الحقونى انا لسه بتكسف

انا فى مشكله كبيره اوى انا لسه لحد دلوقت بتكسف من كل حاجه خجوله زياده عن اللزوم لدرجه مكنليش اصحا ب ولاد فى الجامعه خالص بالرغم انى كنت بشوف شباب كتير اوى محترمين فى الجامعه بتكسف اكلم حد فيهم حتى ازيك بتكسف حتى قريبى الولاد تعاملى معاهم بحدود بيقولو عليا مقفله وجيرانا الشباب بيقولوا انى متكبره عشان مش بكلمهم ولما بيجيلنا ضيوف بسلم عليهم بس بتكسف اقعد معاهم وبتكسف اتفرج على اى فيلم او مسلسل وبابا قاعد او اخويا مع انه اصغر منى الناس بتقولى معنديش شخصيه ومش جريئه اصل انا وشى بيحمر من اقل حاجه وكمان بتكسف اقول لاصحابى البنات على اى حاجه وحشه فيهم بس طبعا مش بنافقهم وبتكسف اروح فرح ولما حد بيتقدم لى بتكسف اشوفه تخيلو شكلى عامل ازاى بتكسف من الموضه واللى البنات بتعمله فى نفسها وبستتغرب لما بشوف البنت بتهزر بطريقه جريئه اوى مع كنت بعتبرها الاول بتهين نفسها بس دلوقتى مش عارفه يمكن عشان خلصت ومليش اصحاب اصحابى البنات معظمهم اتجوزو يارب يكونو متهنين والباقى مش فاضين يكرمهم انتو وهما يارب مش بلمهم والله ليا صديق وحيد واخ عزيز قمه فى الاخلاق والاحترام زيكم كده وبرده فى حدود معاه بتكسف منه بس كان دايما يقولى خليكى دايما كده هو الوحيد اللى بيقولى الكسوف احلى حاجه فيكى وفى اى بنت بس انا مش شايفه كده وبرده مش عارفه اغير نفسى واكون جريئه الاقى عندكم حل لمشكلتى ياترى انا اللى صح ولا هما عايزه الصراحه واصحابى بيقولولى الزمن ده مش عايز رقه وكسوف انا زعلانه من كسوفى اوى الحقونى انا لسه بتكسف 8713

بصى

انتى قلتيها فى اول الموضوع

خجولة زيادة عن اللزوم

و احنا عارفين ان خير الامور الوسط

يعنى انك تبقى خجولة حاجة جميلة جدا

بس انك تتكسفى من قرايبك او اصحابك البنات دى تبقى حاجة مش كويسة

لان الموضوع بيقلب بأنطوائية فى الاخر

و ان حد بيقول عليكى حاجة ,دة فى الاخر رأية هو

و الناس ياما بتقول و الواحد بيكبر دماغة و بيعمل نفسة مسمعش

و مفيش حاجة اسمها الزمن دة مش عاوز رقة و كسوف

جملة غلط تماما

الزمن دة مش عاوز سذاجة

يعنى ممكن تبقى البنت بتتكسف بس تبقى ناصحة برضو و ميضحكش عليها

و متنسيش ان الحياء اجمل ما يميز المرأة

و البنت اللى مبتتكسفش بتسقط فى نظر الناس

بس بحدود المعقول

و انا فى رأى تستمرى زى منتى بالظبط مع شوية تفتح مع اصحابك وقرايبك

لان دول هيبقوا اول واسهل طريق لو حبيتى تبقى جريئة

ودة رأى المتواضع

اقتباس :: لدرجه مكنليش اصحا ب ولاد فى الجامعه خالص

اول حاجه دى مش حاجه عيب بالعكس دى حاجه حلوه جدااا

المفروض انك ماتكلميش الولاد الا لما يبقى فيه سبب يعنى زمايل اه بس لو احتجتى محاضرات او حاجه ومفيش الا ولد خلاص روحى كلميه وخديها منه لكن غير كده تبقى صفه جميله فيكى انه ما يكونش ليكى اصحاب ولاد لان ده صح الصح

اقتباس :: بيقولو عليا مقفله وجيرانا الشباب بيقولوا انى متكبره عشان مش بكلمهم

وماله لما يقولوا عليكى متكبره ومش بتكلمى حد احسن ما يقولوا عليكى لا قدر الله بنت مش كويسه وبتكلمى كل الناس وراميه نفسك على الشباب

(سورى فى الجمل بس فى بنت كده وانتى ولله الحمد مش منهم )

وفى الاخر هقولك زى ما فرندس قالك اللى يقول يقول وما لكيش دعوه بكلامهم نهائى

اقتباس :: وبتكسف اتفرج على اى فيلم او مسلسل وبابا قاعد او اخويا مع انه اصغر

ممكن يكون ده لانك دايما كنتى بتبقى بره البيت ومش متعوده تقعدى معاهم كتيررر

ولا بقيتى مش بتخرجى ومفيش جامعه بقى الاحتكاك اكتر وبقيتى بتقعدى كتير وممكن كمان تقعدوا لوحدكم فده خلاكى تحسى انك مكسوووفه اوى لما بتقعدى معاهم او تحسى انك اول مره تقعدى معاهم وتتعاملى معاهم فده طبعا خلاكى تتكسسفى جدا

انا معرفش كلامى الاخير ده صح ولا غلط بس هو ده اللى كان بيحصلى لما بدات اقعد فى البيت فى تالته ثانوى انا وبابا لوحدنا وكنت زيك بالضبط بتكسف جدااااااااااااااااااا اقعد معاه او حتى اكل انا وهو لوحدنا لحد بدات اتعود شويه عقبالك Very Happy

اقتباس :: واللى البنات بتعمله فى نفسها

لا بقى دى ما لكيش حق فيها ,,لاننا كلنا بنكسفلهم سلف Very Happy

اقتباس :: وبستتغرب لما بشوف البنت بتهزر بطريقه جريئه اوى مع كنت بعتبرها الاول بتهين نفسها

لا لو طريقه غريبه اوى يبقى زى ما بتقزولى بتهين نفسها

ومش معنى ان موقفك اتتغير يبقى نظره ليهم تتغير ,,صدقينى ان البنت المحترمه هى اللى بتحاول على قد ما تقدر يبقى اختلاطها بالشباب على القد

وانك وقت ما تهزر اذا هزرت يبقى بحدود وبادب وهى دى البنت المسلمه

اقتباس :: ولما حد بيتقدم لى بتكسف اشوفه تخيلو شكلى عامل ازاى

يا بنتى انتى عمرك فى حياتك سمعتى عن بنت اتقدملها عريس وهى ما كنتش مكسوفه

ده الطبيعى فى كل البنات

ما تقلقيش حالتك حاله سهله تعالى انتى بس عندى العياده

وخديلك جلسه ولا جلستين وهتلاقى نفسك معجبه بحيائك اوووووووى Very Happy

بصى يا سنو وايت فى فرق بين الخجل وبين الحياء

الخجل هو انك تتكسفى من كل حاجه تستاهل او ما تستاهلش وهى انك ما يبقاش عند القدره انك تقولى رايك واو تتناقشى مع حد وتحاولى تقنعى بوجهه نظك والخجل مابيبقاش حاجه حلوه

لكن الحياء قال عنه النبى صلى الله عليه وسلم ((الحياء لا يأتى الا بخير ))

ومر النبى صلى الله عليه وسلم على رجل يتصح اخوه فى الحياء يعنى بيقوله بطل بقى انت ما بقتش بتعرف تاخد حقك وانت وانت فقاله النبى صلى الله عليه وسلم دعه فالحياء لا ياتى الا بخير ))

وموقف السيده عائشه لما توفى عمر بن الخطاب ودفن فى حجرتها لما قالت مات رسول الله صلى الله عليه وسلم ودفن فى حجرتى فكنت اخلع ثيابى ولا ابالى فهو زوجى ولا مات ابو بكر الصديق ودفن بجوار رسول الله صلى الله عليه وسلم كنت اخلع ثيابى فهو ابى ولكن لما مات عمر بن الخطاب ودفن بجوار النبى وابو بكر كنت استحى فكنت اشد عليا ثيابى وحياءً من عمر

فتخيلى ام المؤمنين بتستحى من عمر وهو ميت مش عايش

فالحياء حاجه جميييييله اوى والبنت اللى عندها حياء تفتخر بنفسها وما تتضايقش ولا تزعل
لان ده حاجه شرف للمراه وتاج على راسها

وفى موضوع فى ساحه البنات اسمه من الحياء ينبع كل خير ممكن تقرايه

وممكن كمان تجيبى شريط الحياء لعمر خالد وتسمعيه هيعجبك اوى ان شاء الله

وفى الاخر هقولك حاولى تبداى تتعاملى مع الناس اللى حواليكى وتشيلى الحواجز حاجه حاجه

مع المحافظه على حيائك الجمييييييييييييييييل warda

واسفه انى طولت عليكى بس يا رب اكون افادتك باى حاجه

ميرسى لحضرتك ولفريندس بجد رجعتولى ثقتى فى الناس اما فى نفسى فالحمدلله بثق فيها جدا وبطمنك انا بعرف اتحاور وادافع عن وجهة نظرى وسمعت كمان شريط عمرو خالد ومتشكره اوى ليكم كده اطمنت لسه فيه اسلام بجد الللى كان بيطمنى انى كنت دايما بفتكر جملةالحياء شعبه من الايمان واذا ضاع احياء ضاع الايمان بس الناس زودتها معايا حسسونى انى حاله شاذه مع انى عارفه ان فيه افضل واحسن منى بكتير وان مجيش جمبهم اى حاجه وميرسى بجد اصلا مستغربتش ردكم لان الناس المحترمه لازمه يكون رايها كده وانتم قمه فى الاحترام يارب يزيدكم دايماوربنا يكرمكم ويثبت ايمانكم اكتر عشان تفيدونى اكتر انا مبسوطه انى عرفت ناس محترمه زيكم

الله يخليكى يا سنو وايت انتى اللى محترمه وعسسووله

اقتباس :: وبطمنك انا بعرف اتحاور وادافع عن وجهة نظرى

طب يعنى ده حياء مش خجل يبقى خير وبركه

ربنا يحميكى يا اختى ويزيدك حياء على حياء Very Happy

اقتباس :: ميرسى لحضرتك

لاميرسى على واجب Very Happy

بس على فكره انا اصغر منك يعنى لو هتكلمينى بحضرتك يبقى انا اللى اقولها مش حضرتك Very Happy

فبلاش منها احسن,, خصوصا اننا بناتيت زى بعض warda

تماااااام ما شاء الله Smile

ربنا يكرمكوا

زي ما قالوا

خير الامور الوسط

بصراحة -ودى وجهة نظرى-أجمل ما فى المرأة كسوفها وخجلها

يا جماعة احنا فى وقت من النادر انك تلاقى بنت بتتكسف أو بتخجل

ويا سنو وايت ده ان دل على شىء فهو بيدل على حسن التربية وحسن البيئة اللى انتى فيها

وعلشان تبقى عارفة الناس ما بيعجبهاش العجب،لا هما سايبين الكويس فى حاله ولا الوحش فى حاله

وعلشان تبقى عارفه بقه -وده سر-البنات اللى بتتكسف اليومين دول بقوا عمله نادره والله

فانتى خليكى زى ما انتى والله دى نصيحة من أخ

وربنا يوفق الجميع

بصي با أخت سنو انا ما قرأتش ردود الرادين و اقتراحهم و اتمنى الا اكرر الكلام

اولا انتى بتقولى ان ديه مشكله انا مش عارف مين فهمك كده ده اللى انت فيه ده "ميزة "بتتولد البنت بيها ملازمه معاها و الحمدلله انك لسه محافظه عليها و كويس انك قولتى كده عشان ألحقك قبل ما تعملى حاجة فى نفسك لان البنت رأس مالها فى حياءها ودلوقتى اول ما بتتولد البنت بتفكر ازاى تتخلص من اللى هيه فيه و ده طبعا بمساعدة ابليس و اصحاب السوء

انتى عارفة اللى انت فيه ده ايه ؟ ده درجة من درجات الحـــــــياء و سمو فى الاخلاق انتى بقى عايزه تتخلصى منه ارجوكى اغلقى على نفسك و لا تتركى اذنك لاقوال او دعاة التفتح

و انت بتقولى ايضا كلام بتشتكى انك ما بتعملهاش ...اصلا لا يجوز فعلها فضلا على ان تفعلها البنت
وقد قال الشاعر:
إذا رزق الفتى وجهاً وقاحاً *** تقلب في الأمور كما يشاء

فمالك في معاتبة الذي لا *** حياء لوجهه إلا العناء

فالحياء ملازم للعبد المؤمن كالظل لصاحبه وكحرارة بدنه لأنه جزء من عقيدته وإيمانه ومن هنا كان الحياء خيراً ولا يأتي إلا بالخير، كما في الصحيحين عن النبي [ندعوك للتسجيل في المنتدى أو التعريف بنفسك لمعاينة هذه الصورة]: { الحياء لا يأتي إلا بخير } وفي رواية مسلم: { الحياء خير كله }.

وصدق الشاعر حين قال:
فتاة اليوم ضيعت الصوابا *** وألقت عن مفاتنا الحجابا

فلن تخشى حياءٌ من رقيب *** ولم تخشى من الله الحسابا

إذا سارت بدا ساق وردف *** ولو جلست ترى العجب العجابا

بربك هل سألت العقل يوماً *** أهذا طبع من رام الصوابا

أهذا طبع طالبة لعلم *** إلى الإسلام تنتسب إنتساباً

ما كان التقدم صبغ وجه *** وما كان السفور إليه باباً

شباب اليوم يا أختي ذئاب *** وطبع الحمل أن يخشى الذئاب

وينقسم الحياء من حيث الأصل إلى قسمين:
1 ) حياء فطري غريزي.
2 ) حياء مكتسب.
و انتى ما شاء الله عندك جاهز اما الذى ليس عنده حياء و اراد ان يتحلى به فسيتجه للقسم الثانى و اراه صعبا عليه فى بادئ الامر لانه سيستنعه

و انا عايزك تستمرى معانا و اجعلينا اخواتك واصحابك و لازمى مجالستنا
حيث أن مجالس الأخيار تقوي الحياء المكتسب وتنميه، أما مجالسة الأرذال فإنها تحول بين العبد وبين اكتساب الحياء.

والحياء أنواع

1) الحياء من الله.
2 ) الحياء من الملائكة.
3 ) الحياء من الناس.
4 ) الحياء من النفس.

معلش خدى حبة صبر عليه هتكلم شويه او هركز على بند الحياء من الناس

الحياء من الناس:
وهذا النوع من الحياء هو أساس مكارم الأخلاق ومنبع كل فضيلة لأنه يترتب عليه القول الطيب والفعل الحسن والعفة والنزاهة... والحياء من الناس قسمين:
1 ـ هذا قسم أحسن الحياء وأكملة وأتمه. فإن صاحبه يستحي من الناس جازم بأنه لا يأتي هذا المنكر والفعل القبيح إلا خوفاً من الله تعالى أولاً ثم اتقاء ملامة الناس وذمهم ثانياً فهذا يأخذ أجر حيائه كاملاً لأنه استكمل الحياء من جميع جهاته إذ ترتب عليه الكف عن القبائح التي لا يرضاها الدين والشرع ويذمه عليها الخلق.
2 ـ قسم يترك القبائح والرذائل حياء من الناس وإذا خلا من الناس لا يتحرج من فعلها وهذا النوع من الناس عنده حياء ولكن حياء ناقص ضعيف يحتاج إلى علاج وتذكير بعظمة ربه وجلاله وأنه أحق أن يستحيا منه
ومن المظاهر تشبه النساء بالرجال في اللباس وقصات الشعر والمشية والحركة. وهذا فعل مستقبح تأباه الفطرة السليمة والذوق والحياء وحرمه الشرع ونهى عنه.
ومن المشاهد المؤسفة التي فشت في وسط النساء هذه الأيام ظاهرة النساء الكاسيات العاريات - أو النساء شبه العارياتفلم يراعوا ديناً ولا حياء ولا مروءة. والله إن المؤمن عندما يرى أمثال هؤلاء يقشعر بدنه حياء من الله وحياء من الناس. ولكن ماذا تقول لأمثال هؤلاء النسوة؟ وماذا نملك لهن وقد نُزع الحياء من قلوبهم وقابلوا الناس بوجه وقاحاً.

أكد خطباء الجمعة في مساجدنا ان الإسلام جعل حسن الخلق معيار الايمان وعلامته وجعل لحسن الخلق ميزاناً وعلامة به يقاس مشيرين الى ان الرسول صلى الله عليه وسلم عده شعبة من شعب الايمان وجزءاً عظيماً من اجزائه بقوله “الايمان بضع وسبعون شعبة والحياء شعبة من الايمان” . وذكروا ان الأخلاق في الإسلام شأن عظيم فهي حصن الفرد والأسرة والمجتمع، وقد حث ديننا الحنيف على الخلق الحسن، واعتبره من اثقل الأشياء في ميزان العبد يوم القيامة . ولفت الخطباء الى ان الحياء مرتبط بالايمان فمن نقص حياؤه لم يكمل إيمانه.
فهذا ان دل دل على حسن دينك والتربية ايضا لها دور هام فى ذلك.

انا خلاص هفنش بس للعلم انا مثلك تمام و الله وانت بتتكلمى حاسس انك بتتكلمى عنى و برضه لاقيت تريقه لكن من اهلى عشان انا ولد وباقى اخواتى البالغ عددهم 5 بنات لكن الحمد لله قدرت او بحاول اصبغ هذا فى صورة دينية لكن انا مش عارف مبلاقيش الخجل ده مع اصحابى اللى فى سنى.

على فكرة انتى هتخلينى أغير التوقيع عشان يبقى تذكرة لينا كلنا

ربنا يهدينى و يهديكى و الناس اجمعين و اكتفى بمثل هذ القدر وهذا ما ارد ان اقول و السلام عليكم و رحمت الله و بركاتة