تتعرفى عليا على النت وبعتيلى مسجات وماحستش خالص انك متكبره فيها

انا حسيت بالعكس تماما ..



نفسه ؟؟؟

طيب ممكن ارد برضه علي السؤال

هو مش ايوه علي طول كده بس ممكن ...

بس مش موضوع مواقف و لا حاجه بس ارائك في بعض المواقف بتبقي فيها نوع من الحماسه شويه واحيانا بعض الهجوم علي افكار معينه و بعض استنكار افكار تانيه بطريقه شديده شويه ممكن تكون عند الباقين عاديه

فممكن ده الي بيدي الانطباع ده ؟!!!
انتي شايفه ايه

انا مش شايفة حاجة



:hhhhhhhhhhhh:



قال شايفة قال يا خويا




اللي بعدي


ايه الحفرة اللي حفرتها لأخيك ، ووقعت انت فيها؟

ميرسي على ردودكووا يا جماعة .. و انا شايفه ايه...مممممممم

يعنى صح انا بتحمس جامد لافكار بس دة ايه التكبر فيه دة ..مكن يقولوا شكلك عندية مثلا لكن انتى مش عندية

بس انا حتى زى فداء ما بتنصحنى ابتسم ..انا على طول مبتسمه تقريبا فى ناس كتير تيجي تقولى عرفاكى و فاكراكى بابتسامتك دى ..و ناس كتير تقولى انتى دايما مبتسمة

انا لما فكرت قلت ممكن الولاد يفتكرونى صح طالعة فيها لانى مش بحب اكلمهم و لا اعاملهم و لو حد كلمني بحاول اقصر واخلص بسرعه فممكن يفتكروا دة تكبر مني

لكن لو بنت افتكرت كدة تبقى بتستعبط بقى

المهم اجاوب السؤال بقى

متهيالى الحمد لله مبحفرش خالص حفر لاخواتى و لا حتى بهزار عشان بكره المقالب اصلا

مش فاكرة انى عملت مقلب فى حد ..او يعني نادرا لما اعمل فى حد مقلب فمش فاكرة بصراحة


طب نفسه علشان حد يجاوب عليه

بالنسبة لندى

انا شايف كده بس ده باين عليه انه غصب عنك مش قاصدا يعنى

عموما

انا الحمد لله مش بحفر حفر لحد

ممكن حاجات كده بعملها فى اخويا بتقلب عليا انا فى الاخر

طيب

شايف انى متشدد فى افكارى لدرجة عالية جدا والافكار ديه دايما غلط
وانا بجادل لمجرد الجدال مش اكتر ؟

مش متشدد بس انت سعات بتصر على رايك ومش بتحاول تتناقش

مع انك لما بتتناقش سعات بتقتنع براى الناس التانيه

مفهمتش يعني ايه الكلام اللى عليا

بالنسبة لحكاية التشدد لا هو مش تشدد وو لا حاجة هو متهيالى المشكلة انك دايما بتبص من الاتجاه الواقعى البحت و مش بتحط اى امال او احلام

و هو صح الاحلام لوحدها غط بس الواقعيه اوى برضه مش صح لازم تعمل ميكس ما بينهم


اللى بعدى

لو معاك علبتين واحدة فيها حاجة هتفرقع وواحدة فيها هديه ..تدى مين العلبه الاولى و مين التانيه من اعضاء المنتدى

انا هاخد الهدية

و احط اللى هتفرقع فى نص المنتدى

طب نفسة ؟

الهدية لياسمينتى طبعاااااا .. و اللى هتفرقع مممممممممم ....... و لا بلاش ..حرام برضه


اللى بعدى

ايه اخبار الدراسة معاك .. مع الشرح

و ده سؤال برضه يتسأل هنا

نقول الحمد لله لسه

نغير السيره دي بقي ....

السؤال بيقول علل ..

شايف ان المنتدي ما بقاش زي الاول ليه من وجهه نظرك ؟

عشان الناس اللى كانت بتخش فى الاول مبقتش بتخش

نفسة ؟

ما هى الفكرة بقى هما مبقوش يخشوا لييييييييه

لازم نسالهم و نعرف ايه الموضوع


ممكن نعمل بحث ميدانى الولاد اللى بيدخلوا يسالوا اللى مبيدخلوش و البنات اللى بيدخلوا يسالوا اللى مبيدخلوش و نعرف و نتقصى الحقائق و نصل الى الحل بإذن الله

ههههههههههههههههههههههه

المنتدى ممل

محدش يزعل منى

الاعضاء مملين مش عندهم جدي او هما مش بيغيرو فى نفهم وده هايظهر على المنتدى

وكمان المواضيع حاسس انها عواجيزى جدا وعقيمة فكريا

لازم تجديد

انا كنت هاعمل حاجات كتير هنا

ولكن كالعادة قولت انا هاضيع وقتى والناس هنا مش بتقدر

تعمل ايه لو انت تعبان وعندك حاجات كتير تعملها ومش قادر؟

دة ايه التشاؤم دة ليه متوقع اننا لازم مش هنقدر ..خليك واثق فى اللى انت هتعمله

وو بالنسبة للسؤال ارتاح شوية و بعدين اقوم و افوق و اتوكل على الله و ابدا اعمل الحاجات واحدة واحدة حسب اولويتهم

طب اللى بعدى

ايه اهم 7 حاجات عملتهم السنه دى ؟