هيا معناها ايه في حياتك

و الله حسيت انى عينى بتدمع من كتر فرحتى لصاحبتى النهاردة الحمد لله

ربنا يكرمها و يكتبلها كل خير



اللى بعدى

كل الناس

حزن

نفسه؟

ليه بس حزن

لا انا الناس بالنسبالى حاجة جميله اوى
منغيرهم منقدرش نعيش

و لا تحلى الدنيا الا بناسها

مفيش انسان يقدر ييش وحيد

و انا بحب كل الناس اوىىىىىىىىى ما عدا بس اللى يحارب دينى اوى بلدى


اللى بعدى


نفسك

قلق وخوف

نفسه؟

نفسى

ساعات بحس انى بكرهها و مش طايقاها لما تبقى وحشه و تخلينى اعمل حاجة غلط
و خصوصا فى رمضان الحمد لله بنخلص من الشيطان لكن هى اللى بتفضل موجودة

و ربنا يساعدنى و اقدر اخليها تبقى حلوة فى رمضان و تستمر كدة علطول ان شاء الله


بس برضه بحبها و بتصعب عليا و نفسى اخليها حلوة دايما


برضه نفسك

نفسي ، بأحس انها فعلا من الفراعنة في علومهم


بحر غويط ، قدرات كتير ، علوم ياما ، لكن للأسف مش مكتشفين ولا مستغلين كويس




اللي بعدي


الفراعنة؟؟ وخصوصا بذكرهم في القرآن والمقولات والاشعار القديمة

ممممم مش عارفه

بحب حضارتهم و بفتخر بيها
و بحب اسميهم قدماء المصريين عشان مش بحب فرعون (سمعت ان دة اسمه مش لقب )

لكن هما نفسهم

معناهم مش كبير اوى فى حياتى

اكتر من انى استغل و اطور اللى عملوه 0(دة المفروض يعنى )

بفرح لما اعرف انهم اخترعوا حاجة من الاف السنين و ان ليهم حاجات عظيمه و اكتر حاجة تفرحنى لما مرة سمعت حاجات على ان كان منهم كتير مسلمين

و ان فى حاجات كتير مفهومه غلط عنهم و ان كان كتير منهم اوى موحدين




على العموم

دول ناس عاشوا قبلنا

احنا استفدنا منهم و نستفيد اه

لكن مش لازم نشغل بالنا هما كانوا ايه

الموضوع دة مجرد انه بيفرح اة و خلاص

لكن المهم اننا نشوف نفسنا احنا ايه

واقفين فين

و صلنا لايه جنب البلاد التانيه و هما كانوا واصلين لايه جنبها

و نستفيد من اى حاجة ممكن نستفيدها منهم

لكن اكتر من كدة ملهوش لازمه

و مبحبش موضوع الموميوات دى


احنا هنقعد نتفرج على ميتين

دة حتى اكرام الميت دفنه

لكن اعمالهم الفنيه فدى فعلا بموت فيها و بستعجب من روعتها بعد كل السنين دى







كفايه كدة بقى



مع تحياتى

بنوته مصريه

بتموت فى مصر


اللى بعدى


مصر

معرفش بس بحس سعات أنها حلوة بالناس اللي اعرفهم فيها وبحس أنها وحشه لأنها ضعيفة وفي ناس وحشه فيها

بيتك

It Is Fun كتب:

معرفش بس بحس سعات أنها حلوة بالناس اللي اعرفهم فيها وبحس أنها وحشه لأنها ضعيفة وفي ناس وحشه فيها

بيتك

طبعا المفروض محدش يقول علي بلدة كدة وخصوصا لما تكون البلد دة مصر لان مهما حصل الواحد لازم يكن لبلدة كل الحب والولاء لان البلد ده هي اللي احنا اتولدنا علي ارضها وهي اللي الواحد عاش فيها واتربي فيها فمهما حصل من ظروف هتفضل هي بلدنا وكفاية انها ام الدنيا واللي مالوش خير في بلده مالوش خير في نفسه فلازم ان احنا نحب بلدناوحتي لو فيها ناس وحشة احنا اللي بادينا نطهرها منهم.

ربنا يكرمك

هو دة الكلام

مصر لو فيها حاجة مضايقانا نغيرها مش نقول انها وحشه عشان فيها الحاجة دى

ربنا يكرمنا و نقدر نحافظ على مصر تفضل ام الدنيا .


و بالنسبه للسؤال بقى

بيتى

هو المكان اللى عشت و اتربيت و اتعلمت فيه حاجات كتير
و فيه اعز ناس عليا
وهو المكان اللى بيؤوينى بفضل الله و بحس بالامان فيه
و هو اللى لازم احافظ عليه و اخليه احسن بيت
و لو لقيت فيه شىء مش عاجبنى اطرده . مش اطرد نفسى و اعيش فى الشارع و اقول دة مش عاجبنى

بيتى هو بلدى مصر
و بيتى الصغير هو بيتى اللى جوة احلى بلد فى الدنيا مصر



اللى بعدى

اول ليله فى رمضان





سلاااااام علييييييييييكم و رحمة الله و بركاته

ليلة الخير كله
نفسه؟

ليله بتبقا الهمة في القمة ساعتها ويارب تفضل للاخر
ويارب نسالك العتق يارب




الي بعدي
سلبيات مصر

دافعي نحو التغيير



اللي بعدي

الكيبورد؟؟

اكتر حاجة الواحد بيستخدمها في الكمبيوتر


الساعة

اهم الاشياء اهمية

وكمان هى الاحساس بالوقت

طيب

الفول بتاع السحور؟

مش حلو هو صحيح بيساعدك على الصوم بس تقيل وكمان مش لازم فول في السحور
ده حتى الرسول صلى الله عليه وسلم كان بيتسحر تمر ممزوج باللبن وكان بيصوم مع أنها خفيفه
أما أنا بتسحر طبق قمر الدين وبشرب لبن وباكل سندوتش رومي وبس ده السحور بتاعي

نفس السؤال هو أنا هجاوب على السؤال لوحدي ؟

انا بتسحر زبادى وتمر فقط


الى بعدى

الصدق

حاجه أساسيه

يعني في يوم من الدراسه وأنا كنت في أولى ثانوي كنت رايح المدرسه قابلت أصحابي وقالولي أنهم رايحين ياكلو سندوتشات فول من مطعم فرحت معاهم وكلو وخلصو وبعدها رحنا المدرسه وكان الوقت متأخر يعني في نص الحصه الأولي وبعد موصلنا المدرسه دخلونا واحنا داخلين الفصل لقينا المدرس بيألنا كنتم فين صحبي قالو أنا لسه جاي والله والتاني قالو وأنا كمان أما أنا قولت له كنت في مطعم أنا وأصحابي بيكلو فالعيال اللي في الفصل ضحكم عليا المهم الاستاذ أستغرب وبعدها قالي خش عشان قولت الحقيقة أما أصحابي فأضربو علقه حلوة

نفسه؟

هههههههه .. الكدب مالوش رجلين بس ربنا يستر عليك بعد الحصة

أهم حاجة في الحياة لأن الحياة من غيره بتبقى مزيفة .. بس للأسف بقى عملة نادرة دلوقتي

ومافيش أحلى من انه يخلي الواحد يكتب عند الله صديقا لو التزم بيه


رمضان ؟؟؟

احلى شهر فى حياتى

فى كل حاجة عبادات وصدقات والاقارب والاصدقاء

وغير كل دول

التقرب من الله

نفسه؟

رمضان شهر كريم
صلاة وصوم وتقرب من ربنا
شهر المحبة والمودة
طيب المظاهر

بحاول اهتم بشكلي قدام الناس ولبسي وابقى واد ملوش حل

نفسه؟

المظهر اول انطباع يؤخذ وبيتكون علية الفكرة الاولى وعلشان كدة لازم الاهتمام بة يكون فى المقام الاول ولا يقل عن اى جانب تانى من جوانب الشخصية
نفسة

المظاهر اللغة الاولى لقراءة الشخص رغم انها ممكن تكون كدابة او خداعة

بس لا شك انها لغة مهمه لقراءة الاشخاص وخصوصا لو الواحد عنده خبرة فى البشر

اللى بعدى

الغرور

الغرور ديه كلمه وحشه
لان الانسان لما بيتعامل مع اللى حوليه بغرور وتعالى الناس اللى حوليه بتكون مش حباه
ومفيش احسن من البساطه فى التعامل مع الناس
والغرور ده نهايه للانسان لان الناس هتبعد عنه من تصرفاته معاهم وهيكون حاسس انه هو كده احسن واحد وبالعكس بيكون الاسوء لان كل انجازاته بتتوقف على كلمه انا الافضل فبتالى مفيش تغيير ولا تطوير
اللهم مابعد الغرور عن المسلمين وارزقهم القناعه يا رب

اللى بعدى
نفسه