حكايات الامتحانات ( الجزء الرابع )

ربنا معاكم

وابقوا اقرأوا قرآن قبل ما تروحو الامتحان
ممكن مثلا في المكروباص وانتم ريحين

ربنا يخليكى يا ندود يارب

اللهم لك الحمد كما ينبغى لجلال وجهك وعظيم سلطانك

اللهم لك الحمد حمدا كثيرا طيبا مباركا فيه ملىء السماوات والارض

كما ينبغى لجلال وجهك وعظيم سلطانك

انا الحمد لله حليت حلو اووووووووى وانا فرحاااااااااانه اوى ان ربنا رزقنى التوفيق وفكرنى بالمعلومات

مش قلتلكم لما بتدعولى ربنا بيوفقنى دعواتكم بقى

انا مش هتعبكم مش فضلى غير يومين السبت والاتنين بس

وانا بدعيلكم والله

ويارب تخرجوا من الامتحان الجاى كلكم فرحانين كده وتكونوا حلين كويس

بس احسن منى
اصلى الفت فى اخر قصيده شويه بس والله مش شويه كتير يعنى 3 او 4 جمل كده

هو واحد بيتكلم عن حبيبته ونسيت كان بيقول ايه فجبت كلام تانى كان واحد بيقوله عن حبيبته بس كانت ميته ورحت كتباه

اهو كله كلام حلو وخلاص

الحمد لله يارب

عقبالكم كده ان شاء الله ربنا معاكوا باذن اله ويفرحكوا بالتخحرج باعلى التقديرات كلكم

طولت عليكم معلش بس ال فرق شاسع بين امتان المره اللى فاتت وبين المره دى


الف سلامه على اخوك يا محمد وان شاء الله ما يتخبطش تانى علشان مامتك ما تتخضش

لحسن الامهات ياعينى بيبقوا مرعوبين وقلقانين

مبروك يا دودو يا حبيبتى..يا رب تفرحى دايما كدة

دة كلله عشان بركات انك كلمتينى امبارح هههههه

يا رب دايما يا حبيبتى تتبسطى

كنت لسه النهاردة الفجر ماما بتقرا قران فقرات الايه اللى فيها اسمك
فقالتلى دة اسم فداء فى القران اهه
قلتلها اه دة هى بتحب الايه دى (عشان كنتى كاتباها فى موضوع اكتب ايه ) و قلتلها تدعيلك

الله يبارك فيكى يا ندود

وعقبالكم يارب لما تخرجوا من الامتحان فرحانين زى كده

ويارب كلكم تحلوا حلوا اوى فى امتحاناتكم كلها

لو المكالمه هتعمل كده قبل كل امتحان هكلمك نص ساعه مش ربع ساعه زى امبارح

علشان البركه تكبر

ربنا يخليلك مامتك وتدعيلى على طول يارب

واسمى ده كان عامل مشاكل كتير وانا صغيره

وكنت بكرهه وعايزه اسم الاء

اصل لما كانت بتشتغل اذاعه القران الكريم وتيجى سوره الرحمن

كانت الاء بتقعد تذلنى ان اسمها فى القران وانا لا

خصوصا ان اسمها بيتكرر كتيرررررر

وماما تقعد تقنعنى ان اسمى انا كمان موجود فى القران

وانا ابدا مش مقتنعه ولما اقتنعت قولتلها

اشمعنى هى بقى اسمها ربنا قاله اكتر من مره وانا اسمى مره واحده بس ؟؟؟؟؟؟

جننا ماما معانا والله استحملتنا كتير


انا قولتلكوا انا رغايه والمفروض ما كنتش اجى هنا

بس قولتلكم كمان ندى هى اللى قالت واستحملوا انتوا بقى

اللهم ارزقنا التوفيق فى كل الاعمال الصالحه

امين يارب العالمين

انا بيعجبنى اسمك اوى لانه مميز و معناه حلو اوى ..و طبعا الاء اسمها متكرر كتير اوى يا بختها

طب انا اسمى مش موجود خالص .. اعمل ايه دلوقتى بقى

المهم سيبك من الاااسامى ..ادعيلى جامد عشان مش عارفة مالى اليومين دول ..قلبت مجنونه فى البيت و عماله اقولهم حاجات لوحدى و اضحك عليها و يا اما احس انى عايزة اعيط ..و حاسة انى عايزة اخد الاجازة بقى و اشوف اصحابى واكلمهم و ارغىىىى

يا رب اهدينى

ايه حكاية التهييس اليومين دول انا كمان اليومين اللي فاتو كنت لاسع شوية .. ربنا يستر


التكاليف بقى كان فيها شوية افكار جديدة الحمد لله

واخر سؤال كان عجيب ماجاش في امتحانات قبل كدة

اليوم كله كان ظريف جدا الصبح كان عندي شوية مغص كدة قبل الامتحان .. بعد الامتحان كلت حواووشي من عند الشبراوي ( اول واخر مرة )

رجعت البيت ماكنتش نايم كويس قبلها بيوم وكان عندي مغص الصبح وشد عليا بعد الحواووشي كنت مقتول يوميها خدت مطهر ونمت وصحيت تاني يوم


ربنا معانا في التامين

وربنا مع كل الناس اللي في محاسبة وادارة

الف سلامه لكل الناس اللى تعبانه فى المنتدى

ندى كتب:

المهم سيبك من الاااسامى ..ادعيلى جامد عشان مش عارفة مالى اليومين دول ..قلبت مجنونه فى البيت و عماله اقولهم حاجات لوحدى و اضحك عليها و يا اما احس انى عايزة اعيط ..و حاسة انى عايزة اخد الاجازة بقى و اشوف اصحابى واكلمهم و ارغىىىى

يا رب اهدينى

متخافيش يا ندى والله ان شاء الله خير


افتكرى الجمايل دى

وانتى بقى ادعيلى علشان عندى امتحان grammarانهارده

وان شاء الله انا متفائله لانها ماده حلوه

ادعيلى انتى بس ان ربنا يوفقنى فيها

ويارب يارب يارب اجيب فيها امتياز زى السنه اللى فاتت

امين يارب

ما تنسوش بقى الامتحان الساعه واحده ونص ان شاء الله

وخليكم حلوين وادعولى عشان ادعيلكم (انا بدعى لدفعه تجاره كلها )

الحمد لله الحمد لله الحمد لله

الامتحان جه حلو جدااااااااا والحمد لله وكان احلى امتحان جالنا

وعقبالكم يارب

يجى امتحانكم سهل اوى كده بس ميكنش فى تكمله علشان احنا اتخضينا منها

بس لو جالكم تكمله تبقى زينا كلها من الكتاب بنفس الجمل

وان شاء الله كل الامتحانات اللى بقيالكم تيجى على خير

ربناا معانا ومعاكم وينجحنا ان شاء باعلى التقديرات

يارب

الحمد لله يا حبيبتى ..ربنا يوفقك دايماااا كدة
و ادعيلللى جاامد بكرة بقى ان شاء الله و النهاردة عشان اخلص

اقتباس :

متخافيش يا ندى والله ان شاء الله خير

وانا والله بدعيلك من غير ما تقولى ولسه دعيالك انهارده فى الفجر

افتكرى الجمايل دى

ربنا يخليكي ليا يا حبيبتى

اقتباس :

التكاليف بقى كان فيها شوية افكار جديدة الحمد لله

واخر سؤال كان عجيب ماجاش في امتحانات قبل كدة

معلش ..ان شاء الله يكون حلك عليه كان صح

اقتباس :

اليوم كله كان ظريف جدا الصبح كان عندي شوية مغص كدة قبل الامتحان .. بعد الامتحان كلت حواووشي من عند الشبراوي ( اول واخر مرة )


رجعت البيت ماكنتش نايم كويس قبلها بيوم وكان عندي مغص الصبح وشد عليا بعد الحواووشي كنت مقتول يوميها خدت مطهر ونمت وصحيت تاني يوم

الف سلامة عليك ..خليك فى اكل البيت احسن و انضم لمجموعة اكلى البسكوت و الكرواسون و الحاجات العبيطة دى اللى انا منضمة ليها غالبا الا بتاثيرات اصدقائى ساعات

اقتباس :

ربنا معانا في التامين

وربنا مع كل الناس اللي في محاسبة وادارة

ربنا يوفقنا جميعا كلنا

و يكرمكوا النهاردة فى الامتحان و يفتح عليكوا و يباركلكوا و تحلوه كله صح و تخرجوا مبسوطيين

.و يوفقننا و نخلص المادة كويس النهاردة ان شاء الله قبل الاامتحان و نعمل بكرة كله صح ان شاء الله

اقتباس :

ربناا معانا ومعاكم وينجحنا ان شاء باعلى التقديرات

يارب

يا رب
هو انتى بكرة برضه زينا صح ؟؟

اه انا زيكم بكره برضه ان شاء الله بس فى فرق يا اختى

انا بكره اخررررررررررررر يوووووووووووووم وهاخد الاجازه

وانتوا لالالالالالا

يارب يكون اخر يوم بقى حلو ان شاء الله

بكره فرنساوى ويارب يكون وختامه مسك

ويارب ان شاء الله تحلو حلوووووووووووووووووووووووووو جدا بكره

واللى عندهم امتحان يحلوا برضه حلوووووووووووووووووو اوى

وربنا يوفقكم ويسهل عليكم يارب ويفكركم بالمعلومات

امين

يا رب تكونى حليتى حلو يا حبيبتى انتى و كل اللى بيمتحنوا

و يا رب وفقنا بكرررررررررررررررررررررررررررررررررررة

يا رب

ربنا يعين كل الناس اللي هتمتحن بكرة

ويوفقكوا ان شاء الله


اليوم 18 - 1 - 2009


كان موعد امتحان التأمين

الامتحان الذي ظل الطلبة منتظرينه طويلاً .. حتى جاء الميعاد الذي استلم فيه الطلبة ورقة الاسئلة وكان مع مرور عيونهم على هذة الورقة تظهر علاماتها على وجوههم ، فمنهم من يبتسم .. ومنهم من يعبس .. ومنهم من يتغير وجهه بابتسامة ثم يتحول الى عبوس

عامةً كان امتحان جميل وطويل بعض الشئ ، وبه بعض الاسئلة التي يصعب تذكرها مع هذا الكم من الضغط ، ونتمنى ان يوفقنا الله في المادة القادمة " الاحصاء " ويوفق جميع الطلاب في جميع الاقسام والكليات


انتهى البيان

والسلام عليكم ورحمة الله وبركاته

لا حول و لا قوة الا بالله ..هو الامتحان كانن وحش اوى و لا ايه

و انت عملت ايه فى الاخر يعني؟؟

ربنا يستر و التصحيح يبقى حلو

و شد حيلك الاحصاء عايزة تمرين كتير دكاترة قسم تامين دول يهووا الامتحانات الطويييييله اللى مبتخلصش .. بالذات لو عندكوا حد من نوعية د محمد وحيد

و يا رب استر بكرة فى اطول مادة فى تاريخ كلية تجارة خدتها تقريبا ..طويييييييييييييييلة طويييله ..يا رب ساعدنا فيها و اكرمنا و اجبر بخاطرنا يا رب

لا الحمد لله تمام مع شوية تاليف كدة ربنا يستر ويكون صح


احنا بتدينا د لبني اول سنة ليها من كتاب محمد وحيد .. مابيديناش شخصيا يعني



شدووو حيلكواااااا وربنا معاكم

دعوااااااااااااااااااااااااااااااااتكم

انا مرعووووبه

استر يارب

يارب يا ندى انتى ومها تكونوا حليتواحلو

ويارب يكون الامتحان جالكم حلو وسهل وكتبتوا الاجابات صح

بجد صعبت عليا نفسى اوى و مقدرتش استحمل و عيطت و ان خارجة

مش ممكن كل الامتحانات طويلة كدة ..بزعل اوى انى ملحقش اكمل

الحمد لله على كل شىء

الحمد لله كما ينبغي لجلال وجهه و عظيم سلطانه

يا رب التصحيح يبقى حلو و يراعوا الامتحانات الطويلة دى

طب بيعملوا كدة عشان اللى بيغشوا ميلحقوش ..احنا ذنبنا ايه

الحمد لله كما ينبغي لجلال وجهه و عظيم سلطانه

بس انا فعلا انسانه بطيييئة ..لازم اغير نفسي شوية

اللى مجننى انى كنت طول عمرى بطيئة بس بخلص يعني قبل الوقت بدقيقة بالعافيه ..لكن مبقتش الحق ..سبحان الله ..مش عارفه ..يا رب يكون خير

انا تعبت اوى فى المذاكرة و دعيت كتير ..يبقى ان شاء الله خير

الحمد لله كما ينبغي لجلال وجهه و عظيم سلطانه

سلاااام عليكم و رحمة الله و بركاته

اقتباس :

لا الحمد لله تمام مع شوية تاليف كدة ربنا يستر ويكون صح

ربنا يستر .. ان شاء الله يكون صح

اقتباس :

[size=16][size=16]احنا بتدينا د لبني اول سنة ليها من كتاب محمد وحيد .. مابيديناش شخصيا يعني

[/size][/size]
احسن ..هو صحيح شرحه حلو بس امتحاناته مبتخلصش ..يا رب تكون دى كويسة ان شاء الله و تجيبلكوا امتحان حلو ..ربنا معاك

اقتباس :

[size=16][size=16]شدووو حيلكواااااا وربنا معاكم

[/size][/size]
ادعولنا بضمير شوية اكتر بقى احنا بنتبهدل بقالنا امتحانين ..ربنا يستر ..المرة الجايه اللى مخوفنا و راعبنا كلنا ..دكتورى العزيز حسين عطا
..يا رب سترك ..يا رب نفههههههم هو عايز ايه ..و نفهم كل المنهج كويس و نحل كله صح و نخرج مبسوطين بقى

اقتباس :

دعوااااااااااااااااااااااااااااااااتكم
انا مرعووووبه
استر يارب

مالك يا حبيبتى انتى مش اجازة خلاص
عملتى ايه امبارح طمنينى عليكي

اقتباس :

يارب يا ندى انتى ومها تكونوا حليتواحلو

ويارب يكون الامتحان جالكم حلو وسهل وكتبتوا الاجابات صح

يا رب تكون اللى كتبته صح و يا رب هى تراعى انى اللى ملحقتش اعمله كان غصب عنى و تتجاوز عن الحاجات اللى سبتها ..بس عمل ايه ..لما الوقت بيقل كمان بتشل عن التفكير
الحمد لله على كل شىء
ان شاء الله خير
و ادعيلنا جاامد يا فداء من قلبك كدة جامد ..انا حاسه ان محدش بيدعيلى و دى من اسباب ان الامتحانات صعبه
و كل شوية اقولهم فى البيت ادعولى بضمير انتوا مننفضينلى ..اصل امتحانات الصبح دى مفيش اهتمام كدة زى زمان
كنت ماما تقد تدعيلى و اخواتى و ابعت لبابا و اعدى على تيته اللى بتقرا سورة يس مرتين تاته و تدعيلى
دلوقتى انزل ماما تبقى فى السرير و اخبط بشويش على تيته متفتحش يعني اكيد نايمة و اخواتى واحد نايم و التانى فىى الشغل

لا انا عايزة دعوااات بقى اكتر

عشان الواحد يبقى متحصن كدة ان شاء الله بدعاء غيره ليه

يا رب خلى الناس تدعيلى

و وفقنى يا رب انا و كل المسلمين و اكرمنا و فرحنا بالنتيييجة ..يا رب اجبر بخاطرنا و اكرمنا يا رب

اللهم صلى و سلم و بارك على سيدنا محمد و على اله وصحبه و كل من تبعه

سلاااام علييكم و رحمة الله و بركاته

دة ايه النصايح الهايله دى
حرام عليك دول معتمدين عليها

لا متتخضوش يا جماعه مش شرط يعنى ان امتحانكوا ييجي بايخ .. بس انتوا اتعودوا على السررررررررعه .. و قسموا الوقت صح فى الامتحان و محدش يغلط غلطتى و يرغى عشر سنين فى اسئلة و فى الاخر ميلاقيش وقت

و تفائلوا خيرا ان شاء الله هتجدوه


و ادعولنا عشان الدكتور المرة الجاية مش عارفين نظامه ايه خاااااالص و امتحاناته عجيييييييبه جداااا ..ربنا يستر

و بعدين بصوا احنا مش مقياس هو قسم اداارة كدة تقريبا بيحبوا يدونا على دماغنا عشان شخصيتنا تقوى و نبقى مديرين جامدين

و يمكن بتقسوا علينا عشان احنا تبعهها لكن انتوا غرب عنها فهتدلعكوا

ربنا يستر

ربنا يسترها معانا يارب

امتحان غبر متوقع منك يا دكتوره ابتهاج

فعلا ايه حظنا مع الامتحانات الطوبببببببببله دى !

انا بجد تعبت فى الماده دى واعتقد ان كلنا كده وان شاء الله ربنا مش هيضيع تعبنا

اجمد حاجه انى طلعت لدكتور اشرف وسلمت عليه واشتكتله بس هوا قلى ان دكتوره ابتهاج ادها فرطه فى التصحيح (يااااارب)

وبالنسبه لمحاسبه فانا زمايلى قلولى ان هيا هتراعى ان طه الطاهر بيديهم وهتجبلهم امتحان كويس

بس يارررب ميكنش الكويس ده زى بتاع النهارده

بالا الحمد لله وياااارب وفق فى الى جى

الحمد لله على كل شىء

قدر الله وما شاء فعل

اكيد اللى حصل فى خير ليكو كلكم

(وعسى ان تكرهوا شيئا وهو خير لكم وعسى ان تحبوا شيئا وهو شر لكم )

ما دام انتوا عملتوا اللى عليكوا ولا تحطوا فى دماغكم اى حاجه خاالص

بجد ربنا هيعوضهالكم فى حاجه تانيه احلى بكتير

جايز تصحيح جايز الترم التانى جايز شغلانه حلوه

حاجات كتيررر

وربنا معاكوا ان شاء الله فى الباقى

بس بجد والله انا بدعيلكم وبقرألكم سوره ياسين كمان دايما

وزى ما ترافيلرقال دايما حطوا فى بالكم

(ان الله لا يضيع اجر من احسن عملا )

وربنا يكرمكوااااا يارب

ياساتر يارب
هي الأمتحانات مش حلوه ليه كده السنه دي
احنا برضه كان الأمتحان بتاعنا طويل
والورق بتاع الأجابه اتوزع متأخر 5 دقايق ومعوضوهاش لينا في الأخر
هو الترم ده فيه حاجه غلط ولا إحنا غلطانين ولا ايه؟

بس والله عندكوا حق
إن الله لا يضيع أجر من أحسن عملا
و قد ما الواحد تعب هياخد حقه
إن شاء الله
ويارب اللي جاي يكون أحسن

الحمد لله بس
حاجه تخنق مينقعش اجيب 20 خالص
غلطتيين فى تاريخين
انا فعلا مش بشوف و خلاص
بس يارب ينقص درجتين بس

زمزم ..ربنا معاكى يا حبيبتى ..ان شاء الله المرة الجاية احسن
بس الراجل اللى خارج من العيوطى ضحك علينا بقى ..سالناه ايه الاخبار جوة قلنا تمام و بيحلوا و مفيش مشاكل

معلش يا حبيبتى تتعوض باذن الله

ترافيلر .. اولا معلش و ربنا يصبرنا كلنا و عايزين نشد حيلنا بقى فى البحووث
و يا رب يطلع كلام دكتور اشرف صح و دة اان فعلا سمعته عنها ..يا رب فرحنا بالنتيجة يا رب

انا برضه شفت معيدة التخطيط بعد الامتحان فكانت بتقولى انها كانت مع دكتورة ابتهاج بيراقبوا سوا و انها قالتلها انها جايبه الامتحان طويل عشان عدم الغش بس قالتلى هى بتبقى مراعيه دة و هى بتصحح


هو بصراحة امتحان زى دة المفروض يتصحح زى ما كان دكتور محمد وحيد بيقول يتصحح من 18 مثلا ..و يدونا كلنا درجتين بدل رعب


فداء ..ربنا يكرمك يا حبيبتى و مبروك الاجازة ..و ربنا معاكى يا حبيبتى

محمد مجدى ..معلش خير ان شاء الله و ان شاء الله يراعوا فى التصحيح

فامبير .ان شاء الله خير و تجيب 20 ان شاء الله و كلنا نجيبها ..محدش يستبعدها و الله حتى لو هو فعلا حاسس انه ممكن ينقص

كان د مححمد عبد المنعم معيد الموارد البشريه حكالنا انه كان فى مادة عمال يدعى يجيب العشرين و امتحانها كان غبى و غريب و مادة عجيبه
و جاب 18 بس الدفعه كانت نازلة اوى فرفعوهم درجتين كلهم فبقى 20


يبقى نتفائل كدة و منزعلش و ان شاء الله كله خير