اسالى اللى بعدك سؤال

يا واد يا منطلللق

فكرتيني بحلم انتيكة كدة حلمته

بما انك عارفه انى مدمنه تصوير وو اعتقد كل الدفعه عرفت بعد ما صممت على انا ناخد صورة مع دكتورة امل النهاردة

فانا حلمت اننا كنا فى مكان زى كارفور كدة تقريبا (اشمعنى ماعرفش)

و البنات كلنا واقفين و عايزين نتصور و كان الولاد كالعادة يعني بيقلدونا زى ما عملوا التلات قبل اللى فات و قلدونا

و روحنا جينا احنا نتصور كبنات فملاقيناش مكان تقريبا و لا ايه فعملنا زى قطر كدة فى ممر فى السوبر ماركت دة

وو بعدين بدل ما نتصور اعدنا نجرى و اتحوول السوبر ماركت لحاجة تمشى تكون حديقة الازهر او هى مكان اجمل كمان بكتييير فيه خضرة ميا و حاجة جميلة كدة

و انا لقتنى بجرى لوحدى

بس فرحت اوى عشان كان نفسي اجرى و اعدت اجرى بقى و انطلقت خاللص
و بعدين لقتنى فى مكان فى بنتين مش فاكرة مين و واقفين على زى اتوبيسات او مكروباسات كدة و حااجات غرقانه فى ميا و احنا واقفين فوقيهاو هى بتتهز زى ما تكون عايمة فى الميا دى

بس انا تقريبا قلتلهم يلا كفاية كدة لحسن الحاجات دى هتغرق
و كانت منطقة غريبة نائية كدة و فيها البحيرة الساكتة اللى غرقان فيها الحاجات دى و كلب واقف كدة لونه بيج
و بعدين مشينا على رصيف كدة و متهيالىى قابلت اخويا

دة اللى فاكراه

ايه رايكوا فى التخاريف بتاعتى دى

الامتحنات بتعمل دماغ عالية يعني مش اى حاجة

و الحلم العبيط اللى نفسي فيه ..ممممممم مش هقولكوا هههههه

اللى بعدى

نفسك فى ايه ..حاجة عبيطة. .تحصل دلوقتى

والله انتى دماغ يا شاديه


انا نفسى بقى البس فستان ابيض واسع وساده وناعم

واسيب شعرى واجرى على شط بحر مفيهوش غيرى

والهوا يطير شعرى وانا ارجعه

:hhhhhhhhhhhh:

معلش اصل التلفزيون ماثر على مخى

وواحد بحصان ابيض يطلعلك كمان بقى هههههه

و انت يا شادية عجبنى اوى امنيتك ..كلها طبيعه كدة

-----------

و انا الحاجة العبيطة اللى كان نفسي فيها المرة اللى فاتت اتحققت

هيييييييييييه

الحمد لله كما ينبغي لجلال وجهه و عظيم سلطانه

و المرة دى بقى

ممممممممممم ..مقولهاش برضه يمكن تتحقق ههههه

هو مفيش اصلا حاجة معينة

بس يا رب كل احلامنا كلهااااااااا تتحقق و تبقى خير

و فعلا يا شادية انا بموت فى دفعتنا

بس انا بخرف اوى فى الالام حاليا و بحلم بكمية كثييييييفة جداااااااااا مش عارفة ايه دة كله



طب االامورة اللى بعدى

اول يوم مدرسة فى ابتدائى كنتى حاطة توكة لونها ايه ههههههه

و فى اعدادى

و فى ثانوى (اشارب بقى غالبا ) كان لونه ايه

و فى اول يوم جامعه برضه كان لون الطرحة ايه

سؤال عبيط مش كدة ههههه

بس انا فاكرة اجابته

يا سلام لو يبقى فيه حصااااااان كمان بجد هيبقى موقف جامد

بس مش مهم الواحد الاهم الحصان
==========================

ايه ده انا مش فاكره اجابه ولا واحده فيهم

الا الاعدادى والثانويه لانى كنت لابسه طرحه بيضه صغيره فى اعدادى وطرحه بيضه كبيره فى ثانوى

حتى اول يوم اعداى وقعت على سلالام المدرسه علشان الجيبه كانت واسعه اوى وطويله

وثانوى فاكره ان اصحاب محمد جم يسالوا عليه ولما فتحتلهم الباب

قالى محمد هنا يا تانت وهما كانوا فى ابتدائى حوالى 6وانا لسه فى اولى ثانوى وكنت هضربهم

وكليه فانا فاكره انى اول يوم اروح فيه الكليه بس تفهنا مش اداب

كنت لابسه جيبه جينز زرقا وبلوزه مقلمه ابيض وازرق او لبنى الدرجه السماوى دى

وعليها طرحه طويله لونها ابيض فى لبنى

ايه اساله تانيه يا اموره انتى ؟؟

نفسسه ؟؟

]التوكة بتاعت ابتدائى مش فاكرة لونها طبعا
اما لون الطرحة فكانت بيضاء في الاعدادى والثانوى والكلية كانت فوشه او لبنى
حتى اول يوم اعداى وقعت على سلالام المدرسه علشان الجيبه كانت واسعه اوى وطويله ياعينى موقف صعب اوى
في حاجة كمان نفسى اوى اعملها وهى لعبة نط الحبل

يا فاشلين

فى ابتدائى احمر و فاكرة شكل الشنطة و كل حاجة حتى الشراب كان اللى بيبقى فيه كورتين مشبوكين فيه بخيط كدة عارفينه بتاع العيال دة

و فى اعدادى..ما شاء الله عليكوا بس انا اتحجبت فى تالتة الحمد لله..اولى دى انا داخلاها عندى 10 سنين

المهم يعنى كانت على شكل فراشة هى لونها كان غامق اسود كدة بس مش كئيبة كانت حلوة و الله
و اللبس كان رمادى فى ابيض و كرافتة نبيتي


اما ثانوى

احنا مدرستنا كان اللبس كحلى فى اصفر فكنت لابساها كحلى


فى اولى جامعه كنت لابسة تونيك بيج فى ابيض و الطرحة بيضا

و الترم التانى كنت لابسة اللبس الموف بتاعى بتاع الشتا اللى بلبسه حتى االان توينز موف فاتح و جيبة موف غامق

و تانيه الترم الاول بلوزة بيج و جيبة جينز لبنى و طرحة بيج و لبني

و الترم التانى غالبا تونيك نبيتي و الطرحة بيج فى نبيتي

و في تالتة الترم الاول ..بلوزة بيضا و جيبة جينز كحلى و الطرحة كحلى و فيها ورد روز

و الترم التانى ما روحتش اول يوم كنت فى السعودية و جيت تانى يوم كانت مصر فايزة بكاس افريقيا فكنت لابسة الجاكيت الاحمر و الطرحة الكحلى فى احمر

و رابعه الترم الاول كنت لابسة اسود و منقط بابيض

و رابعه الترم التانى الطقم بتاع كرومبو الموف ..بحس انى شكلى مخبر سري



شفتوا بقى

خلاويص


معرفش الذكريات حبكت معايا ليا

يا خرابى يا مفتريه يا ظالمه

ايه ده ده الواحد بينسى هو كل ايه امبارح ؟؟

كل ده فكراه ,وربنا يكرمك يا بنتى
======================

ياعينى موقف صعب اوى

فعلا انا ساعتها اكسف اووووووووى وخفت اكتر معرفش من ايه ؟؟

بس بصراحه الى خفف عليا انى كنت طالعه على السلم وراحه الفصل ومكنش فى اى حد خالص

طلع كلهم فى الحوش وانا اللى كنت طالعه <<اصل معايا واسطه فى المدرسه مامتى حبيبتى


طيب هتعملى ايه فى الاجازه ان شاء الله؟؟

اجازة !!!المفروض ننسى هذه الكلمة