فكرة جامدة للدفعة كلها

السلام عليكم


انا عندى فكره ياترى يا هل ترى هاتقبلوها والا

عايزين تعرفوا الفكره والا لأ(يا رب صبرنا)ههههههههه

الفكرة ببساطة ان احنا-نيابة عن ادارة اعمال- ممكن نعمل حفل تخرج لينا لقسم ادارة

ودى فكرة حلوة مافيش حد عملها قبل كده فى القسم تقريبا وممكن نعملها خصوصا ان عددنا صغير

يعنى ممكن نكلم اى دكتور أو أى حد يهتم بالفكرة ونجربها

وأهى ذكرى

تخيل كده وانت لابس الروب بتاع التخرج ولابس القبعة/الطاقية/(اختلفت الروايات)بتاعة التخرج

وتأخدلك كام صورة كده مع العميد والدكاترة بتاعتنا ومع أصحابك وتفرح والدك ووالدتك وجيرانك

ويبقى حسن الختام للمرحلة الدراسية ان شاء الله

ياريت ناخد الفكرة ماخذ الجد علشان لو وافقتو عليها

نرتب ليها بسرعة ونعملها للقسم بتاعنا

أرجو الاهتمام والمتابعة

المصــــــــــــــــــــــــــــ(أحبكم فى الله)ــــــ(وفقكم الله)ــــــ(أحبكم الله)ــــ(رعاكم الله)ـــــ(ايدكم الله بنصره)ــرى[/size]

السلام عليكم يا مصرى
انا موافق على هذة الفكرة الرائعة
ربنا يكرمك دى فكرة بجد جامدة بس من غير رباط هههههه

طيب وليه ميبقاش موضوع الحفله لكل Commerce 2009 زي ما انت كاتب في عنوان الموضوع
ليه خليت الموضوع مقتصر على إداره بس
إحنا فريق كوميرس 2009 عندنا فكرة حفلة التخرج للدفعه كلها من فتره وشغالين عليها بس لسه مخدناش خطوات جديه فيها عشان كنا مشغولين بندوة دكتور عمرو
لكن إن شاء الله نبدأ شغل فيها وتطلع بشكل افضل مما نتقع وتبقى لكل دفعة تجاره 2009

كلام صبرى تمام جدا وسليم

جزاك الله خيرا يا مصرى على الفكرة

لكن كلنا محاسبين واداريين تبع كوميرس

يعنى كلنا تجاريين

وان شاء الله تشارك معانا

طيب يا جميل ممكن تقولنا تصورك ايه ، والاجراءات الواجب اتخاذها


وكلمنا أكنك فعلا بتنفذ ، وقولنا اللي يحصل ايه مثلا


ربنا يكرمك علي نيتك الجميلة

ربنا يكرمك و فعلا الفكرة جميييلة اوى ..و فعلا زى ما قال محمد مجدى كنا بنفكر فيها لكل الدفعه كمان
هتبقى احلى اكيد لما نتجمع كلنا و تبقى حفله لكل دفعتنا ..دفعه commerce2009

بس فعلا يا ريت زى ما قال ادمن تقوللنا اقتراحاتك و تصورك ليها و كل واحد مننا كمان يقول عشان نشوف ممكن ننفذها كلنا ازاى علشان تطلع فى احسن صورة

و هل حد يعرف ناس عملتها و نسالهم ازاى اتعملت و كدة (نستعين بخبراتهم يعنى )

انا فعلا اعرف

وانا نظمت مع ناس حفلة تخرج كلية هندسة جامعة حلوان دفعة 2008

ربنا يسهل

طيب تمام أوي

السلام عليكم


الاجراءات لو عايزينها ممكن نتكلم مع اى دكتور ونعرف منه التفاصيل بالظبط

اما حتة التنظيم دى ممكن احنا ننظمها مع بعض

وانا اتكلمت بالنيابة عن قسم ادارة علشان العدد صغير فيه

فلو فيه طريقه تخلينا نطبقها على الدفعة كلها يبقى احسن

علشان العدد هايبقى كتيير جدا

وياريت اللى يحب يقترح اى حاجة بخصوص الموضوع ده يقول لنا عليها وانا مستعد انى اكون اول واحد يشارك معاكم

وياريت الكلام يتنفذ لفعل وبسرعة علشان اعتقد ان الوقت قدامنا مش كتير

المصرى
[/size]

fwvhpm hkh ltila tn hgl,,u ]m ohgw

, ll;k g, fv,tds,v dr,gkkh ulg,h hdi fhg/f' shujih tn ik]sm , kph,g k,a,t h.hn ll;k k'fr ]m ugn phgjkh

صعب اصدقك يا ندي


ههههههههههههههههههههههه


انا عايز اقولكم ان كان عندي فكرة مشابهة


اننا نعمل حفلة تخرج لكل سنة رابعة


بس برة الكلية علشان الاجراءات

وتكون في مكان معين نحدده


والفكرة دي جاتلي لما كنت بأقضي يوم في احدي القري اللي حوالين هرم سقارة


ممكن نتفق مع ادارة القرية دي ونظبط حفلة هناك


خصوصا ان المكان ده فيه فطار وغدا في اليوم وفيه حمام سباحة كبير وفيه دي جي وفيه ملعب كرة قدم كبير وفيه ملعب تنس وفيه بلياردو وفيه بنج بونج

وفيه مكان علشان يتركب فيه الجمال والخيل والحمير


كده يعني


ولما سألت عن التكلفة كانت في حدود 100 جنيه للفرد

وطبعا العملية بالتفاوض اكيد


قولتم ايه؟

وممكن ساعتها نعزم العميد والدكاترةاللي احنا عايزينهم


ايه رايكم؟

انا كنت بقول انى مش بفهم خالص فى الحاجات دى
و ان ممكن بروف يقولنا هما عملوا ايه عشان نحاول نطبق دة عندنا برضه

اوكي ربنا يكرمك