كفاية ..كفاية ..ارجوكوا ارجوكوا كفاية

السلام عليكم و رحمة الله وببركاته

اخواتى الاعزاء

ازيكوا عاملين ايه

اي اخبار نظاراتكوا السودا..كويسة اكيد و شغاله كويس اوى

بس ارجوكوا ارجوكوا ..فى نظارة لونها وردى اهه تانية جنبكوا ..ممكن تشيلوا السودا شوية و تلبسوها

ولا لا ..بلاش الوردى ..مش لازم نحلي الحاجة

شيلوا اى نظارة ..او لو نظركم ضعيف ..البسو النظارة الطبية الشفافة


بصوا للدنيا كويس..

هااا


مش حاسين ان فى حاجات كتير ماكنتوش شايفينها لما كنتوا مستخدمين السودا بس ؟؟؟؟؟؟؟

------------------------


دى طبعا مجرد تشبيهات

مش بقول مش هنشوف الواقع و هنغمض عنيننا

لكن زى ما بنشوف الواقع المؤلم و الحوادث الصعبة و الكوارث و المصايب و الخناقات و و و

ممكن كمان نشوف الخير و حب الناس لبعض و مساعدتهم لبعض و الانجازات اللى بتحصل و التطورات اللى بتحصل

بجد كل ما افتح موضوع او حتى اشوف ردود الاقيها ملييييييئة بالتشاؤم او بمصادر اكيد اكيد بتولد تشاؤم او غم او نكد


صح لازم نشوف دة

بس هنبقى ظالمين لو مش زى ما بنشوف الوحش شفنا الحلو الكتيييييييير

ليه جيلنا بقى متشائم كدة..مع ان كلنا عارفين ان التشاؤم = الفشل

و عارفين انا لازم منياسش و نتفائل

(..ولا تيأسوا من روح الله إنه لا ييأس من روح الله إلا القوم الكافرون ) سورة يوسف

---------------------

ارجوكم من فضلكم

كفاية حاجات النكد دى شوية بقى

هدنه كدة ..من فضلكم ارجوووكم

دة احنا داخلين على نتيجة و مش ناقصين توتر

و فى بداية حياه جديدة محتاجين معاها الامل

الامل هييجي لما نشوف الدنيا صح

نشوف الخيييير و نشوف الشر
نشوف الجميل و القبيح
نشوف الفرص و نشوف التهديدات


لازم نشوف كل حاجة صح
عشان نفرح و نتفائل و نحمد ربنا على الحاجات الحلوة الكتييييييييييييييييييييرة
و نشوف الوحش و نحاول نصلحه و نحمد ربنا انه وضع قدامنا الحاجات دى عشان نتعلم منها


لكن حتى الحاجات اللى مش جميلة نشوفهها بنظرة حلوة..نظرة ايجابية ..نظرة تغيير

مش نظرة ياس و استسلام و حزن


ارجوكم تفاااااااااااااااااااااااااااااااائلوا ..فرحونا ..ادخلوا البسمة على وجوهنا

البسمة مش بس بالنكت و المواضيع الخفيفة و اللعب


البسمة بتيجي بانك تعلم حد حاجة جديدة

تفيد حد بمعلومات جميلة جديدة

تورى حد اد ايه ربنا رزقنا بخييير كتييير


مش لازم كلامنا يبقى هايف او جد بس نكد

فى حاجات كتيرة جد بس حلوة و جميلة و مفيدة


يا ريت نساعد بعض و نرفع من روح بعض المعنوية و كل واحد قبل ما يقول حاجة يحاول ينوى نية لله انه هيسعد او يفيد بيها غيره

و فى النهايه..معلش طولت كعادتى ..بس بقولكم

ارجوكم ارجوكم كفاية ..تشاؤم و نكد

كلنا فينا اللى مكفينا يعني زى ما بيقولوا

و مش ناقصين نتنكد اكتر

و دى مجرد وجهة نظر ..اتمنى متزعلكوش ..بس ما هى دى هموم الشباب و انا همي اللى بشتكى منه هو كئابة اللى حواليا


خليكوا حلوين كدة و فرحونا شوية

ادخلوا السرور على مسلم ..بدل النكد بتاع كل يوم دة

و انا مبحبش اللعب و النكت بس عايزة افرح ممكن تفرحونى


شكرااااااااااا

والسلاااام عليييييييكم و رحمة الله و بركاته

ربنا بيقول:انا عند ظن عبدي بي.يبقي مينفعش ان المسلم يتشاءم ويظن خير ويتأكد ان ربنا هيكرمه.جايز يتعب شويه في الأول بس ده اختبار ليه عشا عشان هولاذم يحمد ربه في كل الاحوال ولازم الكل يتأكد ان اسعد الناس مروا بأيام صعبه اوي ولازم تبقي عارف ان ربنا عالم الغيب وعايزلك الخير انا عايز اكتب كتير بس الكتابه ع التليفون ممله
وربنا يكرمك يا ندي موضوع بجد ربنا يجاذيكي عنه بكل حرف حسنه والله يضاعف لمن يشاء

ربنا يكرمك و يجازيك كللللللللللل خير و شكرا اوى على مشاركتك المتفائلة دى

فرحنى اوى كلامها ..ربنا يكرمك

اسم الموضوع خضني بصراحه
بس للدرجه دي إنتي بتتعبي من الناس اللي حوليكي وللدرجه دي بيأثروا فيكي
الجمله دي أثرت فيا بجد :
بس ما هى دى هموم الشباب و انا همي اللى بشتكى منه هو كئابة اللى حواليا

على العموم متقلقيش طالما عايزه تفاؤل فلكي ما اردتي بس هو كل الموضوع لو هتكلم عن نفسي فأنا مشاركاتي في المنتدى بتتأثر كتير أوي بحالتي النفسيه والظروف اللي حوليا وانا في الفتره الأخيره يمكن مكنتش زي الأول عشان في ظروف كده بعيشها
دعواتكم هحتاجها الفتره اللي جايه
وهنزلكم صوره بتخليني أتفائل ونزلتها قبل كده ع المنتدى بس ننزلها تاني عشان اللي مشفهاش

الهم والحزن من مشاكل الدنيا

لكن الحب والخير من صفات القلب المؤمن

يبقى اكيد كلنا بنحب فى الله وبنعمل خير

وده كله لفرحة القلب واسعاد الذات

ولازم نعرف ان ده كله كلام

والمهم اللى موجود فى القلب

يعنى ممكن ناس تفتكر انى مش متفائل وكئيب

لكن اللى يعرفنى يعلم عكس كده وانى من الناس اللى بتحب الدنيا وبحب الضحك

يبقى مش نحكم على الناس على اساس الكلام

لازم نحاول ندخل جواهم ونحس اللى هما بيحبوه

اقتباس :

[quote="Mohamed Magdy"]اسم الموضوع خضني بصراحه
بس للدرجه دي إنتي بتتعبي من الناس اللي حوليكي وللدرجه دي بيأثروا فيكي

اه طبعا ..الانسان كائن اجتماعى و لازم يتاثر باللى حواليه

لما يكونوا مبسوطين بيتبسط معاهم و لما يكتئبوا بيكتئب معاهم

فليه منبقاش كلنا مبسوطين كدة و نبسط بعضينا

اقتباس :

الجمله دي أثرت فيا بجد :
بس ما هى دى هموم الشباب و انا همي اللى بشتكى منه هو كئابة اللى حواليا [ندعوك للتسجيل في المنتدى أو التعريف بنفسك لمعاينة هذه الصورة]

على العموم متقلقيش طالما عايزه تفاؤل فلكي ما اردتي بس هو كل الموضوع لو هتكلم عن نفسي فأنا مشاركاتي في المنتدى بتتأثر كتير أوي بحالتي النفسيه والظروف اللي حوليا وانا في الفتره الأخيره يمكن مكنتش زي الأول عشان في ظروف كده بعيشها
دعواتكم هحتاجها الفتره اللي جايه [ندعوك للتسجيل في المنتدى أو التعريف بنفسك لمعاينة هذه الصورة]

ربنا معاك و يوفقك و يفتح عليك و ييسرلك كل امورك و يباركلك فى كل مجهودك و يكتبلك كلللل خير و يفرحك دنيا و اخرة

اقتباس :

وهنزلكم صوره بتخليني أتفائل ونزلتها قبل كده ع المنتدى بس ننزلها تاني عشان اللي مشفهاش]

ربنا يكرمـــــك..شكرا مقدما

ووالله حاجة زى حمله الانجلش كانت مفرحانى اوى عشان حسيت ان فى فكرة اتحطت و اتنفذت و استفادنا
بجد ربنا يكرمك عليها

Professor كتب:

الهم والحزن من مشاكل الدنيا

لكن الحب والخير من صفات القلب المؤمن

يبقى اكيد كلنا بنحب فى الله وبنعمل خير

وده كله لفرحة القلب واسعاد الذات

ولازم نعرف ان ده كله كلام

والمهم اللى موجود فى القلب

يعنى ممكن ناس تفتكر انى مش متفائل وكئيب

لكن اللى يعرفنى يعلم عكس كده وانى من الناس اللى بتحب الدنيا وبحب الضحك

يبقى مش نحكم على الناس على اساس الكلام

لازم نحاول ندخل جواهم ونحس اللى هما بيحبوه

فعلا عندك حق لازم نحاول نعرف الناس كويس

بس الحكاية انا مقصدش ان المنتدى اعضاءه كئيبين ..انتوا من اكتر الناس الكويسة فى الدنيا اصلا
انا اهلى هما قرايبي + الكوميرساويين

انتوا اصلا احسن ناس

بس الفكرة انى بحس ان كل كلامنا دلوقتى فى حاجات تجيب كئابة
و احنا اصلا فى مرحلة انتقاليه فى حياتنا
محتاجين فيها لكل ما يبث الامل و الحماسة

فقصدى نبص للدنيا بعين حلوة شوية كدة عشان نقدر نعدى المرحله دى على خير و ننتقل من راستنا لاحسن شغل نعمر و ننهض ببلدنا بيه ان شاء الله

وشكرا اوى .. ربنا يوفقك وو يكرمك ويباركلك و يكتبلك كل خير دايما

سلاااااااااام علييييكم و رحمة الله و بركاته

أحياناً الأحداث اللي بتحصل بتاثر في التفاؤل والتشاؤم


يعني مثلاً أنا عمري مانسى الناس في يوم مصر وإيطاليا كانت كلها فرحانة ومبسطوة كأن مافيش مشاكل خالص

أياً كان برده لازم نقوي جوانا التفاؤل زي ما قال النبي ( عليه الصلاوة والسلام ) : ( تفائلوا بالخير تجدوه ) .. وتكون عندنا صفة من صفات مجموعة الناس اللي هتدخل الجنة بدون حساب لا يتطيرون


اللهم صلى وسلم وبارك على سيدنا محمد

فعلا عندك حق ..و فعلا المثال اللى انت قلته جامد جدا..

ربنا يجعلنا من المتفائلين و الفرحانين و اللى ماشيين يسعدوا الناس

بصوا بقى انا موضوع التفائل ده كان عاملى مشكلة كبيرة لحد ما كونت زى يقين ان ربنا ديما بيجبلى الاحسن يعنى مثلا انا كنت هشتري كومبيوتر اكيد اللى معانا فى الدفعة عارفينة ساعة العرض بتاع المحمدى الاسود الصغير ده تانى يوم باظ و انا زعلت اوى اوى بس اتأخر فى التوكيل اسبوعين انا كنت رايح اتخانق فوجئت انهم جابولى واحد بداله كإعتذار عن التاخير ده الجهاز اللى انا كنت بتمنى اجيبة و مجبتوش عشان غالى ف ديما ربنا بيجيب لنا الاحسن كمان فى موقف حصل ليا من ايام حلم و امنيه كانت عندى و كنت اتمنى تحقيقة بس يعنى مفيش نصيب فيه روحت يومها كالعاده منهار و مش طايق نفسى بس مجرد ما جمعت نفسى تانى عرفت ان ربنا مش بيجيب لنا غير الافضل لينا و لغيرنا حاول انك تؤمن بده على اد ما تقدر و نقطة كمان متخليش فى نفسك حاجة اى كلام و اى حاجة تخص اى حد قولهالوا على طول او على الاقل احكى لصاحبك الانتيم اخرج من المود الوحش عيش و اعرف انك عيشت او لا ف الحياة مش بتستنى حد ف عشها على اد ما تقدر مع ربنا و استمتع بكل لحظة "عيش احلى ما فى اللحظة ,فودافون" حاجة بسيطة كمان اتعلمى شوية انك تحبى نفسك تدلعيها عيشى معاها شوية خليها تعمل اللى هيا عاوزاه و شجعيها على ده و اوعى تخافى من حاجة او شخص او ردة فعل عيشى حياتك اقوى من اقوى احلامك شراسة و قوة و فكرى ديما فى حاجة واحدة انا اللى بعمله ده ضدد دينى او ربى او رسولى اذا كان لا يبقى متخليش فى نفسك حاجة
انا عمرى ما كان نفسى فى حاجة و ماعملتهاش
دا انا مرة كنت فى الغردقة و رحت رحلة غطس و انا اصلا مش بعرف اعوم كلمت الكابتن قولت له انا ممكن اموت و محدش يلحقنى قال لا لبست و نطيت فى الميه عادى خالص اينعم كنت هموت بس الصراحة عشت احساس وهمى عمرى ما عشت زيه وتانى يوم طلعت سفارى فى الصحرا عادى طالما نفسى فى حاجة ليه لا انتى دلوقتى فى اجمل مراحل حياتك ممكن شوية و الجواز او الشغل و شويتين و العيال و كممان شويات و المدارس و الحضانة و الواد سخن و كمادات و ما الى ذلك و الاكل بقى و المطبخ و الغسل و التنضيف الخ الخ فا now or never
اسف على الاطالة
عيشيها زى ما شفتيها فى احلامك

ربنا يكرمك على المشاركة الجاااااااااااااامدة دى

و ربنا يزيدك تفاؤل و تفكير سليم دايما كدة

فعلا اكيد كل حاجة بتكون هى الخير لينا بس احنا مش بناخد بالنا و مش بنعرف فى وقتها فبنزعل



و هو انا و الله الحمد لله متفائلة ..أنا بس حسيت ان حواليا كتير اس باصة بنظرة مكتئبة شوية ..فحبيت اقولهم كفاية بقى هتعدونى
و اصلا انا زعلانه انى اشوفههم زعلانين و مكتئبين لان الكئابة عمرها ما هتجيب نجاح

علشان ننجح لازم يبقى عندنا امل

زى شعار كوميرس كدة

تعاون +امل+ عمل = نجاح

ربنا يكرمنا دايما كلنا و يفرحنا و يرزقنا التفاؤل على طول

القضاء عالفراغ


وان أعيش الحياة علي انها تجارب يجب أن اخوضها



كل ده يقتل اي تشاؤم

بكرة او بعده هأجيبلك حاجات جديدة


بس معلش دلوقتي مضغوط شوية


بس كده ، من عنيا

[ندعوك للتسجيل في المنتدى أو التعريف بنفسك لمعاينة هذه الصورة]

ربنا يكرمكم

ويكرمك


ومش ناسيكي يا سنو


ما تقلقيش

سبحان اللــــــــــــــــــــــــــــــــــــــــه
بجد جميله اوى اوى اوى
تسلم ايدك

والددنيا بجد حلوه بس احنا اللى بنوحشها
ومش عارفين ان كل حاجه بتحصل بيكون لينا خير فيها
احنا محظوظين اننا مسلمين وكمان مصريين
لازم نحند ربنا على كده ونثق ان الخير لسه جاى لينا

ربنا معاكي يا نونا وإن شاء الله تجيبي تقدير عالي وتبقي بشرة خير لكل اللي في المنتدى من سنه رابعة ومتتعبيش أعصابك من بدري كده وإن شاء الله طالما إجتهدتي ربنا يوفقك
وحمدا لله على السلامة رجوعك من تاني

حلوه أصلا أصلا دي
بس صدقيني كان في الفتره الأخيره في أعضاء كتير مش بتدخل نظرا لظروف عندهم وكنا مفتقدينهم كلهم حتى أدخلي على موضوع مفتقد مين من الأعضاء هتلاقي ندى زعلانه وبتقول إنها مفتقده المنتدى كله ... شفتي بقى
وبعدين ايه وقوع البلا دي
يا أستاذه ده الموضوع اسمه أرجوكوا كفايه وندى عايزانا نكون متفائلين
تفـــــــــــــــــــــــــــــــــــــائلي خيرا إن شاء الله
لــــــــــــــكل مجتهد نصيب

soory i forget
it's sunday
(In English In Amkan)