هتعمل اية

ربنا يكرمكوا على افكاركوا

و اللى بعدى

تعمل ايه لو حاسس انك السبب فى زعل حد بس منغير ما تكون عملت حاجة

اقوله انت بتستهبل انا جيت جنبك ولا كلمتك

يعنى كده اهزر معاه و اشوف ايه اللى مزعله و نتصالح

اللى بعدى

تعمل ايه لو 7 اشخاص طلبوا منك حاجات مختلفه و عاوزينك تعملها فى اقري و قت و انت مش عاوز تعمل حاجه و مش عاوز تكسف حد ؟

حلوة 7 أشخاص دي ... لكن حاول على قد م تقدر تنفذ حاجات الناس اللي ممكن يحصلك أو يحصلهم ضرر لو معملتهاش في وقتها الأول وبعد كدة الأقل فالأقل
بس ظبط مع حد مواعيد تكون ورا اللي قبله بحيث إنك تلتزم بالمواعيد على حسب وقتك انت وربنا يوفقك

وبالنسبة لحكاية الشخص اللي زعلان ده ... ممكن يكون مش زعلان من شخص هو ممكن يكون زعلان على شخص أو لو مجرد إحساس يبقى نراقب أثره من بعيد ... لو أكيد يبقى المواجهة أحسن لكن مش بطريقة جامدة الأول .. التفاهم هيجيب نتيجة أكبر ... ومش كل الناس تقدر تتقبل (انت بتستهبل) حتى لو بهزار

يارب أكون أفدت حد من السؤالين

طب تعمل إيه
لو عايز تشيل حاجة من دماغك ومش عارف .. مسيطرة عليك جامد وشاغلة تفكيرك ... لأنك مفكرتش فيها حالياً فكرت فيها مستقبلاً فحاسس إنها لو ضاعت مستقبلك يبقى ضاع ؟؟

الانسان هو صاحب القرار

ولازم يعرف ياخد القرار الصح ظل الظروف اللى حواليه واللى موجودة

والمخ عامل زى الهارد انت تشيل اللى انت عايزة وتحط اللى انت عايزة

هى ارادة مهمة جدا وبغيرها يتحول الانسان لجماد

نفسه ؟

انت القبطان وانت القائد الاعلى لحياتك
متخليش حاجه تسيطر عليك وعلى تفكيرك خليك انت المسيطر

نقسه

بصراحه مش سهله

بس عايزه اراده قويه وهمه عاليه

وقرب من ربنا ودعاء كتير ان ربنا يعينك وتنساها

وممكن كمان تشغل نفسك بحاجات تانيه

انا جربنت الحكايه دى ونفعت

ان انت كل ما تيجى تفكر فى الحاجه( اللى انت مش عايز تفكر فيها )

تجاهد نفسك وتفكر فى اى موضوع تانى وحاول انه يكون مفيد وشويه شويه هتنسى

بس المهم تفضل كده علشان ما ترجعلهاش تانى




تعمل ايه لو عندك اخت كل ما تتخبط فى رجلها تقولك انت ومامتك انا هتشل صح ؟؟؟؟؟

يا عينى عليا (وهى مبتسمه جدااااااااااا وبتضحك وبتهزر )

وبعدين تقولك بتحدى عارف لو اتشليت هخليك

غصب عنك تبوس رجلى صابع صابع وعقله عقل

!!!!!!!!!!!!!!!!!!!!!!!!!!!!!!!!!!!

تعمل معاها ايه ؟؟؟؟؟؟

مش تضربها برضه (بس بهزار زى ما هى بتهزر )

أكيد ... في فترة هخليها تخاف من كل حاجة لو عطست مثلاً أحسسها إنها عندها شئ عجيب .. لحد م هي اللي تخاف تقول حكاية الشلل دي .... وربنا يحميها من كل شر يارب

وبالنسبة للحاجة اللي مش عايز أفكر فيها دي مش حاجة وحشة خالص ... ده انا مش عايز أنساها لأنها حاجة كويسة ونفسي تحصل لكن غصب عني مش هينفع تنفع
ربنا يستر

طب تعمل إيه؟
لو مش عارف تفصل الحاجة دي عن باقي النشاطات اللي بتعملها .. يعني هل بتخلط الحاجات اللي مضايقاك فبتأثر على الحاجات اللي مفروض تفرحك؟؟

احاول استمتع بيها
و احاول اخليها سبب يفرحنى اكتر
يعنى اى حاجه كويسه تحصل يبقى خطوه فى الطريق للهدف ده
يعنى مثلا لو عاوز تتقدم لواحده و حاسس انت ممكن تترفض لو اتخرجت يبقى كويس لو اشتغلت يبقى كويس اكتر لو وفرت فلوس يبقى كويس اكتر و اكتر
كل حاجه من دول تفرح لوحدها بس لو خلتها مع الهدف بتاعك هتفرح اكتر و لو محصلش نصيب
خلاص اديك فرحت و الجواز قسمه و نصيب

نفسه؟

احاول اركز في حاجة تانية

واخليش الظروف تاثر فيا

على راي موضوع الظروف اللي في ساحة التنمية البشرية



طيب تعمل ايه لو سرحت .. وحد سالك انت بتفكر في ايه ؟

أجاوبه لو مفيهاش مشاكل .... و لو فيه حاجة مش عايز أقولهاله .. أقوله لأ عادي ده موضوع طويل ... حاجة زي كدة بحيث إني مكدبش يعني

طيب تعمل إيه لو انت عارف إنك ضايقت حد بس ساعتها مكنتش واخد بالك ونفسك تعتذرله لكن الموضوع عدى و حاسس إن من ناحيته الموضوع مبقاش عادي؟

هو على حسب الظروف ..ساعات ناس يبقى الواحد لسه ساكت مع نفسه و يسالوه ..اروح اقولهم ملحقتش لسه اسرح

و لو حد انا بحبه و ممكن اقوله هقول عادى

لكن لو حد رخم و معرفوش ..مش هرضى اقول ..لو حد صغير هقوله و انت مالك ..ولو كبير ممكن اقول لو انا كنت بفتكر حاجة حصلتلى زمان اقول افتكرت حاجةزمان و بس..و لو بفكر فى المستقبل ..اقوله بفكر فى المستقبل ..و كدة

ولو استفسروا اكتر هحاول اتهرب لو مش عايزة اقول



اللى بعدى


تعمل ايه لو انت مقتنع بحاجة انها غلط ..بس مش عارف تجيب الادله علىى صحة كلامك

hanzala كتب:

أجاوبه لو مفيهاش مشاكل .... و لو فيه حاجة مش عايز أقولهاله .. أقوله لأ عادي ده موضوع طويل ... حاجة زي كدة بحيث إني مكدبش يعني

طيب تعمل إيه لو انت عارف إنك ضايقت حد بس ساعتها مكنتش واخد بالك ونفسك تعتذرله لكن الموضوع عدى و حاسس إن من ناحيته الموضوع مبقاش عادي؟

متاسفة اوى اوى ..خدت وقت طويل فى الرد الى فات ..فردى اللى فات مكانش على الموقف دة

اما لو فى الموقف دة

اعتذر تانى و خلاص ..علشان اتاكد ان محدش زعلان مني

اقتباس :

متاسفة اوى اوى ..خدت وقت طويل فى الرد الى فات ..فردى اللى فات مكانش على الموقف دة

لأ مفيش مشاكل خالص ولا يهمك يمكن أنا اللي غلطان علشان لما لقيت حد رد بعت الرد برضه . حصل خير

أما السؤال الآخير :
أعرض أدلتي الصح وهو يعرض أدلته اللي بيدعي إنها صح ونسيب الحكم للجمهور ويا يقعني أو أقتنع (الاتنين معنى واحد لأنه مش هيقتنع برضه) لأ بجد إن شاء الله ممكن يكون الاتنين بيتكلموا صح لكن كل واحد من وجهة نظر مختلفة
وربنا مجيبش اختلاف إن شاء الله

نفسه؟

هي الادلة اللي ممكن تتجاب كتير

بس المهم اكون مؤمن بيها



نفسه

فعلا ..ممكن جداااا يكون فى اكتر من راى صح ..و دى من اهم الحاجات اللى اتعلمتها من عمرو خالد ..و بيكون فى الحاله دى اختلافنا ميزة و ثراء لافكارنا

طب اللى بعدى

تعمل ايه لو كنت لسه بتغيظ واحد صاحبك (على سبيل الهزار الرخم ) فى مدينة تانيه انك شفت حد معين و فجاة النهاردة لقيت اعلان ان الحد دة رايح مدينة قريبه من اللى فيها صاحبك دة بس معاد وصوله هو معاد اللى انت قريت فيه الخبر

تعمل إيه لو مش فاهم السؤال؟ ومتلخبط مش عارف تجاوب؟

ما اعملش حاجه لانه مش بايدى

ولانى بعد شويه هلاقى صاحبى ده باعتلى رساله بيقولى

انه كده كده كان مسارف المكان ده بس بكره مش انهارده

وانى لما قولتله حسرته اكتر

على قدره العجيب الى بيتكرر كتير وهو مش فاهمه

فانا مكنش بايدى حاجه لانى حتى لو كنت قولت صاحبى بدرى مكنش هيروح

فانا مزعلش لانى عملت اللى عليا

عروستى

هى الرساله الغبية اتبعتت يا فداء ههههه

و الله و انا فى نصها قلت لا دة اكيد هيبقى صعب تروحى و قلت مش هبعتها بس اصل موبايلى جديد و مش واخده عليه فتقريبا ضغطت على ارسال غلط (اصل زرايره عكس النوكيا و انا صوابعى واخدة على اتجاهات معينه )

معلش يا دودو

ان شاء الله مرة تانيه يكون اللى جاى هو عمرو خالد بقى ..[س اشوفه قبلك برضه هههه

معلش يا جماعه لو مش فاهمين قصدنا ..اصل مصطفى حسنى ليه ندوة فى المنصورة النهاردة و انا لسه كنت امبارح بغيظ فداء انى حضرتله و هى لا ..فلقيت النهاردة انه رايح المنصورة سبحان الله
بسمعلش تتعوض مرة تانيه و هى تحضر له ان شاء الله

يا بنتى انا اللى هيجبلى انهيار عصبى

اننا من اول الاسبوع واحنا متفقين وعارفين اننا

ان شاء الله هنسارف المنصوره بكره

ومستنين اليوم ده بفارغ الصبر

يقوم مصطفى حسنى يروح انهارده

واللى ضايقنى اكتر انها مش اول مره يحصلى مواقف شبه دى

بس كلها كانت مع د/ابراهيم الفقى

ابقى فى نفس المكان اللى هو فيه والاقيه كان بيدى محاضره وخلصت

هيجى بكره ومعاد المحاضره متاخر مش هلحق احضرها

حاجات كتير تجيب اكتئاب

يا بنتى التلفزيون بيؤدى نفس الغرض

متزعليش نففسك ..روحى افتحى التلفزيون يوم الجمعه هتلاقى مصطفى حسنى ..و هاتى كل قرايبك و جرانك يتفرجوا فتحسى انك فى ندوة

ان شاء الله

و فين الموقف او السؤال ؟
اللى بعد كده

نفسه؟