ربنا يوفقك و كلام جميييييييل اوى اوى ..ربنا يكرمك
و احسن حاجة انك الحمد لله محدد المدى الزمنى ..و شروط االهدف الجيد متوافرة
بس هو انا كنت اقصد بالرساله حاجة ابعد من كدة كمان
..يعني ايه هدفك كمان من انك تكون بتشتغل فى الموارد البشرية او التسويق و ايه هدفك من تكوين اسرة
يعنى اقصد بالرسالة ..حاجة اعم من كدة شوية
زى مثلا تجميع العرب .. نشر الاسلام . . رفع كفاءة المسلمين فى حاجة معينة .. ..كدة يعني كلام من الكبير دة
و هو مش كبير علينا و ولا حاجة لاننا ممكن نحاول نعمل و لو جزء بسيط من رسالتنا دى فربنا يكرمنا و يخلي بقيت رسالتنا تتحقق
زى لو حد فيكوا سمع قصة اهل الكهف من عمرو خالد كان بيقول جملة عجبتنى اوى
بما معناه يعنى لو انت عند الالف و عايز توصل للياء و قدرتك بس انك توصل لحرف الباء (تانى حرف من 28 عايز تمشيهم )
امشى للباء و ربنا هيوصلك للياء
و فعلا اهل الكهف فى وسط بلد كلها كفر كانوا 7 شباب(و فتية كمان يعني صغيرين ) بس مؤمنين و خلوا رسالتهم انهم يعرفوا الناس بربنا
و بداوا انهم يحببوا الناس فيهم منغير ما يقولولهم على اى حاجة عن رسالتهم
و يشغلوهم و يساعدوهم
و قبل ما يبدأوا يعلنوا عن رسالتهم اتفاجئوا بان الملك عرف انهم مؤمنين و كان عايز يتخلص منهم
ففكروا يروحوا الكهف يهربوا شوية عشان يفكروا و يشوفوا هيعملوا ايه
و ربنا خلاهم يناموا 309 سنة .. علشان التغيير محتاج لسنين
و صحاهم عشان يشوفوا نتيجة الخطوات اللى كانوا بدأوها .. ان الناس عرفت حكاية انهم مؤمنين و بيطاردهم الملك و بعدين الناس كلها امنت و بدأوا الاصلاح و صحيوا لقوا البلد اتغيرت و بقت بلد كويسه بدل ما كانت بلد كفر متعرفش ربنا
فلو كل واحد حاول و بدا يعمل و لو خطوات صغيرة نحو رساله كبيرة باذن الله ربنا هيكرمه و هدفه يتحقق
ممكن يموت و ميشوفوش بس يوم القيامة هييجى و كل نتائج التغيير اللى حصل من بعده فى ميزان حسناته
و ناس كتير ماتت و مشافتش نتيجة جهدها
بس الناس دى اكيد كلنا بنغبطهم على منزلتهم عند ربنا
زى اى حد بدا خطوات اصلاح وو مات و لسه الاصلاح ما جاش بس اللى بعدوا كملوا على خطواته و الل بعدهم كملوا و اللى بعدهم كملوا فالحلم اتحقق
اكيد كلللللل دة فى ميزان حسنات الاولانى
بعد كل الكلام دة بقى ايه رسالتكوا فى الحياة
؟؟؟