اهلا اهلا اهلا
انا بقالي فترة بحارب في موضوع زي ده
عند حد من جيراني في العمارة ، واحدة جت زيارة لقرايبها من البلد
وقعدت ، واصلا ما كملتش تعليمها ، ولما قولتلها ليه ، قالتلي ماليش تقل عليه ، وانا خرجت بمزاجي
قولتلها طيب وبعدين ، قالتلي قاعدة في البيت ، ما ينفعش اخرج من البيت علشان عندنا في البلد كده
يا دوب اصحي اطبخ واغسل وامسح واوضب وخلاص علي كده
قالتلي منتهي الملل بس اتعودت ، لحد بقي لما اتجوز ، وبرضه مش هيفرق يعني
قولتلها طيب ما تشتغلي ، قالتلي مش محتاجة فلوس ، ابويا بيصرف علينا ومش مخلينا محتاجين أي حاجة خالص
قولتلها هو الانسان بيشتغل علشان الفلوس؟ ، لا طبعا مش علشان الفلوس في كل الاحوال
فحاولي تشتغلي علشان تنتجي ، لأن اللي بينتج بيبقي حد موجود ، كفاية انك تخلقي شئ او تصنعي شئ بايدك وتوجدي حاجة ذات أهمية
لو كل واحد من البلد انتج حاجة او عمل حاجة في شهر ، هننتج 80 مليون حاجة
ده طبعا بعيدا عن شغلنا
لكن هي فضلت مركزة علي انها مش محتاجة فلوس ، لأن أبوها مش مخليهم محتاجين حاجة
وطبعا صعب ان حد لسه ما اخدش الابتدائية وما بيخرجش من البيت ، وتقريبا اول مرة ينزل القاهرة ، صعب انه يبقي متفتح لدرجة اني اقوله كلام تقيل شوية
وواحد صاحبي تاني خريج كلية آداب او تربية قسم فلسفة جامعة حلوان، وتقريبا كان التاني علي الدفعة
قالي امبارح انه لو طال يسيب البلد او حتي جاتله فرصة لكده ، هيخرج ومش هيرجع تاني خااااالص
وقعد طبعا يقول الحكومة وما بتديناش فرصة ولا حاجة ، والكلام اللي بيردده معظم الشباب
اتدورت وقولتله مش ده بيتك ( وانا بشاورله علي بيته ) قالي ايوة ، قولتله طيب مش ده حوالين بيتك؟ وانا بشاوله علي زبالة وطوب
قالي اه
قولتله طيب عملت ايه بقي انت مثلا في بيئتك اللي حواليك ، ما تخلونا احنا نعمل الاول ، ونغير نفسنا وبعديها هنتغير والحكومة تتغير ، وهنبقي حاجة تانية بجد
طبعا انا اسف اني حكيت القصتين دول ، لأنهم ممكن يبانوا انهم مالهومش علاقة بالموضوع
بس انا شايف انهم مجرد بداية لتشغيل عقلية جامعية شابة ومتخرجة ، والتشغيل ده ممكن يكون جاي بعد فترة من الركود في التفكير ، لأن حسب كلامك انك بعدتي عن الاحتكاك بالحياة بقالك سنة
انا احب انصحك كام نصيحة
خليكي شعلة نشاط
وبعدين حاولي تخلي كل حاجة في موضعها
لو عايزة تشغلي وقت فراغك او حياتك عموما ، لأنك وضحتي ان حياتك كلها تقريبا بقيت وقت فراغ
اولا ممكن مثلا تتعلمي التريكو والكروشيه والتطريز وكل الكلام ده ، وتبدأي تنتجي ، ان شالله لو لنفسك بس ، كاستخدامات شخصية
وممكن تبيعي طبعا
ممكن لو انتي في مكان فيه أمية ، كما أشارتي في جملة العادات ، ممكن تاخدي كام واحدة من البنات البسيطة وتعلميهم
والله مش لازم القراية والكتابة ، ان شالله حتي تتكلمي معاهم في اي مواضيع مهمة
تحسسيهم ان لهم اهمية
عارفة ، انا فكرت في فكرة ، نفسي انفذها
ان عندنا في المنطقة عيال كتير اقل من 15 سنة
كتييييييير اوي
دايما في الشارع وبيلعبوا كورة ، وطبعا أبناء ناس محترمة ، بس انشغال الاهالي وبعدهم عن الشارع واللي بيحصل فيه
ما بقوش الاهالي دول عارفين ان اولادهم بينحدر اخلاقياتهم يوميا
فالفكرة اني كنت بفكر أؤجر يوميا ساعتين في مركز شباب قريب مني
واتفق مع العيال دي اننا نكون فريق
اخدهم يوميا ونصلي الفجر في المسجد
ثم نتجه لمركز الشباب ، ونجري ونعمل تمارين رياضية ، ونحفظ القرآن
ولو فيه حد عنده مشكلة ، يعرضها عليا وانا احلهاله ، او اساعده في حلها
واننا نكون مثلا فرق رياضية
فريق مننا يبقي كرة قدم ، وفريق مثلا جري ، وهكذا
بحيث ان لو اتطبقت الفكرة دي في مناطق تانية ، ممكن يتعمل دورات مسابقات بين كل المناطق اللي هتطبق حاجة زي كده
وتكون المسابقة دي في مجالات زي تسميع القرآن الكريم ، والانشطة الرياضية ، وممكن كمان يبقي فيه مشاريع انتاجية او مشاريع اجتماعية ، كتنظيف الحي
نفسي بجد اعمل حاجات كتير
أحلي حاجة التفكير
حاولي تستغلي وقت فراغك في التعلم والتفكير والابتكار والانتاج
وبالنسبة للتعلم ، ممكن اديكي لينك يساعدك بكام كورس
زي الـ icdl
[ندعوك للتسجيل في المنتدى أو التعريف بنفسك لمعاينة هذا الرابط]آسف اني رغيت
بس بجد نفسي ما حدش يبقي عنده وقت فراغ وكلنا ننتج
وطبعا انا هأتابع معاكي الموضوع ده دايما
قصادى واكلمه الحقونى قبل مااتجنن بس خلى بالكم من امتحاناتكم الاول ربنا معاكم يلا سلام بقى 
اظاهر خلاص اتجننت
