مصاحف المسجد

السلام عليكم ورحمه الله وبركاته
انا ملاحظه الموضوع ده في مسجد البنات
ان المصاحف فيه تقرباا متقطعه ومتبهدلا
وانا اتكلمت معا الداده هناك وقولتهلها لو يينفع ناخد مصاحف علي مراحل
عشان نجلدها

ايه رايكم
يعني لو كل بنت راحت مع صحبتها يوم كده
تروح وتاخد مصحف ولا اتنين وتجلدهم وترجعهم تاني
ونفس الحكايه لو في مسجد الولاد كده برضه
وربنا يكرمنا جميعا ويهدينا

فكرة رائعة


طيب ايه رأيكم لو نشترى مصاحف ليهم كمان؟؟؟

انا شوفت المصاحف لاقيتها كتييير قوي
بس المشكله هيا شكلها بس

ولو عايزين تشترو مفيش اي مانع

طيب ممكن تصورك للى ممكن نعمله؟؟؟ بالتفصيل

شكرا

فكرة جميله فعلا يا زمزم و ثوابها كبير ان شاء الله

و باذن الله نبقى ننفذها

و اللى همووووووووووت و اعمله صندوق تبرعات للكليه

بس الدكاترة دايما يعارضوا الموضوع و يحسسونا اننا مش فاهمين حاجة

احنا كتير اوى لو يلموا مننا تبرعات ممكن نخلى كليتنا حاجة تانيه و نطورها كتير

بدل ما هى كلية طويله عريضه و المكتبة مفهاش حتى كمبيوتر واحد

يا ريت يوافقونا

ما بلاش حد يبفكرنى بحكاية التبرعات دى



احنا ممكن نعملها بينا وبين نفسنا


والناس اللى هتعرفنا اكتر


طبعا في المدرج


ايه رأيكم؟؟؟

فكرة حلوة اوى

طيب انا عندى فكرة

فيه مصاحف بتاعت الوزارة

اكيد كلوكو عارفنها

بتاعت اولى ثانوى

انا ممكن نجيبها من ابو الريش

رخيصة جدا (مش قصدى حاجة )

يعنى ممكن تكون ب2جنية او 3

وده هايكون اكسن من التجليد

وكمان البنات ممكن يلمو من بعض والصبيان كمان وده احسن حاجة

الاول شكرا لردكم جميعا في الموضوع

بس انا قصدي ان المصاحف في المسجد نفسها محتاجه للتجليد
لان احنا لو جبنا جديد

هيروح لنفس المكان الرف البعيد اللي مليان تراب
وانا مش عايزة كده
فاهمني
يا جماعه
ده قصدي
ولو في عجر في العدد يبقي نجيب زي ما مصطفي قال
ويتوزع علي المساجد

طيب انا ممكن اروح عند واحد يجلد الى موجود

بس ده محتاج ميزانية

التجليد غالى شوية

يعني هيبقي في حدود 3 او 2 جنيه
وان شاء الله نعملها علي دفعات
مش كله مرة واحده

طيب ماشى الفكرة موجودة

بس التنفيذ هايكون فى اول الدراسة

بس ياريت الفكرة ماتموتش

لا ان شاء الله مع كوميرس مفيش افكار هتموت

طيب يا ريت ننظم الامور اكتر


يعنى نقسم علي الناس مين المسئول عن كل مشروع


اوكى؟؟؟

ان شاء الله الفكرة مش تموت

وانا صراحه مش كان قصدي في الاول
ان يبقي مشروع كبير
انا كان قصدي ان كل واحد راح الجامعه
يروح المسجد ياخد مصحفين يجلدهم وكده يخلصوو

بس بما انه هيتحول لمشروع

هنحدده لخطوات برضه
1- نشوف عدد المصاحف اد ايه الاول في المسجدين ولاد وبنات
2- نشوف التجليد بكام وانهي افضل مكان
3- عمل احصائيه بالمبالغ والوقت اللي نفروض نخلص بيه المشروع
4-تقسيم المشروع لمجموعات لسهولة الانجاز
5-تحديد مسؤوليات لم الفلوس لناس معينه حسب عدد المجموعات
6-بدا لم الفلوس مع بدايه الترم الجديد
7-ومسؤول المجموعات اللم هيحدد الناس اللي هتروح تجلد

بس كده

واللي محتاجينه دلوقتي

عدد المصاحف
ثمن التجليد

وبالنسبه للمصاحف في المسجد بتاع البنات
انا هشوفها لاني نازله بكره

فهعدتها واجيب عددها
مين متطوع عشان يعرف عدد مصاحف مسجد الولاد
وثمن التجليد

ربنا معاكوا

و يا ريت يا زمزم الكل يبقى تفكيره مرتب كدة

ما شاء الله عليكى

يا ريت تساعدى فى المشاريع اللى فكرت فيها


نفسى حد يعبر مشروع المذاكرة لغايت دلوقتى عددنا قليل اوى اللى هيشارك فيه

مع انه مش متعب و لا حاجة


سلااااااااااااام علييييييييكم و رحمة الله و بركاته

ربنا يخليكي يا نودي

وان شاء الله هدخل اشارك فيهم

ومعلش يا جماعه انا اجلت نزولي ليوم الاربع
فهجيب العدد يومها ان شاء الله

ان شاء الله

ربنا يكرمكم على عمل الخير

السلام عليكم
بجد يا زمزم فكرة حلوة اوى اوى
جزاكى الله كل خير
وانا معاكم ان شاء الله
وكمان فى حاجة تانية بردوة فى جامع البنات مش عجبانى الطرح بتاعت الصلاة مش متخيطة كويس او فيها اقطع ........
انا بقترح ان ممكن نخيط الطرح دى عشان تكون بشكل افضل

فكرة جميله قوي
احنا ممكن نعملها بضه في الاجازة وعملها ونخيطها صح

وانا النهارده روحت بس لقيت المسجد قافل سالت وقالو لي انه بيقفل

بعد الظهر بساعه تقريبا

بس ان شاء الله هجيبهم قريب

بس المشكله بس ميعاده
ربنا يستر واذا كان كده هعد الاسدالات معايا


وربنا يكرمك ياااااااارب يا جميل

ربنا يكرمكوا

كمان فى حاجة

ساعات الاسدالات و الطرح بتكون مش نظيفه اوى او شكلها مكرمش و بايظ

لو ممكن كل يوم خميس يبقى فى بنات ياخدوا كل واحدة شويه منهم و يغسلوهم و يكووهم

و دة عشان نشجع الناس تيجى عشان فى كتير للاسف مش بييجوا يصلوا و يتلككوا بالنضافه

فعايزين يكون الجامع شكله جميل و نظيف دايما

ان شاء الله

سلاااااااام عليييييييكم و رحمة الله و بركاته

معلش علي التاخير
عدد امصاحف 64
والاسدالات 30
بس ده تقريبي لان في بنات كانو بيقروءو وكمان بيصلو
يعني هيزيد واحد او اتنين

وان شاء الله هحاول اروح اسئل علي التجليد بكام

وان شاء الله خير

جميل جدا

وقوليلى وانا كمان هاسأل

ونشوف السعر الاقل