أفضل زي مانا ولا اغير من نفسي ؟؟ .. (سؤال محتاج إجابة)

فكرة الموضوع حلوة

ربنا يكرمك

عاشق الجنة كتب:

هل شايف انك بقيت زي مانت كنت عايز ولا لا ؟؟

الحمد لله كما ينبغي لجلال وجهه وعظيم سلطانه

اه بنسبة كبيرة

بس فى شوية حاجات بسيطة مش اه اوى

اقتباس :

لو افترضنا الاجابة اه .. عملت ايه عشان تحقق ده ؟؟

هو انا الحمد لله قبل دخول الجامعه قررت كذا قرار
و رسمت اطار معين للشخصية اللى حبيت اكون عليها
و حطيت مجموعه من المبادىء ليا
و اعتبرت المبادىء دى قوانين و خطوط ممنوع اعديها
و لما بحس ان خط ابتدى يتهز شوية ..ببدا افوق نفسي و احاول ارجع تانى و اقوى خطوطى

بس عشان ميتقالش انى مثالية اوى

اكيد انا زى اى حد الخطوط بتاعتى دى ساعات بتتضعف و تبقى هتقع ..لكن الحمد لله مفيش حاجة وقعت خالص يعني ..يمكن فى حاجات مبقتش قوية زى ما كنت عايزة
بس بحاول اصلحهها باذن الله

و فى خطوط قويت اكتر كمان من ما كنت عايزة الحمد لله

عمما و بعد 4 سنين تقريبا ..اعتقد انى مشيت على اللى كان نفسي اكون عليه تقريبا بتقدير جيد جدا اديه لنفسي ..80% كدة

لكن نفسي اوصلله لل100%


بس ال20% هما الى معكننين عليا

و السنة دى بالذااات

لانهم تقريبا كنت محققة 90% السنين اللى فاتت ..السنة دى قلت

و قعدت اشتكى لاصحابى و اقولهم انى حاسة انى مش انا ..بس قالولى مينفعش تفضلى انتى زى ما انتى
لازم الواحد يتغير ما دام تغييره مش غلط و لا حرام
بس انا فى حااجات هى متغيرتش فيا ..لكن فى الظروف اللى حواليا و مسببالى خنقه لانها ماثرة عليا و على وصولى للشكل اللى بحب اكون عليه

فمش عارفة اصلا انا شوية التغيير اللى اتغيرتهم السنة دى عن ال3 اللى فاتوا ..دى ميزة و لا عيب

مش عارفة هل دى صورة افضل من اللى انا اصلا كنت عايزة اوصل لها
و لا دى اوحش و انا محققتش هدفى

للاسف مش عارفة و دة اللى مزهقنى

يا رب يكون للاحسن

سلااااااااام عليكم و رحمة الله و بركاته

حلو الموضوع ده
انا من ساعة ماعرفت نتيجه التنسيق وانى هروح تجاره القاهره خططت هعمل ايه فى كل سنه من الاربع سنين وبنسبه كبيره ربنا كرمنى الحمد لله وحققت اكتر مما كنت متوقع يمكن كبر مكسب حققته هوا الناس الى عرفتها .. دول هما كنزى الحقيقى
على المستوى الشخصى الامور مشيت كويس بس يمكن السنه دى ولعوامل معينه شوفت كذا حاجه كده ضايقتنى .. بس الحمد لله

وليا تعليق على كلام ندى

الله فكره الموضوع جميله

كلها 3سنين واجى اجاوب ان شاء الله

ربنا يكرمك على الموضوع مقدما على ما اجى اجاوب

لو ربنا ادانى طوله العمر

the traveller كتب:

حلو الموضوع ده
انا من ساعة ماعرفت نتيجه التنسيق وانى هروح تجاره القاهره خططت هعمل ايه فى كل سنه من الاربع سنين وبنسبه كبيره ربنا كرمنى الحمد لله وحققت اكتر مما كنت متوقع يمكن كبر مكسب حققته هوا الناس الى عرفتها .. دول هما كنزى الحقيقى
على المستوى الشخصى الامور مشيت كويس بس يمكن السنه دى ولعوامل معينه شوفت كذا حاجه كده ضايقتنى .. بس الحمد لله

وليا تعليق على كلام ندى

ربنا يستر

و الحمد لله انك حققت فوق المتوقع فى حاجات كتير و ربنا يبعد عننا كلنا كل اللى بيضايقنا

فداءً لتراب القدس كتب:

الله فكره الموضوع جميله

كلها 3سنين واجى اجاوب ان شاء الله

ربنا يكرمك على الموضوع مقدما على ما اجى اجاوب

لو ربنا ادانى طوله العمر

يا بنتى عادى مش بقالك سنتين ..ينفعوا برضه

بعدين تقيمي نفسك دلوقتى احسن بكتييييييير

لان التقييم المفروض بشكل دورى مش بعد فوات اللاوان زينا كدة ..بس فى امل برضه

هو بالنسبة لي كنت فعلا حاطط لنفسي خطة والحمد لله كنت ماشي عليها كويس من سنة اولى ، بعد كدة دخلت في مجال التنمية البشرية ساعدتني اكتر خصوصا لانها بتتكلم اكتر في جزء إدارة الذات وهو ده اصل التنمية البشرية وأساس للناجحين ( ربنا يجعلنا منهم جميعا )

مشكلتي كانت في النتايج هي اللي كانت بتأثر فيا يعني بكون الحمد لله مشترك في رسالة ومحقق معاها انجاز كويس واتعرفت على ناس هناك وشخصيات بجد اعجبت بيهم جدا ، غير الناس اللي معايا في الكلية بجد هم الكنز واحسن حاجة الواحد ممكن يطلع بيها


ندى .. جميل انك كنت حاطة خطة من قبل الدراسة وكنتي متابعة عليها ، انا مع جملة ان فعلا الانسان بيتغير من وقت للتاني .. يمكن يومياً كمان .. بس المهم إنه يكون للاحسن ويكون هو متابع ده


محمد .. رائعة بجد حكاية الخطط وان الحمد لله ربنا كرمك وحققت منها كتير (ان لم يكن كلها ان شاء الله ) .. طب ماتخبرنا عن شئ من خططك وتفاصيل اللي حصل عشان تحققه والعقبات اللي واجهتها


فداء .. ربنا يكرمك على ردك .. طب هل شايفة انك الشخصية اللي كنت متخيلها قبل كدة ولا لا ؟؟

اقتباس :

[quote="عاشق الجنة"]هو بالنسبة لي كنت فعلا حاطط لنفسي خطة والحمد لله كنت ماشي عليها كويس من سنة اولى ، بعد كدة دخلت في مجال التنمية البشرية ساعدتني اكتر خصوصا لانها بتتكلم اكتر في جزء إدارة الذات وهو ده اصل التنمية البشرية وأساس للناجحين ( ربنا يجعلنا منهم جميعا )

مشكلتي كانت في النتايج هي اللي كانت بتأثر فيا يعني بكون الحمد لله مشترك في رسالة ومحقق معاها انجاز كويس واتعرفت على ناس هناك وشخصيات بجد اعجبت بيهم جدا ، غير الناس اللي معايا في الكلية بجد هم الكنز واحسن حاجة الواحد ممكن يطلع بيها

طب يعنى حاسس انك مشيت احسن بمن اللى كنت مخططله و لا اقل و لا هو ؟؟

اقتباس :

ندى .. جميل انك كنت حاطة خطة من قبل الدراسة وكنتي متابعة عليها ، انا مع جملة ان فعلا الانسان بيتغير من وقت للتاني .. يمكن يومياً كمان .. بس المهم إنه يكون للاحسن ويكون هو متابع ده

اكيد كل شىء بيتغير و بالتالى الانسان بيتغير

بس المششكلة ان ساعات لما الانسان يرسم صورة و يلاقى غيرها شوية
مبيبقاش ساعات قادر يحدد هى حلوة فعلا بس هو اللى مش متعود عليها و اول مرة يشوفها فمستغرب عليها
و لا هو فشل و خطته باظت لانه وصل للصورة المختلفة شوية دى


فدة خلانى فعلا بقول .أفضل زى ما كنت و لا اغير من نفسي

[quote]ربنا يستر
هوا انا كلامى صعب كده ولا ايه
و الحمد لله انك حققت فوق المتوقع فى حاجات كتير و ربنا يبعد عننا كلنا كل اللى بيضايقنا[/
quote]

اقتباس :

و قعدت اشتكى لاصحابى و اقولهم انى حاسة انى مش انا ..بس قالولى مينفعش تفضلى انتى زى ما انتى
لازم الواحد يتغير ما دام تغييره مش غلط و لا حرام
بس
انا فى حااجات هى متغيرتش فيا ..لكن فى الظروف اللى حواليا و مسببالى خنقه
لانها ماثرة عليا و على وصولى للشكل اللى بحب اكون عليه
يعنى ممكن نقول مثلا ان البيئه الخارجيه اثرت عليكى شويه؟
طب لو كده اشمعنا التأثير ده حصل دلوقت ماحصلش ليه قبل كده فى السنين الى فاتت؟
ومش ممكن التأثير ده يكون ايجابى وبفرض انه تهديد مش ممكن تحوليه لفرصه تستفيدى منها؟
وبفرض انه تهديد ماعرفتيش تحوليه لفرصه طب مش ممكن تتخلصى منه؟
دى اسأله ليكى يعنى مش لازم تجاوبى عليها
فمش عارفة اصلا انا شوية التغيير اللى اتغيرتهم السنة دى عن ال3 اللى فاتوا ..دى ميزة و لا عيب
شوفى كنتى فين وبقيتى فين وقيمى التغيير الى حصل وخدى قراراتك
مش عارفة هل دى صورة افضل من اللى انا اصلا كنت عايزة اوصل لها
و لا دى اوحش و انا محققتش هدفى

للاسف مش عارفة و دة اللى مزهقنى

يا رب يكون للاحسن
ان شاء الله يكون للاحسن
سلااااااااام عليكم و رحمة الله و بركاته

اقتباس :

هوا انا كلامى صعب كده ولا ايه

لا و الله ..انا خايفة ليكون انا اللى كلامى صعب

اقتباس :

يعنى ممكن نقول مثلا ان البيئه الخارجيه اثرت عليكى شويه؟

ايوة

اقتباس :

طب لو كده اشمعنا التأثير ده حصل دلوقت ماحصلش ليه قبل كده فى السنين الى فاتت؟

عشان السنين اللى فاتت كانت الناس عارفنى من سنة اولى و عارفين طباعى ففضلت بشخصية سنة اولى
اما فى رابعه عالم جديد ..
بس ليه مبقتش اولى زى رابعه
علشان الناس بتوع اولى غير الناس اللى داخلين رابعه

اقتباس :

ومش ممكن التأثير ده يكون ايجابى وبفرض انه تهديد مش ممكن تحوليه لفرصه تستفيدى منها؟

اه اكيد
بحاول اعمل كدة ..بس هى الفكرة انى مستغربانى

اقتباس :

وبفرض انه تهديد ماعرفتيش تحوليه لفرصه طب مش ممكن تتخلصى منه؟

لا يبقى هتخانق

اقتباس :

دى اسأله ليكى يعنى مش لازم تجاوبى عليها

ادينى جاوبت

اقتباس :

شوفى كنتى فين وبقيتى فين وقيمى التغيير الى حصل وخدى قراراتك

حاضر ..ان شاء الله

اقتباس :

ان شاء الله يكون للاحسن

يا رب

ربنا يكرمك

انا لسه فى تانيه بس ذى ماقولتى ياندى التقيم دلوقتى احسن من بعدين
انا اول ماعرفت انى دخلت كلية تجاره خططت انى لازم قبل ماخلص الكليه
لازم اكون خلصت كورسات Eوكمبيوتر وتدريب فىبنك كل دا طبعآ فى الاجازه
مع انى كنت مش بحب الكليه بس قولت انا انى لازم اكون حاجه فى المجال دا مش ذى اى واحده دخلت الكليه وخلاص ويبقى الاسم انى جامعيه
وادى اجازة اولى عدت مش هاقدر اقول انى استغلتها قوى بس برده مش ضيعتها
وادينى من دلوقتى بسأل عن اماكن كويسه للكورسات؟
ياريت لوحد يعرف ويرد عليا؟
اما بالنسبه للناس اللى قابلتهم فى الكليه!
للأسف كنت فاكره انى هاقابل ناس كويسه بس للاسف قابلت ناس غير كدا خالص!
اه قابلت ناس كويسين بس غيرهم كان اكتر!!!!!!!!!!!!!!!!!!!!!!!!!!!!!!!!!!!11

والله يا جوهرى انا حاسس انى اتغيرت كثير واظن انه للاوحش
هو انا اتعلمت قيم جديدة ولكن ليس كلها جيدة
انا مش عارف هل انا حاليا صح ام خطأ
ارجو من اصدقائى ان يقولوا لى هل انا صح ام لا دون مجاملة

منورييييين يا جماعة

واضح ان الناس كانت متوقعة حاجات قبل الجامعة بس فيه توقعات اتغيرت بعد دخولها

ممكن يكون ده بيعبر عن الفرق بين التوقعات والواقع ؟؟

واحد صاحبي قاعد معايا دلوقتي قاللي على حاجة في الموضوع ده

قاللي ايه ؟؟

قاللي ان فيه في علم النفس ان دايما بيكون في صراع داخل الانسان بسبب ان توقعاته بتكون مختلفة عن الواقع ومش هينتهي الصراع ده الا اما يحصل تطابق بين اللي بيتوقعه لنفسه واللي بيتحقق فعلا في الواقع

ايه رايكو في الكلام ده ؟؟

شايفين انه كدة لسع ولالسة ؟؟

اقتباس :

فداء .. ربنا يكرمك على ردك .. طب هل شايفة انك الشخصية اللي كنت متخيلها قبل كدة ولا لا ؟؟

اولا انا اسفه انى ما رديتش قبل كده ,,بس كنت مشغوله فى الامتحانات الشفوى

ثانيا انا بصراحه مش عارفه خالص ولا قادره احدد حتى يمكن لان الترم ده حاسه انه غريب

وحاسه ان انا مش انا لاول مره فى حياتى

بس بيتهيالى على حد وجود اللى باقى من عقلى يعنى

انى على بدايه الطريق يعنى كفايه انى اتطورت شويه عن السنه اللى فاتت

بس لسه انا كنت راسمه لنفسى حاجه وما لاقيتهاش خالص

(( يمكن الجو العام فى الكليه كان جزء من اللى تحقيق احلامى
فاختلاف الجو ادى لاختلاف الحلم شويه ادى الى الكسل ..يعنى شىء من هذا القبيل ,,))

ربنا يعنى يارب واقدر اعملها خصوصا ان فى جزء فيها مالهوش علاقه بالمذاكره خالص

هو بس محتاج همه عاليه ,,وربنا يعنى بقى وان شاء الله اقدرانفذه من اول السنه الجايه باذن الله

اذا ربنا ادانى طوله العمر

واسفه مره تانيه على تاخيرى فى الرد

موضوع جميل



اه بقيت زي ما انا عايز في اغلب الحاجات ، واحسن في حاجات تانية

بس فيه حاجات برضه ما كملتش



وبالنسبة عملت كده ازاي


دورت علي مشاكلي ، وحليتها ، وعقدي وعالجتها



بس كده