انت ليه بتتكلم كدة و هتقلبها خناقه
(ملحوظة انا ردي بس دة مجرد رد على الكلام اللى اتوجهلى .. مش بتخانق و الله
)
و الحمد لله محمد مجدى وضحلك الظروف .. شكرا اوى
و بعدين انا قلت افكارى اللى عندى و معترضتش و بس بس يمكن كنت عايزة اطلهم مترتبين اكتر من كدة و منظمين اكتر ذى موضوع هشام بس ملحقتش
و انا اصلا ذى ما انت ما مشغول انا اخويا الكبير جالنا و الصغير موجود و وهما صاحيين مش بعرف ادخل اصلا و لودخلت بيبقى يلا قومى و كفايه كدة كلمة بتتردد ورايا دايما
و الصبح بدرى ببقى مش مفوقه لسه اوى و افكارى مبتبقاش طلعت وانا لو مكتبتش الفكرة اول ما جاتلى بنساها غالبا فحبيت اكتبها
يعنى برضه لازم تراعى ظروف الناس
ووواضح جدا ان حيحا مشغول فملحقش فقال رايه الاجمالى و اللى انا كنت هخل اقوله فى الاول برضه بس الحمد لله كان عندى وقت فقدرت اشرح
لانى مش معترضه على الفكرة ذاتها لكن فى نقط كتير فيها و لو حد سالنى عن رايي الاجمالى نعم او لا هقوله لا
مع ان الفكرة فى حد ذاتها عجبانى و لو تلاحظ اقتراحى ان تحت كل مدير هيكون فى فريق و الفريق دة بالنسبه للمنتدى انا مشرحتش صح بالنفصيل
بس قلت القياده هتكون الادمن ذى ما هى يعنى ذى ما انت ما بتقول هشام الادمن و كتر خيره عامللنا موضوع
اه فعلا كتر خيره
بس انا شايفه انه لا ميسيبش مكانه
دة حقه
محدش بييجى يقول لاب من الاباء معلش انت مكنتش فاضي لولادك فقررنا نغيرك و نعزلك من منصبك و محدش فيهم هيسمع كلامك بعد كدة
لان هو ابوهم و دة حقه انه يربيهم .. الا لو كان شخص مجنون و لا عنده مرض نفسي بقى و المحكمه مثلا حكمت عليه ذى فى القضايا اللى بيخلوا واحد ميتصرفش فى فلوسه مثلا بتاعت الحجر و الكلام دة
و هشام الحمد لله معمروش عمل مشاكل و ديموقراطى جدا و كمان هو حابب اصلا الشغل فى المستقبل فى المجالات القيادية دى
فهو من حقه يفضل اللى ماسك المنتدى و هو الادمن
اما بقى اللى تحته فذى ما قلت فريق هو هينظمه
و هيطبق فكرته للادارة بس من رايي يضيف عليها بعض الافكار اللى تخليها تراعى ان المنتدى جزء من شىء اكبر اسمه كوميرس
و هشام يكون مدير للمنتدى اللى هو جزء من انشطة كوميرس اللى لازم متكونش مقصورة عليه
و هيكون معاه كذا شخص تانى ذى ما قلت ناس تكون عايزة فعلا و قد مسئوليه انهم ينظموا و يشتغلوا فى كوميرس هما دول القيادة العليا و اللى من ما بينهم هيختاروا قائد ليهم فايدته الوحيدة انه ينظم و يكون صاحب القرار الاخير لكن ميعملش حاجة الا بمشورتهم
غير حاجة مهمه جدا انت مرعيتهاش فى كلامك
هشام قال دى اقتراحاتتىىى و مستنى اراء 20 واحد عالاقل فيها
يبقى لا يوجد ما يمنع انها تتحول بعد كدة لاققتراحات تانيه اصلا
بس دة ميلغيش دوره او اقتراحاته لانها هى اللى بنفكر من خلالها
و معتقدش ان دة شىء يضايقه ابدا لاننا هنا كتير مكن حد يفكر و هو بنفسه يقول لا دى مش نافعه مثلا فعلا الحتة دى عندكوا ححق
لان معتقدش ان فينا حد بيصر على اللى فى تفكيره حتى لو حس انه مبقاش مقتنع بيه
فمفيش اى شىء يمنع اننا نفكر بهدوء كلنا
و انا متخانقتش و لا اسائت لحد
انا عايزة نوصل لاحسن الحلول و هشام يدخل و يقول رايه ف اقتراحى و يقول ايه التعديلات او الاجزاء اللى مش صح فيه
و كلنا نتناقش كدة بهدوء و ان شا ءالله هنوصل لشىء كويس
المهم نكون عايزين فعلا ننفذ فهنقدر ننفذ
انا شخصيا عايزة انفذ اللى اقترحته جدا
و ممكن دلوقتى ابدا اشوف مين اللى يحب يكون فى الجزء بتاع القيادة و اللى لازم ميكونوش هنا على المنتدى بس ممكن ناس كويسين اوى فى كوميرس و مش بيدخلوا
محدش يقدر ينكر دور ياسمين مثلا اى حاجة فى الجامعه لا تخلوا من تدخل ياسمين فيها
بس هى مش بتشارك هنا على المنتدى لانها مشغوله ذى ما كتير مشغوليين
فالمسأله مش بالدخول على لامنتدى او لا
لان كل واحد ممكن يبقى مشغول عن عمل حاجة و حاجة تانيه لا
انا بقى مثلا فاضيه للمنتدى اما الجامعه فمشغوله و مرتبطة بالمحاضرات و بس مقدرش اعمل حاجات تانيه فيها الا قليل اوى
فاحنا لو بصينا هنلاقى كل واحد مننا يصلح لمجال معين و انا اتكلمت عنى و ياسمين مش على سبيل الحصر طبعااا انا بس اتكلمت عن اكتر اتنين اعرفهم انا واختى
و ناس كتير برضه ممكن نقول دورها و هما يتكلمواعنه
المهم ان الفريق دة يتكون و هو شبه متكون فعلا بس ميبيبقاش واضح فعايزين يكون فريق رسمى و من ما بيننا نختار قائد لينا اللى نشوفه اصلح لدة
( اه انا بقول بنيننا طبعا على اساس انى حاطة نفسي فى الفريق دة .. هى دى الديموقراطيه
و بعدين بتقول فكرة كوميرس بتاعتنا كلنا و لانتدى بتاع هشام .. لااااااااا اعترض
الفكرة بتاعتى انا لوحدى
فين حقوق الملكية الفكرية .. انا هطالب بيها بقى
..
معلش انا متابعه كوميرس حوالى 3 سنين من سنه اولى من حقى وواجبى فى نفس الوقت مسيبهوش
احنا اه كبرنا الفكرة كلنا سوا و حتى لو ناس بقى ليها دور اكبر مني بس بتاعتى انا اصلا ذى ما هشام المنتدى بتاعه حتى لو فى عشر اعضاء مشاركين اكتر منه
المهم يعنى انا عايزة و اصر اكون من الفريق و نختارلنا قيادة بقى حد يكون شخصيته قياديه صح )
و كفاية قبل ما اترمى بالطوب
و سلاااااام عليييكم و رحمة الله و بركاته
كتبت موضوع جميل جدااااااااااااااا وهيغير المنتدى تماما 
