أفضل ماقيل عن الظروف

بإمكانك أن تتحكم في ظروفك، أو أن تتركها تتحكم فيك! فالخيار لك! "إيرل نايتنجيل"

نحن نعاني لأننا نحاول تحسين ظروفنا دون أن نحاول تحسين أنفسنا "جيمس ألين"

لا شيء يميز شخصاً عن آخر أكثر من قدرته على الاحتفاظ بهدوئه تحت أي ظرف "توماس جيفرسون"

قد تتسبب الظروف في تأخيرك أو إيقافك، لكن لا تسمح لها بتنحية عينيك عن هدفك! كن دائماً على أتم استعداد لمواجهة أي ظرف بزيادة معارفك و خبراتك، فهذا هو السبيل الوحيد لكي تجد منحة في كل محنة "ماريو أندريتي"

الظروف تحكم الأغبياء و تقوي الحكماء "صموئيل لافر

أيا كان عمرك و مهما كانت ظروفك، تأكد أنك إنسان مميز، وأن لديك شيئاً مختلفاً تقدمه، و أن حياتك ذات معنى...لأنها حياتك أنت "باربارا دي أنجيليس"

نظرتك للظروف و مقدرتك على الاستفادة منها هي التي تحدد تأثيرها عليك، فنفس الرياح التي تهب على سفينة لتدفعها نحو بر الأمان، تهب على أخرى لتقذف بها في بحر متلاطم الأمواج "كريستسان نيفيل بوفيه"

إذا كانت الظروف خارجة عن إرادتك، فتصرفك إزاءها هو صلب إرادتك "بينجامين ديزرائيلي"

أيا كانت ظروف حياتك، فهي قد حدثت لتزيد من قوتك و قدرتك على التقدم إلى الأمام "هارولد كوشنر"

حلوين اوى اوى ..ربنا يكرمك

و يا رب كلنا منخليش الظروف تتحكم فينا و منخليهاش حجتنا اللى نتحجج بيها ونعلق عليها اى فشل

عايزين نستغلها صح و نستفيد بيها

لان لكل شىء مزايا و عيوب فناخد من اى ظرف حتى لو وحش ناخد الحاجة الحلوة اللى فيه و نعتبر كل حاجة قصادنا فرصه مش تهديد هنلاقى نفسنا اتحسننا كتييييييييير اوى ان شاء الله

و ربنا يكرمك على الموضوع الجاامد دة

سلاااااام علييييييييييكم و رحمة الله وبركاته

ربنا يكرمك


وربنا يعينا على تطبيق اللي بنتعلمه ان شاء الله

متشكرين يا باشا ع الموضوع الجامد ده
وفعلا أي إنسان فينا لازم يقابل ظروف في مشواره عشان يحفقق هدفه بس التصرف السليم ناحيتها إن الواحد يحاول يستخدمها عشان تساعده يعني يخليها عامل إيجابي مش سلبي بالنسبه ليه عشان يقدر يحقق هدفه وفي نفس الوقت بياخد خبره في التعامل تحت الأزمات أو تحت الضغوط

إذا كانت الظروف خارجة عن إرادتك، فتصرفك إزاءها هو صلب إرادتك

دي حالتي دلوقتي ... و يارب اديني حكمة التصرف بهدوء

أيا كانت ظروف حياتك، فهي قد حدثت لتزيد من قوتك و قدرتك على التقدم إلى الأمام



ده اللي بحاول أعمله ويارب أنجح فيه



جزاكَ الله خيراً

الله يخليك يا محمد انت وحنظلة


منوررين


فيه على فكرة شركات كاير بتطلب الموضوع ده ان لم تكن كلها


ربنا يعينا جميعا

Janna Lover كتب:

الله يخليك يا محمد انت وحنظلة


منوررين


فيه على فكرة شركات كاير بتطلب الموضوع ده ان لم تكن كلها


ربنا يعينا جميعا

ربنا يكرمك
مش فاهم في شركات بتعمل إيه؟

اولا مبروك على توقيعك الجديد

ويارب يثبت على طول


ثانيا

قصدي على حكاية الشركات انها بتكون من ضمن طلباته ان اللي هيتقدم يكون بيعرف يشتغل تحت ضغط

مايخليش الظروف تاثر عليه وعلى اداؤه

ومبروك انت كمان على تعريب الاسم

لأ الحمد لله أنا بعرف أشتغل تحت ضغط لكن الشغل عمره م هيفيد شخصيتي من جوة
لكن الضغط ده لما يجيي عليا ممكن مبينش ده لكن هروح البيت أنهار وده بيأثر فيا في المدى البعيد
ربنا م يجيب انهيار لحد إن شاء الله
ربنا يكرم الجميع

الله يبارك فيك

( حلوة تعريب الاسم دي )


وربنا يرزقنا جميعا بشغل نكون بنحبه وينجحنا فيه

كلهم من الاخر الواحد احتار ايه اجمد واحده فيهم


لا شيء يميز شخصاً عن آخر أكثر من قدرته على الاحتفاظ بهدوئه تحت أي ظرف "توماس جيفرسون"

بس دى جامده اووووووووووووى

ربنا يكرمك يارب ويجزيك خير

بجد موضوع حلو جدا وجميل والكلام اللى فيه حلو جدا

والاحلى التنفيذ

بجد من احسن الحاجات ان الواحد يحمد ربنا ويتعلم من الظروف اللى بتحصل سواء كانت حلوه او وحشه

ولما بتبقى وحشه وانت بتخرج منها بحاجه اتعلمتها بتهون اووووووى علينا صعوبه الظروف اللى كنا فيها

والجمله دى عجبتنى جدااااااااااااااااا

أيا كان عمرك و مهما كانت ظروفك، تأكد أنك إنسان مميز، وأن لديك شيئاً مختلفاً تقدمه، و أن حياتك ذات معنى...لأنها حياتك أنت "باربارا دي أنجيليس"

فيها معانى حلوه اوى وتدى ثقه فى النفس للى يقراها

ايه دة دى برضه هى اللى عجبتنى يا فداء ..أنتى دايما تقلدينى كدة ..[س عجبتنى كمان بتاعت ماريو اندريتي