| ابليس يبكى | |
|
|
كاتب الموضوع | رسالة |
---|
teemo تجارى ناشئ
عدد الرسائل : 94 العمر : 43 مكان السكن : القاهرة الوظيفة : باحث عن النجاح السٌّمعَة : 2 تاريخ التسجيل : 18/03/2009
| موضوع: ابليس يبكى الأربعاء أبريل 08, 2009 4:40 pm | |
|
| ابليس يبكىاستيقظ ذات ليلة أهالى قرية العبدوة الواقعه فى احدى ضواحى الصعيدفى منتصف الليل علىصوت عاويل وصريخ وصوت شديد الرعب أيقظ أهل القريه بأكملها فخرج الناس من بيوتهمهلعين من الخوف يتسائلون فيما بينهم أيه ده ياولاد خير ايه اللى حصل وخرج عم مغاورى شيخ الغفر من بيته على الصوت ولمة الناسخير يا بلد ايه ده رد عليه حامد أبو حبل وقالو أحنا اش عرفنا يا شيخ الغفر هو مين اللى يسأل مين فى البلد يا ناسجرى عم مغاورى شيخ الغفر على بيت العمدة وقال أما أروح أدى خبر لجناب العمدة وأنت يا حامدروح جرى أنده عمك سيد أبو اسماعيل شيخ الجامع لما نشوف ايه الصوت دهدى باين الجيامة هاتجوم ولا ايه يا بلد أستر يا ربوشيخ الغفر وهو رايح لدوار العمده قابله فى السكه جى ومعاه جوز الغفر الحئنا يا عمده قالو خير يا بن حفيظه وايه الصوت اللى أنا سامعه ده قالو مش عارف يا عمده ما أنا جايلك عشان كدهوالناس كلها راحت على النحيه الئبليهبيقولو الصوت جى من هناك رد العمدةطب اجرى يا ولا آوام انده عمك سيد أبو أسماعيل شيخ الجامع أوامقالو ما أنا بعت الولا حامد يندهلو يا عمده وزمانو هناكطب روح اسبئنى على هناك يا ولا وشوف ايه اللى بيحصل لحد ما ارجع انا على الدوار واضرب طرنك للمركز يجو يشوفلنا صرفه جيب العواجب سليمه يا ربوبعد أقل من عشر دقائق كانت اتجمعت كل البلد هناك عند الصوتودخل العمدةخير يا عم الشيخ أبو اسماعيل طمنى آلهى يطمن قلبك رد عبد المجيد أفندى حكيم الصحهأحنا لازم الاول يا عمده نعلن حالة الطوارىء ليكون الحاجه دى مؤذيهرد العمدة ما تعلن يا خويا هو انا حشتك وانت يا عم الشيخ أبو اسماعيل ما ترد عليا انت ساكت ليه سكاتك ده مش مريحنى كانك عارف ومخبى علينا قولى آلهى يرح قلبكرد عم الشيخ أبو اسماعيلبص كويس يا عمده للى قاعد بين السما والارض ده وعمال يصرخ ويعوى بص يا عمده وحققما تبصو يا خلق مش عارفين مين ده هه مع ان كتير مننا بيمشى ورا كلامه دلوقتى مش عارفينهرد العمدهما تنطق يا أبو اسماعيل سيبت ركبى ايه ده جن ده ولا ايه قول انا فى عرضكرد عم الشيخ أبو اسماعيلعارفين ده مين يا خلق هه ده ابليس أيوة ابليس جالكم بنفسه أهه شوفو عايز ايه منكووفجأة أتملت الدنيا بعساكر المركز وجي جناب المأمور ماشى قدامهم جرى عليه العمدة وقالوالحقنا يا جناب المأمور أبليس ها يحرق البلد وأحنا فيها الحقنا يا باشارد جناب المأموراهدى يا عمده وسيبك من الكلام ده سبينا احنا هانتصرف ابليس ايه وكلام فارغ ايهوقعد جناب المأمو اكتر من نص ساعه ومش عارف يعمل حاجه والصريخ عمال يزيدوالخلق ماتت من الرعب ودخل عليه العمده وقالوبقول ايه يا جناب المأمور ما تسيب عم الشيخ سيد أبو اسماعيل شيخ الجامع يتصرفرد المأمور وقالولو يعرف يعمل حاجه يعمل يا سيدى المهم المشكله دى تخلص فى أقرب وقت الوزارة قلقانا وجناب الوزير عا يز يطمن دخل عم الشيخ سيد أبو اسماعيل وبدء يتصرفبقول ايه يا خلق كل اللى عنده بخور او عطر يجيبه أحنا لازم نطهر المكان عشان ينصرف ايوى هو مايحبش الطهارة وفى سرعة البرق كان المكان كله عبارة عن كتله من الدخان وانتشرت فيه الروائح الطيبه بس للأسف مافيش نتيجة والصريخ زاد عن الاولراح رد الاستاذ عبد المجيد وقال طب ما تيجى نعكس الآيه يا عم الشيخ طلاما ما بيحبش الطهارة ننجسهالونده عم الشيخ أبو اسماعيل يا بلد كل اللى عنده جله فى داره يجيبها طوالىوفى اقل من عشر دقائق كان المكان أنجس بقعه فى البلد بس للأسفزاد الصريخ اكتر واكتر واوشكت الناس على الموت من شدة الخوفوأخيرآ أجتمعو كلهم على أن ما فيش غير أن واحد منهم يقربله ويحاول يتفاهم معاه ويشوفو عايز ايه جايز لما نلبيله اللى عايزه ينصرفطب مين يا ولاد اللى هايدخل عليهرد الولا سليمان السايس انت ياعمده ها يخاف منك ومن هيبتك عشان انت اكبر راس هنا ايوةرد العمدة دخل عليك حنش يا بعيد ولاشك اسكت انت يا بن أبو ازازهرد الاستاذ عبد المجيد حكيم الصحهأنا شايف ان جناب المأمور هو اللى يخشلو ممكن يقدرو أكتررد جناب المأمور اروح فين يا جدع انت انا أصلآ مش مقتنع بكل الخرافات اللى بتقولوها دىرد عم الشيخ أبو اسماعيل بس اسكتو لا انت ولا هو أنا اللى هاخش واشوفو عايز ايه مننا ابن الملاعين ده ويا حرقتو يا آذانىواللى يقدرو ربنا هو اللى هايكونودخل عم الشيخ سيد أبو اسماعيل شيخ الجامع !!!!!خير يا جدع انت يا اللى اسمك ابليس عايز ايه مننا انت فاكرينى خايف منك لا (قل لا يصيبنا الا ما كتب الله لنا )صدق الله العظيم أيوة لو عايز حاجه قول وخلصنا انت عمال تعيط وتصرخ ليه كده هه أتكلمواخيرآ اتكلم ابليس....قالوه أنا بعيط عشان بشتكى البطاله مش لاقى شغلرد عم الشيخ أبو اسماعيل مش لاقى شغل !!!!!!!وليه لهو انت بتشتغل ايه أصلآ رد ابليس وقالوهأنا شغلتى فى الدنيا دى انى اوسوس لأبن آدم عشان يعمل الذنبدلوقتى أبن آدم بيعمل الذنب من غير ما أوسوسلوسؤال القصه أيه أهم شىء لفت نظرك من القصه دى؟؟؟
التائه فى نعم الله
تيمو |
| |
|
| |
الجوهرة تجارى بيشد حيله
عدد الرسائل : 293 العمر : 35 مكان السكن : فى معية الله الوظيفة : امه الله الهواية : القراءة السٌّمعَة : 3 تاريخ التسجيل : 03/07/2008
| موضوع: رد: ابليس يبكى الأربعاء أبريل 08, 2009 8:28 pm | |
| حرام عليك القصة حلوة اوى وبتشد تسلم ايدك وفعلا عندك حق دلوقتى الناس مش محتاجين لوسوسة كل واحد اتعود على الذنب ومش محتاج حد يساعده الا من رحم ربى ربنا يعذنا من الذنوب ومن ابليس يا رب العالمين | |
|
| |
hanzala زعيم تجارى
عدد الرسائل : 2605 العمر : 36 مكان السكن : cairo الوظيفة : إنسان الهواية : الوحدة العربية - إظهار كلمة الحق السٌّمعَة : 30 تاريخ التسجيل : 08/10/2008
| موضوع: رد: ابليس يبكى الأربعاء أبريل 08, 2009 10:50 pm | |
| ههههههه حلوة أوي .... بيني وبينك فيها شبه من قصة كنت كاتبها بتتكلم عن كدة إن الشيطان شال إيده من الموضوع .. لأني أي حد بيعمل ذنب دلوقتي بيقول إنه من الشيطان وبيوسوسله لكن مش واخد باله ان كتير اوي بنعمل ذنوب من أنفسنا الشيطان علمنا ازاي نذنب وبقينا استاذة في كدة طبعاً مش الكل ... ومازال هناك خير إن شاء الله وربنا يكرمك بس بجد يارب نستفيد ومنساعدش الشيطان على إنه يرجع لشغله تاني ... يعني نفسنا هي اللي توسوسلنا ... م هي نفسه هي اللي وسوستله علشان يعصي ربنا زمان أوي ... لكن نقدر نتغلب على ده إن شاء الله جزاك الله خيراً | |
|
| |
teemo تجارى ناشئ
عدد الرسائل : 94 العمر : 43 مكان السكن : القاهرة الوظيفة : باحث عن النجاح السٌّمعَة : 2 تاريخ التسجيل : 18/03/2009
| موضوع: رد: ابليس يبكى الأربعاء أبريل 08, 2009 11:10 pm | |
| ربنا يخليكى جوهرة ده من زؤك بس كان نفسى تقولى ايه اهم الاشياء لفتت نظرك فى القصه و يا ريت كل اللى يقراها يعمل كده يقول ايه النقاط اللى لفتت نظره التائه فى نعم الله تيمو يا صاحب الهم لا تهتم فأن الله فارج فكم من هم بك آلم أفكان غيره فارج ولاتحزن ان كان هم دنيا فأنك منها خارج وأعمل لدار هى مسواك أنت منها غير خارج | |
|
| |
teemo تجارى ناشئ
عدد الرسائل : 94 العمر : 43 مكان السكن : القاهرة الوظيفة : باحث عن النجاح السٌّمعَة : 2 تاريخ التسجيل : 18/03/2009
| موضوع: رد: ابليس يبكى الأربعاء أبريل 08, 2009 11:14 pm | |
| hanzalaربنا يخليك يا باشا احنا تلمذتك التائه فى نعم الله تيمو اللهم انك عفوآ تحب العفو فاعفو عنا | |
|
| |
محمود محمد فريد تجارى ناشئ
عدد الرسائل : 124 العمر : 35 مكان السكن : الجيزة الوظيفة : طالب فى كلية التجارة السٌّمعَة : 17 تاريخ التسجيل : 23/03/2009
| موضوع: رد: ابليس يبكى الأربعاء أبريل 08, 2009 11:19 pm | |
| السلام عليكم قصة جميلة والذى لفت انتباهى فى هذة القصة ان الناس كانت بتشتم بعضها قبل ما يعرفوا ما هو هذا الصوت وجاءت نهاية القصة لتوضح ذلك | |
|
| |
hanzala زعيم تجارى
عدد الرسائل : 2605 العمر : 36 مكان السكن : cairo الوظيفة : إنسان الهواية : الوحدة العربية - إظهار كلمة الحق السٌّمعَة : 30 تاريخ التسجيل : 08/10/2008
| موضوع: رد: ابليس يبكى الأربعاء أبريل 08, 2009 11:46 pm | |
| آه .. سوء الظن قصدك يعني يا حودة ؟ دي حاجة وحشة فعلاً لو كان قصدك كدة وانا فعلاً استفدت ان الناس بتتحجج وخلاص بأي حاجة المهم ميكونوش هما اللي غلطانين ربنا يحمينا من الحاجات دي يارب ----------------------- وربنا يكرمك يا تيمو وجزاك الله خير على الموضوع ده ... هي دي تأليفك؟ انت اسمك الحقيقي إيه؟ مش انت في إدارة أعمال برضه؟ يمكن أطلع أعرفك يا باشا | |
|
| |
teemo تجارى ناشئ
عدد الرسائل : 94 العمر : 43 مكان السكن : القاهرة الوظيفة : باحث عن النجاح السٌّمعَة : 2 تاريخ التسجيل : 18/03/2009
| موضوع: رد: ابليس يبكى الخميس أبريل 09, 2009 1:50 am | |
| شكرآ ليكم كتير يا جماعه ربنا يكرمكمبس انا هاقول كام نقطه كده عشان أعرف أرد عليكم صح وأوضح لكم بايجازأولآ : أخى محمود الموضوع أكبر من كده بكتير مش زى ما أنت متخيل ويا ريت تعيد النظر فى القصه وتقراها تانى لو عايز تطلع بحاجهثانيآ :hanzala بالنسبه لسؤالك هى القصه من تأليفى ؟بص يا سيدىأنا من عشاق الكتابه والرسم هما دولت صديق عمرى أى موقف يقابلنى سواء فرح حزن مضايق مبسوط ناجح فاشل أى شىء يقابلنى فى حياتى على الاطلاق على طول أجرى على الورقه والقلم هما دول الصديق اللى طول عمره بيسمعلى وعمر ما كان مشغول عنى واقولك حاجه ممكن ما تصدقهاش ساعات صديقى ده اللى هو الورقه والقلم بيعارضنى وسعاعات بيقاطعنى ومتسئلنيش ازاى ما علينا الفكرة أو القصه دى أنا كنت قرأتها فى جريدة الأهرام من أكتر من8سنين بس مش كده زى ما انت شايفها دلوقتومع انى قرأتها مرة واحدة وهى المرة الأولى اللى من 8 سنين بس فاكرها أكنى قرأتها الأنالفقير الى الله بقى خدها وعملتلها زى ما بقولو كده اعادة اخراج وعرضتها فى شكل رؤية تلفزيونيه يعنى ألفت لها أبطال وقسمتها لمشاهد وأديت كل بطل دور وعدلت فى السيناريوبتاعهاوأضافت لها شوية تشويق على حبة عناصر كده خليتها بالشكل اللى انت شوفتو ده بس أنا ما انكرش الكاتب الاساسى ليها صاحب الفكرة يعنى تقدر تقول انى خدت الفكرة الاساسيه منه بس عرضت مضونها بفكرى أناوهى دىأهم مميزات تخصصنا عن الأخرين أدارة الأعمال يعنى التطوير والأبتكار والأبداع والتميز على الأخرين حتى لو كانو أصحاب الفكرةوبكدة أبقى جاوبتك على سؤالك الثا لث أنى معاكم فى ادارة أعمالأما التانى الى هو اسمى أيه سامحنى بعد اذنك اعفينى عن الأجابهعلى فكرة الكلمات البسيطه اللى بكتبها تحت الرد أو الموضوع هى اللى من تأليفى مش كلها طبعآ حوالى 90 % منها والباقى بيبقى مقتبس او منقولأما النقطه التالتهفحب أوضح فيها للناس أن اللى أنا قصدته من كتابه القصه شىء عظيم وكبير اوى ومصيرىمش مجرد فزورة الواحد يطلع الغلط اللى فيها يعنى ممكن تلاقى فى القصة أشياء جميلة وأخرى قبيحة أنابس حبيت أوضح عشان الناس فكرها ما ينحصرش فى اطار معينوأنا انشاء الله هاقولكم على النقاط دى بس لما أسمع لباقيت الناس عشان نشوف الناس بتفكر ازاى والموضوع يسخن كده وأنا واثق ان فى ناس كتير آرأها حلوة ومفيدة كتيييييييييرو ياريت لو فى حد من الدكاترة مطلع على الموضوع يشاركنا الحوارنحب نسمع آرأهم زى ما حضرتهم بيسمعو آرأنا فى المدرج هانكون سعيدين جدآ بمشاركتهم دىمعلش سامحونى طولت عليكم بس كان لازم أوضحاللهم أنى أشكو أليك ضعف قوتى وقلة حيلتى وهوانى على الناس أنت ربى ورب المستضعفين الهى الى من تكلنى الى بعيد يتجهمنى أم الى عدوآ ملكته أمرى أن كان بك غضب على فلا أبالى ولكن عافيتك هى أوسع لى أعوذ بنور وجهك الذى أشرقت له الظلمات وصلح عليه امر الدنيا والأخرة أن يحل بى سخطك أو أن ينزل عليا غضبك لك العتبى حتى ترضى ولا حول ولا قوة الا بك آمين | |
|
| |
hanzala زعيم تجارى
عدد الرسائل : 2605 العمر : 36 مكان السكن : cairo الوظيفة : إنسان الهواية : الوحدة العربية - إظهار كلمة الحق السٌّمعَة : 30 تاريخ التسجيل : 08/10/2008
| موضوع: رد: ابليس يبكى الخميس أبريل 09, 2009 2:00 am | |
| طيب .... الرد خد معايا وقت أكتر من قراءة الموضوع وعموماً كويس .... ربنا يوفقك .. أفهم من كدة إنك عملتلها معالجة درامية يعني وظبطتها ماشي ياعم .... يمكن نطلع زُمل بعد كدة في الإخراج إن شاء الله وأنا أظن إني عرفتك ... مش مشكلة انك مش عايز تقول اسمك بس مش عارف ليه يعني بس برضه انت حر .... ربنا يكرمك وانا فعلاً كنت بلاحظ حكاية الكلام اللي في الآخر ومتخافش بيبان انت اللي كاتبه ولا مقتبس لكن المواضيع بحب أعرف صاحبها مين يعني . إحقاقاً للحق برضه جزاك الله خيراً | |
|
| |
teemo تجارى ناشئ
عدد الرسائل : 94 العمر : 43 مكان السكن : القاهرة الوظيفة : باحث عن النجاح السٌّمعَة : 2 تاريخ التسجيل : 18/03/2009
| موضوع: رد: ابليس يبكى الخميس أبريل 09, 2009 12:46 pm | |
| | |
|
| |
| ابليس يبكى | |
|