قول اللى فى نفسك

ربنا يوفقك..الف مبروك..و ربنا يزيدك علم نافع بيه

هقوم بقى علشان ألحق أنزل أروح الكلية ... مضمنش الطريق
أشوفكواهناك إن شاء الله .... ونتقابل كلنا على خير دايماً يارب

اللهم اجمعنا على الخير وفي الخير

طب يا جماعة

محدش يعمل حسابى فى المكان

قفايا واجعنى

حاسس انى خارج من قسم العمرانية

Mohamed magdy كتب:

ما شاء الله
جميل يا محمود وايه أخبار الأفتتاح كان كويس؟

كان كويس

ماحضرتوش كله اصلي

جيت اخر ساعة بس

جه فيها واحد من ذاعة ( حريتنا ) واتكلم عنها شوية

اكتر جملة عجبتني منه ( ناس كتير بيجيلها احباط عشان بتعتمد على الحكومة هي للي تعمل .. ، بس المفروض انه مايعتمدش على كدة وبس المفروض هو نفسه يعمل حاجة )


وجه واحد تاني تبع مشروع ( الوزارة في العمارة )

حكى فكرتهم انهم هيقبلوا شباب يقبلوا في الاقسام المختلفة للوزارة .. سياسة ، اقتصاد ، تعليم ، اعلام

وكل شاب هيبقى ليه مساعدين وبرنامج انتخابي وهينزل اماكن كتيرة عشان يشرح البرامج دي والناس تناقشوا فيها

وفيه وزير قال ان لو شاب قدر فعلا يحل مشكلة من ضمن مشاكل البلد هيشغله معاه في الوزارة

ما شاء الله ايه الكلام اللى يرفع المعنويات ده

الف مبروك عل الكورس

يا رزك يا بت يا فداء والله عسل يا بت

ده حتى محمد قعد يألف لى ويقولى الطباخه الماهره دوما ساهره مش عارفه ايه كده

وتاكل الرمان

ولما جيت اغسل المواعين قالى الغساله الماهره مش عارفه ايه بقى كده مش فاكره قال ايه ؟؟؟

محدش يألس عليا ده ماما استغلتنى شويه علشان كانت تعبانه

وطلعت راحه المستشفى و انا فى الكليه ومحمد بقى اشتغل عليا شويه




اااه يانا دايما احساسى بيطلع صح

انا قولتلهم فى الكليه الترم ده انا خايفه منى ماصدوقوش اهم اتصدموا انهارده

ولسه ده انهارده كانت صدمه الجدول المتخلف بس

عل الدكاتره اللى اتغيروا على حظنا احنا

(ما احنا اصلا دفعه فقر من ايام التنسيق اللى ماجاش زيه على مر العصور )

والدكتور بتاع العقيده اللى كان بيدينا السنه اللى فاتت للاسف هو اللى هيدينا السنه دى

استر يارب ده كان جايب كتاب كله فلسفه استغفر الله العظيم من دى كليه معوقه

انا دخلتها ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما لها اداب ؟

نقطة تحول جديدة

اقتباس :

وجه واحد تاني تبع مشروع ( الوزارة في العمارة )

حكى فكرتهم انهم هيقبلوا شباب يقبلوا في الاقسام المختلفة للوزارة .. سياسة ، اقتصاد ، تعليم ، اعلام

وكل شاب هيبقى ليه مساعدين وبرنامج انتخابي وهينزل اماكن كتيرة عشان يشرح البرامج دي والناس تناقشوا فيها

وفيه وزير قال ان لو شاب قدر فعلا يحل مشكلة من ضمن مشاكل البلد هيشغله معاه في الوزارة

أنا كنت هقدم والله في الوزارة في العمارة لكن ملقتش حد وقف جنبي أنا معنديش مانع أكون لوحدي لكن لازم على الأقل 3 وأنا أساساً مكنتش فاضي ... والله هو مش منظرة وخلاص انا أساساً بكره موضوع الشغل في الحكومة فكمان هشتغل في الوزارة؟
لكن كنت حاسس إن الموضوع هيبقى خيالي وهيحبطوا الناس لو كان فيه ناس عندها وعي هناك ... لأني الحمد لله عندي مالا يقل عن 3 حلول لكل وزارة و حلول عملية جداً وبسيطة ومهمة تساعد بجد علشان كدة قولت أقدم وخلاص لكن مليش في المنظرة والعلاقات العامة وده كان مطلوب هناك ... يلا الحمد لله قدر الله و ما شاء فعل .. أدخل المرحلة التانية رغم إني كنت عايز أدخل وزارة التجارة والصناعة


--------------------------------------------------------
وبعد كل ده النهاردة كنت فاكر إن عندنا من 3 ونص ل 6 ونص طلع يوم السبت من 12 ونص ل 3 ونص والثلاثاء هو اللي من 3 ونص وكمان ل 8 يعني مفيش ل 6 ونص خالص جبتها منين معرفش ؟؟
برضه قدر الله وما شاء فعل أنا أصلاً برضه روحت متأخر عن 3 ونص يعني مكنتش ضامن السكة طلعت مش ضامن اليوم ... اللهم أعلم كان ممكن يحصل إيه؟ ... حكمتك يارب ( شخص بيسجد )

ادعوليييييييي لاحسن احتمال اخيط صباعي عشان مفتوح جامد

ادعولي بجد انه ميحتاجش خياطه

على فكرة يا سمير فيه ناس كتير نفسها تخش برده على فكرة بس مش لاقية حد يشجعها ممكن تلاقي منهم في دفعتك على فكرة

----------------------


الف سلامة يا زمزم


---------------------


نفسي انزل حلقات كابتن ماجد من على النت بس مش عارف حدش يعرف يساعدني

ربنا يخفف ألمه ويشفيه بأسرع وقت واحسن طريقة

انا هأساعدك ياحبي ان شاء الله

اوك يا اتش

ونبقى نتفرج مع بعض بقى

الإرادة

النهاردة كان يوم غريب بس جمييل الحمد لله

و عجبنى دكتور (الاتصالات التسويقيه المتكاملة (مش ترويج بس ) ) ..مع انه احرجنى ..شكلى بحب الناس اللى بتحرجنى كدة .كنت بحب دكتور عادل مبروك و بحب دكتور حسين عطا و عجبنى الدكتور دة ..هى صدفة بس دكتور لذيذ فعلا و شكله متطور ان شاء الله و نال اعجاب الجميع

و دكتور النظم ربنا يشفيله دراعه عشان يكتبلنا كمان ..انا بقيت قاعدة اكتب عربى و معرفتش اكتب حاجة انجلش عشان مليش فىالاملاء بالانجلش مع انه كان كلام بسيط اوى الحمد لله

و بعد المحاضرات اعدت اتمشى مع منى صاحبتى كان بقالى كتير مرغيتش معاها و كان الجو حلو الحمد لله و سلمت على اصحابى فى محاسبة

و متضايقة من انى مش عارفه اعتذر على حاجة معملتهاش المفروض كنت اعملها بس مش انا السبب ..ربنا يستر بقى

سلاااااااااام علييييكم و رحمة الله و بركاته

بخصوص موضوع لعشاق الأسود والمناقشة اللي حصلت فيه

أنا من رأيي الجيبات أكثر أحتشام من البنطلونات لكن لو البنطلون فوقيه حاجة يعني زي جيبة طويلة مثل يبقى عادي لكن بنطلون لوحده كده يبقى مش حشم تحديدا الجينز
والبدي والحاجات الغريبة الديقة ده اكيد طبعا واضح من شكلها إنها منيلة بنيلة

والجاكت ولا البنص جاكت اللي بيلبسوه ده والله اعلم اسه ايه بيبقى مش حلو كمظهر واحتشام
وطبعا معروف ان الطرحة شئ اساسي في الحجاب

اما النقاب فليه لازمة في حاجات معينة لو لقدر الله بنت وشها في مشكلة او حاجات زي كده فتداري الحاجة ده عشان متفقدش ثقة في نفسها او معنويتها تقل

بس غير سبب وسببه حجاب وخلاص بيتهيألي انه ملوش لازمة لأن عورة المرأة جسمها كله ماعدا اليد والوجه

اما الولاد فمشكلتهم هي ان بعضهم متشبه بالنساء ( السلاسل والحاجات الغريبة ده )
وزي ماقال حنظلة على حكاية البنظلون ده
واساسا ده بدعة من الاجانب كانوا بيعملوها بعض شباب الغرب الشاذين ( زي قوم لوط )
أعوذ بالله

وربنا يطهر شببنا من كل سلبيات الغرب اللي أتأثروا بيها

وسلام عليكم

اقتباس :

بخصوص موضوع لعشاق الأسود والمناقشة اللي حصلت فيه

ليه مشاركتش هنااك ؟؟؟؟؟؟؟؟؟؟؟؟؟؟؟؟؟؟؟؟؟؟

اقتباس :

أنا من رأيي الجيبات أكثر أحتشام من البنطلونات

دة اكيد ..[س تبقى واسعه برضه و عليها حاجة مش قصيرة اوى

علشان فى بنات متهيالها ان ما دام جيبة يبقى خلاص مش مشكله ضيقة ولا واسعه وتلبس عليها بادى و فاكرة ان كدة مش مشكله ما دام لابسة جيبة و اكن الجيبة هى اللى بتقول دة حجاب و لا لا

اقتباس :

لكن لو البنطلون فوقيه حاجة يعني زي جيبة طويلة مثل يبقى عادي

يعني ايه ..مش فاهمه ؟؟

جيب طويلة فوق بنطلون ..قصدك تونيك اللى هو اكنه عباية قصيرة شوية كدة ؟؟

اقتباس :

لكن بنطلون لوحده كده يبقى مش حشم تحديدا الجينز

اكييد ..بس فى جينز واسع برضه

اقتباس :

والبدي والحاجات الغريبة الديقة ده اكيد طبعا واضح من شكلها إنها منيلة بنيلة

اكيييييييييييييييييييييييييييييييييييييييييييييييييييييييد.

اقتباس :

والجاكت ولا البنص جاكت اللي بيلبسوه ده والله اعلم اسه ايه بيبقى مش حلو كمظهر واحتشام

مش عارفه و الله .. بس انا مابحبوش برضه

اقتباس :

وطبعا معروف ان الطرحة شئ اساسي في الحجاب

دة اكيد طبعاااااااااااا
و اعتقد المفروض تكون طويلة شوية

اقتباس :

عورة المرأة جسمها كله ماعدا اليد والوجه

برافو عليك
بس ليه بتتكلم هنا

روح رد هناك بقى و انا كمان ابقى انقل ردى هناك ان شاء الله

بس حاجة مهمه بس ..احنا طبعا محدش فينا مفتى يعني ..و الله اعلم احنا كل واحد بيقول حسب معرفته البسيطة

ربنا يستر و نكون فاهمين صح ..و يا رب نطببببببببببببببق الصح

حراااااااااااااام


كتبت رد كبير جدا في المحضر واتمسح


لله الامر

معلش بتحصل كتير .. اكيد خير ان شاء الله

انا صحيت لاقيت دخولى متسجل لوحده



ياااااااااااااااااااااااااااااااارب

يعني ايه ؟؟

و ربنا معاكى يا قمر فىى اول يوم دراسة ..مش هقبل باقل من امتياز

ربنا يستر و
نكون فاهمين صح ..و يا رب نطببببببببببببببق الصح





في موضوع حكم
الغناء :-


((( استفت قلبك ، البرّ ما اطمأنت إليه النفس واطمأن إليه القلب ،
والإثم ما حاك في النفس وتردد في الصدر ، وإن أفتاك المفتون )))


يعني ايه ..مش فاهمه ؟؟

جيب طويلة فوق بنطلون ..قصدك تونيك اللى هو اكنه عباية
قصيرة شوية كدة ؟؟



زي الصورة اللي أنتي حتطيها كده

أنا مش شاركت هناك لأن الموضوع كان عن صور لحاجات للمحجبات وكده

فبقى مناقشة

يبقى المفروض في أختلافنا ميزة

(zamzam) كتب:

ادعوليييييييي لاحسن احتمال اخيط صباعي عشان مفتوح جامد

ادعولي بجد انه ميحتاجش خياطه

ربنا يشفيلك صباعك ويكون في عونك أحسن أنا مجربها وكانت إمتى وقت الامتحانات قضيت الامتحانات كلها وصباعي كدة بس كان فيه جراحة بقى قبل أول امتحان وكان رغم البنج الموضعي فيه ألم شديييييد جداً لكن الحمد لله خف بعد م الامتحانات خلصت زي م يكون قاصد ... الحمد لله على النعمة دي والله إن الجلد يرجع يلم تاني ويبقى طبيعي
وربنا يشفيكي ويكرمك يارب

اللهم لك الحمد على نعمك التي لا تعد ولا تحصى

هو احنا عادى بنتناقش فى كل المواضيع ..لكن الموضوع فى الاصل كان فى ازياء لانه ازياء فعلا و مش محجبات و لا حاجة

و شكرا لتوضيحك ..ربنا يكرمك

مالك يا بوبه يا حبيبتى ..ايه اللى حصل لصباعك
ابقى كلمينى طمنينى لما تصحى ..انا اتصلت بيكي و محدش رد قلت ممكن تكونى لسه نايمة