الاجتماع الاول لدفعتنا ..السبت الساعه 11 ان شاء الله

ندى يا حبيبتى متزعليش ان شاء الله نتجمع كلنا ويكون اجنماع مفيد انا ان شاء الله هكون موجوده لانى حابه اتعرف عليكوا عن قرب ويارب يكون فيه خير للجميع واشوفكوا ان شاء الله على خير هتوحشونى لحد ما اشوفوا باىىىىىىىىىىىى

تتعوض ان شاء الله يا فاطمة



وان شاء الله جاي


بس رجاء اللي معاه رقمي يقرفني من الساعة 9 علشان انا بأرجع البيت عالساعة 4.30 الفجر

ربنا معاكم وتطلعو من الاجتماع ده على خير

تمام الحمد لله

تمام .. تمام .. تمام
الحمد لله إني عرفت أنام لما جيت

لأ بجد .. بجد .. الحبة الأخرانيين دول كانوا عاليين أوي ويارب يتنفذوا إن شاء الله

ربنا يكرم الجميع و يوفقنا الاجتاع الجاي كمان إن شاء الله والعدد يكون أكبر علشان الربع جنيه يجمّع برضه

احكولى عملتو ايه بالله عليكم كل حاجه بالتفصيل ف الاجتماع

حاضر ياموءة
بوصى ياستى احنا عملنا زى اختبار كدة
كل واحد فينا يقول 5 معلومات عن نفسة بس معلومة منهم خطا يعنى مش موجودة فى الانسان دة
والشاطر اللى يعرف اية الغلطة دى
طبعا بقا كانت جميلة جدااااااااااااااا بجد
اولا بتظهر الشخص دة لينا كلنا وفى نفس الوقت بنعرف صفاتة من كلامة عن نفسة وكل واحد قال احلامة ونفسة يكون اية بعد كدة
وبعدين
عملنا زى لعبة وهى
ان صاحب الفكرة هو الاستاذ محمود قال انة معاة مركبة فضائية وعاوز خمس افراد او اشياء معاة
واحنا كنا تقريبا 15 فرد واتقسمنا ل5 مجموعات كل مجموعة منحصرة فى 3 افراد وكل فرديمثل وظيفة والتلات وظائف بينهم تقارب بس وظيفة منهم اهم من ال2 الوظائف التانية والاختيار بيكون بناءا على طريقة العرض بتاعت كل واحد فينا واهمية الوظيفة دى على المركبة الفضائية
يعنى مثلا مجموعة كانت مكونة من ابرة وسكينة ومقشة والمفروض اننا نقنعهم كلهم واحدة من التلاتة تطلع معاهم المركبة
وانا طلعت المقشة تخيلى بقا وقريب هعملها جيتار
يلا حسن الختام
بس بجد استفادنا جداااااااااا من كلام بعض وكنا بنمى مهارات العرض عندنا حتى لو خسرنا زيى كدة بس التعليم مش ببلاش لازم نجرب ونفشل ونحاول تانى لحد ماننجح
بجد انا نفسى نتواصل ديما ونتعلم من خبرات بعض ديما ونبقى احلى دفعة ادارة اعمال جت فى تجارة القاهرة ودى حلمى اللى نفسة اشوفة فى دفعتنا
واتمنى المرة الجية يكون العدد اكبر ونكون اتعلمنا اكتر
وعلى فكرة ياموءة دة شرح بسيط للاجتماع

me tooooooo

my sweet mo2aty

يا خساره والله ما كنت اعرف
لو كنت اعرف كنت جيت اكييييييييييييييييد بأذن الله
بس ان شاء الله المره الجايه اكون معاكم
وفكره بجد جميله منك يا ندى

اه صحيح هى مش بتدخل ليه؟؟
لعل المانع خيييير

هو ده موضوع شات

؟؟؟؟؟؟؟؟؟؟؟؟

لا بجد انا حاسس انه موضوع على الناصية

لو هو انا ممكن اسحب كرسى واجى اقعد معاكو

لا ازاى دة انا مقيمة دائما

و حمد الله على سلامة حضرتك ..بجد انا مبسوطة انك رجعت تشارك

انا بس معلش و الله متلخبطة فى اجراءات السفر كالعادة (شهرين بس ان شاء الله) و حاجات تانية كتير فمش بعرف اشارك كتير اوى لكن دايما فاتحة المنتدى الحمد لله

و فكرة الاجتماع بتاعت ترافيلر اصلا و الله يا جماعه ..انا كدة ضميري هيانبنى

الحقيقة انتوا الاتنين لازم نشكركم



محمد ممدوح .. للمجهود الكبير اللي عمله لتنظيم اليوم (بغض النظر اني كنت متلخبط بين احمد عز الممثل واحمد عز المستثمر )



ندى .. للدعاية قبل الاجتماع



وطبعا كل الناس اللي حضرت

سلاموا عليكم ورحمه الله ازيكوا يا جماعه وحشتونى جدا كل اللى على المنتدى بجد واسفه ان مشارركتى جت متاخره بس والله كان عندى ظروف ومكنتش اقدر افتح النت المهم الاجتماع كان ممتاز بجد كان مفيد جدا وكل اللى حضروا شخصيات جميله ربنا يكرمكوا يارب اد ايه انتوا ناس محترمين جدا وما شاء الله واضح ان الجميع وبلا استثناء شخصيات مميزه جدا وردودهم مختلفه حقيقى انا استفدت بشكل كبير وتعلمت حاجات مفيده انا بشكركم جدا وان شاء الله الاجتماع الجايه نستفيد اكتر يارب ينفعنا ببعض وينفع بينا امتنا اللهم استعملنا ولا تستبدلنا شكرا للجميع على كل حاجه وانا مبسوطه انى عرفتكوا كلكم خاصه ندى ويسرا وايمان وسمر والشباب كلكم كنتوا هايلين يارب على طول فى تقدم ان شاء الله وبجد يا شاديه انا متشكره جدا على انك خلتينى اعرف الناس الجميله دى ويارب نفضل على طول متواصلين

منورة يا حبيبتى حمد الله على سلامتك..انا كمان مبسوطة انى اتعرفت عليكي يا حبيبتى

شكرا يا ندى ويارب دايما كده منوره المنتدى

كلامك ده وسام نضعه علي صدورنا



ربنا يكرمك وما تغيبيش عننا تاني

ربنا يخليكى يافاطمة ياااااااااارب
وكنا مفتقدينك عالمنتدى وان شاء الله خير ديما
ونشوفك ان شاء الله فى الاجتماع الجاى
وانا سعيدة بمعرفتى بيكى جدااا