تعبت

زهقت

حاسة ان مفيش اى حاجة حلوة

و الدنيا مليانة مشاكل و حاجات صعبة

ازيك يا جميل

بصي انا عايزة اقولك حاجة
بجد و الله يا حبيبتى الدنيا ربنا جعلنا فيها نقدر نسعد نفسنا بنفسنا و نخليها احلى حياه و نقدر نعيش فى حزن و كئابة

مش هقولك انا على طول مبسوطة و مبتسمة و متفائلة

كلللل انسان بتجيله فترات حزن و تعب و ضيق و بتوصل بيه للاسف لانه يبقى مش
متفائل و شايف ان مفيش فايدة فى اى حاجة و يستسلم للحزن و الحالة الكئيبة
دى

بس بجد يوم ما تبقى فى الحالة دى و تتغلبي على نفسك باستعانتك بالله
سبحانه و تعالى بجد بتعرفى انك انتى السبب فى الحزن دة و ان كان باديكي
تبعديه عنك لكن فضلتى حاطة نفسك فيه

و الله كتير بعد ما اهدى و اروق اقول انا ايه اللى خلانى فى الحالة دى
..ليه استسلمت للياس ..بجد انا اللى بحط نفسي فى الحالة البايخة دى

لو الواحد افتكر ربنا دايما ..افتكر ان ربنا معاه و انه كريم و لطيف و وودود و بيكتب لنا الخير دايما

لو افتكرنا الجنة و نعيمها اللى هناخده فى مقابل شوية التعب اللى بنمر بيه

لو افتكرنا ان الدنيا دى مرحلة و هتعدى و المهم هو اخرتنا

بجد هنحس ان الدنيا صغيرة اوى و متستاهلش اصلا نزعل و لا نتضايق ..و لما
نتعب او نقابل اى شقاء فى الدنيا ..بدل ما نعيط ..نروح نضحك و نقول
ياااااه زمانى بقى عندى قصر فى الجنة جديد فى مقابل المحنة دى

و نفرح و نحمد ربنا

انا مش بقول انى بعمل كدة دايما ..و بقول الكلام دة لنفسي قبل ما اقولهولك
..احنا فعلا كلنا بنزعل و نتضايق كتير ..و حتى شوفى الصورة اللى انا
حاطاها كئيبة ازاى

بس المهم اننا كل ما نقابل الحزن ..نقف قصاده و نحاول نتغلب عليه و نتوكل
على الله و نستعين بيه و هنلاقى الحزن بعد و مشى خااااااالص و جت بداله سعادة


و حاولى تشوفى الحلو اللى فى الدنيا

غمضى عينك عن الوحش و شوفيه حاجة حلوة
و دورى على الحلو و شوفيه بكل وضوح

اصحى الفجرية و صلى و حسى اد ايه انتى عملتى حاجة جميلة و صليتى و اتكلمتى مع ربنـــــــــــا
و بصى من الشباك على السما الصبحيه و اسمعى العصافير و صوتها الجميل
و شكلك بتخشى على النت
ادخلى على مواقع كتير تفيدك دينيا و ثقافيا و علميا و كمان تدخلى على كوميرس هتلاقى كل دة ان شاء الله
بصي للدنيا بعيون جميلة

شوفى الحاجات الحلوة الكتيير و نعم ربنا اللى لا تعد و لا تحصى

و الحاجات الوحشة بصيلها و شوفيها و قررى انك تغيريها او على الاقل تتجنبيها و بصى للشىء الحلو اللى فيها

يعني مثلا لو الدنيا حر ..قولى بس كويس اديني مش بموت من البرد زى بلاد تانية و لا حتى بنبقى هنولع من الحر زى بلاد تانية
و الميا فى مصر كتير الحمد لله و افتحى المروحة و كله هيبقى تمام

و كذا

كل حاجة وحشةة خليها بحلاوتك انتى حلوة

و ادعي ربنا دايما و يوم ما تقفل خالص معاكى افتكرى ان الدنيا مجرد مرحلة و افتكرى الجنة اللى هتدخليها لو صبرتى ان شاء الله

بس مش معنى كدة نعيش شايفين الدنيا وحشة و نقول معلش هنستحمل و لينا الجنة

لا احنا هنشتغل و نحلى الدنيا و نعمررررررها و هنخليها فى احلى صورة ..بس المهم نخليها فى اينا مش فى قلوبنا

هنخليها حلوة و نعيش سعداء فيها عشان عارفين اننا و احنا بنعمرها بنعمها لوجه الله و شان نوصل للجنه ان شاء الله


و بقولك ايه

خدى اسمعى الفيديو دة و ركزى فى كل كلمه فيه و الله بحس ان كل كلمة ليها معانى حلوة اوى فيه ان شاء الله هتحسي بعده انك مبسوطة و كل ما تزعلى افتكرى تمشى فى الطريق الصح و هتلاقى على طوووول السعادة

[ندعوك للتسجيل في المنتدى أو التعريف بنفسك لمعاينة هذا الرابط]

ربنا يكرمك يا ندى احسنت الرد وكلملك رايحنى لانى بمر تقريبا بمر بحاجة مشابهة

ربنا يحفظك يا شوشو يا حبيبتى و يحفظنا جميعا من الحزن و الكئابة ..

اللهم انا نعوذ بك من الهم و الحزن و العجز و الكسل و الجبن و البخل و غلبة الدين و قهر الرجال

و فى حديث جمييل اوى يا رب كلنا نفتكره


من بات آمناً في سربه معافى في بدنه، عنده قوت يومه، فكأنما حيزت له الدنيا بحذافيرها



الحمد لله اغلبنا عنده التلاته

يعني معانا الدنيا بحذافيرها ..نحزن و نزعل ليه بقى

نبص لنعم ربنا علينا

و نشوف الناس اللى ربنا ابتلاهم بمصايب كبيرة و نحمد ربنا انه نجانا


اللى قاعد هنا اكيد واكل و شارب و عايش فى امان و ترفيه لدرجة انه دخل على النت

فلازم نفرح و نتبسط ان ربنا انعم علينا بكل دة


يا ريت لو حد صاحي يدعي ربنا دلوقتى فى الثلث الاخير من الليل و يستغفر ربنا و يبقى من المستغفرين بالاسحار و يا سلااااااام لو ركعتين دلوقتى

هيبقى مفيش حد فرحان زينا

ربنا يرضى عننا كلنا و يهدينا و يسعدنا و يرزقنا الااخلااااص

سلاااام علييكم و رحمة الله و بركاته

هيا ندى كالعاده قامت بالواجب ,,

مممممممم بس هقولك حاجه تأكدى بنسبه مليون الميه ان ربنا ماخلقناش فى الارض عشان يعذبنا
هيا بس بتبقى مجموعه ابتلائات كده والشاطر بقى الى يقول الحمد لله ويصبر

وان بعد العسر يسرا ان شاء الله اصبرى بس

بص بق يا مشكلتى لو اتكلمنا عن الحزن هانلاقى ان مفيش انسان مكنش جواه فى اى فتره حزن فيه ناس بتستسلم ليه زى انا مثلا بس ف الاخر هاتحس انك ضيعت من وقتك كتير اوى ع الفاضى كان ممكن تستفيد منها ف حاجه احسن وعلى فكره ف ايديك تغير حزنك ده بقربك لربنا اناباذن الله اخدت خطوه انى ارمى كل الحزن ورايا لان بجد تعبت من الحزن ده وكمان مش جايب نتيجه فى بقى ناس تانيه دايما حزنهم بيعلمهم يكونوا احسن وانا نفسى تكون من دول عارف كل اللى جواك ده جوايا بس تيجى انا وانت ندى لنفسنا الحق نعيش بقى من غير حزن زى بعض الناس نرمى مشكلنا ورانا كده ناخد خطوه قدام صدقنى كل حاجه وحشه فيها جانب حلو اوى هى اصلا حلوه بس احنا مش مدين نفسنا فرصه شوفها حلوه يلا بسرعه خد خطوه قادم يلا كده ارمى الحزن وراك وافتكر دايما انا ربنا كبير اوى وكريم اوى [size=24][/size لا تقل ياربى ان همى كبير ولكن قل ياهم ان ربى كبيركمان افتكر انك انك بتضيع نفسك و وقتك ف الحزن ع الفاضى ربنا معاك يفرج كربك ويكون حسبك يكرمك الهى انت تعلم كيف حالى فهل يا سيدى فرج قريب باذن الله قريب اوى وربنا يسعدك ويخفف عنك ويسترها معاك

الحزن يأتي من الملل والملل يأتي من قلة العمل

أرجو ان أكون قد أبلغت في كلامي وبلغّته وبلغت المراد

ليس شرط ان يكون الملل اساس الحزن

الحزن نابع من القلب

علشان كده لازم نرجع لمثبت القلوب

الله سبحانه وتعالى

هو مالكى هو سيدى هو خالقى هو الهى هو الــلــه