مش عارفة أعمل إيه حد يقولي

أنا عندي مشكلة

أنا في رابعة إدارة و عايزة أعمل ماجستير و دكتوراه بجد ده حلم حياتي

المشكلة بقي إن فيه واحد عايز يرتبط بيا , هو إنسان محترم و مستقبله كويس و مستواه المادي و الثقافي و الأجتماعي كويس بس أنا محتارة أرتبط بيه دلوقتي ولا ده هيأثر علي مذكرتي هو علي فكره جد جدا في الارتباط و عايز يكلم بابا كمانز يا تري أقوله إيه حد يقولي

أولا ربنا يوفقك وإن شاء الله تعملي ماجستير وإداره وترتبطي بإنسان يقدرك
ثانيا:
لو المشكله إن هو عايز يرتبط بيكي دلوقتي وإنتي خايفه ده يأثر على مذاكرتك وبالتالي على تحقيق حلمك اللي هو الماجستير والدكتوراه يبقى ساعتها ممكن تقوليله يأجل الموضوع ده شويه لحد لما السنه تخلص
أما لو المشكله إنه عايز يرتبط بيكي ومفيش قبول اصلا من ناحيتك مثلا ولا حاجه يبقى تصارحيه على طول إنه مش هينفع والحاجات دي الصراحه فيها راحه وناس كتير حصل ليها كده

لو بتحبيه وشايفة انه شخصية حلوة زي كلامك الجميل عنه ده

وطالما هو شاريكي اهوه


يبقي خير البر عاجله


وربنا يكرمكم يا رب


لعلمك لو فعلا بتحبوا بعض ، تأكدوا ان الحب ده هيخليكي تاخدي ماجيستير ودكتوراه وتبقي وزيرة كمان


ولو حاسة انه ممكن يأثر يبقي اشترطي انك تكملي للدكتوراه من اول الارتباط

ولو ان الموضوع واضح انه مش محتاج شرط ولا حاجة ، لأنه واضح انه شاريكي وبيحبك جدا

وواضح انتي كمان بتحبيه وتبادليه نفس الاحترام


وعموما اللي يلاقي حد شاريه وما يحطوش في عنيه حتي لو هيجي علي نفسه ، يبقي فرط في حاجة غالية اوي لا يمكن تتعوض


ويا رب اكون قدرت افيدك


وتأكدي ان عمر الارتباط والحب والجواز ما يعطل حد عن حاجة تنجحه

بل بالعكس هتكون هي الحافز والدافع والضامن للاستمرار


ويا رب لو كنت افادتك ، يبقي ليا كارت دعوة حضور في الفرح ان شاء الله


ربنا يتمم لكم علي خير ، ويجعل الخير ليكم في كل شئ ان شاء الله

يعنى هوا زى ما قال محمد وهشام الامر فى الاخر يتوقف عليكى انتى لو انتى فعلاااا عايزاه ده هيخليكى تعدى كل الحواجز فحاولى تحددى مشاعرك اتجاهه غشان تقدرى تخدى قرار حقيقى
وربنا يوفقك ان شاء الله للى فيه الخير

طبعا مش هقولك حل مشكلتك

لأن ندى وهشام ومحمد حلوا المشكلة خلاص

والقرار يرجعلك انتي

يا ريت تفرحينا بالقرار اللي هتاخديه ان شاء الله

سلام عليكم ..معلش يا مشكلتى انا كنت رديت علكي بعدين رجعت فى كلامى ..لانى حسيت ان الرد يختلف حسب الموقف و انا مش عارفه موقفك بالظبط
و بخاف انصح حد بحاجة و اطلع بنصح غلط

بصى انتى اهم حاجة استخيرى ربنا قبل اى شىء و ربنا يوفقك

كنت هقوللك رأييى بس لقيته نفس رأى ندى
طبعا الاستخاره اولا قبل التفكير حتى

بس انا عايز اعرف

عشان تحققى حلم الماجيستير والدكتوراه ده بعد كام سنه
وايه المانع انك تعملى الماجيستير والدكتوراه وانت مرتبطه
بس كده

وربنا يوفقك للى فيه الخير

السلام عليكم ورحمة الله وبركاته
طبعاً بعد الكلام اللي اتقال مفيش كلام
لكن كنت بس عايزك توضحي لنفسك حاجة
هل انتي مستعدة للارتباط بأي شخص دلوقتي؟
لو آه يبقى تشوفي هل هو الشخص اللي ممكن ترتبطي بيه .. مش شرط علشان كويس ترتبطي بيه ممكن يكون مفيش تفاهم أو مفيش حب من ناحيتك لو الأمر ده لسة مش في بالك أصلاً .. لكن لو علشان هو مستواه كويس أظن ده مش سبب
الارتباط مش هيأثر لكن العكس غالباً صحيح يعني يبقى في اتفاق ارتباط مع الماجستير
بس لكن كل شئ بإيد ربنا .. أحيانا الحاجات اللي بتجي أدامنا بسرعة بتزغلل عينينا مش بنركز فيها ولا بنفكر في عواقبها سواء كويسة أو حلوة غير بعدين مش بنحسبها صح من الأول وفي الوقت المناسب علشان ميبقاش فيه ندم .... الحاجتين مستقبل سواء الجواز أو الماجستير وكدة
لازم زي م هتقرري في ده تقرري في ده و لازم مفيش حاجة تيجي على حساب التانية
طبعاً دي مجرد آراء كعملية عصف ذهني لا أكثر
اختاري اللي انتي شايفاه صح بعد دراسة كل الاحتمالات وبعد طبعاً صلاة الاستخارة
ربنا يوفقك

السلام عليكم
اولا ربنا يوفقك للخير فين ما يكون ويرضيكي بيه مهما يكون

وتانيا
الشخص ده ممتاز ومناسب ليكي اجتماعيا وثقافيا وكل شيئ ده شيئ ممتاز
وماشاء الله
اهم حاجه كان في قبول من ناحيتك ولالا
لان انا اتعلمي كده من خطوبتي السابقه
ممكن يبقي ممتاز جدااا وبس مش يبقي فارس احلامك زي مابيقولو

وتالتا موضوع دراسه والارتباط
انا اعرف ناس ارتبطو وهما في تانيه وتالته ورابعه دلوقتي
وموضوع مش متعارض زي ما احنا فاكرين لو حد كويس وبيحبك هيخليكي تكملي اللي انتي عايزاه و
في الاخر ربنا يتتمملك عل خير يارب
ويوفقك للخير ولو هوا نصيبك والخير ليكي ربنا يوفق للخير ويتتمملك علي خير يارب
وابقي طمنينا عملتي ايه


واهم حاجه الاستخارة دلوقتي

مشكلتى انتى محتارة مش اكتر

رتبى خطواتك وحكمى عقلك الاول وحاولى تشتفيدى من كل الكلام اللى كل الاخوة قالوه هنا

يعنى الحكاية ديه خاصة مش بتبقى سهلة علشان ديه حياة

ولازم يكون بيحبك ويقدرك ويخاف عليكى ويحرسك

الارتباط مش مجرد كلمة وخطوبة وحد جيه اتقدم ومستواه كويس والعك ده كله

ياما ناس بتتخطب من غير حب ومش تلاقى الحب ده فى الشخص اللى اتقدملها

المهم اللى يقدرك دلوقتى فى الزمن ده

ياما ناس نفسها فى حد يهتم بيها وفيه ناس بتضيع الفرص من ايديها

ودائما زى ما المثل المصرى بيقول (أسال مجرب ولا تسألش طبيب)

ربنا يقدملك اللى فيه الخير وطمنينا على مشكلتك

واستعينى بربنا واشكيله همك وارمى عليه الهموم

ربنا معاكى

وجزاكى الله خيرا

مافيش كلام بعد كل الي اتقال ده
اراء جميله و مختلفه و كلها في اتجاه و احد و انا متفق معاها

و ربنا يوفقك ان شاء الله في سعيك

طب ايه الاخبار يا مشمش ..ما تطمنينا يا جميل

و يا ريت تبقى تقوليلى بيني و بينك كدة انتى مين ..أصل عجبانى طموحاتك و حاسه اننا ممكن نبقى اصحاب ان شاء الله ..دة ان لم نكن كذلك فعلا ..بس انا معرفش حد عنده طموحاتك فحاسة انى معرفكيش

عموما انا يشرفنى اعرفك و ربنا يوفقك و نشوفك دكتورة و ام لاولاد حلوين و حياتك كلها جميلة باذن الله و تقدرى توازنى بين كل حاجة

المهم تكونى استفادتى من الحلول اللى احنا اقدمناها

وربنا يكرمك

لحد دلوقتي ما وصلنيش دعوتي


ودعوتي هنا المقصود بيها العزومة

اوعي تكون دعوة عليا ولا حاجة

ههههههههههههههههههههههه


يا ريت تطمنينا عليكي لو ما كانش يضايقك

المشكله دى خدت ردود كتير ما شاء الله

معاك حق


ربنا يكرمها

وربنا يكرمك

يا رب

ربنا يكرمك علي تفهمك الجميل ده

بجد فرحتني