رد على الاستفسارات الشائعة

سلام عليكم و رحمة الله و بركاته

ازيكوا يا جماعه ..يا رب تكونوا بخير دايما
--
فى اسئلة كتير اوى الناس بتسالها زى عايز اغير حجم الخط و لونه و عايز احط صورة و عايز اخد اقتباسات و عايز امسح مشاركة و عايز انزل موضوع و عايز اغير صورتى و التوقيع مش شغال
و ما الى ذلك

هحاول اجاوب عليهم هنا ان شاء الله من خلال 3 حاجات
1- شرح شريط الادوات اللى مع الرد
2- شرح ل (مكتبي)
3- شرح للمنتدى عموما

------------------

1- شرح شريط الادوات

اولا لو مش شغال عندكم فوق الرد شريط فيه شوية حاجات كدة ..فهتلاوا فوق الرد حرف ايه


اضغطوا عليه هيتفتح الشريط


ممكن من خلاله تعملوا حاجات كتير

* تعديلات الخط
اعملوا سيليكت بالماوس (خلوا الحاجة اللى انتوا عايزينها لونها ازرق كدة بانكوا تمشوا فوقيها بالماوس و انتوا ضاغطين على الزرار الشمال )

على الكلام اللى عايزين تعدلوا فى خطه

و بعدين اضغطوا على علامة هيطلعلكوا الوان كتير اختاروا لون الكتابة اللى تحبوه

او ممكن تغيروا الحجم برضه

او تتقلوا الخط بالضغط على



او تخلوه فى النص او ليمين او الشمال من علامات



----------------------

الاقتباس :

شفت رد لحد و عايز تعلق عليه

ممكن تضغط على كلمة اقتباس الموجودة فوق رده

او تاخد كوبى للجملة اللى عايزها و تعمل عليها سيليكت بالماوس و تضغط على العلامة



--------------------------

وضع صورة :

اولا لو عندك على الكمبيوتر

لازم ترفعهها على النت الاول

و ممكن تستخدم
فى رفع الصورة


بعد ما تترفع هتعامل زى اى صورة على النت

--
و الصور اللى على النت قدامك حلين

1- تقول كوبى و بعدين بست فى الرد

2- تاخد كوبى للنك بتاع الصورة و تضغط على علامة


و تحط اللنك جوة البتاعه اللى هتظهرلك

( و للحصول على صور من النت لاى حاجة تحبوها تعملوا سيرش فى جوجل -صور عن اى حاجة و تفتحوا الصورة و تظهروها بالحجم الكبير و بعدين كوبى و بيست بقى )

-----------------------------------------

وضع لنك انترنت على كلمة معية زى مثلا





كوميرس2009



تكتبوا الكلمة و تعملوا سيليكت بالماوس و تضغطوا على علامة


و تحطوا اللنك

-------------


و كدة تقريبا انتهى الجزء الاول

الى اللقاء فى الجزء التانى

سلااام علييكم و رحمة الله و بركاته

2- شرح ل(مكتبى )
----------------

علشان تغيروا اى بيانات او الصورة او التوقيع ..من اللنك فوق بتاع مكتبى .

هتلاقوا فيه كذا اختيار 0(المعلومات و التفضيلات و الصورة و التوقيع )

1- المعلومات
هتلاقوا انكوا ممكن تغيروا الايميل او الباسوورد او موقعكم المفضل او اى بيانات تانيه

2- التفضيلات

يا ريت كل واحد يراجعهها و يتاكد انه عامل اللى بيحبه

و هتلاقوا من ضمنها اظهار التوقيع و دى بتكون السبب فى ان كتير التوقيع مش بيظهر لان بتبقوا مختارين عدم ظهوره

3- التوقيع
تحطوا التوقيع اللى تحبوه
بس لان مفهاش اختيار الوان ا و صور فبتحطوا اللنك او الكلام بين الكود بتاع الصور اللى هتلاقوه فى كلمة صورة او اى حاجة تحطوها بين الكودين بتوعهها

اما الالوان فانا مش عارفه بصراحة نجيب اللون منين فى التوقيع

----------------

الصورة الشخصية

ممكن تختار صورة عندك على الكمبيوتر


او اى صورة على النت عجبتك تحط اللنك بتاعهها ..او تنزلها عندك (تضغط كليك يمين و تقول save pictureاو حفظ الصورة يعنى ) و ترفعهها من عندك عادى

-------------------

الاصدقاء و المنبوذين

دى على مزاجكوا ..بس المشرفين قاعدين على قلبكوا و مينفعش تحطوهم كمنبوذين

------------------

انتهى الجزء التانى الحمد لله

-------------------------------------------

3- حااجات فى المنتدى عموما :


وضع موضوع

اختار الساحة اللى تعجبك و هتلاقى مكتوب موضوع جديد اضغط عليها و اكتب اللى تحبه ما دام مش مخالف

وضع رد

ممكن من مربع الرد السريع فى اخر كل موضوع او تقول اضافة رد



عايز تشوف المواضيع اللى اتشارك فيها كلها من ساعت اخر مرة انت كنت موجود و ميفتوكش و لا حاجة

فى صفحة (منتدى ) او اى منتدى فرعى

هتلاقوا فوق لنك (المواضيع منذ اخر زيارة لى )


عايز تقرا مساهمات حد معين

افتح ملفه الشخصى هتلاقى الموضوعات اللى هو شارك فيها .. و اخر 300 مساهمه كمان ممكن تشوفهم من لنك (عدد المساهمات )



عايزز تبع رساله خاصة

يا اما من عندك فى الرسايل و تقول موضوع جديد ..او من الملف الشخصى للى عايز تبعتله او من اخر مساهماته


عايز تبعت رساله خاصة لمجموعه معينة

اكتب اسمها فى مكان المرسل اليه .(هتلاقوا مكتوب ارسال لمجموعة )


تقريبا دى كدة كل حاجة

و ممكن تلعبوا اللعب اللى على البوابة

و تشوفوا من عليها اخر مواضيع تم الرد عليها و الاعضاء المتواجدين

و يا رب اكون قدرت اغطى كل الاستفسارات الممكنة

و لو فى حد عنده استفسار تانى يقول و نجاوبه ان شاء الله علشان نستفيد كلنا

السلاااام عليييكم و رحمة الله و بركاته

ربنا يكرمك على المعلومات دي .. واستفادت منها لكن برضه كنت عايز أعرف إزاي أغير تكوين الخط نفسه اللي هو tahoma , time new roman والحاجات بتاعت الورد دي .. ولا مفيش؟

ما شاء الله معلومات رهيبة

تسلم ايدك

بس احب اضيف كام حاجة كدة

الموقع بتاع servimg دة بعضوية

يعنى تعمل لنفسك عضوية جوة و بعدين ترفع براحتك

تانى حاجة تغيير لون الخط او نوعية الخط فى التوقيع

و دة بيبقى عن طريق استخدام الاكواد

يعنى مثلا كود اللون بيبقى كدة :

الكود:

[color:862e="اللون"]النص</FONT>

يعنى تكتب لون الخط اللى انت عاوزة , red مثلا

كود الخط :

الكود:

[font=نوع الخط]النص[/font]

تكتب نوع الخط زى مثلا andalus

كود وضع الكلام او الصورة فى الوسط :

الكود:

[center]النص[/center]

و اى استفسار انا موجود

ربنا يكرمــــــــــــــــــــــــــك شكرا اوى على الاضافة دى ..مكنتش اعرف الكلام دة

كويس أدينا كلنا استفدنا .. أنا عارف بعض الأكواد دي في البلوجات لكن مكنتش أعرف إنها ممكن تشتغل هنا
كدة يعني ؟

ربنا يجزيكم خير بجد فى حاجات مكنتش عارفاها وبكسل اسال عنها

بس انا والحمد لله مفهمتش

بتاعه تلوين التوقيع دى

وكنت عايزه اعرفها من زمان

ياريت بقى تقولوها تانى وبراحه

علشان انا فى الكمبيوتر واى حاجه تخصه فهمى على قدى

هو انا كمان معلش عايزة برضه شرح تانى

اصلى جربت و طلعت لونها عادى برضه ..ممكن اكون فهمت غلط

thank you

العفو

معلش يا جماعة

الكود بتاع اللون اللى حطيتة فوق دة بتاع صندوق الرد الحديث

و دة ملناش دعوة بية

هو دة الكود اللى هنشتغل علية :

الكود:

[color="اللون"]النص[/color]

و العملية بسيطة خالص

احنا بناخد الكود ونحطة فى التوقيع

و نشيل كلمة النص و نحط مكانها اللى عاوزين نكتبة فى التوقيع

و نشيل كلمة اللون و نكتب مكانها اللون اللى عاوزينة بالانجليزى

يعنى red مثلا او Green و هكذا

و اى استفسار انا موجود