لغتك ايه ؟؟

لغتك ايه ؟؟

تعنى ما هى اللغه التى تتحدث بها ؟؟

ما هى اللغه نشأت عليا ووجدت آبائك واجدادك يتحدثونها ؟؟

لغتنا هى اللغه العربيه ..

قد يكون منا من هجرها ومنا من استغنى عنها تماما وراى ان التحدث بها

تقلل من منزلته وتنزله منزله اقل من شأنه وانه سيكون انسانا مثقفا ومجاريا للتقدم

والتكنولوجيا

اذا تحدث الانجليزيه او الفرنسيه او الالمانيه او اى لغه اخرى ايا كانت عدا العربيه

عجب هذا ؟؟؟

اناس يهجرون لغتهم التى يجب ان يفخروا بها فهى اعظم لغه (بالادله العلميه وليس بالحب لانها لغتنا )

واناس آخرون لايتحدثون ولا ينطقون اى كلمه تكون مأخوذه ن اى لغه اخرى ويدرسون

الكلام قبل التفوه به حتى لا يسىء الى لغته وهى لغه ضيفه لا تستطيع ان تقبل الجديد من

المصطلحات او الاختراعات على العكس تماما عن لغتنا

التى تستطيع تماما ان تقبل اى كلمه جديده فى قاموسها وتكون كلمه من اصل عربى

ليست من اصل اجنبى ايا كان مصدره ..

كل هذا الكلام كا مقدما لهذا الموضوع

وهو بعض الكلمات التى نتحدث بها فى حياتنا اليوميه وهى ليست من اصل اللغه

ونحن لا ندرى فجئت لكم بها لكى تشاركونى معرفتها

فلا نتحدث الا لغتنا ولا نفخر اننا نتقن الا هى ,,

أبله وهى كلمه تركيه تعنى سيده

ارج تعنى غرفه مفتوحه

أبلكاش كلمه فرنسيه placageوهى فى اللغه العربيه تعنى الخشب الرفيع

أبانوس كلمه قبطيه وتعنى المصرى القديم

قراصيا كلمه تكيه تعنى الخوخ المجوف

قرناؤطى كلمه تركيه تعنى الفلفل الحار

أرشيف واصلها فرنسى archiveوهى مكان لجمع الملفات القديمه

أريل (ليس المسحوق الذى يستخدم فى الغسيل )

وهى كلمه فرنسيه بمعنى هوائى arial

أسطول وهى كلمه لاتينيه stolosوتعنى الجيش الحربى

استبن stebnكلمه انجليزيه وتعنى احتياطى

جبنه قريش كلمه تركيه وتعنى الجبن الطازج

استك صلها فرنسى elastiqueوتعنى مطاطى

استيكه كلمه ايطاليا وتعنى مطاطى elastico

اسطى كلمه تركيه وتعنى معلم

قفطان كلمه تركيه

ايشانى كلمه فارسيه وهى بالفارسى كاشان وتعنى البلاط الاملس


هذه الكلمات قد املانا اياها دكتور اللغه الفرنسيه المعتز جدااااااااا بلغته اللغه العربيه

وكل فتره سيزيدنا منها سوف آتى لكم بالجديد..

اللهم اجعله فى ميزان حسناته وحسناتنا وتقبله منا

اة والله عندك حق

كلمات كتير اوى بيبقى اصلها اجنبى و احنا بنستعملها

بس احنا اكيد مش بنعمل كدة كره فى اللغة بتاعتنا ولا حاجة

هو يمكن بنعمل كدة عشان يبقى فى سهولة فى الكلم

انا مش شايفه انها علشان كره ولا سهوله

شايفه علشان احنا اولا فى كلمات ممكن ما بنبقاش عارفين انها مش عربيه الاصل

وممكن علشان احنا اتعودنا عليها وبقت عاده وهنقول هو احنا لسه هنغيرها او مينفعش نغير اللى اتعودنا عليه

وجهه نظر ...

ههههههههههههههههههههههههههههههههههههههههههههههه

لا الكلام اللى فى الاخر دة فظيع بجد

بقى بخ يعنى عفريت ؟؟

و دردشة كلام فارغ

هو بصراحة مش كلة بيبقى كلام فارغ

و بأف حيوان؟؟

دة الواحد بيتسعملها كتير

يا اهلا بالناس بتوع كليات اللغات

بس انا مش فاهمه انتى دة مزعلك يعني يا فوفه

بالنسبه للفرعونى انا شايفه حاجة عادية ان مدننا تكون باسماءها القديمة ..دة تراث و لو روحتى اى بلد هتلاقى اسماء المدن فيها غريبه كدة برضه و بالذات المدن القديمة

اما بقيت الكلامات المصرية القديمة برضه مش شايفه فيها حاجة

اما كلمات اللى بتتقال كلغه عربيه فصحى و هى اصلها حاجة تانيه ..و ايه يعنى ما هما برضه عندهم ليمون زى ليمون عندنا و توميتو زى طماطم و بوتيتو زى بطاطس

بس بشرط يكون ملهاش بديل عندنا
فكلمة اسطول دى مثلا انا مش شايفه فيها حاجة خاصة و انها مختلفة شوية عن الاصلية ..فتقدرى تقولى تم تعريبها


اما اللى انا ضده الطكلام الى نصه عربى على نصه لغة تانيه و الكلمات اللى ليها بديل تانى عندنا

السيف المسحور كتب:

ههههههههههههههههههههههههههههههههههههههههههههههه

لا الكلام اللى فى الاخر دة فظيع بجد

فعلا الدكتور وهو بيملينا مكناش قادرين نمسك نفسنا من الضحك وخدناها محاضره كلها هزار وضحك

بقى بخ يعنى عفريت ؟؟

و دردشة كلام فارغ

هو بصراحة مش كلة بيبقى كلام فارغ

نفس الجمله اللى قولتها اول ما الدكتور قلنا معناها


و بأف حيوان؟؟

دة الواحد بيتسعملها كتير

نورت الموضوع

ندى كتب:

يا اهلا بالناس بتوع كليات اللغات

ويا اهلا بالناس بتوع تجاره


بس انا مش فاهمه انتى دة مزعلك يعني يا فوفه

انا اللى مزعلنى ان يبقى فى ناس مسلمين مش بيحب لغتهم وبيخلى تلت تربع كلامهمبالانجليزى وربع عربى علشان يعرفوكى انهم ناس هاى وانهم مثقفين وبيعرفوا لغات


بالنسبه للفرعونى انا شايفه حاجة عادية ان مدننا تكون باسماءها القديمة ..دة تراث و لو روحتى اى بلد هتلاقى اسماء المدن فيها غريبه كدة برضه و بالذات المدن القديمة

انا معاكى بس الدكتور فى الاول كا بيقول كلمات احنا بنقولها على انها عربيه وهى مش عربيه
فالافضل اننا نقول كل كلامنا باللغه بتاعتنا ولو عندنا كلام احنا بنقوله بلغه انجليزيه مثلا نقول البديل بتاعه اللى بالعربى احسن
وبعدين غير وجاب كلمات وقالنا معناها بالفرعونى وده حاجه طبيعيه زى ما قلتى

وخصوصا اسامى البلاد مش هنغيرها مخصوص علشان هى فرعونيه مش بالعربيه

اما بقيت الكلامات المصرية القديمة برضه مش شايفه فيها حاجة

اما كلمات اللى بتتقال كلغه عربيه فصحى و هى اصلها حاجة تانيه ..و ايه يعنى ما هما برضه عندهم ليمون زى ليمون عندنا و توميتو زى طماطم و بوتيتو زى بطاطس

ماشى هما واخدين مننا الكلمات دى احنا مالنا ومالهم بقى ؟؟

بس بشرط يكون ملهاش بديل عندنا
فكلمة اسطول دى مثلا انا مش شايفه فيها حاجة خاصة و انها مختلفة شوية عن الاصلية ..فتقدرى تقولى تم تعريبها

لا انا مش فاهمه الحته دى ممكن توضيح لو سمحتى ؟؟؟


اما اللى انا ضده الكلام الى نصه عربى على نصه لغة تانيه و الكلمات اللى ليها بديل تانى عندنا

منوره يا احلى نودى .

كانى و مانى و برجالاتك

حلويين اوى

تسلم ايدك يا فداء

الله يخليك

انا اكتر عجبتنى كانى ومانى

كنت هموت واعرف ايه الكلمتين دول ؟؟

وسعاد حسنى جابتهم منين ؟؟؟

هههههههههههه

منور الموضوع

بجد الوضوع جميل يا فداء

الواحد استفاد منه

بس انا عايزة اعرف المن هو العسل

طب وسلوى ؟؟؟؟؟؟؟؟؟؟؟؟؟

اصلى الاسم ده اسم امى

معلش بنتعبك معانا

ههههههه

لا عادى يا حبيبتى انتى بس تامرينى

انا جبتهالك من المعجم مش متاكده منها بس انا لاقيتها كده فيه

ولو عندك المعجم الوجيز هتلاقيها فيه ...

ومعناها ما يتسلى به

يعنى مامتك عسوله كده زيك

واللى بيقعد معاها بيتسلى اوى ومش بيحب يقوم من كتر ماهى قاعدتها مسليه ولذيذه

منوره الموضوع يا هدهد

موضوع جامد جدا يا فداء


انا برضه بقالي سنين عايز اعمل موضوع زيه


وعلي فكرة سنين دي مش مبالغة



اصل كنا في درس الانجليزي في تانية ثانوي

والمدرس كان بيقولنا نفسي افهم بعض الكلمات معناها ايه ؟؟

وجت من انهي لغة؟


وقعد يقول كلام كتير، طبعا مش هأقدر اقول كل الكلام ، بس هأقول اللي ينفع يتقال


أوضة

قلة

زير

حاجات زي كده


بس انا فاكر بقي مدرس الاحياء في اولي ثانوي او مدرس العلوم في تالتة اعدادي


كان قال كلمة كده وكلنا بنستخدمها يوميا كتييييييييييييير

وقال انها عربية بس محدش يعرف اصلها ايه الا ناس قليلة


الكلمة دي اللي هي معلش


معلش تعني الاعتذار عن فعل


والناس القديمة شوية والصعادية والفلاحين دلوقتي لسه فيه ناس منهم بيقولوا الكلمة بنطقها الصح


اللي هو

معلهش


وعلي فكرة فيه فيلم عربي قديم اسمه معلهش يا كاظم بيه (تقريبا اسمه كاظم )

المهم

يعني الكلمة دلوقتي اسمها معلش وكانت معلهش قبل كده ، والتحوير اللي حصل فيها ده كان علشان يقلل ويسهل من نطقها


لكن مين بقي يعرف اصل الكلمة ايه؟


اصل الكلمة عبارة عن جملة كبيرة

" ما عليه من شئ "

ايوة ، تصدقوا بقي ان ده اصل الكلمة

كانت تقال لما حد مثلا يخبط حد بدون قصد وممكن يتسبب في مشكلة وخناقة

فالناس تقول للي اتخبط علي اللي خبط " ما عليه من شئ "


وطبعا صياغة الجملة دي ومعناها تقصد ان الشخص اللي خبط ده معتوه


يعني لو حد خبط حد قدامي وهيحصل مشكلة فاقوم انا اروح احوش واقول علي اللي خبط للي اتخبط

حصل خير، ما عليه من شئ


يعني خده علي اد عقله



ههههههههههههههههههههههههههههههههههههههههه



يعني احنا دلوقتي علي رأي المدرس


اننا بنشتم نفسنا كتير


لما نخبط حد ونقوله معلش

واحنا اللي خابطين

يعني احنا بنقوله ما علينا من شئ


يعني احنا مجانين



ههههههههههههههههههههههههههههههه



يللا كفاية رغي بقي

هههههههههههههههههههههههههه

حلوه اوى المعلومه دى

معلش =(ما عليه من شىء)


وكويس ان الموضوع عجبك اصلى لما لاقيت مفيش اقبال على الموضوع

قولت يبقى ما عجبهمش انزله وخلاص

بس اهو بداتوا تشوفوا اهو هدى دخلت وانت وعقبال الباقين ان شاء الله



نورت الموضوع بردك

لا طبعا


مش ده المقياس


انا ممكن ما اشوفش الموضوع غصب عني

وممكن يكون استايل الموضوع ذات نفسه مش عاجبني ، لكن الموضوع نفسه يكون رائع بس انا مش ميال لموضوع

طبعا الناس اذواق


وممكن اكون مضغوط في الوقت


يبقي اعذري الناس


ربنا يكرمك عالموضوع الجامد ده

اللهم آمين ..

ايوه بس انا الحمد لله بلتمس الاعذار

مين قال غير كده

بس عامه اى عضو بينزل موضوع بيبقى مستنى

ان الاعضاء يردوا عليه ويقولوا رايهم

ولو كان ليهم وجهه نظر او نقد دى حاجه بتفرح

وخصوصا كمان لما يكون العضو متعلق بالمنتدى وحبه اوى من ساعه ما دخله

فبيبقى عشمه اكبر فى التفاعل

انا لما بنزل موضوع وبيرد فيه اكتر من عضو

وبحس ان الموضوع فيه اعضاء كتير بفرح جدااا

عكس لما انزل موضوع وما حدش يرد عليه

وما يتهياليش ان انا لوحدى بيتهيالى اى عضو كده فى اى منتدى

(بس ده مايمنعش اننا لما بنزل موضوع وفيه استفاده بتكون النيه الاولى لله عزوجل

اننا عايزين نفيد بعض اتعلمت حاجه وبتساعد غيرك انه كمان يتعلمها

حتى لو موضوع ضحك بنيه ادخال السرور على قلب مسلم )


بس هى دى وجهه نظرى

نورت الموضوع برأيك وبالمعلومه الذيذه اللى انت قولتها (معلش )

ههههههههههههههههههههههههههههههههههههه




ربنا يكرمك ويضحكك زي ما تضحكتيني دلوقتي

آمين يارب

هو انا مش عارفه انا قولت ايه بيضحك

بس انا طلعت بدعوه جميله