اعضاءنا الاعزاء..عايزين ايه ..نفسكوا فيه ؟؟؟

انا بس من اعجابي با فكرتكم حبيت اشارككم

بص هى الفكرة اننا زي ما بتعمل ايميل او يوزر على الفيس بوك

بتتحطلك اعلانات و طبعا الموقع هو اللى بيكسب

انا عارفة ان لو لينا موقع مستقل هنكسب من وراه اكيد

بس احنا منتدى لطلبة دفعه واحدة بس و دة هدفنا الاساسى و هى دى الشريحة اللى احنا بنتعامل معاهم بشكل اساسى (دفعه تجارة 2009)

فعشان كدة اصلا صعب نلاقى حد يحب ينزل اعلانته عندنا

فلو عملنا موقع خاص هنضطر لحاجة من اتنين

اما اننا هندفع تكلفته على حسابنا

او اننا هنضطر نجذب شرائح مختلفة من الاعضاء ..و لكن احنا شايفين ميزتنا انه منتدى لدفعه واحدة و خاص بيهم و بمعارفههم

لو بقينا بنجذب ناس مختلفين كتير هنضيع ميزة منتدانا و هيبقى كأى منتدى تانى عام ..لك بتاعنا متخصص شوية لدفعتنا حبيبتنا .و كل الناس اللى بتحب دفعتنا و منوريننا هنا


وهى السرعه الحمد لله عندنا كويسه

يمكن النت فى فرنسا بطىء و لا حاجة

تحية عطرة

يا معلم يا معلم
انت كدة فاهم صح

فكرة حلوة أوي .. . واللي تغلب به إلعب به ؟ ( إيه ده ؟ عندكوا في مصر ؟ ) أنا برضه ملاحظ إنك ممكن يا مغربي يا تونسي أظن والله أعلم
طبعاً مشرفنا ده ملوش دعوة بالحكاية

لكن أنا بتكلم عن فكرة يبقى زي مثل مصري تاني برضه بيقول ( ميبقاش إبني على كتفي و أدور عليه ) يعني طالما نقدر ننقله زي م هو على سيرفر تاني ولا إيه لأني مش دايس أوي في الحكاية دي يعني ... بس هو لو الفكرة لا تتعدى إننا ننقل المنتدى بكل ما فيه ؟ ولا هنضطر نعمل واحد جديد؟

مجرد تفكير يعني

اقتباس :

[quote="asmar"]

[size=18]فاهم طبعا وبتمنالكم كل خير


بصي من خلال تجربتي وشغلي اي حاجة مهما كانت بسيطة لازم تبان نتايجها

مثلا زي ما بتقولي انكم دفعة 2009 والمنتدى علاشنكم المفروض ان يكون خاص با الطلبة بس
وحتى لو كان كده فا ما فيش مانع انكم تستقلو بذاتكم

سؤال ممكن تقليلي بعد ما تخلصو دراسة ايه حيكون مصير المنتدى ?

احنا الحمد لله خلصنا دراسة
و دة هو مصير المنتدى ..انه مكان لتواصلنا سوا

اقتباس :

اه فكرتيني انتو مش بتقولو في مصر الي تغلبو العبو خلاص هي كده

اما انكو حتدفعو حاجة من عندكم في شركات يعني بتدي مساحة كويسة بثمن معقول الي هوا حوالي 2 او ثلاثة دولار في الشهر يعني بداية بسيطة وجميلة ومع الايام حتقدرو تحجزو مساحة اكبر

هوا انا حقولك على ليفيها انتي ما شاء الله طالبة في قسم ادارة اعمال

ربنا يكرمك و يباركلك

هو فعلا ممكن نشترى مساحة بثمن بسيط

بس مش هيبقى بنفس قوة و امكانيات المنتدى دة

انا مش هكدب على حضرتك ..انا مش بفهم اوى فى الفنيات الخاصة بمواقع الانترنت

بس اللى اعرفه ان امكانيات المنتدى بتاعنا كويسة و الحمد لله دايما فعلا بيبقى شغال .على عكس زمايلنا اللى عملوا منتديات مستقلة دايما بتقع للاسف

و هو الحمد لله مش بنحس باى نوع من التقييد او اننا مش مستقلين بذاتنا


غير ان اهم سبب فى الاسباب كلها

ان المنتدى دة عِشرة عمر

منقدرش نغيره لاننا حبيناه جدا و بقى بيتنا

و مينفعش ننقل قواعد البيانات اللى عليه لموقع تانى


هو فى فكرة باننا نشترى من موقع احلى منتدى اعتمادات تخلينا مستقليين بذاتنا
بس هى الفكرة اننا بجد مش حاسين باى قيود الحمد لله
زى لما تستخدم ايميلك مش بتحس ان الياهو و لا الهوت متحكم فيك و لا حاجة


بس بجد اشكرك على انك تتمنى لمنتدانا التطور اكتر

ممكن فى المستقبل لما ربنا يفتح علينا كدة و نشتغل و يبقى معانا فلوس نشترى اعتمادات من احلى منتدى تمكننا من تطويره اكتر
بس هو احنا حاليا طلبه خريجين من كام يوم ..لسه حتى النتيجة مطلعتش

ادعيلنا بقى حضرتك ربنا يوفقنا فيها و يكرمنا بالشغل اللى نتمناه

اقتباس :

لكن أنا بتكلم عن فكرة يبقى زي مثل مصري تاني برضه بيقول ( ميبقاش إبني على كتفي و أدور عليه ) يعني طالما نقدر ننقله زي م هو على سيرفر تاني ولا إيه لأني مش دايس أوي في الحكاية دي يعني ... بس هو لو الفكرة لا تتعدى إننا ننقل المنتدى بكل ما فيه ؟ ولا هنضطر نعمل واحد جديد؟

مجرد تفكير يعني

اللى اعرفه ان مينفعش تنقل البيانات من هنا

فلازم واحد جديد

و انت عارف ان دة مستحيل لحبنا للمكان دة

دة انا حتى بقيت بحب 4ulike اللى ملهاش دعوة بينا

هى برضه الحكاية ترجع لان المصريين بيحبوا مكانهم اوى ..و درجة الانتماء بتكون عاليه للمكان اللى هما فيه

فعشان دة ممكن ننحب نطور مكاننا الحالى

لكن جديد بيبقى صعب اوى على نفوسنا ..خاصةً لو القديم حلو و كويس الحمد لله

ربنا يكرمك بجد على المعلومات الجميلة دى

بس هل حضرتك تفتكر ممكن حد يحب يحط اعلان و يدفع فيه فلوس كتير لمنتدى مش هيدخله يوميا غير 50 فرد تقريبا؟؟


و طبعا الاعلان لازم يكون تكلفته مناسبة للعائد منه


غير اننا مش هنعوز نحط اى اعلانات
يعني مثلا اعلانات جوجل بتكون اصلا عن حاجات كتير مخالفة لديننا الاسلامى


و معلش انا اسفة انى تعبت حضرتك فى المناقشة ..ربنا يكرمك و ميرسي اوى ليك

كلامك جميل يا اسمر



احنا فعلا كتير فكرنا في كده



بس اقولك علي حاجة



الايام اللي جاية ، لو كبرنا اكتر من كده ، ممكن ساعتها فعلا كلامك يتنفذ


لأننا ساعتها هنبقي محتاجين موقع اكبر من ده ، زي مثلا موقع الاستاذ عمرو خالد


ربنا يكرمك يا جميل


وفي انتظار اقتراحاتك دايما

انا عندي طلب

ممكن تغيرولى اسمى و يرجع اسمي القديم

ندى


اصل كل ما ابص على البوابه اقول مين احمد دة ..عضو جديد !!..بعدين اكتشف ان اسمى مكتوب فى سطرين



و السلااااام عليييكم و رحمة الله و بركاته

Nada كتب:

انا عندي طلب

ممكن تغيرولى اسمى و يرجع اسمي القديم

ندى


اصل كل ما ابص على البوابه اقول مين احمد دة ..عضو جديد !!..بعدين اكتشف ان اسمى مكتوب فى سطرين



و السلااااام عليييكم و رحمة الله و بركاته

وعليكم السلام
هو انا غيرته لإسم ندى بالعربي بس طلع في عضوه مسجله بنفس الإسم
فخليتهولك Nada لوحدها كده وهي كده هتتكتب في سطر واحد
على العموم لو مش عجباكي شوفي إنتي عايزه تخليه إسم إيه وقولي
وبعدين انتي صاحبة بيت مش محتاجة حتة انا عندي طلب ولا الحاجات دي

سبحان الله والله كنت عايزه اقول نفس الكلام

بس انا لاما لاقيته مش نافع ندى بالعربى قولت استنى اعرف تحبى تخليه ايه ؟؟

وبرضه لو مش عاجبك ندى بس بالانجليزى انا موجوده يا نودى علشان تقوليلى فى مسج

اشمعنى انا يعنى كنت دايما بقولك !!

ربنا يكرمكم و يخليكوا ..

بس مين ندى دى بقى ..اوعى تطلع انا برضه ..ما انا كنت ماشية بقد 13 عضوية كدة

طب ممكن تخلوه ندى و قبلها نقطة و بعدها نقطة

.ندى.

اصلى بحب العربى اكتر

نيهههههههههههه
عملته قبل فداء تاني

.ندى. كتب:

ربنا يكرمكم و يخليكوا ..

بس مين ندى دى بقى ..اوعى تطلع انا برضه ..ما انا كنت ماشية بقد 13 عضوية كدة

مش عارف يا ندى والله بس اكيد انتي أدرى بقى

طب ممكن تخلوه ندى و قبلها نقطة و بعدها نقطة

.ندى.

اصلى بحب العربى اكتر

العضو ليه طلب واحد بس لتغيير الإسم
بهزر طبعا
انا غيرتهولك زي ما انتي عايزه شوفي كده كويس ولا عايزه مسافة بين الإسم والنقطة
شوفي اللي يناسبك وقولي

اقتباس :

نيهههههههههههه
عملته قبل فداء تاني

على فكره المره اللى فاتت انا كنت قبلك بس بعتلها فى مسج والله

لكن المره دى فعلا سبقتنى ودى غلطته الانسه ندى آل طلب فى موضوع آل

بجد ميرسي اوى اوى

و كدة جميل و تمام الحمد لله

و يا دودو اصلى ماكنتش عارفة مين اللى مسئول عن الحكاية دي ..كنت فاكرة ان انتى مش بتشوفى لوحة الادارة ..اصل هشام كان قايل ان عايز يبقى مفيش ادمنستريتورز باين ...و قال ان مممكن مشرف عام بس مش ادمنستريتور فمكنتش فاهمه الموضوع اوى

يلا كله خير ان شاء الله

و شكرا يا ستى على نيتك


و سلااااام عليكم و رحمة الله و بركاته

ياااااه

ده انا قولت ان في حاجة جديدة جاية و ان في شغل هايحصل

طلعت الحكايه كلها في تغيير الاسم

ما علينا ,, مبروك يا ندي علي الاسم الجديد

حاجة تزعل ..مش كدة ؟؟

أعتذر يا ندي ما عرفتش ادخل اغيرهولك اول لما طلبتي ، علشان ما كانش متاح ليا الا المشاهدة


واي حاجة تحت امرك

ربنا يكرمك ..و الحمد لله محمد و فداء قاموا بالواجب

مممم عايزة اطلب طلب رخم بقى

قريبا ان شاء الله




سلاااااام علييييكم و رحمة الله و بركاته

يا بنتى انتى تؤمرينى

تحت أمرك يا ندي

في انتظار طلبك ان شاء الله

يا جمااااااااعه انا عاوزه حد يغيرلى اسمى

عاوزه

يبقى

ريمى