اقتراح

السلام عليكم


الاصحاب الحلوين اتمنى ان تكونوا بخير وسلام


طبعا الامتحانات خلصت والحياة الدراسية خلصت وطبعا الكل هاينشغل اللى هاينشغل فى الجيش واللى فى الدراسه(الل

ربنا هايكرمهم ان شاء الله ويكونوا معيدين)واللى ربنا هايكرمه بالشغل واللى ربنا هايكرمها بابن الحلال واللى ربنا

هايكرمه ببنت الحلال واللى.....واللى..........واللى.............وربنا يوفق الجميع

وعلشان كده عندى اقتراح او فكره اسمها(لحظة تجمعنا)"الميم مشدده"


ومضمونها هو ان يكون فيه وقت محدد لكل المشاركين فى المنتدى يتجمعوا فيه على المنتدى يعنى مثلا يوم الخميس

الساعه 10ونص (ده مثلا)بحيث ان الوقت ده ها يكون الكل مشارك فى المنتدى

والهدف من الفكره هو ان يكون فيه تواصل دائم ومستمر بيننا طول العمر بحيث اننا نفضل متواصلين وفاكرين بعض دايما

الية التنفيذ أو الوسيلة اللى ممكن ننفذ بيها الفكره:
1-تقوم ادارة المنتدى بعرض الفكره على كل المشلركين فى المنتدى ومدى اعجابهم بها وموافقتهم عليها

2-اذا تمت الموافقة عليها يتم عمل استفتاء عام بين المشاركين فى المنتدى على الميعاد المفضل لديهم للتجمع على المنتدى

من خلال عرض من 3-5 اوقات(يعنى مثلا الخميس الساعة 10ونصف بحيث ان الجمعة اجازه أو الجمعة الساعة 5

مساءا وهكذا يعنى المواعيد اللى ممكن تكون الناس عندها وقت فاضى فيها)
3-يتم الاخذ براى الاغلبية فى تحديد الميعاد

4-تقوم ادارة المندى بارسال رسائل خاصة لكل المشاركين فى المنتدى لاعلامهم بالفكره ومضمونها والهدف منها

وابلاغهم بالميعاد
5-تقوم ادارة المنتى بعمل تقييم بعد اول شهر من تنفيذ الفكره للتعرف على مدى الاستفاده منها فى التواصل بين

المشاركين فى المنتدى ومدى اعجابهم بها واية مقترحاتهم عليها

6-تقوم ادارة المنتدى بارسال رسايل تذكيرية للمشاركين فى المنتدى لتذكيرهم بالمنتدى نفسه وفكرة التواصل بيننا وبين

بعض

ودى مجرد فكره اتمنى انها تحوذ اعجابكم ولو فيه اى مقترحات بشانها ممكن نتناقش فيها

تحياتى............
المصرى

ربنا يكرممممممك بجد اقتراح جااااااامد جدااااااااااااااااااااااااا جدااااااااااااااااا

و لازم ننفذه ان شاء الله

بس انا فى رايي حاجة

عشان دلوقتى كنا بننظم للاجتماع الشهرى اللى هيبقى فى الحقيقة مش النت فممكن الناس تتلخبط

فممكن الاجتماع هيبقى يوم السبت ان شاء الله فممكن فيه بقى نقترح الاجتماع الاسبوعى على النت

عشان بس الناس ميحصلهاش لخبطة

الف شكر على التشجيع الحلو ده

بس انا ما كنتش اعرف فكرة الاجتماع الشهرى ده

ربنا يكرمك ويجازيك خير يا مصري على مجهودك الرائع ده
بس انا مش موافق على الفكره دي لأن كده مع الوقت هينحصر دخول الأعضاء في الوقت اللي احنا هنحدده يعني احنا هنقول إننا كلنا نبقى متجمعين يوم الخميس الساعه 10.30 الاعضاء هيدخلوا في الوقت ده وشوية شوية هيبقى ده الوقت الوحيد اللي بيدخلوا فيه وأعتقد إن دخلوهم هيكون مؤثر فقط على مستوى المشاركات ومش على مستوى المواضيع
الخلاصه :
ده عباره عن منتدى الناس بتدخل في الوقت اللي هي عايزاه واللي فاضيه فيه وتشارك وتعمل مواضيع وتفيد بعض ولا يشترط إن كلهم يكونوا موجودين في وقت واحد
كل واحد بيعمل موضوع ممكن اي حد تاني ييجي يشوفه ويشارك فيه ويتواصل معاه بعد كذا يوم ومش لازم في نفس الوقت اللي بيعمل فيه الموضوع
وانا شايف كمان إن الإجتماع اللي هيتعمل في الجامعه هيؤدي نفس الغرض اللي بتهدف إليه الفكره
وبناء عليه انا مش موافق عليها
ومشكور مره تانيه على جهدك

عارف يا مصري


انا من كام ساعة كده


جيبت ورقة وكتبت فيها اسماء الناس اللي ممكن تخلي المنتدي ده وكوميرس عموما حاجة كبيرة في الواقع ومصر



فعلا ما غلطتش لما كتبتك من ضمن الناس اللي ممكن بافكارها ومجهودها تخلي كوميرس حاجة عالية


ربنا يكرمك يا جميل

علي فكرة ، انتي من ضمن الناس المكتوبة والله

السلام عليكم


بصراحة انا شاكر جدا لتفاعلكم ده


اولا لنسبة لرد اخويا محمد مجدى (أخويا طبعا) بس الفكرة هو ان يبقى فيه لقاء على المنتدى لقاء اسبوعى أو شهرى حسب ما احنا نحدده


والفكرة كانت بناءا على اننا كلنا هانكون مشغولين زى ما قلت اللى فى الجيش واللى فى الشغل واللى واللى .....


فمع الانشغال ده عدد مرات الدخول للمنتدى اكيد هاتقل علشان اناس مش هايكون عندها وقت

فهنا اما الفكره دى تتغرس فينا مهما كان حجم التعب اللى احنا فيه او حجم الانشغال هانبقى على

الاقل ملتزمين بميعاد ولو اسبوع ندخل فيه على المنتدى وحتى الناس اللى ما بتدخلش على المنتدى

أما نقابلها مثلا منقول لها ان فيه اجتماع على المنتدى يوم كذا الساعة كذا اكيد الناس دى هاتنشغل

بالموضوع ده وبالتالى ها يواظبوا على الاقل فى الدخول للمنتدى


ومن ناحيه تانية بالنسبة للقاء الشهرى فكرته جميله بس ممكن فيه ناس ما عندهاش وقت انها

تحضره وبالتالى فالتواصل معاها يكون على المنتدى فى اللقاء الاسبوعى اللى ممكن نحدده

أما بالنسبة لمداخلة رئيس المنتدى فربنا يكرمك فكل المشاركين فى المنتدى هم السبب فى تطويره

وان شاء الله فى انهم يخلوه أجمل منتدى

أما نونا فربنا يجازيكى خير (اللى سبق كل ......)
تحياتى .........
المصــــــــــــــــــــــــــــــــــــــــــــــــــــــــــــــرى

[quote="elmasry"]الف شكر على التشجيع الحلو ده

بس انا ما كنتش اعرف فكرة الاجتماع الشهرى ده[quote]

هو موجود هنا يا ريت بجد حضرتك تكون معانا فيه ان شاء الله

https://commerce2009.yoo7.com/montada-f11/topic-t3004-60.htm#79820

----------

محمد مجدي..: هو صح المنتدى فعلا علشان الواحد يشرك فى اى وقت يحب
بس ممكن فاكر لما عملنا موضوع
on line

و كنا بندخل كل يوم تلات نتناقش و ساعتها كا المنتدى مزدهر اكتر و مقلش الدخول على بقيت الاقسام و لا حاجة

ربنا يكرمك يا مصري وانا متفهم قصدك وبحترم وجهة نظرك جدا بس انا وضحت وجهة نظري
وبالنسبه لندى فأنا فاكر الموضوع بتاع المشاركة اون لاين بس هو على حد ما أذكر إنه مكنش كفء غير في اول وتاني مره بس تقريبا
على العموم براحتكم وطالما مقتنعين خلاص توكلوا على الله

هو انا داخله لهدف تانى وبصراحه هو خارج الموضوع بس

انا عايزه اسال العضو المميز صاحب الموضوع

هو حضرتك مش هتكمل حمله التفاؤل ؟؟

السلام عليكم


على فكرة يا فداء انا متابع مساهماتك وبصراحة كلها مساهمات مفيده جدا لان معظمها بيمس واقع

الامة كلها

أما بالنسبة لحملة التفاؤل -فربنا يكرمك انك لسه فاكراها- فان شاء الله مستمرين فيها

فانا بأحاول ان أدخل أفكار جديده فى الحمله بحيث انها تكون مفيده اكتر

بمعنى انها تتعدى حاجز النقل يعنى مش عايزها تقتصرعلى ان انقل من كتاب معين وخلاص، لأ،أنا

عايز أنوع فيها بحيث تجذب كل الاعضاء وتفيدنا وتفيدهم ان شاء الله

فالفترة اللى فاتت طبعا ظروف الامتحانات وكده

لكن ان شاء الله فى القريب العاجل نحضرحاجه حلوه كده تليق بكل المشاركين فى المنتدى

وياريت يكون فيه مشاركة من اعضاء المنتدى

تحياتى
المصرى

ان شاء الله اكيييييييد

و ان شاء الله فى اجتماع يوم السبت يا ريت حضرتك تكون موجود و تعرض فكرة اجتماع الانترنت و نحاول نحدد معاده و كدة ان شاء الله

في انتظارك يا جميل

طب يا جماعه ايه المواعيد الى بتقترحوها عشان نعمل تصويت

ايه رايكم نحط فى التصويت كل ايام الاسبوع و الوقت يكون بعد صلاة العشاء

(عشان يبقى معادنا مش متعارض مع مواعيد صلوات )

ونشوف هنختار يوم ايه

طب اانا حطيت التصويت عشان نلحق نحدد معاد بقى ان شاء الله

انا شايفه احسن وقت للاجتماع يا ندى
هو الخميس بعد العشا ان شاء الله

و انا برضه

me too

this is the thing that i afraid,
members will think that is only the time that we will be at the fourm
and it's wrong nona, we will be always here in the fourm not only at this time this only like reunion but u can enter and participate our activities with us anytime you want
& you will find us isA

معلش انا مش بنفذ موضوع الانجلش فى الساحة دى عشان التواصل يبقى اسهل ..

لا هو اكيد احنا موجودين على طول ..دى مجرد مناقشة لتواصل دفعتنا اكتر و اكتر كل اسبوع ان شاء الله