الياهوو جننننني

سلام عليكم و رحمة الله و بركاته

يا جماعه ايميلى بايظ على طول يطلع الكلام كله حروف ظ و ط كدة

و زهقت منه بقاله ييجى شهر كدة

مش عارفه حتى اتابع الجروب او اوافق على الرسايل و لا لا لانى مش عارفة اقراها

و نفسى اطور شوية فى الجروب و مش عااارفة

و بعمل انكودينج و اجرب عربى و انجليزى و كل اللغات مفييييش فاييييدة

كلها رموز غريبة


محدش عنده حل

سلاااام علييييكم و رحمة الله و بركاته

على فكره يانودى انا برده نفس النظام بس بقى مش من شهر لا بقالوا اكتر من كده

برضه مش عارفه اقرأ اى رساله خالص
فعلطول بتجاهل ايميل الياهوو
فياريت لو حد يعرف حل للموضوع ده يريت يقولنا

انا مقدرش اتجاهله دة ايميلى الاساسى و الرئيسى والشهير و المفضل و كل حاجة

يا جماعه موضوع الياهو ده ان الرسايل تبقلى برمو غريبه
ده من شركه ياهو نفسها عشان عملت تعديلات

وانا كنت قريت الحل هو من encoding تقريبا هدور عليه واقوللكم الخطوات

هااااااااااااااااااااااى يا جماعه موضوع المايل ده كمان كان عندى من حوالى شهر

بس الحمد لله قدرت احل الموضوع ده كالاتى


ا_ ادخل على رساله المايل اللى طبعا مكتوبه بطريقه مش مفهومه

2_هتلاقى فى اخر الصفحه كلمه select message encoding
3_هتختار منها ( arabic (windows 1258
وب كده بتكون اخترت اللغه العربيه للمايل


جربوا الطريقه دى
مستنيه ردودكم

تسلم ايدك يا فيرجينيا ، واهلا بيكي واولي مشاركاتك يا مروة افادتنا


يا ريت تنورينا بمشاركاتك كده علي طول



وبجد شكرا جدا جا علي الافادة دي


حليتيلي مشكلة بقالها شهرين تقريبا معايا ويمكن اكتر


ربنا يكرمك ويكرمنا كلنا

ربنا يكرمك يا فرجينيا نورتيناااا

بس هو انتى مين بقى عرفينا علييكى

و ميرسى اوى بجد اول ما الايميل ما يتفتح معايا هجربها ان شاء الله و يا رب بقى اشوف ايميلااااتى

اصل االايميل مش بيتفتح اصلا معايا دوقتى كمان .. بس هو النت هنا كدة ساعات يعلق مع مواقع معينة

سلاااااااام علييييييكم و رحمة الله و بركاته

لا هو واضح ان فيه حاجة غلط علي كل السايتات



الدنيا برضه عندي بايظة خالص


مش عارف ده سوء حظ ولاغباء من الاخرين

لا بس انا عندى الحكاية دى هنا على طول و كمان الاقى الصفحات تقعد تتفتحلى كتييير و را بعضها ورا بعضها و مش بلاقى حل غير انى اقفل الكمبيوتر عشان هجوم الصفحات دة

دة حتى كوميرس ساعات مبيفتحش معايا

نفس اللي بيحصل معايا


ده علاوة علي ان من امبارح والهوتميل مش راضي يفتح الماسنجر

انا كنت فاكرة العيب فى الويندوز

انت الويندوز عندك ايه

sp2


بس كمان كانت مبعوتالي من السعودية علي فكرة في شهر 9 اللي فات


بس ما اظنش انها مشكل ويندوز


انا لسه مخلي مصطفي ايتس فان يجرب الهوتميل وقالي انه مش شغال


بس انا لسه سائل قربي اللي في السعودية من شوية ان هل الماسنجر بتاع الهوتميل شغال ولا لأ


قالي اه


فتقريبا فيه حاجة واقعة عندنا في مصر


بس حكاية السايتات دي لسه مش عارف في ايه بالظبط !!!

هو السنجر شغال عندى و الايميل بيفتح ساعات و ساعات لا

ما يمكن العيب فى ويندوزات السعودية

مش عارفة بقى

هو العيب فى الياهو
و ملهاش حل و مهندس كمبيوتر اللى قالى كده و قال ان ال gmail احسن و الحوارات دى مش بتحصل فيه
و الصفحات اللى بتفتح كتتتتتير دى فايرس او عيب فى نظام الفاير وول

واضح ان الانترنت اكسبلورر عندي متنيل


انا بتشل علشان اشغل اي سايت


واضح ان العملية بايظة خالص


انا بتابع المنتدي بالعافية

استعمل فاير فوكس
او لو بتستعمل اكسبلورر 7 امسحه ونزل 6
بس لو سبعه مش شغال يبقى العيب فى امكانيات الجهاز بتاعك
الرام قليل البروسيسور قليل كده

لا ما افيش مشاكل


ان شاء الله خير


هو ممكن فعلا الاكسبلورر عايز يتظبط او الويندوز كله ، او برنامج الانتي فيرس