تختار ايه

الاتنين احلى من بعض ..بس الرساله فى اجمالى البرامج كلها احلى

و ابقى اسمعهها و اسمع اقرا بجد هتستفيد اوى و تتعلم كتير ..خصوصا انك بتحب تتعلم .


اللى بعدى

تخرج مع قرايبك كلهم و لا مع اصجابك

هو انا مش بحب الروتين اوان حاجة تتكرر كتيير

فساعات كدة وساعات كدة


نفسه

نفسي اخرج مع قرايبى كلهم لانى مخرجتش معاهم بقالى كتير و عايزة اقرب من قريباتى اكتر و يبقوا زي اصحابى الانتيم
علشان زعلانه انا زمان كنا اصحاب فعلا و بنلعب سوا على طول و لكن لما كبرنا بعدنا و كل واحد بقى ليه اصحابه و بقت شخصياتنا مختلفة كتير عن بعض

اللى بعدى

تحب اكتر الناس المختلفه عنك و لا اللى زيك

اللي زيي أكتر بس أهم حاجة ميكونش زي حد من أصحابي لأني بحب اكون مع ناس مختلفة عن بعضها لكن في النهاية يكونوا فيهم شبه مني لو فيا حاجة كويسة يعني تخليهم يبقى فيهم شبه مني

نفسه؟

اللي زيي عشان نعمل حاجات مشتركة

والمختلفين عني بتعلم منهم


طيب

تسكن في القاهرة ولا مدينة تانية ؟؟

مدينه تانيه
نفسه

القاهرة ممكن يكون فيه منفذ في بلد تاني


طيب نفسه

مدينة تانية الواحد محتاج لتغيير وكمان زيادة الاعمار

طيب

احلامك دلوقتى ولا زمان ؟

معلش هجاوب على اللي قبلها كمان
مدينة تانية حتى لو زحمة .. .بس نفسي أغير جو

والسؤال ده .. أحلام بمعنى إيه؟ أحلام النوم ولا اليقظة؟
لو أحلام النوم يبقى دلوقتي لأني اتخلصت من أكتر من حلم كانوا متضايقيني زمان بس برضه لسة بهيس في أحلامي ... بس كتير جاتلي منها أفكار حلوة
لو أحلام اليقظة زمان كانت أحلامي مش موزونة أو مش عقلانية .. دلوقتي أحسن لكن بحلم أعمل حاجة مش محسوبة برضه ولو انها بحس إني حاسبها برضه

نفسه؟

احلام زامان

اللي نفسي اعيدها تاني جوايا و في العالم الخارجي



نفسه

زمان اوى لا كنت معنديش احلام كويسه اصلا
اما احلام من ساعه تالته ثانوى كدة و لغات دلوقتى هى اللى نفسي احققها .يا رب اقدر احققها و يكون فيها خير

اللى بعدى

تقرا القران بصوت عالى شوية و لا فى سرك

فى سرى
نفسه ؟

وسط ولا عالي قوي ولا في سري


طيب

الشعر القديم زي المتنبي وكدة ولا الجديد زي فاروق جويدة ؟؟

أنا بحب أقرأ القرآن بصوت عالي مسموع يعني مش تحريك شفايف بس أولاً علشان أتعود على الكلمات الصعبة وأحسن بجمال الآيات ... بس مش عارف ليه لما حد بيدخل عليا بوطي صوتي أو بسكت كأني بتكسف بس هو طبعاً مش كدة
حتى في المواصلات لما بيكون فيه دوشة بالذات في صوت المترو بعلي صوتي براحتي لكن لما يكون هدوء بحس إن الناس كلها هتبصلي فبقرأ في سري

الشعر القديم بحب التفلسف فيه وكمان لما بيكون كوميدي بيكون مسخرة
لكن الجديد بحبه أكتر بحس إني لما بكتب بكتب قريب من المعاني دي مش زي تفكير زمان

نفسه؟

ولا المتنبى وفاروق جويدة

ولا الشعر خالص

نفسه؟

شعر القديم ليه حلاوته وجديد برده
يعني القديم فيه اصاله كده ورقي في كلام ومعني
وعزة بالعرب وامجادهم

اما الجديد اغلبه تهزيق للعرب وتحريك حماسهم وساخر منه بيبقي اقرب للواحد
من القديم وجديد

طيب


تختار لون كحلي مع بيج
ولا طوبي مع رمادي

كحلي مع بيج طقمي المفضل


نفسه

انا اختار الكحلى والبيج

لانى بحب الغوامق جدا وخاصة الاسود والازرق الغامق والكحلى

نفسه؟

لو لحائط يبقى
طوبى مع رمادى او حتى بيج

علشان الالوان الفاتحه و الاضاءه و كده

نفسه ؟

كحلي مع بيج

الثواني ولا الساعات

الثوانى

لانها اكتر فى التعداد وبتغير كتير فى وقت قصير

طيب

دكاترة الترم الاول ولا التانى ؟

اعتقد التاني بس برده ربنا يستر في الاتنين


طيب
تختار تقضي يوم مع اصحاب زمان
ولا جروب الجامعه

اصحاب زمان اكيد

مش قصدى يعنى انى مش بحب اصحاب الجامعة

لكن اصحابى دول متربى معاهم

نفسه؟

طبعاً طبعاً أصحاب زمان لأننا زمان كنا أصحاب بجد ... وبحب أكون معاهم علطول وعشرة عمر من اعدادي والحمد لله لدلوقتي ... بيقلوا آه لكن ربنا يبارك في اللي فاضل منهم ومحدش يفرفر تاني ... لكن بتوع الجامعة دلوقتي رغم إنهم كتير ... لكن أظن إن كلهم هيفرفروا بدليل أدينا في الأجازة ومشوفتش ولا واحد فيهم
بس برضه الواحد بيقابل ناس كويسة في حياته وربنا يوفقه لأصدقاء الخير مش حاجة تانية

نفسه؟

اصحاب زمان

المنتدى ولا الجروب ( Commerce2009)