مشروع خيري

السلام عليكم ورحمه الله وبركاته
في مشروع كده عايزة اعمل من زمان

ان احنا نلم فلوس من الدفعه ونجيب بيها الكتب
للناس اللي مش عندها مقدره لي كده
لانهم بيبقو محرجين قوي
وشاعات الدكاترة مش بترضي تديهم كتب

فعاشان كده
انا عايزة نعمل كده
وانا فاكره هدي كانت بتلم منا عشان كتب برضه لطالب
فياريت نقدر نعمل كده للناس اللي معانا
ده احنا لو لمينا من 80 طالب 1
يبقي جمعنا لطلب كتب يزاكر منها
ودي متهيالي حاجه سهله

فايه رايكم
في موضوع ده
بس حد يقترح انه هوا الي يمسك التوزيع
يعني يبقي عارف الناس دي


واسلام عليكم

ان شاء الله تتم الفكرة دى


بس احنا عايزين يبقي لينا نشاط الاول في لمدرج نتعرف بيه اكتر

بحيث اننا نكون القادة للمدرج

واي حد عايز اي حاجة يجي يطلب مننا وما يتكسفش



وربنا يكرمك على اقتراحك ده

ويا ريت نناقشه كلنا بشكل يمكنا من تنفيذه بطريقة سليمة وفعالة


شكرا


السلام عليكم

الاول شكرا لردك
بس انا مش عايزة يبقي هوا اللي يجي يطلب

لان موقف محرج ومش حد هايجي

انا عايزة الموضوع يتم في كتمان عشان مش نجرح حد
انا فكرت ان احنا نروح لاي دكتور تبعنا ويقول اللي عايز كتب يجيلي او حاجه كده

ما انا اقصد اننا نعرف المدرج كله بواحد فينا ، ساعتها اى حد مش قادر
يجي في سرية للواحد ده ويطلب منه


او زي ما بتقولي يطلب من الدكتور

ايه رأيكم؟؟

فكرة جميله فعلا يا هبه

و احنا اولا نجيب للى عرفناهم

و بعد كدة نقول للدكاترة

بس ممكن نشوف فكرة برضه ان الدكتور مش يبعتهم عشان برضه ممكن يبقوا محرجين

فممكن لو فى حد عنده طريقه بديله

انا فاكرة ا دكتورة ايمان اللى هى معيدة محاسبه بتاعت اولى كانت بتعمل هى ودكتور حاجة ذى كدة

فياريت لو نتفق معاها او مع اى حد من الدكاترة مثلا ان هيبقى فى الكتب معاه

و نعلق ورقه فى المدرج ان اللى محتاج الكتب يروحلهم


لانهم هيكونوا محرجين من زمايلهم اكتر من احراجهم من دكاترتهم

و ربنا يوفقك و يوفقنا كلنا لعمل الخير

مشروع كويس جدا بس انا اعرف ان في في الكليه عندنا حاجه اسمها دعم زي اي حد مش قادر علي مصاريف الكتب بيروح رعايه الشباب تبع الدعم و بياخد الكتب مجانا

بس المشروع ده برده هايبقي ليه فوائد و ربنا يسهل

فكره حلوه اوى ربنا يكرمكوا عليها
وعجبانى فكره ندى وانا شايفه فعلا انها لازم تتم فى سريه
وكمان عندى اقتراح احنا بعد ما بتخلص السنه ممكن فيه كتب ما بنحتجهاش ممكن ناخد الكتب دى من كل المجاميع ونخليها للى محتاجها بعد كده وبيديهم نفس الدكاتره اللى كانوا بيدونا ومافتكرش ان الدكتور هايلحق يغير الكتاب بتاعه .

بجد الموضوع كلة جميل وكويس وكويس انة يكون فى سرية بس ورقة متعلقة فى المدرج مش عارفة مش مقتنعة بيها
وبالنسبة لاقتراح هدهد ممكن اساهم فية

اعتقد ان حكاية اننا نلم الكتب القديمة دى حاجة مش هيوافق عليها الدكاترة

لأنهم بيحبوا اكيد ان رزقهم يزيد عن طريق بيع نسخ اكتر من كتبهم



ولا ايه؟

كويس جداااااا
الافكار دي

وانا كان قصدي كده يا ندي ان احنا نبلغ الدكتور بالموضوع وتبقي الكتب عنده


وفكرة هدي كويسه جدا برضه
بس دي تبقي في سريه يعني مش تبلغ الدكتور بيها
وكمان هيا كده هتبقي خاصه بالدفعه تانيه

واحنا ممكن نحط الكتب في المسجد واللي عايزاها
يا خدها
انا هعمل كده في ورق صقر ان شاء الله
وياريت كلنا برضه نعمل كده
عشان نكون مكتبه صغيرة في مسجد ونرتبها
عشان الناس اللي تاخدها
بدل ما نرمي الورق


وكويس جدا
انك يا مهاجر تعرف ناس نقدر نساعدها
وان شاء الله تساعدنا في موضوع ده جامد
وربنا يكرمكم جميعا عشان تحمستم للفكرة كده
يارب يجمعنا ربنا في الجنه يارب

كويس اوى الحمدلله انكوا تعرفوا ناس محتاجة بجد

و دول نبقى نبدا بيهم ان شاء الله

وكل واحد ان شاء الله من بداي الدراسه يحاول يجمع الفلوس بتاعت الكتب ان شاء الله

احنا ان شاء الله كده كده لازم نروح للدكاترة لو هنزل المحاضرات
واذا كان كده هيتم عرض الفكرة دي كمان بس للدكتور المشجع نشاطنا زي دكتور عادل متلا

وممكن زي ما ندي قالت كل وزاحد عرف الموضوع ده يشترك في لم الفلوس

وياريت نقدر كل واحد فينا انه يجمع 80 ج لوحده وبالتالي ممكن نشمل دفعات تانيه بس انا مش عايزة تسبق الاحداث

ونبدا بمجموعتنا ويارب نقدر نعمل ده ليهم

متهيالي كده وضحت الصورة

وللترتبيها اكتر
خطوات تنفيذ المشروع
1- تجميع اكبر قدر من مشجعين للفكرة لتعاون في لم الفلوس
2-بدايه نجميع الفلوس مع بدايه الترم الاول ان شاء الله
3-عرض الففكرة علي دكتور مشجع لانشطه المجموعه
4- اعلان الدكتور علي هذه الفكرة في المايك في المحاضرة
والاحتمال الاخير متوقف علي موافقه الدكتور

والاحتمال التاني
بان احنا هنعتمد علي نفسنا لو الدكتور مش وافق

هنلم عادي
وبعدين
هندي الكتب لمهاجر وهوا
يوزعها بطريقته ان شاء الله
بس ياريت تكتب العدد اللي تعرفه

او اللي محتاج

وشكرا لتعاونكم كلكم
بجد

برافو للجميع


وخاصة هبه


لو كل حاجة قولنا فيها واحد اتنين تلاتة ، ساعتها يبقي تخطيطنا صح


برافو بجد


يا ريت نمشي كده علي طول

وربنا يكرمنا يا رب دايما

ويجزينا خيرا

شكرا


السلام عليكم

برافو

هو انت تداخل تقول برافو

طيب

جميل النشاط الملحوظ من العضوة هبه

وكمان الاعضاء المشتركين معها فى المووضع

شكراااااااااااااااااااا

جمييل واى يا بوبه التخطيط دة

و كمان يا ريت مش نجمع من المدرج بس لا ممكن من قرايبنا و اصحابنا التانيين

و هنبقى فى رمضان ان شاء الله و الناس بتتصدق كتير الحمد لله

يااااااااه واحشنى اوى رمضان

اللهم بلغنا رمضان

متنسوش 13 و 14و 15

معلش يا بوبه برة الموضوع




سلااااااام علييييييييكم و رحمة الله و بركاته

بيعجبنى فيكى يا هبه انك ماشاء الله افكارك جاهزه وتخطيطك منظم
بجد ماشاء الله عليكى ربنا يجعله فى ميزان حسناتك
وربنا يباركلكوا جميعا على اشتراكوا فى المشروع ده

الله يكرمكم كلكم

شكرا يا جماعه علي ردكم جميعا

وشكرا لمجاملتك يا هدي
ربنا يخليكي يارب ليا


ويارب نقدر ننفذ المشروع ده
يارب
ويارب ارزقنا الاخلاص في العمل يااااارب

هااااااااااااا مفيش حد
قال هنبدا امتي