افضل شباب ادارة من الجنسين

الموضوع ده لتحفيزنا علي اطلاق افضل الاشياء بداخلنا فكل منا به شيء مميز عن الاخر والانسان الذكي هومن يكتشف سريعا الكنز الذي اعطاه الله له وميزه عن الاخرين وعلي كل منا ان برشح افضل 3 شباب من الجنسين مؤثرين في ادارة كنوع من التحفيز لهم وشكر وتقدير لهم لانهم اثروا علي حياتنا الجامعية قال الله تعالي[ندعوك للتسجيل في المنتدى أو التعريف بنفسك لمعاينة هذا الرابط] قال رسول الله(انزلوا الناس منازلهم) ودي اقل حاجة نقدمها لهم

من الشباب \1 هيثم 2 محمود فريد 3 سمير: من البنات\1 ندي 2 يسرا 3 اسيا

ربنا يكرمـــــــــــــــــك متشكرة جدااااااااا جدااااااااااااا

يا رب اكون عند حسن ظنك

و يسرا فعلا بجد من اجدع بنات فى ادارة
ما شاء الله عليها بترد و تتفاعل مع الدكاترة ..مش زى اغلبنا بنخاف نتكلم
و بتتكلم بطريقة جميلة و اجاباتها مقنعه بسم الله ما شاء الله عليها
بحبها اووووى ربنا يكرمها

و فداء من احلى الشخصيااات طبعا ..بس فى لغات و ترجمه ..مش ادارة للاسف

وهيثم و محمود فريد و حنظله فعلا من الشخصيات المؤثرة جدااا و اللى دايما ما شاء الله يتناقشوا خصوصا هيثم ما شاء الله ..اكثر واحد متفاعل مع الدكاترة من اول يوم تقريبا ما شاء الله.. و بنستفيد كتييير من مناقشاتهم ..و حتى لو ساعات بحس ان المناقشة مش فيها حاجة جديدة لكنها بيشجعنا اننا كمان نتكلم و نتناقش ونكسر حاجز الرعب من الكلام اللى عندنا ..ربنا يكرمهم جميعا



و معلش انا مش عارفة اختار مين بالظبط لان ادارة ما شاء الله ملياااااانه ناس كويسة اوى

ربنا يبارك فيهم كلهم و نعمر مصر بلدنا اداريا كدة كويس ان شاء الله

ربنا يفقنا جميعا

و ممكن افكر و ابقى اقول اجابتى ان شاء الله

ما اخدتش بالي هصلحها

مين حنظلة ده؟
إيه اللي جابه جنب الناس دي؟
انت بتقارني بالحيتان دول ؟؟ فريد وهيثم كمان؟
أنا آخري بهزر ... لأ بس والله بيكون عندي كلام عايز أقوله لكن مش بعرف أختصر لأني مبنتش على كلام قبل كدة
المرة الوحيدة اللي جيت أجاوب فيها على سؤال دكتور هشام بتاع بيبسي وكنت عايز أتكلم بجد على حكاية الشبه بينها وبين كوكاكولا والحكاية دي .. ندى سبقتني ... ربنا يكرمها
يلا أهي من المنافسين هنا برضه لكن على مستوى البنات .. وممكن تاخد نصيب فداء لأن فداء مش معانا في إدارة .. لكن ممكن تشاطرنا الأفراح برضه
على العموم ربنا يكرمك على الموضوع وكنت حط حد جامد شوية في التسويق مش واحد إسمه حنظلة؟ ( وبعدين أنا مليش إسم يعني ؟! )
ماشي يا مجدي ... بس ربنا يكرمك

حقك عليا يا ابو الحناظيل وانا صححتها

اه انا نسيت اسيا اصل بقي لها كتير ما ظهرتش علي الساحة في المدرج بصراحة من الناس المحترمة قوي في الدفعة

عجباني أبو الحناظيل دي ... بس أنا عايزك ترجعها تاني بقى
ربنا يكرمك ويقدرك على فعل الخير دايماً

:lol: طب مش هرجعها

ايه يا جماعة فين ترشيحاتكم يا اداريين

يتناسب تقدم الاشخاص تناسبا طرديا مع كثرة ملازمتهم للقدوات الناجحة فبجد الواحد فرحان بمعرفة الشباب دي وبرضه رامي وخالد وشباب كتير ما شاء الله عليهم

hanzala كتب:

يلا أهي من المنافسين هنا برضه لكن على مستوى البنات ..
وممكن تاخد نصيب فداء لأن فداء مش معانا في إدارة .. لكن ممكن تشاطرنا الأفراح برضه

شكر خاص جدًا لصاحب الموضوع

انه ادانى الفرصه افرح بكلام ندى



جزاك الله خيراً