هتعمل اية

ادور على حد يساعدنى

مش ممكن اكون انا اللى مقفلها على نفسى

وفاكر ان الناس هى اللى مش بتساعدنى

ولا ايه


نفسه؟

افكر فحاجه تانيه اعملها احسن بدل وجع القلب دا

الى بعدى

لو لقيت نفسك وانت ماشى فامان الله فالجامعه دخلت فجاه فمظاهره مش عارف

عن ايه ولا ايه الى جبها عندكوا تعمل ايه

تخرج منها ولا تسال عشان لو فى حاجه مهمه متظزاهرين عشنها تدخل معاهم

ولا ملكش فالمظاهرات ؟

والله ما ينفعش اتكلم وانا واقف وسط خرس ، ولا ينفع اني اسأل مكفوفين عن رأيهم في اللون اللي انا لابسه

ده بالظبط المظاهرات في بلدنا

صداع عالفاضي

لا حد بيسمع ولا حد بيعمل ، وفي الاخر وجع دماغ

وزي ما بيقولوا ، ابعد عن الشر وغنيله

اوفر جهدي للي اقدر من خلاله اوصل للي انا عايزه ، بدل ما ابهدل نفسي في مظاهرة واقعد ازعق ، وفي الاخر يبقي الوضع كما هو عليه


السؤال بيقول

تعمل ايه ، لو عرفت ان الغرب كان دايما بيقول علي صدام حسين انه بين الحكام العرب والعرب كلهم ، عامل زي الاعور بين المكفوفين؟؟

مليش فالسياسه


الى بعدى

نفسه؟

انت نفضتلى يا هشو ولا ايه

انا كمان مليش فى السياسه و دماغى مش مركزة حاليا

تعمل ايه لو مبسوط بس خايف

اتبسط ومش اخاف , واقول : اللهم اجعله خير

اللى بعدى : تعمل ايه لو فقدت حماسك ؟

ديه مشكلة

وبتحصلى كتير

بس برجع لربنا سبحانه وتعالى

هو الوحيد اللى يرجعلى كل حاجة

اللى بعدى نفسه؟

بدعي ربنا ساعتها لو الموضوع د فيه خير يرجعلي حماسي لو لا خلاص


الي بعدي
تعمل ايه لو روحت الازهر بارك اول مرة مع اصحابك وكنت عارف ان فيه واحده هتوصلك وبعدين لاقيتها توهك في مدينه نصر
ووصلت متاخر ساعتين بسبب التوهان ده

انا ما بعترفش بحاجة اسمها ان الواحد يتوه في مكان علي سطح الارض

لكن اعرف ان التوهان الوحيد لما الواحد يتوه من نفسه ويعيش حالة توهان


ولكن في حكاية فقدان الطريق اللي بتقولي عليها دي ، ان بفضل ميت من الضحك


زي ما حصلي التيرم الاولاني لما كنت رايح الجامعة انا وبروف ، وحبيت اتفلسف ، فوقفنا انا وبروف واحد

وقولتله الا قولي يا حاج احنا فين؟؟ قالي كده علي طول تبقوا في طنطا هههههههههههه

روحنا لفينا ورجعنا تاني


طبعا دي كلها مواقف تموت من الضحك وبتفضل ذكري لطيفة


اللي بعدي

نفسه؟

هههههههههههههههه

انا كمان مبعترفش بحاجه اسمها توهان
طالما معاك فلوس وتقدر تركب مواصلات يبقى مفيش توهان

وبعدين حد يتوه فى مصر؟؟؟


وبعدين التوهان ده جميييييييل جدااااااااا وبيكون ليه زكريات حلوه اوى
وفى الاخر لو مكانك

هقول الحمد لله لعله خير


نفسه

بمناسبة التوهان

انا دايما اكون قاعد فى مكان ممنوع فيه التلفون

احتماع او جامع او كورس او امتحان

وتلفونى يرن

واقعد ابص حواليا اشوف تلفون مين اللى بيرن

وفى الاخر الناس كلها تبصلى

اعرف انه تلفونى بعد ما يبقى شكلى زى الفل

طيب

الى بعدى

بتعمل ايه فى المواقف الصعبة جدا ؟

اقتباس :

بتعمل ايه فى المواقف الصعبة جدا ؟

مممممم , بصراحة المواقف الصعبة بتختلف ,بس عادة يعنى
بحب اخد فترة للتفكير مع نفسي , وممكن بعد كده اخد رائي حد
من المقربين لييا

اللى بعدى : نفسه

انا بقى باخد رأي عقلى ونفسى

انا صوتى من دماغى

ههههههههههههههههههه

بجد انا متسرع جدا فى المواقف الصعبة

بس الحمد لله دايما التسرع ده بيكون بثقة وتمكن والقرارت سليمة

السؤال يبقول

نفسه ؟

يعني ، فيه مواقف لو مهمة جدا في حياتي ، بتأثر شويتين

وساعات بعمل عبده العبيط



اللي بعدي

تعمل ايه لو انت حاسس ان فيه ناس معينة ممكن تكون واخدة عنك فكرة وحشة؟؟

مممم ,لو الناس دول يهمونى هحاول طبعا انى اغير فكرتهم عنى , واشوف ايه اللى خلاهم

يفهمونى غلط واحاول اصحح

انما لو مش يهمونى اوى هسيب الايام هى اللى تبينلهم العكس مش هتعب نفسي فى انى

اثبتلهم العكس


اللى بعدى : نفسه ؟

-------
Suite à un grand nombre de réponses, ce sujet a été automatiquement divisé. Vous pouvez retrouver la suite de ce sujet ici :
https://commerce2009.yoo7.com/viewtopic.forum?t=1215