السيدات أولاً ... Ladies First

دائماً تترد تلك العبارة الشهيرة (Ladies First .. السيدات أولاً)
على ألسنتنا و خاصة الرجال عندما يقدمون النساء لدخول أي مكان
أو فعل أي شيء آخر مما يدخل السرور في قلب المرأة أو الفتاة
لأن الطرف الأخر أظهر لها نوعا من الإحترام والتقدير ...
ولكن دعونا نتعرف على قصة هذه العبارة الشهيرة ونقف على أحداثها سوياً :

(( Ladies First ))

هذه العبارة لها قصة عجيبة حدثت في إيطاليا في القرن الثامن عشر ميلادي و مفادها أنه كان هناك شاب من إحدى الأسر الغنية في إحدى مقاطعات إيطاليا وقع في حب فتاه من أسره أقل منه في المستوى المعيشي والطبقات التي ينتمون إليها اتفق الاثنان على الزواج ولكن الشاب لقي معارضة من قبل أسرته والتي أضطرت لتهديده بعدم مباركة هذا الزواج
كبرت الضغوط على الشاب وعلى الفتاة وقررا أن لا يفرقهما إلا الموت وبالفعل بعد أن كثرت الضغوط خافا أن يفترقا وقررا الإنتحار
وتوجها إلى صخرة عالية جداً و مُطلة على البحر عندها قررت الفتاه القفز أولاً ولكن الشاب منعها من القفز بحجة أنه لا يستطيع أن يراها تموت أمامه واتفقا على أن يقفز الشاب أولاً ثم تتبعه الفتاه وبالفعل قفز الشاب وسقط ومات ،..
ولكن عندما رأت الفتاه هذا المنظر غيرت رأيها وغدرت بالشاب وعدلت عن مرافقته في الموت ورجعت إلى البلدة وتزوجت شخص آخر من طبقتها وخانت حبيبها الذي ضحى بنفسه من أجلها..
وعندما علم أهل القرية بذلك قرروا أن تكون النساء أول من يقُمْنَ بالأعمال.
و من ظهرت مقولة السيدات أولا Ladies First .

والله أعلم
منقول

منقول ... رغم أنني لا أحب الاقتباس دون توثيق أو تأكد ولكن حبيت أنقله دولوقتي رغم إني سمعت الحكاية دي زمان بس بمناسبة إننا بندور على بنات يطلعوا الرحلة ... مجرد تحذير للولاد

ههههههههههههههه
جامده جدا يا حنظله
وتحذيرك وصل ياباشا
يعني الولاد لما بيقولوا
السيدات أولا
ده عشان يأمنوا مكر البعض منهم
صح كده؟ Smile

تمام كدة .. يعني في الأتوبيس بتاع المعرض خليهم يقعدوا في الأول ورا السواق ... واحنا في الأمان ورا علشان منضمنش الظروف برضه

اه بجد بعملوا الحركات دى كتيييييييييييييييييييير اوووووووووووى
و خصوصا لما تجرب تعدى الشارع مع بنت يا ساتر
خلاص نعدى و لما توصل الجانب التانى لتلاقيها متحركتش من مكانها
و بقى انا هتشل و خصوصا لما تقول تعالى عدينى
و الله لولا ان الموضوع ده بيحصل مع اخواتى
انا كنت سبتها و مشيت

ههههههههههههههههههههههه

انا بضحك على كلام فامبير

بجد بحس انك بتكره حاجه اسمها بنات ونفسى اعرف السبب

بحس ان اى كلمه مؤنثه بتعصبك

وكمان والله مش كل البنات بتخاف تعدى

انا اهو بعدى ولوحدى كتيرررررررررر وساعات بعدى بسرعه

لدرجه ان العربيات بتخبطنى كمان

يعنى شجاعه لحد الموت

بس القصه دى بجد صعبه

البت دى وحشه اوى وندله كمان ومش كل البنات زيها

وياريت القصه ما تنتشرش

لان كل الرجاله والناس عامه فاكرين ان جمله السيدات اولا جمله فى الحاجات حلوه

انتوا كده هتقلبوهم علينا Very Happy

لأ طبعاً مش كل البنات كدة .... ولا كل الرجالة هبل زي أخونا اللي انتحر
لكن كان بس بمناسبة موضوع المعرض لكن هما طلعوا ناصحين وقعدوا ورا خالص وإحنا اللي كنا عند السواق ... يعني برضه معرفناش ننفذ الخطة ... (إن كيدهن عظيم برضه)
لأ إن شاء الله ميجيبش حاجة وحشة .. هي مسألة أذواق يعني ... بس دينياً مينفعش يبقى السيدات أولاً ... (سيدنا موسى وابنتة سيدنا شعيب)
يارب يبقى فينا حاجة من دي يارب

والله لو بيحصل معاكى اللى بيحصلى ده انت مش تكرهى اى مؤنث ده ممكن تكرهى نفسك
كويس ان الواحد ماسك نفسه لحد دلوقتى

ياترى انا شفت الموضوع دة فين قبل كدة mmmm

شفتة فين شفتة فين Very Happy

تسلم ايدك على الموضوع ياريس

و يا فمباير هدى اعصابك

زى مهما ليهم عيوب فبرضو ليهم مميزات

و متنساش ان احنا برضو لينا عيوب منيلة

بس معز مسعود النهاردة جابها من الآخر وقالك إن النساء زمان كانوا بيغيروا مننا علشان بنجاهد وبنحارب وهم دورهم بس في التربية دلوقتي إحنا مش بنجاهد (يعني متلقحين على القهاوي ) وهما لسة دورهم التربية
ربنا يهدي الجميع

لا لو على دلوقتى

بقت الستات هى اللى بتعمل كل حاجه وياريت عاجب

حتى التربيه اللى المفروض الابهات بيشاركوا فيها الامهات

سابوها خالص وبقت كل وظيفتهم

انهم يدفعوا فلوس للامهات والامهات بقى المسؤلين عن كللللللللللللل حاجه

وفى الاخر يجى الابهات ويزعقوا علشان التربيه مش على مزجهم

طيب مقعدوتش ليه من اول مع عيالكم وربيتوهم التربيه اللى تعجبكم

ربنا يهدى المسلمين

انا هادى لسه مش بشد فى شعرى
و مش كل الرجاله على القهاوى و مش كل الستات بتعمل كل حاجه

أنا معممتش ... أنا بضرب مثل باللي ظاهر .. الغالبية ... لكن اللي عارف نفسه إنه مش بيعمل الحاجات دي ... مفروض يكون واثق مهما الناس قالت عليه
توضيح بس لو كان فيه حد افتكر اني بقول عليه يعني
مفيش أي حاجة ... وافرض يعني ان في أي حاجة ... مفيش أي حاجة

» حقيقة كلمة ( Ladies First )