قول اللى فى نفسك

اهدى يا فوفو وركزى ربنا يهدى يا بنتى يا رب ويوفقك انهارده

واهم حاجه اوعى تطلعى العبقريه العلميه المعمليه الفذه انهارده

احنا اتفقنا اننا عاينينها ليوم الترجمه السياسيه من عربى لانجليزى

ربنا معاكى يا فوفه

هييييييييه انا اتجننت وبكلم نفسى malesh da3wa

يااااااااااااااارب صبرني

ربنا معاكي يا فداء

انا بقي خرجت فجرا انا وياسر وواحد صاحبنا كمان

ولفينا في القاهرة والجيزة

كانت خروجة بسيطة ولذيذة

ربنا معاكوا كلكوا ..

بعيلك يا فوفة ماتقلقيش يا حبيبتى

ربنا معاكى يا فداء ويوفقك ان شاء الله

احيانا بتبقى الامور بسيطه بس من كتر الفكير والقيود الى احنا بنحطها بتتعقد

عساه خيرا ان شاء الله

المنطقة عندنا قربت تبقي شبه خلية النحل

وواضح ان أوباما هيلف كتير عندنا في المساجد اللي قصاد البيت

بس بجد أمر مؤسف انهم يهتموا بالمساجد الشاهقة الارتفاع دي ويحطوا ثقالات وعمال عليها بتنضفها

وناس تكنس حواليها ، ومهرجانات وتلفزيون ، وكل ده علشان خاطر شخص جاي

الموضوع ده خلاني نفسي اقترح علي سيادة الرئيس اقتراح صغير

انه يبقي فيه وزارة للعمل التطوعي ، وينبثق عنها لجان توفر الامكانات لهذا العمل

ويسيبوا الشعب ينضف الدنيا حواليه

حلوة فكرة وزير العمل التطوعي

ممكن يكون د شريف عبد العظيم مؤسس رسالة احسن واحد ممكن يمسك الموضوع ده Very Happy

مين يسمع لنا؟

أين أنت يا دكتور أحمد نظيف ؟؟؟

ربنا يوفقك في أعمالك

امبارح كنت داله على بوابه الحكومة المصرية بشوف حاجة محتاجاها عشان ورق بعمله ..و لقيت ان فى باب للاقتراحات و الشكاوى عجبتنى الفكرة اوى و قلت احنا بس مش بندور كويس

عايزين نقول اقتراحاتنا ..جايز تكون موضع تنفيذ فى يوم .نبقى حتى عاملين اللى علينا

على فكرة كانوا عاملين لقاء في البيت بيتك مع وزير التنمية الادارية وقال ان احنا ممكن نبعت الاقتراحات على النت على الموقع بتاع الوزارة وفيه ناس مخصصة للرد على الاقتراحات او الشكاوي اللي بتتبعت دي

ممكن يحصل كدة فعلا إن شاء الله

ليه لا

طب تمام اهه

احنا بس نشد حيلنا دلوقتى و ربنا يهدينى و اذاكر عشان فى الاجازة نطلع افكار بقى براحتنا و ان شاء الله نقدر نكون بنحققها مش بنحلم و بس و عايزين غيرنا يحقق

بلدنا هتبقى حلوة بينا

عنيا وجعااااااااااااااانى

اصابة خطيره ... يا رب

((قُلِ اللَّهُمَّ مَالِكَ
الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء
وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ
كُلِّ شَيْءٍ قَدِيرٌ))

------------------------

((فَتَقَبَّلَهَا رَبُّهَا بِقَبُولٍ حَسَنٍ
وَأَنبَتَهَا نَبَاتًا حَسَنًا وَكَفَّلَهَا زَكَرِيَّا كُلَّمَا دَخَلَ عَلَيْهَا
زَكَرِيَّا الْمِحْرَابَ وَجَدَ عِندَهَا رِزْقاً قَالَ يَا مَرْيَمُ أَنَّى لَكِ
هَـذَا قَالَتْ هُوَ مِنْ عِندِ اللّهِ إنَّ اللّهَ يَرْزُقُ مَن يَشَاء بِغَيْرِ
حِسَابٍ))

"فَمَن تَبِعَ هُدَايَ فَلاَ خَوْفٌ عَلَيْهِمْ وَلاَ هُمْ
يَحْزَنُونَ" البقره 38

انا كمان عيني بتوجعني يا فريندس

ربنا يستر

وان شاء الله نبقي نبعت اقتراح وزارة العمل التطوعي

اقتباس :: [ندعوك للتسجيل في المنتدى أو التعريف بنفسك لمعاينة هذا الرابط]
ربنا معاكي يا فداء

اقتباس :: بعيلك يا فوفة ماتقلقيش يا حبيبتى

اقتباس :: ربنا معاكى يا فداء ويوفقك ان شاء الله

يا رب يخليكم يا رب والله مش عارفه من غير دعواتك كنت عملت ايه؟؟

(يمكن كنت افتكرت الكلمه اللى كنت هموت وافتكر معناه وكنت مذاكراها قبل ما ادخل اللجنه Very Happy

)

انا بدعيلكم كلكم وبدعى لكل اعضاء كوميرس ان ربنا يوفقهم وينجحهم ويفرحهم بالنتيجه Very Happy

ربنا يسامحك يا اميره ويهديكى مصر كلها كانت مستنيه يوم خطوبتك علشان نفرح وانتى فسختى

يلا ربنا يرزقك بالزوج الصالح ويعوضك خير

يارب اتخنقت بقى من السطحية اللي بقينا فيها

الأول كان جيفارا

وبعدين بقى مهند

ودلوقتي ......

أوباما !

صبرني يارب

المشلكة إنهم بيعرفوا يروجوا لنفسهم فعلاً وبيحسسونا إننا في جو أفلامهم الأجنبي القائمة على الأساطير اللي بتمدهم بالكرامة
لكننا بنحاول نقلد ومكشوفين أوي
يعني التجديد ده مكانش يتعمل من زمان ؟ لست من دعاة الهدم أو عدم التجديد
ولكن أنا ضد الرياء بكل أشكاله .. يارب الحاجات دي تخليها وميحصلش زي ( حارة ميمون بك القرد ) .. ويشيلوا بعدها أو منشمش ريحة التجديد بعدها وكأنها تجديدة العيد ومفيش تاني لحد السنة الجاية

يارب نفهم بقى .. ويارب نعرف نذاكر ترويج من الكلام اللي بيعملوه ده
لولا ان الامتحان اتحط كنت هقول ممكن يجيب مثال على كدة
ربنا يستر

ميمون بك القرد

Very Happy

==============

ياااااااااااه انا تعبت ماما اوووووووووووووووووووووى وهى فى اخر سنه فى الكليه

يا عينى امتحانات وانا ,,بجد الامهات يستحقوا ان الجنه تكون تحت اقدامهم بجدددد

حقا يافداء

ويا حنظلة كلامك تمام جدا

انا امبارح فكرت اني لو حبيت اخلص مصلحة في اي مصلحة حكومية ، هادخل اقولهم

كلمة السر اوباما

علشان هأبقي متأكد ان المصلحة هتخلص في ثانية زي اللي شوفت تحت البيت عندي

وكمان هأستغل حكاية اوباما دي كمان في اني اتوظف بسرعة

وانا بكتب المشاركة دي ، والشرطة وأمن الدولة شايفين شغلهم تحت دلوقتي تماااااااااااام

مش بعيد يكونوا واقفين وراك وانت كنت بتكتب أوباما
يقولك اكتب الألف عدل يا مواطن
حُط همزة على أوباما Very Happy

» قول اللى فى نفسك
» اللى نفسك فيه
» اللى تعرفه و تعبك و لا اللى ماتعرفوش
» كيف تثق في نفسك؟
» أنت نفسك في إيه؟!!!!!