سلام عليكم و رحمة الله و بركاته
ازيكوا يا جماعه
طبعا الامتحانات اغلبها بايخة حتى الان و كلنا زعلانين و للى حصله تشاؤم مبيذاكرش و اللى قال مفيش فايدة و اللى قال هذاكر و الامر لله بس من جواه زعلان
عندى وصفه حلوة عشان نبطل زعل
نفكر كويس كدة و بشويش
احنا المفروض يعني نبقى بنعمل كل شىء فى حياتنا لوجه الله ..يعني مذاكرتنا و تعبنا مش عشان الناس و لا عشان اى حاجة الا عشان بس نرضى ربنا باننا بنسعى و نعمل اللى علينا
و لازم نخلص نيتنا فى كل شىء انه لله و تبقى حياتنا كلها لله زى ما امرنا سبحانه و تعالى
((قل ان صلاتى و نسكى و محياي و مماتى لله رب العالمين ((
فمادام عملنا اللى علينا و متطمنين فعلا لدة ..خلاص بقى مش مهم اى حاجة تانيه لاننا عملنا اللى فى وسعنا نقدر عليه و ربنا اكيد بحكمته كاتبلنا حاجات معينة تحصل احنا ممكن مبنفهمهاش بس فى الاخر بتطلع ان هى دى الخير
يعني مثلا لو واحد هيموت و يدخل طب و نيته خالصه لوجه الله انه يبقى طبيب و يعالج الناس
و يذاكر و يتعب و يموت نفسه و يلاقى مثلا فى الاخر نفسه جاب مجموع وحش و كليه وحشه
خلاص هو ثواب الطب و الناس اللى هيعالجهم دول هو خده بنيته و فى نفس اوقت ربنا هيوفقه لمجال تانى هو مكنش واخد باله منه و ممكن ينجح فيه اوى ..او مثلا كان لو دخل طب كان هيبقى دكتور وحش فربنا بعده عن المهنه دى
يا جماعه اللى ربنا بيكتبهولنا هو الخير
احنا علينا نسعى و نحاول و بس
وصلنا وصلنا ..موصلناش يبقى اكيد دة الخير
فلازم نتفائل بقى و نبعد عن اى هم و مشاكل و نعمل اللى علينا و كله هيبقى تمام باذن الله
بس بجد نعمل اللى علينا و نسعى بجدو احنا متوكلين على الله مش متواكلين
نسعى بجد ..اعقلها و توكل
محدش يقعد فى مكانه و شاطر اوى يقول حسبى الله و نعم الوكيل
ربنا فعلا هو الوكيل سبحانه و تعالى و بايده كل شىء و مفيش حاجة بتحصل الا باذنهو من يتوكل عليه فهو حسبه ((يكفيه)) ..بس ربنا مبيحبش الكسول اللى مبيشتغلش و مبيتحركش و امرنا بالسعى و اعمار الارض و الاخذ بكااافة الاسباب للوصول للشىء ..بس نعمل كل دة و احنا موقنين ان ربنا هو اللى قادر يوصلنا او لا
و فعلا ساعات نوصل و ساعات لا
بس اللى بيسعى ربنا بيكتبله الخير اللى ممكن يكون فى وصوله لهدفه او لا
يلا شدوا حيلكم
و توكلواااااا على الله و ذاكرواااا
و حافظوا على الصلوات فى مواعيدها حياتكم هتتظبط خالص و هتتصلح كلها باذن الله
و ربنا معانا كلنا
سلاااام عليييكم و رحمة الله و بركاته
