حوار بين العلم والمال والشرف

في أحد الأيام أجتمع المـال والعلـْم والشرف ودار بيـن الثلاثـة الحوار التـالي :

قال المالْ :

إن سحري على النـاس عظيـم ..

وبريقي يجذب الصغيــر والكبيــر

بي تــُفـرج الأزمـات ..

وفي غيـابي تحـِل التعاسة والنكبـات !

قال العلـْم :

إنني أتعامـل مع العقـول ..

وُأعالـج الأمور بالحكمـة والمنطـق والقوانيـن المدروسة !

لا بالدرهـم والدينـار !

إنني في صـراع مستمـر من أجل الأنسان ضـد أعداء الأنسانيـة

الجهـل والفقـر والمـرض .

قال الشرف :

أما أنـا فـثمني غـالٍ ولا ُأبـاع وُأشتـرىَ

من حرِص عليّ شرفتــُه ..

ومن فَـرّطَ فيّ حَطمتــُه وأذللتــُه !

عنـدما همــُوا الثلاثـة بـالإنصـراف تساءلـوا : كيـف نتـلاقى ؟

قال المال :

إن أردتـم زيارتي يا أخواني فأبحثـوا عني في ذلك القصـر العظيـم .

وقال العلـْم :

أما أنـا فأبحثـوا عني في تلك الجامعـة وفي مجـالس الحُكمـاء .

ظل الشرف صامتـاً فسألاه زميـلاه لِـمَ لا تتكلـم ؟؟!!

قال :

أما أنـا فإن ذهبت فلن أعـود أبــداً !!! .

حوار بين العلم والمال والشرف 000051mnn2

هى القصه معجبتكمش ولا ايه مش مشكله تردوا اقروها طيب

فعلا القصة تعبر عن واقع حقيقي

وطبعا خير تلخيص للقصة المثل اللي بيقول

ان الشرف زي عود الكبريت

بعيدا عن اننا نسبه لحد بعينه

ربنا يكرمك عالموضوع الجامد ده

انت دايما كده ياهشام محسسنى انى موجوده ميرسى ليك اوى مبتفوتليش حاجه خالص ربنا يكرمك

على فكره ياهشام فى الزمن ده فى ناس كتير ممكن تستغنى عن شرفها وراحه ضميرها من اجل المال او السلطه والنفوذ بس بصراحه اكتر حاجه بتاثر فيا اوى لما حد يطلبك للشهاده حتى لو كان الموضوع بسيط ومع ذلك تخلف شرفك وتشهد زور الا الشهاده حد كده يبقى محتاج اقول الحقيقه واكدب واظلم لا بجد اسوء حاجه

اولا انتي اصلا اللي علي طول بتثبتي نفسك

واحب اقولك الي الامام دايما ، ما تنتظريش من حد التقييم

القطر لما بيمشي بيوصل لأهدافه ورا بعض وما بيستناش حد يقوله انت ماشي صح ولا غلط

لأنه بيبقي عارف طريقه كويس جدا

لأنه لو خرج عن طريقه ده هيعرف لوحده ، وساعتها هيخسر جامد

ثانيا

فعلا انا ما بكرهش اد الظلم والكذب والغباء

وفعلا الشرف بقي اكتر سلعة متداولة دلوقتي في السوق

وطبعا لأن اكبر سوق موجود دلوقتي في الدنيا دي ، هو سوق الفساد واللي ما بيتباعش فيه الا الشرف

الا وشهادة الزور......الاوشهادة الزور....الا وشهادة الزور

هكذا قال رسول الله صلى الله وعليه وسلم حينما سأله احد الصحابه عن الكبائر
فقال الرسول صلى الله وعليه وسلم( فيما معناه)

الشرك بالله
عقوق الوالدين
وكان الرسول متكئآ فاعتدل وقال الا وشهادة الزور الا وشهادة الزور الا وشهادة الزور

الموضوع اكبر يا سنو وايت من اننا نتاثر بيه لانه بيدخل ضمن الكبائر
فى الزمن ده فى ناس كتير ممكن تستغنى عن شرفها وراحه ضميرها من اجل المال او السلطه والنفوذ
بس انا كمان ليا تعليق كل ماحد يتكلم عن انحدار القيم والاخلاق والشرف و........الخ
نقول الزمن وكأن الزمن الشماعه اللى بنعلق عليها أخطأنا
مع اننا لو فكرنا شويه وسألنا نفسنا سؤال هو الزمن عمل ايه عشان يكون هو المسؤل عن انحدار القيم؟
الزمن ماالا كلمه نعبر بيها عن الوقت وفى الحقيقه كلنا مسؤلين مسؤليه تضامنيه عن كل اللى بيحصل ماهو مين اللى عايش فى الزمن دا ؟
انا وانت وهو وهى!
الزمن هو الزمن مش بيتغير لكن البشر هما اللى بيتغيروا والدليل على كده انك لو اتكلمت مع حد كبير فى السن شويه هيقوللك ان كل اللى احنا بيحصل دلوقتى مكنش بيحصل زمان لاعمرنا سمعنا عن بنت ماشيه فى عز النهار خايفه لاحد يخطفها ولا جثث بيلاقوها من غير اعضائها و.......الخ
ودا بيفكرنى ببيت شعر كان بيقول
نعيب زماننا والعيب فينا وما لزماننا عيب سوانا
ونهجوا ذا الزمان بغير ذنب ولو نطق الزمان لهجانا
معلش لوكنت طولت بس الموضوع استفزنى وياريت اعرف رأيكم

على فكره يانونا الزمن مش مقصود بيه الوقت بس لا طبعا ده العصر بكل ما فيه وطبعا الناس هى اللى بتميز كل عصر عن التانى وبعدين لما بقول الزمن ده الشرف فيه معدش موجود يعنى طبعا من الناس اللى اثروا سلبى فى الزمن ولا ايه يعنى مثلا زمان كان الحجاب نادر لما حدكان بيلبسه ولما سالت ماما قالتلى يا بنتى الزمن مختلف قلتلها ازاى الاسلام هو الاسلام قالتلى مكنش فيه وعى دينى زى دلوقت وانا معاكى ان اكيد احنا السبب فى التغيرات السيئه اللى بتحصل محدش غيرنا بصى للزمن من ناحيه المضمون يانونا وبعدين يانونا يعنى مقلتليش رايك فى القصه

قصه جميله أوي ومعبره يا سنو
وفعلا في حاجات في الدنيا لو ضاعت مننا سهل نسترجعها تاني لكن في حاجات لو ضاعت من الواحد صعب جدا يسترجعها ومنها الشرف

معلش يا سنو وايت انا اندمجت فى الرد ونسيت اقولك رايى فى القصه

بجد ياريت متزعليش ..سماح المره دى...ايه سمحتينى
كنت متأكده انك هتسمحينى ..بجد قلبك كبير قوى 700

اما بقى عن رأيى فبجد قصه تحفه وجميله جدآ
bravo

بس كنت عايزه أسال سؤال :
هو انتى اللى كتبتيها؟؟

طبعا لا بس انا اللى جبتها قصدك ايه بقى وعمتا ياحبيبتى انا اصلا مكنتش زعلانه منك ومقدرش ازعل من اختى الصغيره بفرض نفسى عليكى عافيه بقى Very Happy

قوليلى انتى ثانويه ولا ايه شكلك كده لسه صغيره

بفرض نفسى عليكى عافيه بقى Very Happy

لا طبعآ ياخبر انتى بتقولى ايه! Exclamation

ياريت
قوليلى انتى ثانويه ولا ايه شكلك كده لسه صغيره
حرام عليكى هو انا هعيده تانى انا لو ربنا شاء ونجحت السنه دى
هكون فى سنه تالته تجاره
وبعدين بتوع الثانوى بيلعبوا فى 16 او17 سنه بالكتير
اما انا فى 1/8/2009 هكون عندى 19 سنه
عارفين بقى اللى مش هيقولى كل سنه وانتى طيبه
هو الحر حوار بين العلم والمال والشرف 31089

لو ربنا شاء ونجحت السنه دى
هكون فى سنه تالته تجاره
المشكله انك بتكتبى بلونى المفضل بس ولا يهمك عمتا ان شاء الله هاتنجحى وباحلى تقدير كماناما انا فى 1/8/2009 هكون عندى 19 سنه
عارفين بقى اللى مش هيقولى كل سنه وانتى طيبه
اصل حسه انك صغنطوطه كده وعسوله وعمتا انتى برده صغيره اوى وبعدين دا يوم عيد ميلادك هايكون احلى يوم وان شاء الله هااجيبلك احلى تورته وانا برده اول واحده هااقولك كل سنه وانتى طيبه ياجمييييييييييييييييييييييييييييييييييل 111

ربنا يخليكى ياسنووايت

المشكله انك بتكتبى بلونى المفضل
معلش بقى ما انا بحبه انا كمان ع فكره بقى انا اللى اخترته الاول
لانى مشتركه فى المنتدى قبليكى حوار بين العلم والمال والشرف 31089

شفتى رخامه اكتر من كده ههههههههههههه 2998

انى عسوله اوى يانونا بجد والله ودمك خفيف اوى كمان 111

ربنا يسعدكم انتم الاتنين يا رب

ويكرمكم ويزود محبتكم دي

ربنا يخليكى ياسنو
ربنا يسعدكم انتم الاتنين يا رب

اللهم امين

» حوار بين الاصابع
» في أحد الأيام إجتمع المال والعلم والشرف
» العلم والادب
» الزمن بين العلم والقراءن
» حوار مع رمضان