مشكلة

انا عندى مشكلة
ليا اصحاب كتير

هى ميزة و الحمد لله و بجد مبسوطة اوى اوى بيها
لكن بجد مش بعرف اهتم بيهم كلهم و بيزعلوا مني و مش بعرف اتصرف ازاى

و بالذات الحساسين منهم بياخدوا منى مواقف و ميسامحونيش ..انا ببقى بحبهم ..بس هما مش مقدرين انى مصاحبة ناس كتير اوى
طب اعمل ايه

بجد نفسي الاقى حل ..عارفه ان الارضاء لكل الناس غاية لا تدرك

لكن نفسىاحاول على قد ما اقدر اتحسن

الحمد لله علاقاتى بالناس كويسة ..[س بزعل اوى لما احس ان فى ناس زعلانين منى و مش عارفه اصالحههم ازاى

هو فعلا الأصحاب الكتير دي ميزه وحاجه كويسه جدا ومعرفة الناس كنوز وإنك تكون حد محبوب ده شيء جميل بس في نفس الوقت بيبقى فيه مسئولية متابعة اصدقائك والسؤال عنهم
لازم يبقى فيه لينك بينك وبينهم وانك تسألي عليهم كلهم مش حاجه صعبه
ممكن رساله على الموبايل توصلي بيها إنك مش ناسياهم وناس تانيه قريبين منك تزوريهم وحد رايحه مشوار تعدي عليه ومره اتصال على تليفون البيت ومره خروجه كلكم سوا
انا عايز اقول إن الأتصال دلوقتي مش حاجه صعبه وفيه وسائل كتير لده
وفي حاجه كمان بتبقى حلوه أوي لما حد بتكوني إتصالك بيه مبقاش زي الأول أو قل مثلا تشوفي مناسبه حلوه عيد ميلاده مثلا تكلمه تقوله كل سنه وإنت طيب هيبقى فرحان جدا وعارف إنك مش ناسيه
معلش لو كلامي مش منظم بس عشان هنام خلاص وإن شاء الله هبقى قولك على حاجات تانيه

شكرا ليك
هى المشكلة ان ساعات ناس يبقى حظها وحش داايماااااا معاك
و الواحد انسان برضه ..مخنا مش مترتب و عاملين حسابنا على كل شىء

وارد ان كل انسان يغلط

بس المشكلة انا بعترف ان فى ناس بالذات مقصرة معاهم جامد..بس مبيبقاش قصدي يعني
بتبقى فى نيتى هنتقابل و نقعد سوا و كله تمام ..تحصل حاجة تشغلك و تنسى تتصل
صح غلطانه

بس مش قصدى
هى صح كلمة مش قصدى لما تتكرر كتير مبيبقاش ليها معنى ..بس طب ايه الحل

الحل الناس تسامح

لو كل الناس عندها تسامح و بتقدر ظروف بعض و بتعرف مين بيحبها و مين قاصد يزعلها مش هيزعلوا و مش هتحصل المشاكل دى

مع برضه محاولة الاهتمام اكتر من كل واحد مننا

و نعمل على قد ما نقدر

تماام
هو مسئوليه متبادله بين الاصدقاء عموما
وكل واحد بيقدر ظروف التاني ويسامحه فعلا وهكذا

البعد مشكلة كبيرة جدا


انا عن نفسي ممكن ما اسامحش فيها


بس ممكن برضه اسامح


لكن ما اسامحش لو البعد ده بقي شئ متكرر

وبيتحول لعادة


ياريت تاخدي بالك من النقطة دي كويس اوي