نشاط جديد من نوعه

ارجو من الساده المسؤلين والمشرفين على هذا الموقع الا يتجاهلوا مشاركتي او يحذفهوها

(ادارة المنتدى: حاااضر..من عنيننا ..[س هنشيل بس بعض الفاظ حضرتك لان منتدانا مبيسمحش بالانتقاد بالاسلوب دة..و نرجوا من اعضاءنا الكرام قراءة الردود)


النشاط الجديد من نوعه هو ......بعنوان الندوات واخص بكلامي اسرة شباب النيل اللي اخذت من الطلبة 5 جنية من كل واحد فيهم علي اساس انه في شهاده وفضوا الخيمة بتعاتهم اللي جانب مدرج ه ومشيوا ارجو بقى الرد من العميد والمسؤلين الرد علي هذه ...... التي تحدث باسم الندوات والشهادات (ارجو لا تمسحوا هذه المشاركة )

اعتقد حضرتك عملت الموضوع اللى زى دة و حذفناه ووضحنا لحضرتك ان الشهادات
موجودة و كل الناس بتاخدها

و اعتقد ان حضرتك المفروض متتكلمش عن الناس اللى
تعبت و اشتغلت عشان سيادتك تستفيد بالصورة دى

و اعتقد ان حضرتك داخل تعمل
مشاكل و بس

لان الكلام دة اتوضح لحضرتك كويس اوى قبل كدة ..و حضرتك داخل
برضه تتكلم بنفس الاسلوب و كمان بتطلعنا اننا ادارة المنتدى المستبد اللى بيكتم صوت
سيادتك مع اننا احترمناك و شيلنا موضوعك السابق بدل ما كل الناس تدخل تتخانق معاك
لان حضرتك غلطان فيه و كل اعضاءنا المحترمين عارفين كدة كويس و كلهم حصلوا على
شهاداتهم و استفادوا من الندوة الترم دة و اللى فات و خدوا الماتريال و الفيديو من
هنا

من فضل حضرتك

يا ريت تفكر فى كل كلمة قبل ما تكتبها ..مش بس
عشانننا ..علشان ربنا شايفك و الملايكة بتكتب كل حرف انت بتكتبه
فشوف كلام
سيادتك هيوديك لفين

باتهاماتك الباطلة و اثارتك للمشاكل غير الحقيقية


سلام عليكم و رحمة الله و بركاته

احسن حاجة فعلا الموضوع مايتمسحش

عشان اعضاءنا الكويسين (اخواتنا ) يعرفوا احنا بنعانى قد ايه

لا حول و لا قوة الا بالله

مش عارفة بجد ايه اللى ممكن يخلى انسان معندوش هم غير انه يعمل مشاكل ..لأيه..ايه المتعه فى كدة ؟؟

احنا ايام امتحانات و انصح حضرتك بالمذاكرة احسن من الهواية العجيبة اللى حضرتك بتمارسها دى

فى الاول التمسنالك العذر

لكن دلوقتى و بعد ما وضحنالك كل حاجة ..انا حقيقى مش عارفة اسباب التصرفات العجيبة دى ايه

لا حول و لا قوة الا بالله

فيه نقطة عايز اوضحهالك يا ساسو الخيم بتاعت الاسر مش متشالة بمزاج الناس اللي ماسكة الاسر ده بأمر من الكلية ولو خدت بالك هتلاقي ان كل الاسر بالنظام ده مش شباب النيل لوحدها ولو ع الشهادة هتلاقي الناس بتاعت اسرة شباب النيل اللي معاهم الشهادات قاعدين في مكان الاسرة ومعاهم الشهادات وبيسلموها للناس ولو ده محصلش ابعت لي رسالة وانا هتصرف معاك في الموضوع ده ان شاء الله

أولا:
انا رديت عليك قبل كده في رسالة خاصة أعتقد انها وصلت ليك وشفتها .. بس طالما انت مصر إن الموضوع يبقى مفتوح على المنتدى فده من حقك انك تتناقش في أي حاجه انت معترض عليها ولكن زي ما قلتلك قبل كده في الرسالة إن الأعتراض بيكون بإسلوب متحضر ياريت تلتزم بيه وعلى ذلك هيتعدل الموضوع بتاعك وهيتحذف منه الكلام التافه اللي يتضمنه.

ثانيا:
انا عايز أقولك إن جزء من احترامنا لأنفسنا هو إحترامنا للاخرين وحتة إحترام الاخر دي للأسف
هي مش عندك وده بيعكس الجزء الأولاني من المقولة اللي هو عدم إحترامك لنفسك .

ثالثا:
ودي الحته اللي تهمك واللي المفروض إنك تركز فيها بدل الكلام اللي انت بتكتبته ده:

1**الشهادات نزلت للتسليم في مقر الأسرة يوم الثلاثاء في الأسبوع اللي فات وناس كتير الحمد لله استلموها.

2** الأستندات (الخيمة اللي بتقول عليها) اتشالت بدري عشان كان فيه ناس بتوع مراقبة جودة وعدوا في تجاره وجت تعليمات إن كل استندات لكل الأسر تتشال عشان مش مطابقة لقوانين الجودة فاتشالت الأستندات لكن الناس كانوا موجودين وبيوزعوا الشهادات.

3**التوزيع استمر ليوم الخميس وبعد كده الشهادات راحت لمقر اتحاد الطلاب وبقت تتوزع من هناك.

4**النهارضه الشهادات بقت في مقر لجنة الأسر فوق مدرج (ج & د) نظرا لإن النشاط الطلابي خلص في الكلية وبناء عليه الشهادات بقت مع موظفي لجنة الأسر.

5** لو أحب أضيف لمعلومات ..أسرة شباب النيل اللي انت بتتكلم عنها هي الأسرة الاولى في تنظيم ندوات لطلبة الكلية حضرها عدد كبير من طلبة الكلية وطلبة الكليات الأخرى وطلبة من جامعات أخرى الحمد لله وده بيدل على نجاحها بالإضافه إلى إن مفيش اي اسرة في كليتنا بتعمل ندوات من النوع ده وكل شغلهم بيتركز على الرحلات والحفلات والمسابقات الترفيهية اما الندوات فبيشتغل فيها الجمعية العملية و إتحاد الطلاب

رابعا:
انا اسف لأي عضو شاف الموضوع ده وضايقه او شغل جزء من وقته في وقت مش ينفع فيه الكلام ده عشان المذاكرة والإمتحانات وربنا يوفق الجميع .....شكرا لندى ولشادية ولعاشق الجنة

طيب ... كلمة لابد منها

أنا شوفت الموضوع واستغربته فعلاً
ومكنتش هرد لأن الناس ردت ووفت الكلام حقه لكن لو كنا هنتكلم عن الحقوق فأقل ما يجب أن يقال لمنظمي الندوة تعبيراً عن الشكر والاحترام ليهم ولمجهوداتهم مش بس اللي ظهرت للناس لأ وكمان اللي مشوفناهاش
وعن ذكر الحقوق يمكن مكانش من حقي إني أرد لأني مش صاحب الموضوع ولا حاجة لكن برضه أعتقد مش من حقك تتهم حد من غير م يكون فيه اجماع على حاجة
يعني انت كان كل همك في دفع ال 5 جنيه بغض النظر عن قيمة المبلغ أو المبدأ المهم الشهادة بالنسبة لك .. أؤكدلك إنك واحد من الناس اللي كانوا قاعدين حواليا وبيضحكوا وجايين كأنهم طالعين رحلة لكن رغم كل ده محدش فرق بين كل الناس في موضوع الشهادة والمبلغ كان مجرد تكلفة طبع الشهادة بالخامة اللي ظهرت عليها دي واللي انت مشوفتهاش لأنك مكلفتش نفسك تسأل صح أو بطريقة كويسة أحسن من كدة
أنا بتكلم بصفتي إيه؟
بصفتي واحد حضر الندوة وللعلم مكنتش أعرف إن في الحكاية دفع 5 جنيه وسيبت إسمي ومتأكد إني هاخد الشهادة بدون التطرق لأي كلام آخر أو تفاصيل ... و بغض النظر عن الماديات سواء المبلغ أو الشهادة فيكفي المادة العلمية اللي خدتها تكفي أن تظل شاكراً لما تعلمت .. إن كنت فعلت
لا أتهمك بكل تأكيد ولكنك اتهمت ..
ولن أزيد على كلام محمد مجدي أحد المنظمين و المسئولين في إنهم يعملوا ندوات بالشكل ده وهما لسة طلبة علشان يجيي ناس زينا وزيك وزي ناس تانية كل واحد واهتمامه اللي جاي يتفسح واللي جاي يتعلم بجد واللي جاي علشان فاضي
ربنا يهدي

شكرا على ردك يا حنظلة

السلام عليكم ورحمة الله وبركاته
ربنا هو بس اللي بيقدر تعب الناس يا ندى الاسر اللي الاستاذ ساسو عمال يشتمها مش مقدر هي بتتعب قد ايه ربنا معاكم ويقويكم ويبعد عنكم كل الناس اللي زي ساسو ده ماتزعلوش

لا حول ولا قوه والا بالله

فى ناس كانوا محتاجين انهم يدخلوا كليه لا فيها اتحاد طلبه كويس

ولا فيها اسر وشباب جامعى بيحاول ويتعب ويستنفذ وقته الخاص بيه

ويبذل مجهود كبير جداااااااااااااااااا علشان بس.... يفيد غيره

كانوا محتاجين انهم يلاقوا كل واحد فى نفسه وبس ويلاقوا كل حاجه ممنوعه

علشان يعرفوا قيمته اللى هما فيه ؟؟؟

وقيمه يعنى ايه زمايل ليا فى الجامعه يتعبوا نفسهم

ويستنفذوا وقتهم فى انهم ينظموا ندوه كبيره زى دى

ويكون اللى بيحاضر فيها انسان محترم ومميز ومعروف فى مجاله زى د/عمرو عثمان كده

وكمان فيها شهاده وبسعر رمزى جدا جدا جدا جدا جدا زى ده

واكيد انه الانسان يُحرم من النعمه هو الحل لمعرفته بقيمتها

مش عارفه اقول ايه ؟؟؟بس بجد مصدومه جدا من الكلام والموضوع الاولانى

وماتخيلتش ان المجهود ده يقابل كده ؟؟؟

رانوو كتب:

السلام عليكم ورحمة الله وبركاته
ربنا هو بس اللي بيقدر تعب الناس يا ندى

عندك حق

الاسر اللي الاستاذ ساسو عمال يشتمها مش مقدر هي بتتعب قد ايه ربنا معاكم ويقويكم ويبعد عنكم كل الناس اللي زي ساسو ده ماتزعلوش

شكرا يا رانوو على ردك

فداءً لتراب القدس كتب:

لا حول ولا قوه والا بالله

فى ناس كانوا محتاجين انهم يدخلوا كليه لا فيها اتحاد طلبه كويس

ولا فيها اسر وشباب جامعى بيحاول ويتعب ويستنفذ وقته الخاص بيه

ويبذل مجهود كبير جداااااااااااااااااا علشان بس.... يفيد غيره

كانوا محتاجين انهم يلاقوا كل واحد فى نفسه وبس ويلاقوا كل حاجه ممنوعه

علشان يعرفوا قيمته اللى هما فيه ؟؟؟

وقيمه يعنى ايه زمايل ليا فى الجامعه يتعبوا نفسهم

ويستنفذوا وقتهم فى انهم ينظموا ندوه كبيره زى دى

ويكون اللى بيحاضر فيها انسان محترم ومميز ومعروف فى مجاله زى د/عمرو عثمان كده

وكمان فيها شهاده وبسعر رمزى جدا جدا جدا جدا جدا زى ده

واكيد انه الانسان يُحرم من النعمه هو الحل لمعرفته بقيمتها

مش عارفه اقول ايه ؟؟؟بس بجد مصدومه جدا من الكلام والموضوع الاولانى

وماتخيلتش ان المجهود ده يقابل كده ؟؟؟

بس دى حاجه تستدعى الفخر لأسره شباب النيل

لان ده اكبرررررررررررررر دليل على نجاحهم

مبارك عليكم النجاح

ربنا يكرمك يا فداء ويجازيكي خير على ردك

ربنا يكرمكوا بجد كلكوا على ردودكم

يمكن (ساسو) يعرف بجد احنا مسحنا الموضوع الاولانى ليه

عشان كنا متاكدين ان معانا ناس كويسين كدة..و هتقف و تقول الحق..

اعتقد ان شاء الله لا يمكن حد تانى هيدخل و يعمل كدة

و بالنسبة لساسو ..ربنا كريم و بيسامح .استغفر ربنا و احنا الحمد لله منعرفكش..اعمل عضوية جديدة و ادخل معانا كأخ لينا ..حاول تحب الناس و تعاملهم بخير و بالمعاملة الجميلة اللى ربنا امرنا بيها

و اكيد ساعتها هنقبلك لو رجعت و انت عضو فعال عايز تفيد و تستفيد ..مش عايز تضر زى المرة دى

احنا فى كوميرس هنا (او فى الاسرة اللى بنقدم انشطتنا الجامعية من خلالها - اسرة شباب النيل- زى ما دكتور عادل طلب مننا من اول ما تعرف علينا علشان نشتغل فى اطار رسمي )

احنا هنا هدفنا نتجمع و نبقى ايد واحد بتساعد بعض
و نبقى دفعه قوية و متماسكة و مثال للخير و التعاون

فلو حضرتك من دفعتنا ا حتى من يرها .احنا هنرحب بيك كعضو جديد و فعال ..بس تغير نفسك و تستغفرر ربنا و تنوي انك مش هتتعامل مع اخواتك كدة تانى

و سلام عليييكم و رحمة الله و بركاته

كل إناء ينضح بما فيه

أنا كنت هقلل من السمعة عنده برضه .. وبعدين قولت لأ حرام
لأنه لقى هجوم كبير ... لكنه الصراحة مكانش هجوم خالص .. وأكيد مكانش دفاع علشان هما مش متهمين بالتهمة دي علشان ندافع عنهم أو يدافعوا عن نفسهم لكن ده كان إسمه قول الحق لازم كنا نقول اللي حصل بجد
فقولت إحنا مش بنعاقب حد أو بنعامله زي م عاملنا .. هو غلط واحنا عارفين وإن شاء الله الموضوع يتحل وياخد شهادته ولو ليه نفس يكتب كلام تاني كويس إحنا أول من سيقف إلى جانبه .. لأن أكيد اللي بيغلط مش بيغلط علطول ... كل حاجة ليها حسابها مش على المجمل
وغالباً بيكون المواقف دي بتخلي العلاقات أقوى
لكنه فعلاً يقتنع إنه كان غلطان
ربنا يهدي الجميع
وجزى الله الجميع كل خير ويوفقنا كلنا لما يحب ويرضى

عارفين من الحااجات الحلوة اللى عمله العضو (ساسو) ايه

انه خلانا نمشى خطوات زيادة فى تحقيق هدفنا

احنا اتجمعنا اكتر

و اتجمعنا على الحق

و دة شىء حلو اوى اوى

بجد وقفة الناس جنب بعض .و اللى بتبان وقت الجد..هى دى الحاجة اللى نفسنا نوصل ليها دايما

الحمد لله

شكرا لساسو

كان فيه كلمة لمصطفى حسني كان بيقول ان الناس بتعكس الصفات اللي موجودة عند الانسان



اعتقد ان احنا استفدنا من الموقف ده

الحمد لله

وعسى ان تكرهوا شيئا و هو خير لكم

الحمد لله