اتعلمت ايه النهاردة ؟؟

Admin كتب:

كلما ازدادت علما ، كلما ازدادت علما بجهلي


هكذا قال أحد السابقين

كلـما أدبني الدهـر --- أراني نقص عقلي
وإذا ما أزددت علما --- زادني علما بجهلي

للإمام الشافعي ... شوفت الإمام الشافعي اللي بيقول كدة .. امال احنا نعمل إيه؟

اللهم انفعنا بما علمتنا وعلمنا ما ينفعنا

بسم الله ما شاء الله عليك


اتعلمت حاجات جديدة برضه في كورس الصيانة اللي شغال فيه

معلش لو كنت بصلح .. طالما كنت فيه حاجة عارفها محبش أكتمها .. ده مش إحراج ليك طبعاً إنت فاهم .. ده احنا بينا عشرة عمر (يوم المعرض) بس بألف يوم يا صديقي

تعلمت أن الكلمات التي قد تداوي الجروح ربما تكون جارحة أكثر

لا تجرحي التمثال في إحساسه فلكم بكى في صمته تمثال
قد يُطلع الحجر الصغير براعماً وتسيل منه جداول وظلال

انتوا بتتعلموا حااجت صعبه

----------------------

اتعلمت ان مشكلة توحيد العرب هى ان محدش بقى عنده ثقافة الوحدة الا قليلين اوى اصلا ..لو كل اسرة اتوحدت و بعدين كل عيلة و بعدين كل منطقة و كل كلية و كل جامعه و كل محافظة ثم كل دوله ..هتكون الخطوة اللى بعد كدة وحدة الامة

بس هل يا ترى احنا كل واحد فينا جواه ثقافه انه عايز يكون مع غيره

حاسس ان المسلم اخو المسلم ..
و ان المسلم للمسلم كالبنيان .يشد بعضه بعضا

.. عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: (مَثَلُ الْقَائِمِ عَلَى حُدُودِ اللَّهِ وَالْوَاقِعِ فِيهَا، كَمَثَلِ قَوْمٍ اسْتَهَمُوا عَلَى سَفِينَةٍ، فَأَصَابَ بَعْضُهُمْ أَعْلاهَا وَبَعْضُهُمْ أَسْفَلَهَا، فَكَانَ الَّذِينَ فِي أَسْفَلِهَا إِذَا اسْتَقَوْا مِنَ الْمَاءِ، مَرُّوا عَلَى مَنْ فَوْقَهُمْ، فَقَالُوا: لَوْ أَنَّا خَرَقْنَا فِي نَصِيبِنَا خَرْقًا، وَلَمْ نُؤْذِ مَنْ فَوْقَنَا، فَإِنْ يَتْرُكُوهُمْ وَمَا أَرَادُوا هَلَكُوا جَمِيعاً، وَإِنْ أَخَذُوا عَلَى أَيْدِيهِمْ نَجَوْا وَنَجَوْا جَمِيعًا).

لو كل واحد قال و انا مالى و سبنا كل واحد يعمل اللى هو عايزه ..هنقع كلنا


دلوقتى بس فهمت كان ليه بيسيبنا دكتور من الدكاترة و يقولننا الحديث دة و كنت بزعل منه و بقول انه بيعاقبنا كلنا على ذنب واحد

لكن اتضحلى انه كان عايز يدينا درس عملى لتطبيق الحديث ..لان لو هو هيسكتلنا ..هنخرج بعد كدة خدنا على جمله و انا مالى. .و ساعتها هنغرق كلنا

يا رب احفظنا من الغرق

معاكي حق ... ناس كتير بيبقى عندها استعداد لكن غالباً هتلاقي حد هيطلع في النص يقول مش هعرف أعمل كدة أو خايف أو مش موافق أو أي حاجة تعطل
ربنا يهدي الجميع

تعلمت أنه إذا كانت هناك معوقات وإحتاج أحدهم أن يوقفك ليتفهم ما الأمر ... دعه وامضي وبعدما تنتهي اشرح له ... ( سيدنا موسى وسيدنا الخَضِر) عليهما السلام

قد ايه الاحساااااااااس بالعجز وعدم القدره عن نصره بيتظلم قدامك

احساااااااااااااس سىء فى قمه السوء

اتعلمت امبارح ان اكثر الاشياء الى بنشوفها معقده وصعبهغالبا فى مضمونها بتبقى سهلااااا وبسييييطه ومفهاش اى عقد

فعلا يا ترافيلر



اابسط شئ المياه



انا بقي اتعلمت

ان الحماس في الادارة اساس

اتعلمت امبارح إني معملش فيها فلحوس وأعتمد على الذاكرة لأن الزهايمر مبيسبش حد على حاله
وأحفظ الجدول و أبص فيه قبل م أروح علشان أتأكد برضه

واتعلمت النهاردة إني مكتبش فلحوس دي تاني لأنها شكلها مش حلو في الكتابة :cyclops:

اتعلمت ان الانسان غالى حتى لو حس انه رخيص

تمام جدا الجملة دي يا مصطفى



اتعلمت اني طول مانا عايش بتعلم

اتعلمت انى اجرب ومش هخسر حاجه

بالعكس جايز اكسب اكتر من اللى كنت فاكره انى هخسره

مبدأ الحياة تجارب بدأ ينتشر

لا يأس من رحمة الله

اتعلمت إني مليش لازمة

ده انت عيد ميلادك النهاردة ازاي مش ليك لزمة

كل سنه وانت طيب



وانا اتعلمت ان اخد بالي وانا ماسكه سكينه علشان متعورش تاني

اتعلمت ماركبش اتوبيس زحمة ابدا

لا بجد حاجة صعبة ومش سهل انك تنزل

يعنى الواحد قبل ما يركب يشحن الموبايل كويس ويكون معاه رصيد كافى ومعاه بتاع حزاميين كده وكام باكو بسكويت

وربنا يستر

اتعلمت ان دفعتنا حتى الان مش حلوة خالص و فى دفعات احلى بكتييير ..بس هما بقووا حلوين كدة فى اخر ترم ..ي رب احنا كمان نبقى احلى

و اتعلمت ان الدكاترة بيعاملوا اولى غير بقيت السنين خااالص

و اتعلمت ان شكل السنة دى عايزة شغل بس لذيذة ..يا رب وفقنا و اكرمنا و يسرلنا امرنااااااااااااااااااااااااااااااااااااااااااا يا رب

اتعلمت من أغنية افتكرتها
اوعى تندم يوم ... ارضى بالمقسوم
........
يعني دور بين الناس ع الوفا وعلى الاخلاص ... على اللي قلبه شاريك وخوفه عليك يبان في عينيه

اتعلمت أكتر وأكتر إن قد إيه ربنا جميل أوي ... وغفور ورحيم وأعلم بأمورنا مننا
الدنيا ملطشة معايا اليومين دول بس حاسس إني مش مكتئب زي زمان لأني بحاول أوصل العلاقة وأقويها بيني وبين ربنا
يارب قويني وثبتني واهديني وارحمني واغفرلي .. وجميع المسلمين يارب

يا بختك

فعلا مفيش احلى من ان الواد يحس انه قريب من ربنا سبحانه و تعالى

-----------------------

اتعلمت ان لازم اتعلم الصبر اكتر

1/اتعلمت ان المؤمن كيس فطن

2/وانه لازم ما يعديش المواقف اللى بتمر عليه عادى كده

خصوصا لما تكون متزامنه ومتشابهه تماما ومتصله ببعض

3/واتعلمت انه لازم يستغل اللى بيقراه فى حياته والا القرأه مالهاش لازمه

4/واتعلمت قد ايه احساس صعب ومؤلم

انك تشوف الدموع فى عيون والدك وهى دموع حزن دفين وحسره ما بعدها حسره

والم على فراق حبيب وهو بيخبى الدموع دى علشان ما تبنش قدامك بس مش قادر

وانت مع كل ده مش فى ايدك اى حاااااااااااجه تعملها لا ليه ولا لوالدتك اللى حالتها مشابه تماما ويمكن اكتر

لا اله الا الله

ربنا يصبركو ياااااااااااارب
ويرحمه يااااااااااااارب



انا اتعلمت ان لازم ارتب تفكيري من تاني
وابعد عن تشويش اللي جوايا
واحط طريق اللي عايزة امشي عليه
وغير كده وكده
لااااااااااااااااازم اتعلم ازاااااااي ازود صفه صبر جوايا وابطل تسرع