ماذا تفعل لو كنت مكانى ؟

بص

انت عملت حاجة و هى اعتبرتها حاجة غلط

انت اعتذرت عن الحاجة دى

هى من حقها تتقبل الاعتذار او متتقبلوش

فى ناس كتير بتبنى نظرتها للشخصية على اول غلطة ليها

و دة طبعا كلام غلط

المهم انك اعتذرت و حسيت بغلطك

انت كدة الجانب بتاعك خلص

يبقى الجناب بتاعها هى يا تتقبل اعتذارك يا متتقبلوش

لو تقبلتة يبقى المشكلة اتحلت

لكن لو متقبلتهوش يبقى هى سعتها مش فارق معاها انكوا تفضلوا اصحاب و اخوات

و دى حاجة بتحصل عند ناس كتير لانها غالبا بتبقى مسكتفية و مش فارق معاها النقص

فلو هى فعلا كدة

يبقى انت من حظك انها متقبلتش اعتذارك و بانت على حقيقتها من اول مشكلة

وصدقنى اللى بيروح بيجى الف غيرة

طالاما مهواش صديقك الصدوق

فاهمنى

يعنى انت كدة معلكش حاجة و عملت اللى عليك

و اللى فية الخير بيقدمة ربنا

و اكيد دة فى الاخر فية الخير ليك

يبقى متشيلش نفسك اى مسؤلية

اعتقد لما بنت بتشوف جملة معجبتهاش ..حتى لو عارفة و متاكدة من سلامة النية
فهى لازم توضح انها مش بتحب الهزار دة
علشان بس يبقى كل شخص عارف دة عنها
و اعتقد تبقى هى كدة مغلطتش

هى وضحت حدودها عشان محدش يتعداها

لانها لو فوتتت مرة هتتكرر و تبقى عادة و هى اكيد جملة هى مش حاباها

لكن ممكن جداا تكون فاهمه حضرتك صح و عارفة ان قصدك خير و مسامحاك و كل حاجة ..بس هى بتحافظ على حدود التعامل معاها ليس اكثر ..و ما دام بتحط حدود للتعامل فدة معناه انها بتقبل التعامل بس فى ظل هذه الحدود

و هى نصيحة منى بجد لكل ولد عموما

الهزار مع البنات لازم يبقى فى حدود عشان التعامل اصلا لازم يبقى فى حدود ..و محدش يزعل ان بنت بتحب تحافظ على حدودها ..لأانه اكيد يحب اخته تحافظ على حدودها

دى وجهة نظرى فى الموضوع دة

و سلااام عليييييييكم و رحمة الله و بركاته

حضرتك لو ركزتى فى الكلام يا اخت ندى
هتلاقى ان أنا ما جيبتش سيرت انها غلطانه وقولتلها كمان انك معاكى حق واعتذرت وقولت سامحينى وأعتزرت كمان انى قولت الجمله دى

ولكن المشكله هنا ان اللى كان واضح من كلامها سوء الظن بيا وبكلامى
وهى ما وضحتش زى حضرتك اتكلمتى كده
وفى فرق بين اللى حضرتك قولتيه دلوقتى وبين اللى هى قالته فى الرساله
وأنا متفق معاكى فى كل اللى قولتيه وما اعتقدش ان فى حد كويس ممكن يعارض الكلام ده

بس الخبرة فى اسلوب التعامل مع الأخرين مطلوبه
عشان بتبقى هى سبب سوء التفاهم بين الناس
وأنا كان مقياسى فى الكلام على أقرب الناس ليا ....أختى
يعنى لو فى خطأ يبقى أكيد غير مقصود
وكان واجب عليها توضحه كده زى حضرتك ما اتفضلتى وقولتى
حتى من باب زى ما أنا قولت انها مثل اختى كانت تعاملنى مثل أخوها وتقولى من باب النصيحه
يبقى منها وضحت وأفادت فى نفس الوقت

جايز بس اتكسفت توضح و لا حاجة و لا كانت مشغولة او مستعجلة

معلش برضه لكل واحد ظروفه

و ربنا يوفق حضرتك و متجيش مشاكل تانى ان شاء الله

السلام عليكم
تيمو انت اخويا وعلى الاخ ان ينصح اخوه
حتى لو انا بعرف هذة الفتاة من خمسين سنه فهذا لا يعطينى الحق فى ان اهزر معاها حتى ولو بكلام عادى فممكن ان شخص خارجى يرى ذلك وهو لا يعرفنا فيظن ظن سوء
معلش انا كلامى بايخ ولكن ان نظرت له بعين فاحصة ستجده حق وفى مصلحة الطرفين
ولو تأملت قول الله بعين صائبة وليس مجرد قراءة ستجد ما اقول حقا
فيقول الله سبحانه وتعالى (ولا تخضعن بالقول فيطمع الذى فى قلبه مرض)
هذا الكلام ليس عليك ولكن على شخص اخر رأى هذا فظن سوء فى أختنا فيبدا هو الاخر فى الهزار ولكن ليس كأخ ولكن كمعاكس لها
ولهذا ارى ان ما فعلته أختنا هو عين الصواب ولا تزعل منها ولا تزعل من كلامى فأنا كما قلت لك لا اجيد الكلام

انا ليا رد ف الموضوع ده بس لما ارجع إن شاء الله

بص يا تيمو
كنت حضرت محاضره قبل كده اتكلمت فيها الدكتوره عن مهارات الأتصال وحاجه اسمها المساحه الشخصيه personal area ودي بتبقى لكل شخص يعني مثلا لو انت اتعرفت على زميل ليك ف الكليه وجيت قمت بتهزر معاه بس بإيدك ولقيته اضايق اوي انت كده اقتحمت المساحه او محيط الشخص ده وبالتالي هو اضايق وكل ما ف الأمر انك مكنتش تعرف انه هيضايق لو هزرت معاه كده
لكن بعد لما تعرف عنه أكتر هتلاقي انه مش بيحب اي حد يهزر معاه بالشكل ده وبالتالي مش هتعمل كده لأنك عرفت
انت في المشكله اللي انت عارضها طالب للمساعده وهي جزاها الله خيرا قامت بمساعدتك
وده شغل يبقى الشغل شغل ومفيهوش هزار وانت اللي عملته انك تدخلت في ال Personal area بتاعتها وانت متعرفش ايه رد فعلها خصوصا انها بنت مش ولد ممكن يبقى عنده قابليه اكبر لإستيعاب المواقف دي كهزار
وده الغلط ونتج عنه كل الموضوع اللي بعد كده
وإعتذارك ده لأنك غلطان في وجهة نظري

جزاكم الله خيرآ

انا كنت قريت الموضوع ده قبل كده

وبصراحة مفيش توضيح اكتر من اللى قاله محمد مجدى

جزاك الله خيرا يا مجدى

واكيد الموضوع وصل كده لتيمو