التحكم في الشعور والاحاسيس

كتاب

موضوع جميييل اوى تسلم ايدك

و كالعادة هقلبلك الموضوع عيادة امراض نفسيه

يا ترى ازاى الانسان ممكن يدرب نفسه انه يخلى احاسيسه ايجابيه ..؟؟

هل حد فيكوا جرب الموضوع دة .. يا ريت لو حد عنده تجربة يحكيها عشان استفيد منها و كلنا نستفيد

الله عليك يابنى فنان...
ممكن تخلى احاسيسك اجابيه بانك مثلااااااا تغيرى نظرتك للامور !
اكيد لو بصينا للحظه بعين تانيه هنلاقى حاجات كتير اجابيه

ده من شعار فودافون على فكره

flower's tears كتب:

موضوع جميييل اوى تسلم ايدك

و كالعادة هقلبلك الموضوع عيادة امراض نفسيه

ولا يهمك


يا ترى ازاى الانسان ممكن يدرب نفسه انه يخلى احاسيسه ايجابيه ..؟؟

هل حد فيكوا جرب الموضوع دة .. يا ريت لو حد عنده تجربة يحكيها عشان استفيد منها و كلنا نستفيد

فيه تجربة كويسة

انه يبقى نفسه يحقق حاجة معينة ويتخيل نفسه انه حققها ويشوف رد فعل الناس الناس اللي حواليه ازاي

وكل ما بيخش في التفاصيل اكتر كل ما شعوره بيبقى احسن

the traveller كتب:

الله عليك يابنى فنان...
ممكن تخلى احاسيسك اجابيه بانك مثلااااااا تغيرى نظرتك للامور !
اكيد لو بصينا للحظه بعين تانيه هنلاقى حاجات كتير اجابيه

ده من شعار فودافون على فكره

ايوة يا عم

بركاتك يا فودافون

بيعجبني في كلامك يا محمد انه كلام من القلب

اقتباس :

ممكن تخلى احاسيسك اجابيه بانك مثلااااااا تغيرى نظرتك للامور !
اكيد لو بصينا للحظه بعين تانيه هنلاقى حاجات كتير اجابيه

ده من شعار فودافون على فكره

عيش احلى ما فى اللحظة ..صح
فعلا مبدأ جميل اوى مرة فكرت بيه عرفت فعلا اغير حالات ببقى متضايقه فيها كتير

و عل فكرة انا لاحظت ان المبدأ دة شبه اللي المفروض نعمله كمسمين ان لما يحصللنا موقف وحش بنحمد ربنا انه مكانش اكبر من كدة و بنبقى واثقين ان ربنا ما دام ابتلانا دلوقتى يبقى اكيد لما هنصبر هتترفع درجتنا عند ربنا و بكدة نتسبط و نبقى عيشنا اجمل ما فى اللحظة و تتحول لحظة الحزن لراحة فى القلب
انا سمعت ان لما بيكون واحد درجة ايمانه عاليه اوى بتوصل لانه لما يجيله ابتلاء بيفرح لانه بيبقى متاكد ان دة لان ربنا بيحبه و بيرفع درجته بيه

اقتباس :

فيه تجربة كويسة

انه يبقى نفسه يحقق حاجة معينة ويتخيل نفسه انه حققها ويشوف رد فعل الناس الناس اللي حواليه ازاي

وكل ما بيخش في التفاصيل اكتر كل ما شعوره بيبقى احسن

فكرة جامدة اوى و فيها نظرة تفاؤلية برضه ..تغير الحاله خالص ان شاء الله

و برضه ممكن ناخدها بحاجة تبقى واقعيه و هي انه يبقى واثق انه اكيد اللى حصلله و خلاه يبقى شعوره سلبي دة ابتلاء و هياخد عليه ثواب و هو اكيد من الاحلام اللى عايز يحققها اهم حلم انه يدخل الجنه

فيتخيل بقى انه داخلها كدة ان شاء الله .. و فعلا من اكتر اللى بيغير الحالة النفسيه و يخلى الانسان متفائل و يبص للحياة بنظرة ايجابيه انه يتخيل الاخرة و الجنة و يتخيل قد ايه جميله و قد ايه فيها راحة فيتشوق لانه يروحهها و يبقى كويس و حالته النفسية كويسه و يغير اى شعور سلبي جواه

و انا عندي حل كمان اتعلمته قريب
ان الواحد بيفكر نفسه انه مينفعش يكون تصرفاته وحشه فممكن برضه تنفع انها تخلي الواحد يفكر نفسه ان مينفعش تبقى احاسيسه وحشه

و الطريقه هى انها ذى ما فى الصيام النبى عليه الصلاة و السلام علمنا ان لو حد شتمك او اذاك بتقول انى صائم ..انى صائم

يعنى بتفكر نفسك و تكررها انا صايم ..مينفعش ارد .. هخسر صيامي

ممكن نفس الفكرة نبقى كل واحد يحضر لنفسه كلمة يفكر بيها نفسه لما يلاقى نفسه هيحس بطريقة سلبيه

مثلا ذى ما يقول عسى ان تكرهوا شيئا و هو خير لكم و عسى ان تحبوا شيئا و هو شر لكم

فيفكر نفسه و يصلح حالته و ينقذ نفسه قبل ما يقع فى التفكير السلبى بانه يقول كدة و يفكر انه خير ان شاء الله


اصل انا الى حد ما عندى خبرة فى حكاية تحويل الشعور دى الحمد لله و بيقولوا عليا متقلبة عشان كدة لانى حساسة فبزعل بسرعه و اعيط بعدين ممكن اضحك
بس متهيالى التقلب للافضل حاجة كويسة مش عارفه صح و لا لأ

و من اللى بيخلينى اهدى بسرعه انى بفكر نفسي ذى ما قلت

و برضه بحكاية انى احمد ربنا و افتكر ان الدنيا دى امتحان لينا و السعادة الحقيقية الداااائمة فى الجنه و افتكر ان اكيد دة خير .. دة لو موقف فيه ظلم مثلا و هيسببلى ياس و احباط

اما لو هكون شعور سلبي تجاه شخص معين فاحلى حل حسن النيه و ان الواحد يحط نفسه مكان اللى قدامه و يعيش بتسامح هيلاقى نفسه شعوره ايجابى تجاه الناس بس يفكر فى الكلام دة من قلبه بجد مش بس كلام هيحس انه شعوره تحول لايجابي

كلاااااااااااااااااااااام جمييييييييييييييل


على فكره انت حببتنى فى التنميه البشريه وان شاء الله هاخد فكره عنها واهتم بيها
اول ما افضى ان شاء الله

ومواضيعك هايله


وانا من رأيى انك ممكن تطبق ده بكلمه بسيطه اوى

(لعله خير)
يعنى اى احساس انت حاسس بيه مهما يكون مش كويس
لازم تكون حاططفى بالك انه خير ليك
وان اى شىء يحصلك وبيزعلك ده خير ليك وهتعرف بعد كده اد ايه انت محظوظ ان حصلك كده

وممكن تغير احساسك بالاستبدال
يعنى تستبدل شىء بيشعرك بحزن
بشىء تانى بيسعدك
يعنى دور ع الحاجات الايجابيه
واقتنع ان زى ما فى حاجات حلوه فى حاجات وحشه
والسلام عليكم ورحمه الله وبركاته
كان معكم
المدعو محمد الشهير بكتاميه

كلام جميل جدا ما شاء الله

نفسي ابقى بعرف اختصر ذيكوا كدة واقول ما قل ودل

ربنا يكرمك و يوفقك

على فكره

انت كلامك وتعليقاتك بتكون جميله متحاوليش تختصرى
انا بس بختصر عشان معنديش كلام اقوله اصلا

flower's tears كتب:

و انا عندي حل كمان اتعلمته قريب
ان الواحد بيفكر نفسه انه مينفعش يكون تصرفاته وحشه فممكن برضه تنفع انها تخلي الواحد يفكر نفسه ان مينفعش تبقى احاسيسه وحشه

و الطريقه هى انها ذى ما فى الصيام النبى عليه الصلاة و السلام علمنا ان لو حد شتمك او اذاك بتقول انى صائم ..انى صائم

يعنى بتفكر نفسك و تكررها انا صايم ..مينفعش ارد .. هخسر صيامي

ممكن نفس الفكرة نبقى كل واحد يحضر لنفسه كلمة يفكر بيها نفسه لما يلاقى نفسه هيحس بطريقة سلبيه

مثلا ذى ما يقول عسى ان تكرهوا شيئا و هو خير لكم و عسى ان تحبوا شيئا و هو شر لكم

فيفكر نفسه و يصلح حالته و ينقذ نفسه قبل ما يقع فى التفكير السلبى بانه يقول كدة و يفكر انه خير ان شاء الله


اصل انا الى حد ما عندى خبرة فى حكاية تحويل الشعور دى الحمد لله و بيقولوا عليا متقلبة عشان كدة لانى حساسة فبزعل بسرعه و اعيط بعدين ممكن اضحك
بس متهيالى التقلب للافضل حاجة كويسة مش عارفه صح و لا لأ

و من اللى بيخلينى اهدى بسرعه انى بفكر نفسي ذى ما قلت

و برضه بحكاية انى احمد ربنا و افتكر ان الدنيا دى امتحان لينا و السعادة الحقيقية الداااائمة فى الجنه و افتكر ان اكيد دة خير .. دة لو موقف فيه ظلم مثلا و هيسببلى ياس و احباط

اما لو هكون شعور سلبي تجاه شخص معين فاحلى حل حسن النيه و ان الواحد يحط نفسه مكان اللى قدامه و يعيش بتسامح هيلاقى نفسه شعوره ايجابى تجاه الناس بس يفكر فى الكلام دة من قلبه بجد مش بس كلام هيحس انه شعوره تحول لايجابي

جميلة قوي الطريقة دي

لو عملنا كدة هيبقى الواحد مركز على الهدف اللي هو عايزه

وكل مايسرح يرجع يفتكر تاني

ربنا يكرمك

Kotamya2008 كتب:

كلاااااااااااااااااااااام جمييييييييييييييل


على فكره انت حببتنى فى التنميه البشريه وان شاء الله هاخد فكره عنها واهتم بيها
اول ما افضى ان شاء الله

والله انت فرحتني بالكلمة دي

ومواضيعك هايله

ربنا يكرمك


وانا من رأيى انك ممكن تطبق ده بكلمه بسيطه اوى

(لعله خير)
يعنى اى احساس انت حاسس بيه مهما يكون مش كويس
لازم تكون حاططفى بالك انه خير ليك
وان اى شىء يحصلك وبيزعلك ده خير ليك وهتعرف بعد كده اد ايه انت محظوظ ان حصلك كده

وممكن تغير احساسك بالاستبدال
يعنى تستبدل شىء بيشعرك بحزن
بشىء تانى بيسعدك
يعنى دور ع الحاجات الايجابيه
واقتنع ان زى ما فى حاجات حلوه فى حاجات وحشه
والسلام عليكم ورحمه الله وبركاته

عليكم السلام ورحمة الله وبركاته
كان معكم
المدعو محمد الشهير بكتاميه

ايوة

الكلمة دي بتفكرني بقصة الراجل اللي كان كل ماتحصله حاجة يقول ( لعله خير )

ربنا يكرمك يا محمد

لا انا بقراها على فكره وبستفيد منها حتى ولو اختلفت فى شىء فيها

يااااااااه كل ده حصل فى يوم واحد غبت فيه ؟؟!!

بس بجد موضوع رائع من رائع الدكوتر ابراهيم انا سمعته فى شريط من شرايطه بتاعه الطريق الى النجاح

وبجد جزاك الله خيرا انك كتبته لانه جميل وووووى وبيغير نظرتنا وحياتنا

خالص انا مجرباه وعلى فكره غيرلى حاجات كتييير اوى فى حياتى

بقيت اى حاجه تحصلى مهما كانت وحشه او مش كويسه

اشوف ايه الحلو فيها ادور على الحاجه الايجابيه زى ما بتقولوا وفعلا بتفرق

كتير اوى فى النفسيه والهدوء والتوتر بالذات والعصبيه بيهدوا ويروحوا

خالص
والله الحكايه دى بتحل مشاكل كتيير حاولوا اللى مجربهاش يجربها وتشوف

هيتغير اد ايه
واللى جربها يحافظ عليها لانها نعمه

وكلامكوا كله جميل اوى وعجبنى جدا

ربنا يجزيكوا خيرا كلكم يارب