أسأل اللي بعدك سؤال إنترفيو

ماشي يا محمود .....الإجابة كالاتي:

ههههههههه

حلوة بجد يا محمد

طب ابقى قول الاسئلة التانية اللى قلت عليها

طيب يا جماعة خدوا السؤال ده معانا 6 اعواد كبريت و عاوزين نعمل منهم 4 مثلثات متساوية الاضلاع ازاى
ملحوظة االى عارفها يسكت و طبعا هو عارف نفسه

Hudhud كتب:

ههههههههه

حلوة بجد يا محمد

طب ابقى قول الاسئلة التانية اللى قلت عليها

إن شاء الله يا هدى ..نخلص بس إن شاء الله وأجيبلكوا أسئلة تانيه

اما بالنسبه للسؤال بتاع خليفة :
فإحنا عايزين نعمل 4 مثلثات يعني عايزين 12 عود وإحنا معانا 6 بس فممكن نكسر كل عود نصين متساويين ونعمل 4 مثلثات براحتنا صح ولا ايه؟

اية دة

انتوا قاعدين تلعبوا

امال لو مكنتش المادة سياسات

و من حيث اعواد الكبريت

فأنا عندى حل كدة

احنا نعمل مربع بأربع اعواد

و نقطع المربع دة فى شكل اكس بعودين

يبقى عندنا مثلثات الجبنة اللى احنا محتاجينها

لا الاجابة خاطئة حاول مرة اخرى و جرب فعلا باعواد كبريت

انا مش عارف يا خليفة إنت تقصد إجابتي ولا إجابة فريندس ....انا شايف الأجابتين صح بصراحه وتقريبا النوع ده من الأسئله مش بيكون ليه إجابه محدده لأنه بيقيس القدرة على التفكير الإبداعي بس أكيد ليه إجابه مثاليه إنت عارفها

لا بص يا سيدي هو السؤال ده مش من النوعية دى السؤال ده بس كان بيتسأل بعد اسأله تانيه كلها بالورقة و القلم ف انت بتتعود انك تفكر فى الاشكال مرسومة بس عمرك ما بتفكر تعملها ثلاثية الابعاد فا انت بتحاول و بعدين ليها اجابة واحدة بس
الهرم الثلاثى بس كده
كل الفكرة انك تفكر بكل الاشكال الممكنة و متروحش ورا اللى بيعملك انترفيو و بيعمل زى تحجيم لتفكيرك او يحط لك عقبات نفسية دون ان تشعر

هى ممكن فى رايي حاجة

الاشكال بتوحى بطريقة تفكير الشخص

يعني محمد قال هنكسرهم ..دة يد على انه مش بيحب حاجة تقف قصاده ..بيحاول يتعامل معااها حتى لو انه هيكسرها عشان يعدي و يوصل لهدفه
و ممكن برضه يدل على مرونة تفكيره

فرندس ممكن فكر فى شكل المربع ..فدة يدل على انه فكر بالصورة الطبيعيه و النظرة العادية للامور

اللى يفكر بشكل الهرم الثلاثى ..بص بطريقة مجسمة ..فممكن يدل انه بيحب يشوف الامور من كل جوانبها

يعني بتبين النظرة تقليديه و لا مرنة و لا شمولية و لا ايه

khalifa كتب:

لا بص يا سيدي هو السؤال ده مش من النوعية دى السؤال ده بس كان بيتسأل بعد اسأله تانيه كلها بالورقة و القلم ف انت بتتعود انك تفكر فى الاشكال مرسومة بس عمرك ما بتفكر تعملها ثلاثية الابعاد فا انت بتحاول و بعدين ليها اجابة واحدة بس
الهرم الثلاثى بس كده
كل الفكرة انك تفكر بكل الاشكال الممكنة و متروحش ورا اللى بيعملك انترفيو و بيعمل زى تحجيم لتفكيرك او يحط لك عقبات نفسية دون ان تشعر

اه فهمت ... يعني السؤال ده مش بييجي لوحده هو بييجي في سياق اسئله تمشي اللي بيجاوب في طريق غلط والمفروض إن اللي بيجاوب يخرج بره الطريق اللي اتحط فيه ويفكر بشكل أوسع
تمام .. بس احنا جاوبنا بقى من غير الأسئله اللي قبله وبالتالي يبقى إجابتنا صح
عايزين أسئله تانيه بقى بس متشغلش نفسك دلوقتي وخليها لما ناخد الأجازه إن شاء الله عايزك تهرينا أسئله وانا كمان هبقى أنزل أسئلة إن شاء الله

ندى كتب:

هى ممكن فى رايي حاجة

الاشكال بتوحى بطريقة تفكير الشخص

يعني محمد قال هنكسرهم ..دة يد على انه مش بيحب حاجة تقف قصاده ..بيحاول يتعامل معااها حتى لو انه هيكسرها عشان يعدي و يوصل لهدفه
و ممكن برضه يدل على مرونة تفكيره

تحليل جميل جدا أحييكي عليه
وهو ده اللي أقصده .. إن في حالة إننا معرفناش الأسئله اللي قبل السؤال ده فبتكون الأجابه بناء على طريقة تفكير كل شخص ونظرته للأمور

فرندس ممكن فكر فى شكل المربع ..فدة يدل على انه فكر بالصورة الطبيعيه و النظرة العادية للامور

اللى يفكر بشكل الهرم الثلاثى ..بص بطريقة مجسمة ..فممكن يدل انه بيحب يشوف الامور من كل جوانبها

يعني بتبين النظرة تقليديه و لا مرنة و لا شمولية و لا ايه

كان دكتور اشرف قلنا السؤال ده على فكره فى اداره

ممكن مثلا على سبيل المثال نحط مرايات على على ابواب المصاعد وبالتالى لما الواحد يكون جاى متأخر ويجرى على باب المصعد عشان يصعد هيشوف نفسه فى المرايا ويقعد بقى يسنتف ويظبط فى هدومه (نقلا عن دكتور اشرف )

اهى حاجه تلهيه [ندعوك للتسجيل في المنتدى أو التعريف بنفسك لمعاينة هذه الصورة]

كانت ياسمين قالت باردو ان ممكن نحط يافطه فيه تنبيه صغير كده
ممكن مثلا نشغل مزيكا هاديه فى منطقه المصاعد
او ممكن مثلا فى الوقت الى هوا بتاع الصبح والى هوا بيبقى فى زحمه غالبا نقوم ماسحيين قدام المصاعد ونحط يافطه wet floor والى مش هيسمع الكلام وبردو بيجرى هيقع لانك لازم تمشى براحه عشان الارض مبلوله
بس كده هنحتاج مستشفى جنب المبنى [ندعوك للتسجيل في المنتدى أو التعريف بنفسك لمعاينة هذه الصورة]

ههههههه السؤال طلع قديم ومتقال في إداره

بس ما شاء الله افكار جميلة اوي خصوصا الأخيره بتاعت الأرض المبلولة [ندعوك للتسجيل في المنتدى أو التعريف بنفسك لمعاينة هذه الصورة]

الحل اللي انا فاكر انه اتقالي للسؤال ده هو ان في نوع جديد من الماكينات بيتحط في الشركات

الكبيره بيبقى تنظيف ألى للأحذية فلما الناس يفوتهم المصعد ينشغلوا فيه بس هو كل الأفكار تقريبا

راحت لنفس الناحيه وهي ان الشخص يتشغل بأي حاجه تانيه عقبال ما ينزل المصعد ليه

بس فكرة الأرض المبلولة عجباني عشان مختلفه ومش هتشغله ولا حاجه دي بتخوفه [ندعوك للتسجيل في المنتدى أو التعريف بنفسك لمعاينة هذه الصورة]

=============================

ها يا جماعه فين باقي الناس فين التفكير الإبداعي عايزين افكار تانيه غير اللي اتقالت

ولا ننزل سؤال جديد ؟ [ندعوك للتسجيل في المنتدى أو التعريف بنفسك لمعاينة هذه الصورة]

اه فاكرة السؤال دة ..و اجابة ياسمين بتاعت يافطة مكتوب عليها احترس الباب هيكهربك (برضه بتخوفهم )

و هى برضه فكرة انهم ينضفوا الاحذية جميلة
و بتاعت التنضيف و المرايا ..كلها افكار جميلة

هى فى الاول كل الاجابات اللى اتقالتله كانت مكلفة ..زى ان نعمل اسانسيرات تانى او سلالم كهربائية ..لكن هى فعلا الشطارة ان الواحد يجيب فكرة بسيطة و مش مكلفة

-----------

طب انا مش فاكرة قلناه و لا لا ...بس السؤال المشهور جداااااا و الاساسى فى الانترفيو و اللى دايما الناس بتحتار فى نصه التانى هتقول ايه ..يا ترى ايه اجابتكم اللى مجهزينها ليه


اللى هو قول 3 مزايا و 3 عيوب فيك

سؤال تقليدي شوية بس مهم جدا طبعا

هو انا مش هاجاوب بالنسبالي,
بس طريقة الاجابة هنا بالنسبة للمميزات لازم انها تصب في مصلحة الشخص او الجهه اللي انا داخل فيها , بحيث ان انا اختار اكتر مميزات تقدر تفيد المكان الي انا موجود فيه و تعملي ميزة فيه علي سبيل المثال القدرة علي العمل في فريق ........

بالنسبة للعيوب , دي لازم الحذر فيها و الواحد بيتكلم عنها, بحيث انها تخدم موقفه مش تقلل منه , بحيث ان عيوب الشخص تكون في جانب ايجابي مش سلبي زي مثلا الاهتمام بالسرعة في انجاز العمل و الاهتمام بادق التفاصيل بشكل كبير

بس كده و ربنا يسهل بقي

طيب سؤال تاني .....
لو كنت شجرة في يوم من الايام , ايه نوع الشجرة الي كنت تحب تبقي زيها و ليه ؟

هو صح تقليدي جداااا كمان ..بس دايما الناس بتبقى محتارة هتقول العيوب بالذات ايه ..بس انا برجح برضه فكرة اننا نقول العيوب اللى تعتبر مزايا من جانب تانى تفيد الشغل

و بالنسبة للسؤال اللى فات

نخلة ..
و دة عشان استفيد من كل جزء فيا

التمر ..للاكل و نصنع منه بسكوتات بالتمر و حاجات حلوة متنوعه بالتمر بيتعمل بالشوكلاته دلوقتى و بالمكسرات و كيك بالتمر و فطائر بالتمر

الفروع اصنع منها اوعية زي السبت كدة و صناديق بسيطة و كراسي خفيفة

و الورق اعمل منه منتجات ورقية

العنقود بتاع البلح ممكن يستخدم للديكور

نوى البلح ممكن الونه و اعمل بيه اعمال فنية مختلفة ..الزقهم ببعض و اعمل اشكال او اعمل لوحات بارزة

لما اموت ياخدوا خشبي يعملوا بيه اثاث

وو انا عايشة لو انا قصيرة ممكن يستظلوا بضلى

و لو انا طويلة ممكن يستخدمونى كبرج مراقبة ..و ميزة البرج دة انه هيكون خفي ..و الناس هتفتكر اللى طالع طالع يجيب بلح [ندعوك للتسجيل في المنتدى أو التعريف بنفسك لمعاينة هذه الصورة]


و كمان شكل النخله الجميل ممكن يخلى الناس مبسوطة و تتفكر فى خلق الله و ايمانهم يزيد لما يشوفوني و يقولوا سبحان الله ربنا خلق مخلوقات اشكال و الوان و انواع متتعدش

ممكن يستخدمونى كعمود بتربط فيه حاجة يركنوها شوية

و هناك استخدامات اخرى كتير [ندعوك للتسجيل في المنتدى أو التعريف بنفسك لمعاينة هذه الصورة]
-------------------------------

و اللى بعدي نفسه

و سلاااااااااام عليييييكم و رحمة الله و بركاته

سؤال جميل بتاع الشجره ده

وانا كنت هقول نخله برضه زي ما ندى قالت وهي جابت إستخدامات كتير حلوه ما شاء الله

==============

نفسه لحد ما أجيبلكوا سؤال جديد