يا ترى ايه الصح ؟؟

السلام عليكم و رحمة الله و بركاته

عايزة اعرف رايكوا فى حاجة

انا كنت كتير لما حد يزعلنى فى حاجة بسيطه بعديها و خلاص

لكن لقيت انى لما بغلط نفس الغلطه البسيطه الناس بتزعل منى و ممكن تقلب خناقه

فببقى متضايقه ان محدش بيعديلى لما اغلط فى حقه مع انه ممكن يكون غلط فىه كتير

فنفسى اعرف ايه الصح

هل انى ابقى اقلبها خناقه برضه (اكيد دة غلط )

و لا اقولهم ان الحاجة دى زعلتنى بس انا فوتتها

و لا افضل ذى ما كنت بعمل و انفض و خلاص

ربنا يكرمكم

سلام عليكم و رحمة الله و بركاته

السلام عليكم اولا

اكيد منورة معانا المنتدى

والموضوع ده بيحصل مع ناس كتير

المهم التقدير للموضوع

يعنى لو انتى غلطانة يبقى لازم تعتذرى

لو انت ليكى حق يبقى اوعى تتنازلى عنه

وكمان الانسن بيفهم دماغ الى قدامه ويقدر يكيفها على حسب دماغه

وحاولى تجربى الحكاية ديه

ولوانتى غالية على الى قدامك مش هايقدر يزعلك منه

والعكس صحيح

ربنا يكرمك

ويفك كربك

هى المشكله فى انى مبحسش ان فى حق ول ازم اخده و الكلام دة
يعنى الحمد لله مبكبرش المواضيع ولما احس ان حد عمل حاجة ميقصدش يزعلنى مش بزعل
بالذات لان الموضوع ده بيحصل مع ناس قريبه منى اوى فمن حبى ليهم بنسى و بعرف انهم ميقصدوش
لكن اللى بيزعلنى ان الموضوع نفسه لما يتكرر و انا اعمل نفس الحاجة اللى عملها اللى قدامى غصب عنه و فوتتها هو ميفوتهاليش

فبحس بان مفيش تسامح و بتصعب عليا نفسى ان مفيش حد بيسامحنى ذى ما انا مبسامح

فالموضوع انى مش بزعل اساسا من الحاجة لانها بتكون بسيطه و محدش بيبقى قاصد يزعلنى الحمد لله

لكن المشكله انى بزعل من عدم تبادل التسامح دة




و شكرا اوى

سلام عليكم و رحمة الله و بركاته

انا رائى ان المعاملة بالمثل
بس بدل ماتقلبيها خناقة انتى كمان انتى ممكن تاخدى موقف من اللى قدامك يعنى ماتتخانقيش لكن ماتعديش الموضوع بالساهل خودى موقف عرفية ان الشى دة زعلك
ولما الغلطة دى انتى تعمليها من غير قصد واللى قدامك يزعل منك ويتخانق انتى ممكن برضة تاخدى موقف تعرفية بية ان الموضوع دة مايستاهلش خناقة
وفى الحالتين تحاولى تخلى كلامك بحكمة وتخلية منسق وبهدوء علشان ماتزودوش المشكلة
ودة رائى الشخصى مش عارفة صح والا غلط
والسلام عليكم ورحمة اللة

كلام 10/10 يا فوفا

وانتى منورة معانا

عايزين مشاركاتك تنتشر فى المكان

المشكله شيقه
هرد فيها معلش لما ارجع

لانها متكررة في حيات كل واحد فيها او اغلبناااااااا
واهلا بيكي معانا
وان شاء الله نقدر نفيدك

السلام عليكم

انا جييييييييييييت


ازيكم


انا شايف ان المشكلة دي حلها حاجة واحدة


البرود


يعنى مش هنقول المعاملة بالمثل

انتى شايفة انهم بيغلطوا فيكي كتير

وانتى نادر لما بتغلطي فيهم

وهما ببيقفولك عالواحدة

يبقي انتى استحمليهم زي ما بتستحمليهم وخدى علي قفاهم ثواب ان شاء الله


ولما تغلطي ، ويجي يعملولك من الحبة قبة


ساعتها كبرى دماغك منهم خاااااااااااااالص

ولا اكنهم اتكلموا

ولو حد اتضايق منهم من كده وقالك انتى ايه البرود ده وانتى مش ملاحظة انك غلطتي

والكلام اللى ممكن تسمعيه ساعتها ده

ساعتها ممكن تردي وتقولى انا باردة زي ما كنت باردة لما انت غلطت فيا وانا عديت الموضوع عادى


وانت دلوقتى مش عايز تعديلي الموضوع


كده يعنى


يعنى دي بيتهيألى انسب معاملة بالمثل


ومتابع وربنا يكرمك

واحب اسمع رايك

وربنا يكرمنا جميعا


السلام عليكم

بصي لو عملتي غلطه بسيطه ومسمحكيش و بيقلبها خناقه
وأنت سكتيلو قبل كده على غلطه هو عملها
قوليلو على الغلطه اللي أنتي سكتيلو عليها وبعدها سيقدر الموقف ولن يتشاجر أو يزعل بعد كده

أما أذا مغلطش قبل كده معاكي في كلام أو أي شئ يبقى تفكريه بسلوك الرسول محمد صلى الله عليه وسلم وفكريه بالدين وأخلاق المسلمين وبكده محدش فيكو هيزعل من التاني في اي حاجة

ولن يعترض بشئ لأن هذا دينه فلن يتفوه بكلمه