اسال اللى بعدك سؤال

اكبر حلم حلمت بيه ...


ابقى head HR لشركة كويسة

وربنا يعيني كدة وادي كورسات Hr وغيرها ان شاء الله



نفسه

قاعدة فى مدرج من مدرجات كلية تجارة و بشرح للطلبة و قدامى كتاب مكتوب عليه اسمى بس صغير و مفهوش رغى على الفاضى و فيه شرح بطريقه جديدة و شكله حلو


اللى بعدى

ايه رايك فى جدولك و دكاترك الترم القادم ..ان شاء الله

ابو الوفا ابو الوفا .. ماعرفوش


ودكتور ناصف ربنا ينفصفنا على اديه


دكتور ناشد اسمع انه كويس


عموما حاسس انهم احسن من اللي ادولنا الترم اللي فات



نفسه

انا مبسوووووووووطة اوى ان عندى د محمد المحمدى

و مش عارفه الباقيين كلهم

و متضايقه ان برضه كله فى مدرج ا او يووم واحد فى ب

وحشتنى بقيت المدرجااااات

اللى بعدى

ايهمبسوط من اداءك الترم الاول و لا لا ..

مش عارفه هيتحدد بالنتيجه
ربنا يوفقنا كلنا يارب
طيب
استفدت بجد من معرض الكتاب وايه رايك بيه مقارنه باللي فات؟؟

هو المعرض كويس بجد ويبقى مفيد للناس اللى بتحب القراءة

وفيه كمية كتب جميلة ومفيدة ورائعة

بالنسبة للمرة اللى فاتت انا مش روحت المرة اللى فاتت

بس الناس اللى كانو موجودين بيقولو انه احسن من المرة اللى فاتت

وانا شايف انه احسن بجد

وربنا يفرحنا

نفسه؟

انا معجبنيش معرض السنه دي
انا روحته مع عيله النهارده اي نعم كنت تعابنه جداا وسخونيه كانت مبهدلاني بس الحمد الله ماما كانت معايا

بس مش عارفه كنت حاسه انه فاضي شويتين
يعني قعدت ادور علي كتب الشعر كتير جدا وملقيتش غير لشعره جداج
ومفيش حد من القديم خالص
وغير كده
في كتب الدينيه مكنش في جديد
غير كتب بسيطه قوي

مش عارفه ده راي



طيب نفسك تحقق ايه السنه دي

هو انهاردة كان اخر يوم فكان طبيعى يبقى فاضى

انا بقى نفسى ى حاجاة كتير اوى السنة ديه تتحقق

نفسى اخلص الكلية واخلص الجيش على خير ان شاء الله

وكمان اشارك فى تنظيم كاس العالم ان شاء الله

وكمان احقق امنية حياتى فى الشغل اللى هو فى دماغى

وكمان نفسى تكون السنة ديه تكون فاتحة خير عليا فى مشوار الزواج بأذن الله

وربنا يكرم كل الناس ويكرمنى

نفسه؟

يا عم يا عم ... هتعزمنا بقى إن شاء الله
وبعدين ربنا يكرمك في كل اللي تتمناه في حياتك إن شاء الله وربنا يحققهولك

نفسي السنة دي أكتسب خبرات جديدة وأتعرف على ناس كويسة باللإضافة للي عرفهتم الحمد لله وكمان أخلص أول سيناريو علشان يلحق يتصور
بس قبل كل ده نفسي النتيجة تكون كويسة يارب

نفسه؟

شكلك فهمت غلط

هل لو انت بتحب التجديد ده يدل انك ماعندكش انتماء ؟؟

التغيير مهما كان مش بيبقى تغيير في كل حاجه بيبقى تغيير في حاجات وحاجات لا
يعني في حاجات الإنسان أتربى عليها زي أخلاقه ومبادئه والأعراف وقبلهم تعاليم دينه كل دي ثوابت عند الأنسان مش بتتغير وهي دي اللي بتعمل إنتماء الشخص فالواحد لو أتغير هيفضل عنده إنتماء لهذه الثوابت
نفسه

لا اكيد التجديد مالوش علاقة بالانتماء

بس عندى انا ليه علاقه

هو فعلا زى ما محمد مجدى ما قال فى تغيير فى حاجات و حاجات مينفعش تتغير

انا عن نفسي معرفش ليه مش بحب التجديد الا فى حاجات قليلة اوى ..زى ما مثلا اشترى لبس جديد عشان اجدد ..لكن مثلا محبش اغير بيتنا و لا اروح بلد غير مصر حبيبتى و لا اغير اصحابى و لا اغير اسلوب مذاكرتى و لا مكان مذاكرتى

عموما مبحبش التغيير و لما حاجة بتتغير مبقدرش اتاقلم معاها بسهولة ..وبعتبر دة انتماء شديد (مرضي شوية ) للحاجات اللى بحبها .لكن فى حاجات اكيد بغيرها شوية الواحد بيزهق برضه اكيد

نفسه

التجديد عموما مافيهوش مشاكل

فيه انتماء للحاجات الاساسية

باقي الحاجات الواحد ممكن يغير فيها عادي


طيب بتحب تقضي يومك ازاي ؟؟

لو ف الأجازه العاديه بحب اقعمل كل الحاجات الل انا عايزها فيه
بين لعب كوره وقراية الكتب اللي جيتها من المعرض وكمبيوتر وزيارة ولاد خالي ونلعب سوا برو
وممكن فيلم بليل ع الكمبيوتر وقراءة قران قبل المغرب ويا سلام لو فيه خروجه ظريفه الصبح لو الجو حلو ووزع الحاجات دي على اليوم بقى
لكن الأجازه دي الوقت بايظ بشكل وحش جدا وبيبقى اليوم كالأتى اصحى وانزل عشان العسكريه ونفضل هناك طول اليوم ونخلص الساعه 2 ونرجع 3 تغدى ونرتاح وننام شويه ونصحى بليل عشان ننام تاني عشان لازم أصحى الساعه 5.30 وهكذا ولو قدرت بين فترتين النوم دول أبقى ع النت شويه أو أكون مع أخواتي
يارب العسكريه تخلص على خير
بس منكرش إنها مفيده جدا
نفسه

اله يخليكوا حد يقولى ايه العسكريه اللى بتقولوا عليها دى ؟؟؟؟؟؟؟؟؟

أحسن واحد يكلمك عنها محمد مجدي ...

العسكرية ديه عبارة عن فترة لازم نقضيها تحت اشراف الجيش

خاصة الدفاع المدنى وده علشان نعرف اكتر ازاى نعرف نتصرف لو حصل حالة حرب

احنا بنبقى الجيش التالت اللى هو الدفاع المدنى اللى بيبقى داخل المدن علشان يساعدو الاهالى

او حاجة زى كده مجرد فكرة علشان نعرف الانضباط والاحترام للمواعيد وحاجات كتيرة

هى فترة جيش مصغرة وترفيه

فعلا زي ما قال بروف كده
هي بتبقى عباره عن تدريب طلبة الجامعه على مواد عسكريه كان المفروض بيبقى فيها عملي ونظري بس نظرا لزيادة الأعداد بقت نظري والعملي بتاعها بقى طابور صباحي بنتعلم فيه الالتزام العسكري والحاجات اللي بيعملوها في طوابير الجيش والكليات العسكريه وعن طريقها بيتم تأهيل الطالب إنه يقدر لو حصل اي ظرف عسكري يقدر يتعامل مع الموقف إزاي وينظم نفسه وينظم الناس اللي معاه
وبإنضمام الطلبه للتربيه العسكريه أسمائهم بتروح مجلس الدفاع الشعبي الخاص بكل محافظه عشان لو حصل أي حاجه بيتعمل ليهم أستدعاء وبيبقوا من ضمن قوات الدفاع الشعبي اللي بتادافع عن المؤسسات الحيويه ف المدن والواقع الهامه والأستراتيجيه ده في حالة إن العدو قدر يعدي من الجيش اللي ع الجبهه بتاعت الحرب
والتربيه العسكريه ف الجامعه بقت شرط لحصول الطالب على الشهاده بتاعت التخرج لكل طالب في إنتظام وبتبقى لمدة أسبوعين والأسبوع التاني بيبقى فيه امتحانات وبيطلبوا مننا بحث عن موضوع معين والأمتحان بيبقى عملي ونظري
وهي مفيده جدا وبنتعلم فيها الألتزام العسكري اللي هو غير الاتلزام بتاعنا خالص ده حاجه تانيه مفيهوش هزار خالص
ولازم ننام بدري عشان نصحى الفجر ونلحق الطابور الصبح بدري والناس بتوع القوات المسلحه غاية في الأحترام والمعامله الكويسه بجد وتنظيم عالي جدا ولكل حاجه أي حاجه إحنا بنعملها بتبقى بنظام حتى الجلوس في المدرج والخروج والوقوف واللبس وكل حاجه وده طبعا بيفيد الواحد إنه يبقى منظم في باقي حياته وملتزم بمواعيده وكلامه وهكذااااا
بس خلاص هي دي تقريبا التربيه العسكريه يا فداء
السؤال للي بعدي:
ايه رأيك لو كل اللي انا قلته ده بتعمله ف الاجازه وهل لو إنت بتعملها ف الأجازه هتقدر تعمل حاجه تانيه جنبها؟ عشان انا زعلان إني معملتش حاجه معاها لحد دلوقتي ,وإنها واخده كل وقتي

يااااااااااااه يارب يخليكوا انتوا الاتنين

لحسن انتوا بتتكلموا عنها من زمان وانا مش فاهمه هى ايه دى ؟

بس بجد ربنا يعينكم دى حاجه متعبه خالص

وبالنسبه لسؤالك

لو انا اللى بيحصلى كده

ففى حاجه واحده بس هعملها مع اللى اللى بيحصلكم ده

انى هرجع انام لتانى يوم

دى الحاجه الوحيده اللى هعملها

ربنا معاكم ويعينكم


نفسه ؟

هيبقى صعب جدا جدا خصوصا ان فيه ضغط جامد اوى
بس ممكتن مقيش شئ مستحيل

لو انت رئيس وزراء ايه الوزارات الى هتهتم بيها وتمسكها لمين من اعضاء المنتدى؟

ده سؤال بس ولا ناوي تتطبقه ؟ أصلي عايز أنضم لمسابقة زي كدة لأني عندي حلول لمشاكل كتير أوي في كل حاجة على قد م بقدر يعني .. بس هتنفعنا أوي لو اتنفذت صح ومحدش يوقفها

المهم برغم إني من أول المهتمين باللغة والتعليم مش همسك الوزارة دي رغم إنها الأساس
وكمان نظراً لميولي الفنية واللي تشمل أي حاجة ليها علاقة بالثقافة والإعلام مش هدخل فيهم برضه
بعد عدة مشاورات مع نفسي لقيت إني ممكن أمسك التجارة والصناعة لأنها حيوية جداً وممكن تخلينا بلد متقدمة جداً

بس مع رئيس وزراء مش عارف أنا معرفش أوي الناس علشان أديلهم الوزارات
هسيب ده للناس لكن لو معندكوش مانع سيبولي التجارة والصناعة أو الصناعة على الأقل لو هتفصلوها

نفسه؟

سؤال غريب ؟

بس انا عن نفسى همسك وزاره التربيه والتعليم

على الاقل اصلح منهج سنه رابعه واريح ماما ونستريح احنا من زعيقها فى خالد اخويه

وهاخد معايا ندى هتفرح اووووووووووى

وبالنسبه لوزاره الاعلام فدى هتبقى لمها smileومعاها اخوها علشان يبقى تخصص نكت

الرمح المحصور (على راى الاء ) ومعاهم ياسمينه بالمره هيطلعوا شغل حلو


ووزاره الزراعه هديها لادمين علشان يزرع ويعمر ويعمل كل اللى نفسه فيه

ووزاره التجاره هسيبهالك يا حنظله ما دام انت عايزها (وسطه من قبل التعين لو بقيت وزيره هبهدلكوا )

ووزاره اسمها ايه دى ايوه الداخليه هديها لبروف

بما انه دايما يقول انا ما بحبش الحال المايل

ووزاره العدل ممكن نديها لعاشق الجنه وترافيلر

(هما اصحاب فى التنميه البشريه ومش هيبوظوا التنميه اللى بقالهم كتير بيتكلموا عنها

ومشرفين اسلامنا وان شاء الله مش هيظلموا حد وقولت بلاش ابعدهم عن بعض

وهما مع بعض بيبقى شغلهم احلى )


الخارجيه بقى امممممممم ممكن محمد مجدى او مصطفى مجدى حاسه انهم لايقين عليها


اه هو فى وزراه للمراه او الشباب والحاجات دى بيتهيالى فى

المهم هديها لبسبوسه اى حاجه تبع المراه يعنى

وزمزم بقى هديها اى وزاره فيها شغل على طول من غير رغى كتير

ممكن القوى العامله علشان تورينا العمل بجد


فى ايه تانى

اه وزاره الاوقاف مين ياخدها امممممم

مش عارفه بقى خليها للى يحبها

ومحدش يزعل بقى لو نسيته



نفسه ؟

عذراً للمقاطعة .. لكن شكراً على إنك افتكرتيني ويارب أكون قد المسؤولية

هههههههههههههههههه

العفو على ايه

حسستنى ان الحكايه بجد

ربنا يوفقك فى حياتك