ياترى مفتقد مين فى الاعضاء

اة الواد كوتوموتو

لسة مقابلة الامتحان اللى فات

بس سلمنا على بعض و مشينا

لان هو كان على عجالة و احنا كنا بنتشوى

كدة يعنى

و من حيث الافتقاد فأنا مفتقد الواد اشرف رغم انى بشوفة فى الجامعة و قارفنى

بس برضو مفتقدة هنا

و مفتقد حيحا رغم انى برضو بشوفة فى الجامعة

ومين تانى مين تانى

الواد وليد طبعا حبيب الكل و قريبة مصطفى بتاع الثانوية

و الاء برضو بتاعة الثانوية الله يكون فى عونهم

بس تقريبا

يارب مكونش نسيت حد

فعلا الواحد مفقتقد ناس كتير هنا
بس اكتر حد هو وليد ويلي يعني مفتقده في المنتدي و في العادي مع انه ساكن جنبي بس بشوفه وقت صلاه الجمعه بس .. ربنا معاه و يوفق كل الناس ان شاء الله

انا مفتقد ياسو ههههههههههههههههه

ايه دة انتى اخت كوتامية ..اول مرة اعرف .. بجد المنتدى فعلا مفتقد تواجده و مشاركاته

و بالنسبة للى مفتقداهم بقى..فلو دلوقتى..يبقى كللللللل الاعضاء لانى مش بشوف حد خالص عشان الامتحانات

اما عموما و الناس اللى بجد المنتدى مفتقدهم اوىىىىىىىىىىىىىى

حبايب قلبي ..ياسمينة و سمايل و زمزم و هدهد و بسبوسة و ماريمور و لوليتا
اناتيمي يعني مش بيدخلوا ..اقتلهم و لا اعمل فيهم ايه

و طبعاااا حيحا و كتوماية و مهاجر و ماك ووليد

ناس كتير بجد كانوا من اساسيات المنتدى و نفسى يرجعوا و نشوفهم معانا تانى بمشاركاتهم الجاااااااامدة

ربنا يرجعهم بالسلامة

و يوفقنا كلناااااااااا

انا مفتقده مها جدااااااااااااااااااااااااااااااااااااااااااااااااا

دخلتنى المنتدى وهربت نفسى اعمل موضوع واحد والاقيها رده عليه او ليها مشاركه فيه

ياااااه دى معجزه

ونفسى زمزم ترجع تدخل تانى (يا رب نتهم يتصلح يااا رب )


ويا سلام لو كل البنات اللى زى العسل اللى ندى قالت عليهم رجعوا يدخلوا المنتدى تانى

يااااه احس ان المنتدى رجعتلوا الحياه وبقى فيه بنات

بدل ما الا حتلال الولادى مسيطر عليه كده



تسلم ايدك على الموضوع يا سنو وايت

انا مفتقدة هبة (زمزم) والاء ان شاء الله يرجعوا بالاسلامة ويوفقهم في الامتحانات

هههههههه حلوه إحتلال ولادي
وبعدين البنات مش قليلين في المنتدى ما شاء الله استني بس انتي لما الأجازه تيجي يا فداء وهتلاقي بنات كتير بيدخلوا هما بس مش بيبقوا موجودين كتير دلوقتي عشان بيذاكروا كويس مش زي الولاد الغلابه ياعيني من الكوره للنت للمذاكره ومش عارفين يعملوا ايه
------------------------------------------------
أما الناس اللي انا مفتقد وجودهم على المنتدى هو حيحا ووليد (ومفتقده في الجامعه برضه) وكوتومايه بس بشوفه في اللجنه الحمد لله ومهاجر وبرضه في اللجنه وزمزم وأفكارها الجامده وبروفيسور وتواجده المميز بس الحمد لله بشوفه في الجامعه وطبعا ياسر وسمايل وهدى ونسمه ياااااااااااه ناس كتير أوي
بس إن شاء الله هيكونوا موجودين معانا في الأجازه
(في مخطط لإسترجاع هؤلاء النجوم)
بس مخطط سري لسه هيفتح النقاش فيه مع رئيس المنتدى بعد الأمتحان الجاي إن شاء الله

نسيت أقول ياسمين طبعا هي بتدخل قليل وبتشارك في المناسبات والأعياد الخاصة
بس ده طبعا مش معنها إنها مش معانا لأنها بتعمل حاجات كتير بس بره المنتدى في الانشطه اللي في الجامعة
وباقي الأعضاء اللي قلت عليهم فوق عندهم ظروف زي النت قاطع او الجهاز باظ او كده لكن إن شاء الله هيكونوا معانا بعد الأمتحانات

حلو الموضوع ده فعلاً

أنا برضه مفتقد ناس كتير
مصطفى طبعاً .. وأكيد ألاء لأنهم في ثانوية .. ربنا معاهم ويوفقهم إن شاء الله
وبروفيسور اللي بقاله فترة بس ربنا يعينه ويعيننا إن شاء الله

و فامبير بقى ... بقاله كتييييير أوي مش بيدخل

ومحمد رفاعي .. لايف كايرو رغم إني بشوفه قليل في المدرج لما بييجي والامتحانات

حسن طبعاً ..
وناس كتير ملحقتش اتعرف عليهم

ربنا يوفق الجميع حيثما و وقتما كانوا

نسيت أقول ماك طبعا حبيبي ومصطفى والاء برضه ربنا معاهم ... يارب مكونش نسيت حد

اقتباس :

هههههههه حلوه إحتلال ولادي


وبعدين البنات مش قليلين في المنتدى ما شاء الله استني بس انتي لما الأجازه تيجي يا فداء وهتلاقي بنات كتير بيدخلوا

طب ما انا قعدت الاجازه اللى فاتت كلها على المنتدى مكنتش بشوف غير ندى والاء وانا
ومفيش حد تانى كان بيدخل

هما بس مش بيبقوا موجودين كتير دلوقتي عشان بيذاكروا كويس مش زي الولاد الغلابه ياعيني من الكوره للنت للمذاكره ومش عارفين يعملوا ايه

ايه ده بقى مافيناش من كده

بجد بقه انا اللى مفتقد كل الناس اللى فى المنتدى هنا لان بيجمعهم كلهم حاجه واحده وبحس انهم زى بعض فى حاجات كتير اوى
زى الالتزام والصدق والطيبه .....الخ
مش مجامله ..ومعروف انى مش بجامل
بجد وحشنى الجو بتاعكم ده وان شاء الله هرجع اكون من الناس المتواجدين دايما زى ما كنت قبل كده
وميرسى لكل اللى لسه فاكرنى

حمد الله على السلامــــــــــــــــــــــة و يا رب فعلا نرجع نشوف مشاركاتك الجااامدة تانى
صحيح انا كنت بختلف كتير مع حضرتك فى المناقشات ..بس طبعا اختلافنا كان ميزة

و ربنا يوفقك و يوفقنا كلنا فى اليومين دول

شكل الموضوع دة هيكون سبب فى ان الناس ترجع تنورنا تانى ..الحمد لله

انا كنت بفكر فعلا فى خطة عشان نرجعكم معانا تانى ..بس للاسف الامتحان عاملة دوشة ..مخليا الواحد مش عارف يطبق التسويق على كوميرس كويس

ده فيه مخططات ههههههههههههههه



وكمان اسمي جاي في الموضوع


علي فكرة

ان شاء الله هيبقي فيه مشاركة جامدة بداية من تاني اسبوع في الاجازة

السلام عليكم


والله العظيم كلكوا وحشنى

ووحشتنى مداعباتكم ومناقشاتكم وحاجاتكم الحلوه

اول مرة ادخل على النت من شهرين تقريبا طبعا علشان الامتحانات

الواحد ماكانش قادر انه ينتظر اكتر من كده

روحت رايح على السايبر واول حاجة دخلت عليها هى المنتدى

يالا يا جماعة شدوا حيلكم شوية هانت باق على التخرج ان شاء الله اسبوعين

وان شاء الله اللى نفسه فى جاجه رينا يحققها له

وبعد الامتحانات ندردش مع بعض ونسهر للصبح

الواحد يقعد مرتاح البال وجنبه كوباية الشاى ويقضيها

ونرجع لمشاركاتنا وموضوعاتنا وان شاء الله الايام اللى جاية تكن حلوه وكلها خير

خاصة ان شهر رمضان ان شاء الله هايكون فى الاجازة

يعنى الروحانيات ترتفع ويبقى فيه قيام ليل وقران وسحور وعزومات وفوانبس وبكار وبوجى

وطمطم وظاظا وجرجير

بالاضافة الى انك تقوم متاخر للسحور يا دوب تلحق تشرب شوية ماية بالعافيه

ما سيادتك اللى نايم متاخر طول الليل قاعد على النت مش قولت لك تنام بدرى

وتبدا المناوشات مع اجمل ام واحلى اب ندردش معاهم وناكلهم الكنافة والقطايف وكل ما لذ وطاب

ويا سلام على كوباية البلح وانت بتشربها بعد المغرب

ويا سلام اما يكون الجو حر وسيادتك طالع عينيك فى الحر ماشى فى ورق الجيش وانت عارف

يعنى ايه ورق الجيش وتروح تقدم ورقك يطلع اسمك فيه غلطه ويتكتب عليك انك تلف وتدوخ

السبغ دوخات ههههههههههههههههههههه

والله العظيم هاتبقى ذكريات زى العسل

المهم وانت راجع من السجل بعد تغيير اسمك يكون الكلام ده قبل المغرب بنص ساعه وهب لقيت

فيه كمين والسواق ممعهوش رخصة ووووووكفاية كدة

بس ايه رايكم مش بتبقى الحاجات دى ذكريات حلوه

الواحد حاسس انه عايز يفضفض بس كفايه فضفضه لحد كده

ما شاء الله دايما مشاركات حضرتك تجيب تفاؤل ..ربنا يجازييييك كل خير

بعد السلاااااااااااااام
والله يا ندى من غير تسويق ودعايه واعلان
انا بجد نفسى ارجع بقه اقعد اتناقش معاكم تانى
بس والله غصب عنى
بس ان شاء الله ارجع بعد الامتحانات عشان الواحد بجد اتخنق منها ومن الدكاتره اللى بتجيب امتحانات هما نفسهم ميلحقوش يحلوه فى ساعتين ابدا يلا الحمدلله على كل شىء
وعلى فكره انت قلتى اللى كنت عايز اقوله انا فعلا بكون مختلف معاكى كتييييييييييير
ونادرا لما بنتفق بس والله انا بحترم ارائك جدا وعارف انها ايجابيه
ومتفاءله بس احيانا بيكون فى عوامل انت مش بتاخدى بالك منها بس فعلا اختلافنا ميزه


وانا كنت عايز اعتزر لانى بجد المشاركه اللى فاتت كانت هتكون اكتر من كده
بس انشغلت مع الماسنجر ومكملتش كتابه وبعتها من غير ما اكملها
نسيت ارحب بالعضوه الجديده
قله زوق طبعا
وبااااااااااااااااااااايخه
مع انى انا اللى دليتها ع المنتدى بس هى هتعديهالى بقه وتتعوض فى حاجه تانيه ان شاء الله
وربنا معاكم يا جماعه فى الامتحانات واخر الكلام
سلاااااااااااااااااااااااااااااااااااااااااام

وحشتني ردودك في المنتدى يا سيدي ومنتظرين عودتك في الأجازة

منور يا مصري


ومنور كوتامية




انا بقي بدأت افتقد فريندس

حنظلة
حبيبي
اعز اصحابي